ⵕⵕⴱⴰⵟ - ⵉⵙⵏⵓⴱⴳ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵙⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵙⵙ ⵏ ⵓⵢⵏⴰⵙ ⴳ ⵕⵕⴱⴰⵟ, ⴰⵎⴰⵡⵙⴰⵙ ⴰⴳⴰⵎⴱⵉ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ, ⵎⴰⵎⴰⴷⵓ ⵟⴰⵏⴳⴰⵕⴰ, ⵍⵍⵉ ⵢⵉⵡⵉⵏ ⵢⴰⵜ ⵜⴱⵔⴰⵜ ⵙⴳ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴳⴰⵎⴱⵢⴰ, ⴰⴷⴰⵎ ⴱⴰⵕⵓ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.

ⵕⵕⴱⴰⵟ - ⵔⴰⴷ ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ (10 ⵕⵎⴹⴰⵏ) ⵢⴰⵏ ⵓⵙⵇⵇⵉⵎ ⵏ ⵜⵏⴱⴰⴹⵜ , ⵍⵍⵉ ⵔⴰⴷ ⴰⴷ ⵉⴹⴼⴰⵕ ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ ⵢⴰⵏ ⵓⴼⵙⴰⵔ ⵏ ⵓⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵎⴰⵡⵙⴰⵙ ⵏ ⵓⴳⵏⵙⵓ ⵅⴼ ⴰⴷⴷⴰⴷ ⵏ ⵙⵙⵣⵕⴼ ⴷ ⵜⴰⵎⴰⵖⵓⵏⵜ ⵏ ⵜⵉⴹⴰⴼ ⴳ ⵓⵙⵡⵉⵔ ⵏ ⵡⴰⴽⴰⵍ ⴰⵏⴰⵎⵓⵔ.

ⵟⴰⵏⵊⴰ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⵉⴹ ⵍⵍⵉ ⵏ ⵓⵙⴰⵎⴰⵙ ⴳ ⵟⴰⵏⵊⴰ, ⵎⴰⵙ ⵜⴰⵎⴰⵖⵓⵏⵜ ⵏ ⵜⴽⵍⵉ ⵏ ⵜⵡⵓⵔⵉ ⵏ ⵜⵏⴱⴰⴹⵜ, ⵍⵍⵉ ⵔⴰⴷ ⵜⵜⵓⵙⵎⵏⴰⴷⵏ ⵉⴼⵔⵓⵔⵉⵏ ⵏⵏⵙ ⴷⴰⵜ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⴳ ⴰⵙⵙ ⵏ ⵓⵢⵏⴰⵙ, "ⵜⴼⵓⵍⴽⵉ" ⴷ "ⵜⴷⴷⵓⵔ".

ⵕⵕⴱⴰⵟ - ⵉⵙⴷⴷⵉⴷ ⵎⵚⵟⴰⴼⴰ ⵍⵅⵍⴼⵉ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵉⵎⵢⴰⵙⵙⴰⵏ ⴷ ⵍⴱⵕⵍⴰⵎⴰⵏ ⴷ ⵡⴰⵎⵓⵏ ⵓⵖⵔⵉⵎ ⴰⵎⵙⵙⴰⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⵎⴰⵙ ⵜⵖⵜⴰⵙⵜ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⴹⴼⴰⵕⵏ ⵉ ⵜⵎⵜⵜⴰ ⵉⵎⴰⵏⵏ ⵅⴼ ⵚⵚⵃⵕⴰ ⵜⵎⵖⵔⴰⴱⵉⵜ ⵜⵙⵙⴽⵔⴽⵙ ⴰⵡⴰⵍ ⵓⵔ ⵉⵖⵥⴰⵏⵏ ⵅⴼ ⵜⵎⵙⵜⴳⴳⴰⵔⵜ ⵏ "ⵍⴱⵓⵍⵉⵥⴰⵕⵢⵓ" ⴳ ⵜⵙⴳⴰ ⵏ ⵍⵇⴱⵍⵜ ⵏ ⵓⴳⴰⴷⵉⵔ ⵏ ⵜⵏⴼⵔⵓⵜ ⴷ ⵉⵎⵍⴰ ⵜⵉⵕⵥⵉ ⵏ ⵓⴳⵔⴰⵡ ⴰⵎⵏⴳⵉⵔⵉ ⴳ ⵜⵙⴳⴰ ⵢⴰⴷ.

ⵕⵕⴱⴰⵟ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⵎⴰⵙ ⴰⴽⴽⵯ ⵜⵎⵏⴰⴹⵉⵏ ⴳⴰⵏⵜ ⵜⵉⵎⵙⵜⴳⴳⴰⵔⵉⵏ ⴳ ⵉⵎⵓⵙⵙⵓⵏ ⵏ ⵜⵉⴹⴰⴼ ⵏ ⵉⴳⵉⴷⴰⵣ ⴷ ⵉⵜⵉⴳⵏ ⴳ ⵡⴰⵢⵢⵓⵔ ⵏ ⵕⵎⴹⴰⵏ ⴰⵎⴱⴰⵕⴽⵉ.

ⵕⵕⴱⴰⵟ - ⵔⴰⴷ ⵉⵎⵓⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵎⵛⵛⵉⵡⵕⵏ, ⴰⵙⵙ ⵏ ⵓⵢⵏⴰⵙ ⴰⴷ ⵢⵓⵛⴽⴰⵏ, ⴳ ⵢⴰⵜ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⵉⵛⵛⴰⵔⵏ ⵍⵍⵉⵖ ⵔⴰⴷ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⵜⴰⵎⴰⵖⵓⵏⵜ ⵏ ⵜⴽⵍⵉ ⵏ ⵜⵡⵓⵔⵉ ⵏ ⵜⵏⴱⴰⴹⵜ.