ⵉⵏⵏⴰ ⵓⵎⴰⵡⵙⴰⵙⵏ ⵏⵓⴳⵏⵙ ⵏ ⴽⴰⵜⴰⵍⴰⵏⵢⴰ ⵊⵡⴰⵊⵉⵎ ⴼⵓⵔⵏ ⵎⴰⵙ ⵎⵎⵓⵜⵏ 13 ⵏ ⵎⵉⴷⵏ ⴷ ⵜⵜⵓⴳⵙⵏ 50 ⵢⴹⵏ ⴳ ⵜⴰⵙⵉⵖⵜ ⵍⵍⵉ ⵉⵊⵔⴰⵏ ⴳ ⴱⴰⵔⵛⴰⵍⵓⵏⴰ ⴰⵙⵙ ⵏ ⵓⴽⵡⴰⵙ.

ⵉⵜⵜⵓⵙⵜⴰⵢ ⵓⵏⴰⵎⵎⴰⵙ ⵉⵎⴰⵏⵡⵉⵍ ⵎⴰⴽⵔⵓⵏ, ⴰⵏⵙⵙⵉⵅⴼ ⵏ ⵓⵎⵓⵙⵙⵓ “ⵙⵔ ⴷⴰⵜ” ⴰⵙⵙ ⵏ ⵓⵙⴰⵎⴰⵙ, ⴰⵏⵙⵙⵉⵅⴼ, ⴼⵕⴰⵏⵙⴰ ⴷⴼⴼⵉⵔ ⵎⴰⴷ ⵢⵓⵡⵉ 66,10% ⵏ ⵉⵙⵜⴰⵢⵏ ⵜⴰⵡⵉⴷ ⵜⵎⵃⵉⵣⵡⵔⵜ ⵏⵏⵙ ⵉⵍⵍⴰⵏ ⴳ ⵉⴼⴼⵓⵙ ⵎⴰⵔⵉⵏ ⵍⵓⴱⴱⵉⵏ 33,9% ⵏ ⵉⵙⵜⴰⵢⵏ, ⵙ ⵓⵏⵏⴰ ⴷ ⵢⵓⵛⴽⴰⵏ ⴳ ⵜⵢⴰⴼⵓⵜⵉⵏ ⵜⵉⵎⴳⴳⵯⵓⵔⴰ ⵍⵍⵉ ⵜⵏⵏⴰ ⵜⵎⴰⵡⵙⴰⵙⵜ ⵏ ⵓⴳⵏⵙⵓ ⵏ ⴼⵕⵏⵙⴰ ⴰⵙⵙ ⵏ ⵓⵢⵏⴰⵙ.

ⵅⵜⵉⴷ ⴰⴷ ⵉⴳⴰⵏ ⵜⵉⵢⴰⴼⵓⵜⵉⵏ ⴳⵔⴰⵏⵉⵏ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵉⵙⵜⴰⵢⵏ ⵏ ⵜⵏⵙⵙⵉⵅⴼⵜ ⵏ ⴼⵕⴰⵏⵚⴰ ⵍⵍⵉ ⵜⵎⵍⴰ ⵜⵎⴰⵡⴰⵙⵜ ⵏ ⵓⴳⵏⵙ ⴰⵙⵙ ⵏⵓⵢⵏⴰⵙ.

ⵉⵏⵏⴰ ⵢⴰⵏ ⵓⵙⴰⴳⵎ ⴰⴷⵉⴱⵍⵓⵎⴰⵙⵉ, ⵎⴰⵙ ⵢⴰⴳⵉ ⴰⵙⴳⵔⴰⵡ ⵏ ⵓⴽⴰⴱⴰⵕ ⴰⵙⵔⵎⵓⵏ ⴰⴷⵉⵎⵓⵇⵕⴰⵟⵉ ⵏ ⵙⵡⵉⴷ, ⵉⵜⵜⵓⵙⵏⵎⴰⵍⴰⵏ ⴳⵔ ⵡⴰⵙⵙ ⵏ 8 ⴷ 12 ⵉⴱⵔⵉⵔ ⴰⴷ ⴳ ⴳⵓⵜⵏⴱⵓⵔⴳ, ⵜⴰⵙⵓⵎⵔⵜ ⵏ ⵉⵙⵉⵏ ⵙ “ⵜⴰⴳⴷⵓⴷⴰⵏⵜ ⵏ ⵜⵏⵣⵔⵓⴼⵜ” ⵓⵔ ⵉⵍⵍⵉⵏ.

ⵉⵙⴰⵡⵍ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵡⴰⵎⵓⵏ ⵏ ⵜⵎⵜⵜⴰ, ⵎⴰⵙⵙ ⵄⵓⵎⴰⵕ ⵀⵉⵍⴰⵍ, ⴰⵙⵙ ⵏ ⵓⴽⵕⴰⵙ, ⴷⴰⵜ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵍⴰⵎⵏ, ⵙ ⵎⴰⵙ ⵉⴳⴰ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴳⴷⵓⴷⴰⵏⵜ ⵏ ⵉⴼⵔⵉⵇⵢⴰ ⵜⴰⵏⴰⵎⵎⴰⵙⵜ ⴳ ⵜⵙⵇⵇⵉⵎⵜ ⵏ ⵓⵙⴷⵓⵙ ⵏ ⵙⵍⴰⵎⵜ ⵉⴹⴼⴰⵔⵏ ⵉ ⵡⴰⵎⵓⵏ ⵏ ⵜⵎⵜⵜⴰ.

ⵏⵏⴰⵏ ⵉⵎⵙⵜⴳⴳⴰⵔⵏ ⵏ ⵍⵉⵎⴰⵕⴰⵜ ⴰⵙⵙ ⵏ ⵓⴽⵕⴰⵙ ⵎⴰⵙ ⵉⵎⵎⵓⵜ ⵓⵎⵙⵇⴰⴷ ⵏ ⵜⵎⴰⵣⵉⵔⵜ ⴰⴷ ⴳ ⴰⴼⴰⵖⴰⵏⵉⵙⵜⴰ ⵊⵓⵎⵓⵄⴰ ⵎⵓⵃⵎⵎⴷ ⵄⴱⴷⵍⵍⴰⵀ ⵍⴽⵄⴱⵉ ⴷⴼⴼⵉⵔ ⵏ ⵍⵍⵉⵖ ⵉⵜⵜⵓⴳⵙ ⴳ ⵢⴰⵏ ⵓⴱⴰⵇⵇⴰⵢ ⴰⴱⵔⵙⴳⴳⵯⴰⴷ ⴳ ⵇⴰⵏⴷⴰⵀⴰⵔ ⴳ ⵡⴰⵢⵢⵔ ⵏ ⵉⵏⵏⴰⵢⵔ ⵍⵍⵉ ⵉⵣⵔⵉⵏ.