ⵍⵓⵏⴹⵓⵏ - ⵜⵥⴹⴰⵕ ⵜⵔⴰⴱⴱⵓⵜ ⵜⴰⵟⵍⵢⴰⵏⵉⵜ ⴰⴷ ⵜⵉⵡⵉ ⵜⴽⵓⵙⵜ ⵏ ⵓⵕⵓⴱⴱⴰ ⵏ ⵜⵎⵜⵜⴰ ⵎⴰⵢⴰⴷ ⵉⴳⴰⵏ ⵜⴰⵎⵖⵓⵔⵜ ⵜⴰⵎⵏⵣⵡⵜ ⵏⵏⵙ ⴷⴼⴼⵉⵔ ⵏ 1968 ⴷⴼⴼⵉⵔ ⵍⵍⵉⵖ ⵜⵏⵏⵔⴰ ⴳ ⵓⵇⵇⵏ ⵜⵔⴰⴱⴱⵓⵜ ⵜⵏⴳⵍⵉⵣⵉⵜ ⵙ ⵜⵉⵢⵏⵉ ⴰⵏⴼⴳⵓⵔⵜ (3-2) ⴷⴼⴼⵉⵔ ⵏ ⵓⵇⵇⵏ ⵏ ⴰⴽⵓⴷ ⴰⵙⴳⵎⴰⵏ (1-1) ⴳ ⵓⴷⵉⵙ ⵏ ⵡⵎⴱⵍⵉ ⴳ ⵍⵓⵏⴹⵓⵏ .

ⵟⵓⴽⵢⵓ - ⵜⵙⴳⵓⵔⴰ ⵜⵏⴱⴰⴹⵜ  ⵜⴰⵢⴰⴱⴰⵏⵉⵜ ⴰⵙⵙ ⵏ ⵓⴽⵡⴰⵙ ⵎⴰⵙ ⵔⴰⴷ ⵜⵙⵔⵙ ⵡⴰⴷⴷⴰⴷ ⵏ ⵓⵖⴰⵡⵍ ⴰⴷⵓⵙⴰⵏ ⴰⵎⴰⵢⵏⵓ ⴳ ⵓⵣⵎⵣ ⵏ ⵓⵔⴰⵔⵏ ⵉⵍⴰⵎⴱⵢⵉⵏ ⵜⵜⵓⵖⵜⴰⵙⵏ ⴳⵔ 23 ⵢⵓⵍⵢⵓⵣ ⴰⴷ ⴳ 8 ⵖⵓⵛⵜ ⴰⴷ ⵢⵓⵛⴽⴰⵏ ⴳ ⵓⵎⵎⴰⵙ ⵏ ⵓⵎⵙⴰⵡⵍ ⵏ ⵉⵎⴰⵙⵙⵏ ⵏ ⵜⵏⵖⵎⴰⵙⵜ ⵜⴷⵖⵔⴰⵏⵉⵏ ⵜⴰⵥⴹⵕⴰ ⴰⴷ ⵓⵔ ⵉⵃⴰⴹⵕ ⴰⴳⴷⴷⵓⴷ ⴳ ⵜⵡⵍⴰⴼⵜ ⵎⵇⵇⵓⵕⵏ .

ⴱⴰⵔⵉⵣ - ⵉⴷⴷⴰ ⵡⵎⵓⵔⴰⵔ ⴰⵎⵖⵔⴰⴱⵉ ⴰⵛⵕⴰⴼ ⵃⴰⴽⵉⵎⵉ ⵙ ⵜⵔⴰⴱⴱⵓⵜ ⵏ ⴱⴰⵔⵉⵙ ⵙⴰⵏ ⵊⵉⵕⵎⴰⵏ (ⴱⵉ ⵉⵙ ⵊⵉ) ⴷ ⵔⴰⴷ ⴳⵉⵜ ⵉⵇⵇⵓⵎⵓ ⴰⵔ 2026, ⵎⴰ ⵢⴰⴷ ⵉⵏⵏⴰ ⵡⵙⴳⵔⴰⵡ ⴰⴼⵕⴰⵏⵚⴰⵡⵉ ⴰⵙⵙ ⵏ ⵓⵙⵉⵏⴰⵙ ⴰⵎⵎⴰⵙ ⵏ ⵓⵥⵟⵟⴰ ⴰⵏⴰⵎⵓⵏ.

ⴹⴹⴰⵕⵍⴱⵉⴹⴰ - ⵜⵜⵓⵙⵜⴰ ⵜⵙⴷⴰⵡⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵏ ⵜⵡⵊⵊⴰ ⵏ ⵓⴹⵕ ⵓⵎⵣⵔⵓⵢ 31 ⵢⵓⵍⵢⵓⵣ ⴰⴷ ⴰⵎⵎ ⴰⵏⵎⵓⵇⵇⴰⵔ ⵏ ⵓⵙⴽⵔ ⵏ ⵙⵉⵏ ⵜⵎⵏⵢⵓⴳⴰⵔⵉⵏ ⵏ ⵓⵣⴳⵏ ⵏ ⵓⵇⵇⵏ ⵏ ⵜⴽⵓⵙⵜ ⵏ ⵓⴷⴰⴱⵓ ⵍⵍⵉⵖ ⵔⴰⴷ ⵉⵜⵎⴰⴳⴳⴰⵔ ⴳⵉⵙ ⵜⵔⴰⴱⴱⵓⵜ ⵏ ⵕⵕⵊⴰ ⵏ ⴱⵏⵉ ⵎⵍⵍⴰⵍ ⴷ ⵜⵔⴰⴱⴱⵓⵜ ⵏ ⵊⴰⵢⵛ ⵍⵎⴰⵍⴰⴽⵉ  ⴷ ⵡⵉⴷⴰⴷ ⵏ ⵜⵏⵏⵓⵏⵜ ⴷ ⵜⵔⴰⴱⴱⵓⵜ ⵏ ⵍⵎⵖⵔⵉⴱ ⴰⵜⵉⵟⵡⴰⵏⵉ.

ⵎⵢⵓⵏⵉⵅ - ⵜⵖⵍⵉ ⵜⵔⴰⴱⴱⵓⵜ ⵏ ⵟⵟⴰⵍⵢⴰⵏ ⵙ ⵓⵣⴳⵏ ⵏ ⵜⵎⵏⵢⵓⴳⴰⵔⵜ ⵉⴳⴳⵯⵔⴰⵏ ⵏ ⵜⴽⵓⵙⵜ ⵏ ⵓⵕⵓⴱⴱⴰ, ⴰⵙⵙ ⵏ ⵓⵙⵉⵎⵡⴰⵙ ⴳ ⵎⵢⵓⵏⵉⵅ, ⴷⴼⴼⵉⵔ ⵍⵍⵉⵖ ⵜⵏⵏⵔⴰ ⴱⵍⵊⵉⴽⴰ ⵙ 2 - 1.

ⴰⴳⴰⴷⵉⵔ - ⵙⵙⵉⴽⵙⵍⵏ ⵍⵃⴰⵙⴰⵏⵉⵢⵢⴰ ⵏ ⵓⴳⴰⴷⵉⵔ ⴷ ⵍⴼⵜⵃ ⵏ ⵕⵕⴱⴰⵜ ⵙ 0 - 0, ⴰⵙⵙ ⵏ ⵓⴽⵕⴰⵙ ⴳ ⵓⵙⴰⵢⵔⴰⵔ ⴰⵎⵇⵕⴰⵏ ⵏ ⵓⴳⴰⴷⵉⵔ, ⴰⵎⵎⴰⵙ ⵏ ⵢⴰⵜ ⵜⵎⵏⵢⵓⴳⴰⵔⵜ ⵉⴽⵛⵎⵏ ⴳ ⵓⵙⴰⵜⵉ ⵏ ⴰⵙⵙ ⵡⵉⵙⵙ 24 ⵏ ⵜⴱⵔⵣⴰ ⵜⴰⵣⵣⵓⵍⴰⵏⵜ "ⵉⵏⵡⵉ" ⵏ ⵜⵡⵊⵊⴰ ⵏ ⵓⴹⴰⵕ.