ⴱⵏⴳⵔⵉⵔ - ⵙ ⵓⵙⴷⴷⵉⴷ ⵏ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⵏⵙⵙⵉⵅⴼ ⴰⵎⴰⵜⴰⵢ ⵏ ⵉⵙⵔⴷⴰⵙ ⵉⴳⵍⴷⴰⵏⵏ ⵜⵙⵙⵏⵜⴰ ⴳ ⵡⴰⵙⵙ ⵏ ⵓⵙⵉⵎⵡⴰⵙ ⴳ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⵏ ⵉⵙⵔⴷⴰⵙ ⴳ ⵜⵏⴰⵎⵎⴰⵙⵜ ⵏ ⵜⵙⵔⴷⴰⵙⵜ ⴱⵏⴳⵔⵉⵔ ⵜⴰⵏⵉⵍⴰ ⵏ ⵕⵕⵃⴰⵎⵏⴰ ⵜⵡⵓⵔⵉ ⵏ ⵓⵙⵜⴰⵢ ⴷ ⵡⴰⴷⴰⴼ ⵏ ⵉⵎⵙⵜⴰⵢⵏ ⴷ ⵜⵎⵙⵜⴰⵢⵉⵏ ⵏ ⵜⵏⴰⴼⵓⵜ ⵜⴰⵙⵔⴷⴰⵙⵜ ⴳ ⵉⵎⵉⵔ ⵏ ⵓⴷⵡⴰⵍ ⵡⵉⵙⵙ 38.

ⵍⵄⵢⵓⵏ - ⵜⴳⴰ ⵜⵎⴰⵡⴰⵙⵜ ⵏ ⵉⵃⵓⴷⵔⵉⵢⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ - ⵉⴳⵔ ⵏ ⵓⵎⵢⴰⵡⴰⴹ - ⵢⴰⵏ ⵓⵙⴼⵙⵔ ⵏ ⵜⵡⵍⴰⴼⵉⵏ ⵜⵉⵎⵣⵔⵓⵢⴰⵏⵉⵏ ⴳ ⵢⵉⵖⵔⵎ ⵏ ⵉⴳⵔⴰⵡⵏ ⴳ ⵜⵎⴷⵉⵏⵜ ⵏ ⵍⵄⵢⵓⵏ, ⴳ ⵡⴰⴽⵓⴷ ⴳⵔ 20 ⴰⵔ 25 ⵜⵖⵓⵛⵜ ⵙ ⵓⵣⵎⵣ ⵏ ⵓⵙⴷⴷⵔ ⵏ ⵓⴽⵜⴰⵢ ⵡⵉⵙ 70 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⴳⴷⵓⴷ.

ⵕⵕⴱⴰⵟ - ⵉⵙⵏⵎⴰⵍⴰ ⵡⴰⴹⴰⴼ ⴰⴳⵍⴷⴰⵏ, ⵜⴰⴷⴳⴳⵯⴰⵜ ⵏ ⵡⴰⵙⵙ ⵏ ⵡⴰⵢⵏⴰⵙ, ⴰⵙⵓⵜⵍ ⵏ ⵉⵙⵓⴼⴰ ⴰⵇⴱⵓⵔ ⴷ ⵉⴼⵙⴰⵔⵏ ⵉⵎⴳⵔⴰ ⵖⵓⴷⴰⵏⵉⵏ ⴳ ⵜⵖⵔⵎⵜ ⵏ ⵍⵃⵓⴷⵉⵎⴰ, ⵓⵢⴰ ⵏⵏ ⴳ ⵓⵙⴰⵜⵉ ⵏ ⵉⵙⴼⵓⴳⵍⵓⵜⵏ ⵏ ⵓⵙⵙⴽⵜⵉ ⵙ ⵓⴽⵜⵜⵓⵢ ⵡⵉⵙ ⵚⴹⵉⵎⵔⴰⵡ ⵏ ⵜⵍⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵎⵖⴰⵔ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵜⵔⵙⴰⵍ ⵏ ⵜⵎⴰⵖⵜ ⵜⵉⵎⴰⵜⴰⵢⵉⵏ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ.

ⵍⵃⵓⵙⴰⵢⵎⴰ - ⵜⵙⵙⵎⵏⵉⴷ ⵜⵔⴰⴱⴱⵓⵜ ⵏ ⵉⴼⵙⴰⵔⵏ ⵏ ⵜⴰⵢⵍⴰⵍⵜ ⵏⵏⴰ ⵉⵡⴰⵍⴰⵏ ⵉ ⵉⵙⵔⴷⴰⵙ ⵉⴳⵍⴷⴰⵏⵏ ⴰⵙⵙ ⵏ ⵓⵢⵏⴰⵙ ⴳ ⵉⴳⵏⵏⴰ ⵏ ⵜⵖⵔⵎⵜ ⵏ ⵍⵃⵓⵙⵉⵎⴰ ⵏⵏⴰ ⵉⵙⵙⵓⵙⵎⵏ ⵉⵎⵣⴷⴰⵖ ⵏⵏⴰ ⵏⵏ ⵉⵃⴰⴹⵕⵏ ⵙ ⵜⵓⴳⵜⵜ ⴰⴼⴰⴷ ⴰⴷ ⵥⵕⵉⵏ ⴰⴼⵙⴰⵔ ⴰⴷ , ⵏⵏⴰ ⵉⵜⵜⵓⴳⴰⵏ ⵙ ⵜⵎⵍⴷⴰ ⵏ ⵓⴽⵯⵜⵜⴰⵢ ⵡⵉⵙⵙ ⵙⴹⵉⵎⵔⴰⵡ ⵏ ⵓⴽⵯⵜⵜⴰⵢ ⵏ ⵜⵍⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵙⴹⵉⵙ ⴰⵏⵙⵙⵉⵅⴼ ⴰⵎⴰⵜⴰⵢ ⵏ ⵉⵙⵔⴳⴰⵙ ⵉⴳⵍⴷⴰⵏⵏ.

ⵏⵢⵓⵔⵓⴱⵉ - ⴳ ⵜⴱⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵍⵍⵉ ⵢⵓⵣⵏ ⵉ ⵓⵙⵍⵡⴰⵢ ⴰⵎⴰⵢⵏⵓ ⵏ ⵜⴳⴷⵓⴷⴰⵏⵜ ⵏ ⴽⵉⵏⵉⵢⴰ ⵎⴰⵙⵙ ⵡⵉⵍⵢⴰⵎ ⵔⵓⵜⵓ, ⵜⵖⵜⵙ ⵜⴳⴷⵓⴷⴰⵏⵜ ⵏ ⴽⵉⵏⵢⴰ ⵅⴼ ⴰⵙⴱⴷ ⵏ ⵓⵙⵖⵣⵏ ⵏ "ⵜⴳⴷⵓⴷⴰⵏⵜ ⵜⴰⵚⵃⵕⴰⵡⵉⵢⵜ " ⴷ ⵓⵙⵙⵏⵜⵉ ⵏ ⵓⵙⴱⴷⴷ ⵏ ⵓⵙⵎⴷⵜⴰ ⵏⵏⵙ ⴳ ⵏⵢⵓⵔⵓⴱⵉ.

ⵕⵕⴱⴰⵟ - ⵜⴹⴼⵕ ⵜⴰⴹⴰ ⵜⴰⵎⵖⵔⴰⴱⵉⵜ ⵉ ⵜⵎⵏⴰⴳⴰⵔⵉⵏ ⵜⵉⵏⴰⵎⵓⵔⵉⵏ, ⵉⵜⵜⵡⴰⵙⵙⵏⵏ ⵙ ⵓⵙⴳⵣⵍ ⵙ ⵜⴰⴹⴰ ⵜⴰⵎⵖⵔⴰⴱⵉⵜ, ⵉⵙⵏⴼⵍⵏ ⵉⵎⵇⵇⵔⴰⵏⵏ ⴷⴰ ⵉⵥⵕⵕⴰ ⵓⵏⴳⵔⴰⵡ ⴰⵎⴹⵍⴰⵏ, ⴷ ⵉⵙⴼⵍⵉⵍⵍⵉⵢⵏ ⵏⵏⵙ ⵅⴼ ⵉⵡⴰⵏⴽⵏ ⴷ ⵉⴳⴷⵓⴷⵏ ⵉⵎⴰⵜⴰⵢⵏ ⴷ ⵙⵍⴰⵡⴰⵏ ⴰⴽⴽⵯ ⵅⴼ ⵜⵎⴰⵣⵉⵔⵜ ⵏⵏⵖ; ⵉⵙⵏⴼⵍⵏ ⵍⵍⵉⵙ ⵓⵔ ⵏⵓⴼⵉ ⴰⴷ ⵜⵏ ⵏⴰⴽⵯⵣ ⵙⴳ ⵜⴰⵏⵏⴰⵢⵜ ⵜⴰⵙⴳⵣⴰⵍⵜ ⵉ ⵜⵎⵙⴰⵔⵉⵏ ⴷ ⵜⵉⴳⴰⵡⵉⵏ, ⵉⴷⴷⵖ ⴰⵙⵀⵡⵏ ⴷ ⵓⵙⴳⵣⵍ ⵓⵔ ⵣⵎⵔⵏ ⴰⴷ ⵙⵙⴼⵔⵓⵏ ⵜⵉⴽⵔⵙⵉ ⵏ ⴰⵢⵍⵍⵉ ⵉⵙⴰⵔⵏ ⴳ ⵓⵙⵓⵜⵍ ⵏⵏⵖ ⴷ ⵜⴰⵣⵣⴰⵣⵜ ⵍⵍⵉⵙ ⴰⵔ ⵣⵣⵉⴳⵉⵣⵏⵜ ⵜⵎⵙⴰⵔⵉⵏ ⴷ ⵜⵉⴳⴰⵡⵉⵏ.