"ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ , ⴰⵙⵙ ⴰⴷ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ, ⵜⴰⵙⵎⴰⴷⵢⴰⵜ ⵜⴰⵎⴰⵜⴰⵢⵜ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⵉⵜⵜⵓⵙⵎⴰⴳⵍⴰⵏ ⵙ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⴰⵙⵔⵜⵉⵜ ⵏ ⵜⵏⴼⵔⵓⵜ, ⵜⴰⵎⵉⵔⵉⵜ ⵏ ⵓⵏⵙⵙⵉⵅⴼ ⵏ ⵓⴳⵔⴰⵡ ⵓⵕⵓⴱⴱⵉ, ⵎⴰⵙⵙⴰ ⴼⵉⴷⵉⵔⵉⴽⴰ ⵎⵓⴳⵉⵔⵉⵏⵉ, ⵍⵍⵉ ⵢⵙⴽⵔⵏ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵙ ⵜⴳⵍⴷⵉⵜ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⵓⵕⵕⵓⴱⵉⵜ.
ⴳ ⵉⵎⴹⴰⴽⴰⵕⵏ ⴰⴷ, ⵜⵙⴰⵡⵍ ⵜⵎⵉⵔⵉⵜ ⵏ ⵓⵏⵙⵙⵉⵅⴼ ⵏ ⵓⴳⵔⴰⵡ ⵓⵕⵓⴱⴱⵉ ⵅⴼ ⵜⵉⵔⴰⵜ ⵜⴰⵎⵇⵕⴰⵏⵜ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⵏ ⵜⴷⵔⴰⵡⵜ ⴷ ⵍⵎⵖⵔⵉⴱ, ⵓⵍⴰ ⵜⵉⵍⴰⵍⵜ ⵜⴰⵏⵙⵙⵉⵅⴼⵜ ⵏ ⵜⴳⵍⴷⵉⵜ ⴳ ⵜⵙⴳⴰ ⵏ ⵉⵍⵍ ⴰⵏⴰⵎⵎⴰⵙ ⵓⵎⵍⵉⵍ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵉⴼⵔⵉⵇⵢⴰ ⴳ ⵍⵇⴱⵜ ⵜⴰⵏⴰⵎⵎⴰⵙⵜ, ⵎⵔⴰ ⴰⴷ ⵜⴰⵙⵉ ⵜⵉⵏⵥⴰⵔⵉⵏ ⵏ ⵜⵏⴼⵔⵓⵜ ⴷ ⵓⴳⵣⵓⵎ ⴷ ⵜⴳⵎⵉ.
ⴷ ⵢⵉⵡⵉ ⵡⵙⵏⵓⴱⴳ ⴰⴷ ⵜⵜⵓⵎⵍⴰⵏ ⵎⵏⵏⴰⵡ ⵏ ⵓⵙⴳⵓⵎⵏ ⵏ ⵜⴷⵔⴰⵡⵜ ⵜⴰⵙⵜⵕⴰⵜⵉⵊⵉⵜ ⵉⵟⵟⴰⴼⵏ ⵎⵛⵜⴰ ⵏ ⵉⵎⵏⵉⴷⵏ ⴷ ⵉⵖⴱⵓⵏ ⵉⵙⵎⴰⵏⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⵓⵕⵓⴱⴱⵉⵜ, ⵓⵍⴰ ⴰⵎⵙⴰⵙⴰ ⴳⵔ ⵙⵏⴰⵜ ⵜⵉⴼⵓⵍⵉⵏ ⵅⴼ ⴰⵙⴱⴷⴷⵉⴷ ⵏ ⵎⵛⵜⴰ ⵏ ⵜⵏⵥⴰⵜⵉⵏ ⵉⵍⵍⴰⵏ ⴳ ⵜⵙⴳⴰ, ⵙⵙⵉⵏ ⵉⴷⵙⵏ, ⵎⵔⴰ ⴰⴷ ⵙⵙⴰⵔⵏ ⵉⵣⵎⵣⵏ.
ⵜⴼⵔⴰ ⵜⵏⵏⴰ ⵎⴰⵙⵙⴰ ⵎⵓⴳⵉⵔⵉⵏⵉ ⵎⴰⵙ ⴰⴹⴼⵕ ⵉⴳⴳⵯⵔⴰⵏ ⵏ ⵓⵎⵙⴰⵙⴰ ⴰⵏⴼⵍⴰⵃ ⴳⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵜⵓⵕⵓⴱⴱⵉⵜ ⵙⴳ ⴰⴱⵕⵍⴰⵎⴰⵏ ⵓⵕⵓⴱⴱⵉ ⵎⴰⵙ ⴽⵔⴰ ⵢⴳⴰⵜⵜ ⴰⵙⴷⵓⵙ ⵏ ⵜⴷⵔⴰⵡⵜ ⵜⵣⵔⵉ ⵙ ⵓⴼⵔⴰⴳ ⵏ ⵉⵙⵙⴱⵖⵓⵏ ⵉⵎⵜⴰⵢⵏ ⵏ ⵜⴳⵍⴷⵉⵜ ⴷ ⵓⵃⵟⵟⵓ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⵏⵏⵙ.
ⵃⴰⴹⵕⵏ ⴳ ⵓⵙⵏⵓⴱⴳ ⴰⴷ ⵉⵎⵛⵉⵡⵉⵔⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⴼⵓⴻⴰⴷ ⵄⴰⵍⵉ ⵍⵀⵉⵎⵎⴰ ⴷ ⵢⴰⵙⵉⵔ ⵥⵥⵏⴰⴳⵉ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵓⵎⴰⵡⵙⴰⵙ ⵏ ⵜⴼⵍⴰⵃⵜ ⴷ ⵜⴳⵎⵔⵜ ⵜⴰⵢⵍⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ.
ⴰⵎⵎⴰⵙ ⵏ ⵜⴼⵓⵍⵜ ⵜⵓⵕⵓⴱⴱⵉⵜ, ⵜⵍⵍⴰ ⵎⴰⵙⵙⴰ ⴽⵍⴰⵡⴷⵢⴰ ⵡⴰⵢⴷⵉ, ⵜⴰⵎⵙⵇⴰⴷⵜ ⴷ ⵜⴰⵏⵙⵙⵉⵅⴼⵜ ⵏ ⵓⴽⴰⴱⴰⵕ ⵏ ⵜⵎⵓⵏⵜ ⵜⵓⵕⵓⴱⴱⵉⵜ ⴳ ⵍⵎⵖⵔⵉⴱ, ⴷ ⵎⴰⵙⵙ ⵙⵜⵉⴼⴰⵏⵓ ⴳⵔⴰⵙⵉ, ⴰⵏⵎⵀⴰⵍ ⵏ ⵓⴱⵔⵙⵉⵔⴰ ⵏ ⵜⵎⵉⵔⵉⵜ ⵏ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⵓⵕⵓⴱⴱⵉ."