"ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵜⵣⴷⵡⵉⵜ ⵏ ⵡⴰⵙⵙ ⴰⴷ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ, ⵎⴰⵙⵙ ⴰⵏⵟⵓⵏⵢⵓ ⴳⵓⵜⵉⵔⵔⵉⵙ.
ⴳ ⵓⵣⵎⵣⵣⵓ ⵢⴰⴷ, ⵉⵎⵍⴰ ⵎⴰⵙⵙ ⴳⵓⵜⵉⵔⵉⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵏⵎⵎⵉⵔⵜ ⵏⵏⵙ ⵅⴼ ⴰⵙⵓⴷⵙ ⵉⴼⵓⵍⴽⵉⵏ ⵏ ⵍⵎⵖⵔⵉⴱ ⵉ ⵜⵉⵏⴰⵡⵜ ⵏⴳⵔⵓⵏⴱⵉⴹⵜ ⵅⴼ ⵓⴹⴼⴼⵉⵕ ⵏ ⵓⵎⵉⵔⵓ ⵉⴳⵔⴰⵖⵍⴰⵏ ⵅⴼ ⵜⵣⵡⴰⴳⵏ ⵜⵉⵏⴼⵔⴰⵏⵏ ⴷ ⵉⵙⵙⵓⴷⵙⵏ ⴷ ⵉⵍⵓⴳⴰⵏⵏ, ⵎⴰ ⵢⴰⴷ ⵉⵙⵙⵍⴽⵎⵏ ⵙ ⵓⴹⴼⴼⵉⵕ ⵏ "ⵓⵎⵉⵔⵓ ⵏ ⵎⵕⵕⴰⴽⵯⵛ".
ⵉⵙⴰⵡⵍ ⵙⵓⵍ ⵎⴰⵙⵙ ⴳⵓⵜⵉⵔⵉⵙ ⵅⴼ ⵓⵎⵄⵉⵏⵏ ⵏ ⵜⴳⵍⴷⵉⵜ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵓⵍⴰ ⵜⵉⵍⴰⵍⵜ ⵏⵏⵙ ⵉⴼⵓⵍⴽⵉⵏ ⴰⵎⵎⴰⵙ ⵏ ⵓⵎⵢⴰⵡⴰⵙ ⵉⴼⴼⵓⵙ ⵉⴼⴼⵓⵙ ⵉⵍⴰ ⴳ ⵓⵙⵔⵙ ⵏ ⵜⵎⵙⵙⴽⵜⵉⵜ ⵏ 2030 ⵅⴼ ⵜⵉⴳⵎⵉ ⴰⵙⵓⵍⴰⵏ ⴷ ⵉⵙⵏⴼⵍⵏ ⵏ ⵓⵏⵣⵡⵉ. ⴱⵍⴰ ⵏ ⵖⵉⴽⴰⵏⵏ, ⵉⵣⵓⵍ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⵉⵙⵓⵖⵏⵏ ⵉⵎⴰⴽⴽⴰⵢⵏ ⴷ ⵉⵎⵖⵍⴰⵍⵏ ⵅⴼ ⵜⴰⵏⴰⴳⵔⵉⵜ, ⵙⵍⴰⵡⴰⵏ ⴰⴽⴽⵯ ⴳ ⵉⴼⵔⵉⵇⵢⴰ.
ⵜⵙⴰⵡⵍ ⵙⵓⵍ ⵜⴳⵉⵡⵔⵜ ⴰⴷ ⵅⴼ ⴰⵙⵓⵔⵙ ⴳ ⵜⵙⴳⴰ ⵏ ⵍⵎⵖⵔⵉⴱ ⴰⵎⵇⵕⴰⵏ ⴷ ⴳ ⵉⴼⵔⵉⵇⵢⴰ.
ⴷ ⵜⵙⴰⵡⵍ ⵙⵓⵍ ⵅⴼ ⵜⵖⴰⵡⵙⴰ ⵏ ⵚⵚⵃⵕⴰ ⵜⴰⵎⵖⵕⴰⴱⵉⵜ, ⴷⴷⵓ ⵜⵉⴼⴰⵡⵜ ⵏ ⵓⵙⵓⵔⵙ ⵉⵜⵜⵓⵙⴽⴰⵔⵏ ⴳ ⵊⵓⵏⵉⴼ ⵡⵙⵙⴰⵏ ⵏ 5 ⴷ 6 ⴷⵓⵊⴰⵏⴱⵉⵔ. ⴳ ⵓⵣⵎⵣⵣⵓ ⵢⴰⴷ, ⵉⵎⵍⴰ ⴷⴰⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵎⴰⵙⵙ ⴳⵓⵜⵉⵔⵉⵙ ⴰⵏⵏⴰⵍ ⵏ ⵜⴳⵍⴷⵉⵜ ⵉ ⵜⵓⴳⴳⴰⵣ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵢⵎⴰⵏⵏ ⴷ ⴰⵎⴰⵣⴰⵏ ⴰⵏⵉⵎⴰⵏ ⵏⵏⵙ ⴰⴼ ⴰⴷ ⵍⴽⵎⵏ ⵉ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⵉ ⵡⵎⵏⵣⴰⵖ ⴰⵏⵎⵏⴰⴹ ⴰⴷ.
ⵃⴰⴹⵕⵏ ⵉ ⵜⴳⵉⵡⵔⵜ ⴰⴷ, ⴳ ⵜⵙⴳⴰ ⵏ ⵜⵎⵜⵜⴰ ⵢⵎⴰⵏⵏ, ⵎⴰⵙⵙ ⵎⵉⴳⵉⵍ ⴳⵕⴰⵚⵢⴰ, ⴰⵎⴰⵡⴰⵙ ⵉⵎⵥⵍⵉ ⵏ ⵓⵏⴼⵍⵓⵙ ⴰⵎⴰⵜⴰⵢ, ⴷ ⵎⴰⵙⵙ ⵅⴰⵚⵉⵎ ⴷⵢⴰⵏ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴳ ⵓⴱⵔⵙⵉⵔⴰ ⵏ ⵓⵏⴼⵍⵓⵙ ⴰⵎⴰⵜⴰⵢ, ⴷ ⴳ ⵜⵙⴳⴰ ⵜⴰⵎⵖⵕⴰⴱⵉⵜ, ⵎⴰⵙⵙ ⴼⵓⴻⴰⴷ ⵄⴰⵍⵉ ⵍⵀⵉⵎⵎⴰ, ⴰⵎⵛⵛⵉⵡⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏ."