"ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ 03 ⴷⵓⵊⴰⵏⴱⵉⵔ 2018, ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ, ⵎⴰⵙⵙⴰ ⵍⴰⵟⵉⴼⴰ ⴰⵅⵔⴱⴰⵛ, ⴷ ⵉⵙⵜⵉ ⵜ ⴰⴷ ⵜⴳ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ.
ⴷ ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵙⵙⴰ ⵏⴰⵔⵊⵉⵙ ⵔⵖⵖⴰⵢ, ⴷ ⵎⴰⵙⵙ ⵊⵄⴼⵕ ⵍⴽⵏⵙⵓⵙⵉ, ⴷ ⵎⴰⵙⵙ ⵄⵍⵉ ⵍⴱⵇⵇⴰⵍⵉ, ⴷ ⵎⴰⵙⵙ ⵄⴱⴷⵍⵇⴰⴷⵔ ⵛⵛⴰⵡⵉ, ⴷ ⵉⵙⵜⵉ ⵜⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⴳⵉⵏ ⵉⴳⵎⴰⵎⵏ ⵉⵎⴰⵢⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ, ⵖⵉⴽ ⵍⵍⵉ ⵢⵏⵏⴰ ⵡⵎⵏⵏⵉ ⵡⵉⵙⵙ 9 ⵏ ⵓⵙⵍⴳⵏ 11-15 ⵅⴼ ⴰⵙⵓⴷⵙ ⵢⴰⴹⵏⵉⵏ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ.
ⵉⵙⵏⵓⴱⴳ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ:
- ⵎⴰⵙⵙⴰ ⴼⴰⵟⵉⵎⴰ ⵍⴱⴰⵕⵓⴷⵉ ⴷ ⵎⴰⵙⵙ ⵅⴰⵍⵉⵍ ⵍⵄⴰⵍⴰⵎⵉ ⵍⵉⴷⵔⵉⵙⵉ, ⵍⵍⵉ ⵢⵙⵜⵉ ⵡⵏⵙⵙⵉⵅⴼ ⵏ ⵜⵏⴱⴰⴹⵜ.
- ⵎⴰⵙⵙⴰ ⴱⴰⴷⵉⵄⴰ ⵕⵕⴰⴹⵉ, ⵍⵍⵉ ⵢⵙⵜⵉ ⵡⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ.
- ⵎⴰⵙⵙⴰ ⵎⵓⵃⵎⵎⴷ ⵍⵎⵄⵣⵓⵣ, ⵍⵍⵉ ⵢⵙⵜⵉ ⵡⵏⵙⵙⵉⵅⴼ ⵏ ⵉⵎⵛⵛⵉⵡⴰⵕ.
ⴷ ⵉⵙⵔⵙ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⴱⵏⵄⵉⵙⴰ ⵄⵙⵍⵓⵏ ⴰⴷ ⵉⴳ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ.
ⴰⵎⵎⴰⵙ ⵏ ⵓⵙⵏⵓⴱⴳ ⴰⴷ, ⴳⴳⴰⵍⵏ ⵜⵏⵙⵙⵉⵅⴼⵜ ⵏ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵉⵕ, ⵓⵍⴰ ⵉⴳⵎⴰⵎⵏ ⴷ ⵓⵏⵎⵀⴰⵍ ⴰⵏⴰⴼⵍⵍⴰ ⵏⵏⵙ, ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ."