ⴳ ⵜⴱⵔⴰⴷⵜ ⴰⴷ, ⵍⵍⵉ ⵢⵖⵔⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵜⵙⵙⴽⵛⵎ ⵜⵔⴰⴱⴱⵓⵜ ⵏ ⵍⵎⵖⵔⵉⴱ ⵜⵖⴰⵡⵙⵉⵡⵉⵏ ⵜⵉⵡⵏⴹⴰⵏⵉⵏ ⴷ ⵜⵉⵏⵥⵕⵉⵏ ⵏ ⵓⵏⵣⵡⵉ, ⴰⵎⵎⴰⵙ ⵏ ⵉⵙⵉⵣⵡⵔⵏ ⵏ ⵜⵉⵙⵔⵜⵉⵏ ⵜⵉⵏⴰⵎⵓⵔⵏ ⵏⵏⵙ.
ⵜⴰⴽⴰⵢⵍⴰⵍⵜ ⵏ ⵜⴳⵍⴷⵉⵜ ⵜⵎⵍⴰ ⵜ ⵜⵉⵔⴰⵜ ⵏⵏⵙ ⴰⴷ ⵜⵙⴳⴳⵯⵣ ⵜⴰⵙⵢⴰⴼⵓⵜ ⵏⵏⵙ ⵏ ⵍⴳⴰⵣⴰⵜ ⵉⵙⵙⵍⴽⴰⵎⵏ ⵜⴰⵙⵙⵔⵖⵉⵜ ⵏ ⵓⵏⵣⵡⵉ, ⴷ ⵓⵙⵖⵉⵡⵙ ⴰⵏⴰⵎⵓⵔ ⵏ ⵜⴽⵙⵙⵓⵢⵜ, ⵓⵍⴰ ⴰⵙⵖⵉⵡⵙ ⴰⵏⴰⵎⵓⵔ ⵏ ⵜⵥⴹⴰⵕⵏ ⵉⵜⵜⵓⵙⵎⴰⵢⵏⵓⵏⵏ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.
ⵍⵍⵉⵖ ⵉⴳⴰ ⵡⵏⵙⵙⵉⵅⴼ ⵏ "ⴽⵓⴱ 22", ⵜⵙⴷⵓⵙ ⴱⴷⴷⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⴰⴷⵉⵏⴰⵎⵉⵜ ⵉⵜⵜⵢⴰⴽⴽⴰⵏ ⴷⴼⴼⵉⵔ ⵏ ⵜⵎⵔⴳⴰⵍⵜ ⵏ "ⵓⵎⵙⴰⵙⴰ ⵏ ⴱⴰⵔⵉⵣ", ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.
ⴼ ⵖⵉⴽⴰⵏⵏ, ⵉⵙⵙⵓⴼⵖ ⵙⵍⴰⵡⴰⵏ ⴰⴽⴽⵯ "ⴰⵖⵓⵔⵉ ⵏ ⵎⵕⵕⴰⴽⵯⵛ ⵏ ⵓⵏⵣⵡⵉ ⴷ ⵜⵉⴳⵎⵉ ⴰⵙⵓⵍⴰⵏ", ⴷ "ⵜⴰⵎⴷⵔⴰⵡⵜ ⵏ ⵎⵕⵕⴰⴽⵯⵛ ⵅⴼ ⵜⵉⴳⴰⵡⵜ ⵜⴰⵎⵏⵣⵡⵉⵜ", ⵎⴰ ⵢⴰⴷ ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.
ⵓⵙⵏⵜ ⵜⵓⵙⵓⵔⵉⵏ ⵉⵅⵛⵛⵏ ⵏ ⵉⵙⵏⴼⵍⵏ ⵉⵎⵏⵣⵉⵡⵏ ⴰⵎⵏⵥⴰⵡ ⴰⴼⵔⵉⵇⵉ, ⵎⵇⵇⴰⵕ ⵍⵍⵉⵖ ⵓⵔ ⵉⵟⵟⴰⴼ ⴽⵔⴰ ⵢⴳⴰⵜⵜ ⵜⴰⵎⵙⵜⴳⴳⴰⵔⵜ ⴳ ⵓⵙⵓⵔⵙ ⴰⴷ ⵓⵔ ⵉⵏⵙⵙⵓⵎⵓⵏ, ⵎⴰ ⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵔⵏⵓ ⵢⵏⵏⴰ ⵉⵙ ⵓⵔ ⴼⴽⵉⵏ ⵉⵎⴷⵔⴰⵡⵏ ⵓⵍⴰ ⵢⵎⵙⵙⵥⵕⴼⵏ ⵉⴳⵔⴰⵖⵍⴰⵏ ⴰⵏⵏⴰⵍ ⵉ ⵢⴼⵔⵉⵇⵢⴰ.
ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⴰⵙⵓⵖⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵅⴼ ⵜⵉⵎⵙⴰⵔⵉⵏ ⵏ ⵉⴼⵔⵉⵇⵢⴰ ⵢⵓⵊⵊⴰ ⵜ ⴰⴷ ⵜⵔⵏⵓ ⵜⴰⵎⵓⵏⵜ ⵏⵏⵙ ⴷ ⵜⵉⵣⵉⴳⵣⵜ ⵏ ⵓⵙⵔⵙ ⵏ ⴽⵕⴰⴹ ⵏ ⵜⵙⵇⵇⵉⵎⵉⵏ ⵏ ⵓⵏⵣⵡⵉ, ⵍⵍⵉ ⵢⴼⴼⵖⵏ ⵙⴳ ⵉⵏⵙⵙⵉⵅⴼⵏ ⵏ ⵓⵡⴰⵏⴽ ⴷ ⵏ ⵜⵏⴱⴰⴹⵜ ⵉⴼⵔⵉⵇⵉⵢⵏ, ⵎⴰ ⵢⴰⴷ ⵉⵜⵜⵓⵙⴽⴰⵔⵏ ⴳ "ⴽⵓⴱ 22", ⵎⴰ ⵢⴰⴷ ⵉⴳⴰⵏ ⴰⵎⴷⴰ ⵏ ⵍⴽⵓⵏⴳⵓ, ⴷ ⵏ ⵜⴰⵙⴳⴰ ⵏ ⵙⵙⴰⵃⵉⵍ, ⴷ ⵏ ⵉⵡⴰⵏⴽⵏ ⵏ ⵓⴳⴰⵔ.