"ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵖ ⴰⵙⵙ ⴰⴷ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵏ ⵕⵕⴱⴰⵟ, ⵎⴰⵙⵙ ⴷⵔⵉⵙ ⵍⴳⵔⵔⴰⵡⵉ, ⴷ ⵉⵙⵜⵉⵜ ⴰⴷ ⵉⴳ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵓⵎⵣⵉⵣⵡⵔ.
ⴳ ⵓⵙⴰⵜⵉ ⵢⴰⴷ, ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴱⴰⵀⵔⴰ ⵅⴼ ⵉⵙⵖⵍⴼⵏ ⵢⴰⴷⴷⵓⵔⵏ ⴱⴰⵀⵔⴰ ⵏ ⵓⵙⵙⵇⵉⵎ ⵏ ⵓⵎⵣⵉⵣⵡⵔ ⵖⵉⴽ ⵍⵍⵉ ⵢⵏⵏⴰ ⵡⴷⵓⵙⵜⵓⵕ ⴷ ⴰⵙⵍⴳⵏ, ⴰⴼ ⴰⴷ ⵜⴳ ⵢⴰⵜ ⵜⵉⵎⵔⵙⵍⵜ ⵜⴰⵙⵎⵉⴰⵏⵜ ⵉⵎⵙⵜⴳⴳⴰⵔⵏ ⵅⴼ ⵜⴰⵎⴰⴼⴰⵡⵜ ⴷ ⵓⵙⵓⵎⵓ ⴰⴷⵎⵙⴰⵏ.
ⴼ ⵖⵉⴽⴰⵏⵏ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⵏ ⵏⵏⵙ ⵢⴰⵜⵜⵓⵢⵏ ⵉ ⵡⵏⵙⵙⵉⵅⴼ ⴰⵎⴰⵢⵏⵓ, ⴷ ⴰⴽⴽ ⵉⴳⵎⴰⵎⵏ ⵉⵎⴰⵏⵏ ⴳ ⵓⵙⵇⵇⵉⵎ ⵏ ⵓⵎⵣⵉⵣⵡⵔ, ⴰⴼ ⴰⴷ ⵡⵡⵓⵔⵉⵏ ⴰⴼ ⴰⴷ ⵉⵙⴽⵔ ⵓⵙⵇⵇⵉⵎ ⵉⵙⵖⵍⴼⵏ ⵏⵏⵙ ⵙ ⵢⴰⵏ ⵜⵖⴰⵔⴰⵙⵜ ⵜⴰⵙⵉⵎⴰⵏⵜ ⴷ ⵜⴰⵔⵓⵙⴰⵏⵜ.
ⵉⵙⵜⵉ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵙⵙ ⵎⵓⵃⵎⵎⴷ ⵄⴱⴷⵍⵄⵣⵉⵣ, ⴰⴷ ⵉⴳ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵓⵎⵣⵉⵣⵡⵔ.
ⴷⴼⴼⵉⵔ ⵏ ⵖⵉⴽⴰⵏⵏ, ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⵄⵓⵎⴰⵕ ⵙⵙⵖⵔⵓⵛⵏⵉ, ⴷ ⵉⵙⵜⵉ ⵜ ⴰⴷ ⵉⴳ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵎⵙⴰⵙⴰ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⴳⵎⴰⵎⵉⵏ.
ⵜⵜⵓⵙⴽⴰⵔ ⵜⴰⵙⵎⵇⵇⵉⵎⵜ ⴰⴷ ⵙ ⵓⵙⵍⴳⵏ ⵡⵉⵙⵙ 09-08 ⵅⴼ ⵓⵎⵙⴰⵙⴰ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⴳⵎⴰⵎⵉⵏ.
ⴰⵎⵎⴰⵙ ⵏ ⵓⵎⴰⴳⵔ ⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵏⴹⵏ ⵏⵏⵙ ⵢⴰⵜⵜⵓⵢⵏ ⵉ ⵡⵏⵙⵙⵉⵅⴼ ⴰⵎⴰⵢⵏⵓ ⴰⴼ ⴰⴷ ⵉⵙⴷⵓⵙ ⵉⵎⴰⵙⵙⵏ ⵏⵏⵙ ⴰⴼ ⵜⵥⴹⵕ ⴰⴷ ⵜⵎⵓⵏ ⴷ ⵜⵎⵔⵏⵉⵡⵉⵏ ⵜⵉⵜⵉⴽⵏⵓⵍoⵊⵉⵢⵏ ⴷ ⵜⵉⵣⵔⴼⴰⵏⵉⵏ ⴰⴼ ⴰⴷ ⵢⵉⵍⵉ ⴰⴼⵔⴰⴳ ⴰⵎⵓⴼⴰⵢ ⵅⴼ ⵜⵎⵓⵛⴰ ⵜⵉⴳⵎⴰⵎⵉⵏ.
ⴱⵍⴰ ⵏ ⵓⵏⵙⵙⵉⵅⴼ ⵏⵏⵙ, ⵍⵍⴰⵏ ⴳ ⵜⵙⵇⵇⵉⵎⵜ ⴰⴷ ⵚⴹⵉⵚ ⵉⴳⵎⴰⵎⵏ ⵍⵍⵉ ⵢⵙⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵜⵙⵓⵎⵔⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⵏⵙⵙⵉⵅⴼⵏ ⵏ ⵙⵉⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ."