ⵍⵍⵉⵖ ⵍⴽⵎⵏ ⵙ ⵓⵙⵔⴰⵙ ⴰⵎⴰⵢⵏⵓ ⵏ ⵟⴰⵏⵊⴰ ⵜⴰⵖⵔⵎⵜ, ⵙⵙⵣⵔⵉⵏ ⵉⵏⵙⵙⵉⵅⴼⵏ ⵏ ⵏⴰⵜ ⵏ ⵜⵎⵉⵣⴰⵔ ⵢⴰⵏ ⵓⴳⵔⴰⵡ ⵏ ⵓⴹⴰⴼ ⴰⴳⵍⴷⴰⵏ ⵍⵍⵉ ⵢⴰⵜⵏ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵓⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵍⵍⵓⵊⵉⵙⵜⵉⴽ ⴷ ⵡⴰⵎⴰⵏ, ⴷ ⵉⵎⵉⵔⵉ ⵏ ⵓⵡⴰⵏⴽ ⴷⴰⵔ ⵓⵎⴰⵡⴰⵙⴰⵙ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵍⵍⵓⵊⵉⵙⵜⵉⴽ ⵉⵜⵜⵓⵙⵎⴳⴰⵍⵏ ⵙ ⵡⴰⵙⵙⴰⵢ, ⴷ ⵉⵙⵎⴷⵢⴰⵡⵏ ⵏ ⵜⴼⵏⵉⵇⵉⵏ ⵜⵉⵄⵕⴰⴱⵉⵏ ⵏ ⴰⴱⵓ ⴹⴰⴱⵉ ⴷ ⵍⴽⵡⵉⵜ ⴷ ⵙⵙⴰⵄⵓⴷⵢⴰ, ⵍⵍⵉ ⵢⴷⵔⴰⵏ ⴳ ⵜⵙⴽⴰⵔⵜ ⵏ ⵓⵙⵏⵜⵉ ⵢⴰⴷ, ⴷ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⵎⴷⴷⵓⴷ ⵍⵍⵉ ⵢⵎⴰⵏⵏ ⴷ ⵓⵏⵙⵙⵉⵅⴼ ⵉⵎⴰⵏⵡⴰⵉⵍ ⵎⴰⴽⵕⵓⵏ, ⴷ ⵉⵏⵙⵙⵉⵅⴼⵏ ⵏ ⵜⵎⵙⵙⵏⵜⵉⵏ ⵜⵉⴼⵕⴰⵏⵚⵉⵡⵉⵏ ⵍⵍⵉ ⵢⴷⵔⴰⵏ ⴳ ⵢⴰⵜ ⵜⵙⴰⵡⵔⵜ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵉⴱⵔⴷⴰⵏ ⵏ ⵡⵓⵣⵣⴰⵍ, ⴷ ⵉⵙⵜⵉⵏ ⵉⵡⵡⵓⵔⵉⵏ ⴳ ⵓⵙⵉⵔⴰ.
ⴷⴼⴼⵉⵔ ⵏ ⵖⵉⴽⴰⵏⵏ, ⴷⴷⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵙ ⵓⵙⴽⴰⵍ ⵏ ⵜⵏⴼⵓⵍⵉⵏ ⴳ ⵓⵙⵔⵙ, ⵍⵍⵉⵖ ⵓⵎⵥⵏ ⵙⵏⴰⵜ ⵏ ⵜⵏⴼⵓⵍⵉⵏ ⵉⵏⵉⴳⵍⵏ. ⴷ ⴷⴷⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵎⴰⵙⵙ ⵎⴰⴽⵕⵓⵏ ⵙ ⵕⵕⴰⵚⵉⴼ ⴰⴷⵙⵍⴰⵏ ⴳ ⵎⴰⵏⵏ ⵓⵙⵉⵏ ⵙⵙⵉⵜⴰⵕ ⵙⴳ ⵜⵎⴰⴳⵉⵜ ⵏ ⵜⵥⵕⵉ ⵏ ⵓⵍⴰⵡⴰⵢ ⵉⵖⴰⵡⵍⴰⵏ ⴱⴰⵀⵔⴰ "ⵍⴱⵓⵕⴰⵇ", ⴷⴰⵜ ⴰⴷ ⵖⵍⵉⵏ ⵙ ⵓⵍⴰⵡⴰⵢ ⴰⴷ ⵍⵍⵉ ⵢⵉⵡⵉⵏ ⵙⵉⵏ ⵉⵏⵙⵙⵉⵅⴼⵏ ⵏ ⵙⵏⴰⵜ ⵏ ⵜⵎⵉⵣⴰⵔ ⴰⴷ ⵙ ⵕⵕⴱⴰⵟ.
ⴰⵎⵎⴰⵙ ⵏ ⵓⵍⴰⵡⴰⵢ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵢⴰⵏ ⵉⵎⴽⵍⵉ ⵅⴼ ⴰⴷⴷⵓⵔ ⵏ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵕⵓⵏ ⴷ ⵓⴽⴰⴱⴰⵕ ⵍⵍⵉ ⴷⵉ ⴷⵜ ⵉⵎⴰⵏⵏ.
ⵉⴽⵛⵎ ⵓⵍⴰⵡⴰⵢ ⵉⴼⵙⵙⵓⵙⵏ ⴱⴰⵀⵔⴰ ⴳ ⵓⵙⴰⵜⵉ ⵏ ⵜⵓⴳⴳⴰⵣ ⵉⵔⴰⵏ ⵜⴰⵏⴽⵔⴰ ⵙ ⵉⴳⵔ ⵏ ⵓⴱⵔⵉⴷ ⵏ ⵡⵓⵣⵣⴰⵍ, ⵍⵍⵉ ⵢⵏⵏⵓⵕⵥⵎⵏ ⵙⴳ ⵍⵍⵉⵖ ⵉⵖⵍⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵓⴷⴰⴱⵓ, ⵎⴰ ⵢⴰⴷ ⵢⵉⵡⵉⵏ ⵉⵙⵙⴰⵔⵓⵏ ⵏ 70 ⵓⵎⵍⵢⴰⵕ ⵏ ⴷⴷⵔⵀⵎ.
ⵉⴳⴰ ⵡⵍⴰⵡⴰⵢ ⴰⴷ ⵜⵉⴽⵍⵉ ⵜⴰⵎⵣⵡⴰⵔⵓⵜ ⵏ ⵓⵙⵖⵉⵡⵙ ⴰⵏⵎⵀⴰⵍ ⵏ ⵜⵏⴽⵔⴰ ⵙ ⵜⵣⵟⵟⴰ ⵏ ⵉⵣⵔⵉⴳⵏ ⵏ ⵉⵍⴰⵡⴰⵢⵏ ⵉⴼⵙⵙⵓⵙⵏ ⴱⴰⵀⵔⴰ ⴳ ⵍⵎⵖⵔⵉⴱ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵙⵖⵡⵉⵙ ⴰⵏⵎⵀⴰⵍ ⵏ ⵜⵏⴽⵔⴰ ⵙ ⵉⵣⵔⵉⴳⵏ ⵉⴼⵙⵙⵓⵙⵏ ⴱⴰⵀⵔⴰ ⵍⵍⵉ ⵢⵍⵍⴰⵏ ⴳ ⵓⵣⵎⵣ ⴰⵏⴰⵎⵎⴰⵙ ⴷ ⴰⵎⴰⴳⴳⵓⴳ ⵉⵔⴰⵏ ⴰⴷ ⵉⵎⵓⵏ ⵏ ⵜⵎⵔⵏⵉⵡⵜ ⵍⵍⵉ ⴰⵔ ⵙⵓⵍ ⵉⵉⵜⵖⵍⵉⵏ ⵏ ⵓⵙⵜⴰⵢ ⵏ ⵉⵏⵎⴰⴷⵓⵏ ⴳ ⵜⴳⵍⴷⵉⵜ.
ⵔⴰⴷ ⵢⴰⵊⵊ ⵓⵚⴹⴹⴰⵕ ⵉⴼⵙⵙⵓⵙⵏ ⴱⴰⵀⵔⴰ ⴳⵔ ⵟⴰⵏⵊⴰ ⴷ ⴹⴹⴰⵕⵍⴱⵉⴹⴰ ⴰⴷ ⵎⵓⵏⵏ ⵙⵓⵏ ⵉⴳⵊⴷⵉⵢⵏ ⵉⴷⵎⵙⴰⵏ ⴰⴷ, ⴷ ⵔⴰⴷ ⵉⵙⵙⴳⵣⵓⵍ ⴰⵣⵎⵣ ⵉⵅⵚⵚⴰⵏ ⵉ ⵡⵎⵓⵜⵜⵉ ⴳⵔ ⵟⴰⵏⵊⴰ ⴷ ⵇⵏⵉⵟⵕⴰ ⴰⴼ ⴰⴷ ⵉⴳ 50 ⵜⵓⵙⴷⵉⴷⵉⵏ ⴳ ⴰⵏⵙⴰ ⵏ 3 ⵏ ⵜⵙⵔⴰⴳⵉⵏ ⴷ 15 ⵜⵓⵙⴷⵉⴷⵜ, ⴷ ⵢⴰⵜ ⵜⵙⵔⴰⴳⵜ ⴷ 20 ⵜⵓⵙⴷⵉⴷⵜ ⴳ ⴰⵏⵙⴰ ⵏ 3 ⵏ ⵜⵙⴳⴰⵔⵉⵏ ⴷ 45 ⵜⵓⵙⴷⵉⴷⵜ ⴳⵔ ⵟⴰⵏⵊⴰ ⴷ ⵕⵕⴱⴰⵟ, ⴷ ⵙⵏⴰⵜ ⵏ ⵜⵙⴳⴰⵔⵉⵏ ⴷ 10 ⵏ ⵜⵓⵙⴷⵉⴷⵉⵏ ⴳ ⴰⵏⵙⴰ ⵏ ⴽⴽⵓⵥ ⵏ ⵜⵙⴳⴰⵔⵉⵏ ⴷ 45 ⵜⵓⵙⴷⵉⴷⵜ ⴳⵔ ⵟⴰⵏⵊⴰ ⴷ ⴹⴹⴰⵕⵍⴱⵉⴹⴰ.
ⵍⵍⵉⵖ ⵍⴽⵎⵏ ⵙ ⴰⵙⵔⵙ ⵏ ⵕⵕⴱⴰⵟ ⴰⴳⴷⴰⵍ, ⵓⴼⴰⵏ ⵙⵉⵏ ⵉⵏⵙⵙⵉⵅⴼⵏ ⵏ ⵜⵎⵉⵣⴰⵔ ⴳ ⵓⵙⵏⵓⴱⴳ ⵏⵏⵙⵏ ⵉⵎⵙⵜⴳⴳⴰⵔⵏ ⵓⵖⵔⵉⵎⵏ ⴷ ⵉⵄⵙⴽⵕⵉⵏ ⵙⴳ ⵜⴰⵎⵏⴱⴰⴹⵜ ⵏ ⵕⵕⴱⴰⵟ ⴷ ⵙⵍⴰ ⴷ ⵇⵏⵉⵟⵕⴰ.
ⴳ ⵜⵎⴳⴳⴰⵔⵓⵜ ⵏ ⵜⴼⵓⴳⵍⴰ ⵢⴰⴷ, ⵉⴱⴹⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵕⵓⵏ.