ⴳ ⵓⴳⵛⵛⵓⵎ ⵏ ⵜⵣⵇⵇⴰ ⵜⴰⴳⵍⴷⴰⵏⵜ ⵏ ⵓⵣⴰⴳⵯⵣ ⵉⴱⵏ ⴱⵟⵓⵟⴰ, ⵢⵓⴼⴰ ⵡⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵚⴰ ⴳ ⵓⵙⵏⵓⴱⴳ ⵏⵏⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ. ⴷⴷⴼⵉⵔ ⴰⴷ, ⵙⴽⵔⵏ ⵉⵙⵙⵉⵅⴼⵏ ⵏ ⵙⵏⴰⵜ ⵜⵎⵉⵣⴰⵔ ⵉⵎⴹⴰⴽⴰⵕⵏ ⵉⵅⴼ ⵙ ⵉⵅⴼ.
ⵉⵙⵏⵓⴱⴳ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵕⵓⵏ, ⴷⴼⴼⵉⵔ ⵍⵍⵉⵖ ⵉⴳⴳⵯⵣ ⵙⴳ ⵜⵢⵍⴰⵍⵜ, ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴷⴰⵜ ⴰⴷ ⵉⵙⵙⵣⵔⵉ ⵡⴳⵔⴰⵡ ⵉⴼⵙⵙⵓⵙⴼⵏ ⵏ ⵜⵏⴼⵔⵓⵜ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ.
ⴷⴼⴼⵉⵔ ⵏ ⵖⵉⴽⴰⵏⵏ, ⵣⵓⵍⵏ ⵎⴰⵙⵙ ⵎⴰⴽⵕⵓⵏ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵎⴰⵙⵙ ⴰⵏⴹⵕⵉ ⴰⵥⵓⵍⴰⵢ, ⵉⵎⵛⵛⵉⵡⵔⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵏⵙⵓ, ⴷ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏ, ⴷ ⵎⴰⵙⵙ ⵎⵓⵃⵎⵎⴷ ⴱⵏⵛⵄⴱⵓⵏ, ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵏ ⵓⵥⵕⴼ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.
ⵉⵎⵍⴰ ⵡⵣⵔⴰⴼ ⵏ ⵜⵡⵓⵔⵉ ⴰⴷ ⵍⵍⵉ ⵢⵙⴽⵔ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵕⵓⵏ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵜⵉⵖⴱⵉ ⵏ ⵜⵓⵇⵇⵏⵉⵏ ⵜⵉⵙⵉⵏⵔⴰⵏⵏ ⵉⴱⵉⴷⴷⵏ ⵅⴼ ⵜⴰⴷⵔⴰⵡⵜ ⵜⴰⴷⵓⵙⵜ, ⴰⵛⴽⵓ ⵜⵍⵍⴰ ⵢⴰⵜ ⵜⵉⵔⴰⵜ ⵉⵛⵛⴰⵔⵏ ⵏ ⵜⵏⴽⵔⴰ ⵙ ⵜⵓⵇⵇⵏⵉⵏ ⴳ ⵎⵛⵜⴰ ⵏ ⵉⵎⵏⵉⴷⵏ ⵍⵍⵉ ⵢⵙⵎⴰⵏⵏ ⵙⵏⴰⵜ ⵏ ⵜⵎⵉⵣⴰⵔ.