ⴳ ⵍⴱⴷⵓ ⵏ ⵉⵏⵏⴰⵡ ⵏⵏⵙ, ⵉⵏⵏⴰ ⵍⵅⴰⵟⵉⴱ ⵏ ⵓⵙⵉⵎⵡⴰⵙ ⵎⴰⵙ ⵍⵉⵙⵍⴰⵎ ⴳ ⵜⵖⴰⵍⵜ ⵏⵏⵙ ⵉⵥⵕⴰ ⵎⴰⵙ ⴷⴷⵓⵏⵉⵜ ⴰⴷ ⵜⴱⵉⴷⴷ ⵅⴼ ⵓⵙⵎⴰⵢⵙⵓ ⴷ ⵓⵎⵣⵔⴰⵢ, ⴰⵛⴽⵓ ⵕⵕⴱⵉ ⴰⴷ ⵉⴳⴰⵏ ⵢⴰⵏ, ⴷ ⵎⴰⴷ ⵉⵇⵇⴰⵎⴰⵏ ⵢⴰⴹⵏⵉⵏ ⵉⴳⴰ ⵎⵏⵏⴰⵡ, ⵎⴰⵢⴰⴷ ⵉⴳⴰⵏ ⵢⴰⵏ ⵓⵙⵍⴳⵏ ⵍⵍⵉ ⵢⵏⴱⴹⵏ ⵅⴼ ⵉⵎⴰⴹⵍⴰⵏ ⵏ ⵜⵉⵍⵉⵜ, ⵙⵡⴰ ⵢⴼⴳⴰⵏ ⵏⵖⴷ ⵉⵎⵓⴷⵔⵏ ⵏⵖⴷ ⵙⵓⵍ ⵉⵎⵖⵉⵏ, ⴷ ⴱⵉⴷⴷⵏ ⴼⵍⵍⴰⵜ ⵉⵅⵎⵓⵎⵏ ⴷ ⴼⵍⵙⴰⴼⴰⵜ ⴷ ⵉⵙⵍⴳⴰⵏⵏ ⴷ ⵉⵙⴳⴷⵏ.
ⵉⴼⵔⴰ ⵢⵏⵏⴰ ⵍⵅⴰⵟⵉⴱ ⵎⴰⵙ ⵜⵉⴼⴼⵓⴳⵏⴰ ⵜⴱⴷⴰ ⵜⴳⴰ ⵢⴰⵜ ⵜⴳⵔⴰⵡⵜ ⴷ ⵜⵎⵜⵜⵉ, ⴷⴰⵜ ⴰⴷ ⵜⴱⴹⵓ ⵅⴼ ⵎⵏⵏⴰⵡ ⵏ ⵉⴳⴷⵓⴷⵏ ⴷ ⵍⵇⴱⴰⵢⵍ, ⴰⴼⴰⴷ ⵛⵔⴽⵏ ⵉⵎⵃⵣⴰⵡⵏ ⴷ ⵜⵓⵙⵙⵏⴰ, ⵉⵙⵙⴽⵜⵉ ⴼ ⵖⵉⴽⴰⵏⵏ ⴰⵡⴰⵍ ⵍⵍⵉ ⵢⵏⵏⴰ ⵕⵕⴱⵉ ⴳ ⵍⵇⵓⵔⴰⵏ.
ⵍⵍⵉⵖ ⵉⵜⵎⵎⴰ ⵍⵅⵟⴱⴰ ⵏⵏⵙ, ⵉⵜⵜⵔ ⵍⵉⵎⴰⵎ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴷ ⴰⴷⴰⵙ ⵢⴰⵊⵊ ⵢⵉⵡⵉⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.
ⴷ ⵉⵜⵜⵔ ⵟⵟⴰⵍⴱ ⵏ ⵜⵎⵣⴳⵉⴷⴰ ⵏ ⵏⵏⴰⵚⵕ ⴳ ⵎⵕⵕⴰⴽⵛ ⵉ ⵕⴱⴱⵉ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.