ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ, ⵉⵎⵍⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵎⴰⵡⵙⴰⵙ ⵏ ⵓⴳⵏⵙⵓ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⵢⴰⵏ ⵓⵙⵎⵏⵉⴷ ⵅⴼ ⵉⵙⵡⴰⵍⴰⵏ ⵉⵎⴰⵜⴰⵢⵏ ⵏ ⵜⵙⵔⵜⵉⵜ ⵏ ⵓⵡⴰⵏⴽ ⴳ ⵉⴳⵔ ⵏ ⵓⵔⵜⵏⵎⵎⴰⵙⵜ ⵜⴰⵎⵙⵙⵓⴳⵓⵔⵜ.
ⴼ ⵖⵉⴽⴰⵏⵏ, ⵜⴱⵉⴷⴷ ⵜⵙⵔⵜⵉⵜ ⵏ ⵓⵡⴰⵏⴽ ⴳ ⵉⴳⵔ ⵏ ⵓⵔⵜⵏⵎⵎⴰⵙⵜ ⵅⴼ ⴽⴽⵓⵥ ⵏ ⵉⵙⴳⵓⵎⵏ ⵉⵎⵇⵇⵓⵕⵏ:
- ⴰⴷ ⵜⴳ ⵜⵎⵏⴰⴹⵜ ⴰⵙⵡⵉⵔ ⴰⵎⴰⴽⴰⵎ ⵉⵄⴷⵍⵏ ⵉ ⵜⵙⵔⵜⵉⵜ ⴰⴷ, ⴷ ⴰⴷ ⵉⴳ ⵍⵡⴰⵍⵉ ⵏ ⵜⵎⵏⴰⴹⵜ ⴰⵙⵎⴷⵢⴰ ⵏ ⵜⵏⴱⴰⴹⵜ ⵜⴰⵏⴰⵎⵎⴰⵙⵜ ⴳ ⵓⵙⵡⵉⵔ ⵏ ⵜⵎⵏⴰⴹⵜ.
- ⴰⴷ ⵜⵉⵍⵉ ⵜⵏⴽⵔⴰ ⵙ ⵜⵏⴰⴼⵓⵜⵉⵏ ⵓⵔⵜⵏⵎⵎⴰⵙⵏ ⴷ ⴰⴷ ⵜⴼⵔⴰⵔⵉ ⴰⵔ ⵉⵙⴳⵓⵎⵏ ⵉⵅⴰⵜⴰⵔⵏ ⴰⵎⵎⴰⵙ ⵓⵙⵡⵉⵔ ⵉⴷⵖⵔⴰⵏ, ⴷ ⴰⴷ ⴰⵡⵉⵏ ⵉⵎⵙⵎⴷⵢⴰⵡⵏ ⵏⵏⵙⵏ ⴳ ⵜⵎⵏⴰⴹⵜ ⴰⴷ ⴰⵡⵉⵏ ⵜⵉⵏⴱⴰⴹⵉⵏ ⵏ ⵜⵖⵜⴰⵙⵜ ⵉⵅⵚⵚⴰⵏ.
- ⴰⴷ ⵎⵓⵏⵏ ⵎⵏⵏⴰⵡ ⵏ ⵉⵙⵇⵇⵓⵍⵏ ⴷ ⵜⵏⵎⵏⴰⴹⵜ ⵜⴰⵎⴰⵍⴰⵢⵜ, ⵉⵔⴰⵏ ⴰⴷ ⵉⴼⴽ ⴰⵏⵏⴰⵍ ⵉ ⵜⵉⵎⴳⵔⵓⵜⵉⵏ ⵜⵉⵎⴰⴽⴰⵍⵉⵏ, ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵉⵙⵎⴰⵏⵏ ⴽⵔⴰ ⵢⴳⴳⴰⵜ ⵓⵎⵙⴽⴰⵔ ⴰⵏⵎⵏⴰⴹ.
- ⴰⴷ ⵉⵍⵉⵏ ⵉⵍⵓⴳⵏⵏ ⵏ ⵓⵏⴱⴰⴹ ⴰⴼⴰⴷ ⵙⵙⵉⵅⴼⵏ ⵜⵉⵣⵉⴳⵣⵜ ⵏ ⵓⵔⵜⵏⵎⵎⴰⵙⵜ ⵜⴰⵎⵙⵙⵓⴳⵓⵔⵜ.
ⴳ ⵓⵙⴰⵜⵉ ⵢⴰⴷ, ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴰⴷ ⵉⵍⵉⵏ ⵉⵙⵇⵇⵓⵍⵏ ⵉⵅⵚⵚⴰⵏ ⴰⴼⴰⴷ ⵜⵜⵢⴰⵡⴰⵏ ⵎⵏⵏⴰⵡ ⵏ ⵜⵏⴰⴱⴹⵉⵏ ⴷ ⵉⵎⵉⵙⵏ ⵙⴳ ⵓⵎⵎⴰⵙ ⴰⵔ ⵜⵏⴰⴼⵓⵜⵉⵏ ⵓⵔⵉⵏⵎⵎⴰⵙⵏ, ⴷ ⴰⴷ ⵙⵓⵍ ⵓⵔ ⵉⵍⵉ ⵡⵙⴱⴷⴷⵉ ⵓⵔ ⵉⵟⵟⴰⴼⵏ ⵍⵎⵄⵏⴰ ⵍⵍⵉ ⴰⵔ ⵙⴽⴰⵔⵏⵜ ⴽⵔⴰ ⵏ ⵜⵎⵙⵙⵓⴳⵓⵔⵉⵏ ⵜⵉⵏⴰⵎⵎⴰⵙⵏ ⴳ ⵉⴳⵔ ⴰⴷ.
ⴷⴼⴼⵉⵔ ⵏ ⵖⵉⴽⴰⵏⵏ, ⵉⵙⵙⵖⵥⵏ ⵓⵙⵇⵇⵉⵎ ⴰⵎⴰⵡⵙⴰⵙ ⴰⵙⵏⵜⵉ ⵏ ⵓⵙⵍⴳⵏ ⵉⴳⴳⵔⵏ ⵉ ⵡⵏⴳⵔⴰⵡ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵙⵉⴳⴳⵍ ⵓⵎⴰⵙⵙⴰⵏ, ⵎⴰⵢⴰⴷ ⵉⴱⵉⴷⴷⵏ ⵅⴼ ⵎⵏⵏⴰⵡ ⵏ ⵜⵏⵇⵇⴰⴹ ⵉⵅⴰⵜⴰⵔⵏ, ⵣⵓⵏⴷ ⴰⴷ ⵜⵉⵍⵉ ⵢⴰⵜ ⵜⵉⵏⵎⵍ ⵜⴰⵎⴰⵢⵏⵓⵜ ⵉⵕⵥⵎⵏ ⴷⴰⵜ ⵏ ⴰⴽⴽⵯ ⵏ ⵎⴷⴷⵏ, ⵙ ⵓⵙⵙⴽⵛⵎⵏ ⵏ ⵓⵙⵍⵎⴷ ⴰⵎⵣⵡⴰⵔⵓ ⴳ ⵓⵙⵍⵎⴷ ⴰⵎⵏⵣⵓ ⵉ ⵢⵎⵥⵥⵉⵏ ⵉⵟⵟⴰⴼⵏ 4 ⴰⵔ 6 ⵏ ⵙⴳⴳⵯⴰⵙⵏ, ⴷ ⴰⴷ ⵙⵓⵍ ⵉⴳⴳⵯⵣ ⴰⴷ ⵉⵎⵥⵥⵉⵏ ⵉⵟⵟⴰⴼⵏ 3 ⵏ ⵉⵙⴳⴳⵯⴰⵙⵏ, ⴷ ⴰⴷ ⵉⴳ ⵓⵙⵍⵎⴷ ⴰⵎⵣⵓⵛⵛⵍ ⴰⵔ 16 ⵓⵙⴳⴳⵯⴰⵙ ⴳ ⵓⵏⵙⴰ ⵏ 15.
ⵉⵜⴰⴱⵄⴰ ⵡⵙⵏⵜⵉ ⵢⴰⴷ, ⵢⴰⵏ ⵓⵙⵏⵜⵉ ⵢⴰⴹⵏⵉⵏ ⵍⵍⵉ ⴷⴰⵖ ⵉⵙⵙⵖⵣⵏ ⵓⵙⵇⵇⵉⵎ ⵎⴰⵢⴰⴷ ⵉⵅⵚⵚⴰⵏ ⵜⵏⴰⴼⵓⵜ ⵜⴰⵄⵙⴽⵔⵉⵜ, ⵍⵍⵉ ⵢⵜⵜⵓⵙⴽⴰⵔⵏ ⵙ ⵓⵣⵣⴳⵉⵔ ⵏ ⵉⵏⴹⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ. ⵖⵉⴽ ⵍⵍⵉ ⵢⵏⵏⴰ ⵡⵙⵍⴳⵏ ⴰⴷ, ⵔⴰⴷ ⵣⵓⵛⵛⵍⵏ ⵉⵏⴰⵎⵓⵔⵏ ⴷ ⵜⵉⵏⴰⵎⵓⵔⵉⵏ ⵉⵟⵟⴰⴼⵏ ⴳⵔ 19 ⴷ 25 ⵓⵙⴳⴳⵯⴰⵙ ⴰⴷ ⴷⴼⴰⵕⵏ ⵜⵏⴰⴼⵓⵜ ⵜⴰⵄⵚⴽⵕⵉⵜ ⴳ ⵢⴰⵏ ⴰⵣⵎⵣ ⵏ 12 ⵏ ⵉⵢⵢⵉⵔⵏ, ⴷ ⵉⵎⵍⴰ ⵢⵎⴷⵢⴰⵡⵏ ⵍⵍⵉ ⵢⵙⵙⴼⴼⵓⵖⵏ ⵜⵏⴰⴼⵓⵜ ⵜⴰⵄⵚⴽⵕⵉⵜ ⴰⴷ, ⴷ ⵉⵙⵇⵇⵓⵍⵏ ⵍⵍⵉ ⴰⵔ ⵜⴰⵡⵉ ⵜⵎⵙⵙⴽⵜⵉⵜ ⵏ ⵜⵎⵏⵉⵍⵉⵏ ⵏ ⵜⵙⴼⴼⵓⵖⵜ ⴰⴷ ⴰⵔ ⵓⵙⴳⴳⵯⴰⵙ ⵏ 40.
ⴷ ⵖⵉⴽ ⵍⵍⵉ ⵢⵏⵏⴰ ⵍⴼⴰⵚⵍ ⵡⵉⵙⵙ 49 ⵏ ⵓⴷⵓⵙⵜⵓⵔ, ⴷ ⵙ ⵜⵙⵓⵎⵔⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵙ ⵜⵏⵙⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⴳⵏⵙⵓ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵏⵏⴰⵡ ⵏ ⵍⵡⵓⵍⴰⵜ ⴷ ⵍⵄⵓⵎⵎⴰⵍ ⴳ ⵜⵎⵙⴳⴳⵓⵔⵜ ⵜⴰⵎⴰⴽⴰⵍⵜ ⴷ ⵜⴰⵏⴰⵎⵎⴰⵙⵜ.
ⴷ ⵙ ⵜⵙⵓⵎⵔⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵙ ⵜⵏⵙⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ ⵉⴳⵔⴰⵖⵍⴰⵏ, ⵉⵙⵔⵏⵙ ⴱⴰⴱ ⵏ ⵡⴰⴷⴷⵓⵔ ⵎⵏⵏⴰⵡ ⵏ ⵉⵎⵙⵇⴰⴷⵏ, ⵎⴰⵢⴰⴷ ⵉⴳⴰⵏ:
- ⵎⴰⵙⵙ ⵢⵓⵙⴼ ⵍⵄⵎⵕⴰⵏⵉ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⴼⴼⵓⵙ ⵏ ⵉⴼⵔⵉⵇⵢⴰ.
- ⵎⴰⵙⵙⴰ ⵥⵀⵓⵕ ⵍⵄⴰⵍⴰⵡⵉ, ⵜⴰⵎⵙⴽⴰⴷⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴰⵍⵎⴰⵏⵢⴰ.
- ⵎⴰⵙⵙ ⵃⴰⵙⴰⵏ ⴰⴱⵓ ⴰⵢⵢⵓⴱ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵕⵓⵎⴰⵏⵢⴰ.
- ⵎⴰⵙⵙⴰ ⵕⴰⵊⴰⴻ ⵏⴰⵊⵉ ⵎⴽⴽⴰⵡⵉ, ⵜⴰⵎⵙⴽⴰⴷⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷⴰⵔ ⵍⴼⴰⵜⵉⴽⴰⵏ.
- ⵎⴰⵙⵙ ⵙⴰⵎⵉⵔ ⴹⵀⴰⵕ, ⴰⵎⵙⵎⴷⵢⴰ ⴰⵎⵖⵍⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷⴰⵔ ⵜⵎⴰⴷⴷⴰⵙⵜ ⵏ ⵍⵢⵓⵏⵉⵙⴽⵓ.
- ⵎⴰⵙⵙ ⵎⵓⵃⵎⵎⴷ ⵄⴰⵍⵉ ⵍⴰⵥⵕⴰⵇ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵓⵕⴽⵢⴰ.
- ⵎⴰⵙⵙ ⵎⵓⵃⵎⵎⴷ ⵙⵜⵔⵉ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵇⴰⵟⴰⵕ.
- ⵎⴰⵙⵙ ⵅⴰⵍⵉⴷ ⵏⵏⴰⵚⵉⵕⵉ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⵓⵕⴹⵓⵏ.
- ⵎⴰⵙⵙ ⵢⵓⵙⴼ ⴱⵍⵍⴰ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵟⵟⴰⵍⵢⴰⵏ.
- ⵎⴰⵙⵙ ⵍⵓⵟⴼⵉ ⴱⵓⵛⵄⵕⴰ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵔⵓⵙⵢⴰ.
- ⵎⴰⵙⵙ ⵄⵣⵣⴷⴷⵉⵏ ⴼⵕⵃⴰⵏ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵏⵏⵎⵙⴰ.
- ⵎⴰⵙⵙ ⵢⴰⵙⵉⵔ ⴼⴰⵔⵉⵙ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⴰⵕⵊⵓⵏⵜⵉⵏ.
- ⵎⴰⵙⵙ ⴰⵎⵉⵏ ⵛⵛⵓⴷⵔⵉ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⴱⵉⵔⵓ.
- ⵎⴰⵙⵙ ⵊⴰⵎⴰⵍ ⵛⵛⵄⵉⴱⵉ, ⴰⵎⵙⴽⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵍⴼⵢⵉⵜⵏⴰⵎ.
ⴷ ⵙ ⵜⵙⵓⵎⵔⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ:
- ⴷ ⵙ ⵜⵏⵙⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵥⵓⵍⴰⵏ ⴷ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵉⴳⴳⵍ ⴰⵎⴰⵙⵙⴰⵏ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙⴰ ⵍⵓⴱⵏⴰ ⵟⵕⵉⵛⴰ ⴰⴷ ⵜⴳ ⵜⴰⵏⵎⵀⴰⵍⵜ ⵏ ⵓⵙⵉⵔⴰ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵜⴰⵏⴽⵔⴰ ⵙ ⵜⵡⵓⵔⵉ.
- ⴷ ⵙ ⵜⵏⵙⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵓⵙⵙⴰⵔⵓ ⴷ ⵜⵙⴱⴱⴰⴱⵜ ⴷ ⵜⴷⵎⵙⴰ ⵜⴰⵎⵓⵟⵟⵓⵏⵜ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵄⴱⴷⵍⵍⵟⵉⴼ ⴱⵔⴷⴰⵛ ⴰⴷ ⵉⴳ ⵓⵏⵎⵀⴰⵍ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵓⴹⵓⴼ ⵏ ⵓⵥⵥⴰⵕⵓⵕ
ⴱⵍⴰ ⵏ ⵖⵉⴽⴰⵏⵏ, ⵉⵙⵙⵖⵥⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ 14 ⵜⵎⵢⴰⵇⵇⴰⵏⵜ ⵉⴱⵉⴷⴷⵏ ⵅⴼ ⵉⵙⵍⴳⵏⵏ.