ⵉⵏⵏⴰ ⵎⴰⵙⵙ ⵊⵊⵡⴰⵀⵔⵉ ⵙ ⵓⵣⵎⵣⵣⵓ ⴷⵖ ⵎⴰⵙ ⵉⵖⵍⵉ ⴱⴰⵀⵔⴰ ⵓⵙⵖⵍ ⵏ ⵜⵎⵔⵏⵉⵡⵜ ⴳ ⵜⵎⴰⵣⵉⵔⵜ ⵏⵏⵖ ⴳ ⵓⵙⴳⴳⵯⴰⵙ ⵏ 2017 ⴰⵍⵍⵉⴳ ⵉⵍⴽⵎ 4,1%, ⴷⴼⴼⵉⵔ ⵏ ⵜⵉⵎⵙⵓⵜⴰⵍ ⵜⵉⵎⵏⵣⵡⵉⵏ ⵉⵅⴰⵜⴰⵔⵏ ⴷ ⴰⴼⴰⵍⴽⵉ ⵏ ⵜⴰⴷⴰⵎⵙⴰ ⵜⴰⴳⵔⴰⵖⵍⴰⵏⵜ, ⵎⵇⵇⴰⵕ ⵉⵖ ⵉⵖⵍⵉ ⵉⵎⵉⴽⴽⵯ ⴰⵙⵖⵍ ⴰⵏⴰⵎⵓⵔ ⵏ ⵜⵔⵡⵓⵔⵉ.
ⵙ ⵎⴰⴷ ⵉⵥⵍⵉⵏ ⵙ ⵓⵎⵢⴰⵙ ⴰⵎⴰⴽⵕⵓ-ⴰⴷⵎⵙⴰ, ⵉⵏⵏⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ ⵎⴰⵙ ⵢⵓⵡⴹⵏ ⵍⵄⴰⵊⵣ ⵏ ⵜⵎⵙⴰⵙⵜⵍⵜ ⵙ 3,6 % ⴳ ⵓⵢⴰⴼⵓ ⴰⴳⵯⵏⵙⴰⵏ ⴰⵎⵙⴰⵔⵉ, ⴷ ⵉⵡⴹⵏ ⵍⵄⴰⵊⵣ ⵏ ⵓⵙⵉⴹⵏ ⴰⵏⵙⴱⴰⴱ ⵙ ⵓⵙⵙⵎⵓⵏ ⵏ 3,6%, ⴳ ⵜⵙⴳⴰ ⵢⴰⴹⵏ, ⵉⵖⵓⴷⴰ ⵡⴰⴷⴷⴰⴷ ⵏ ⵓⵖⴹⴰⴼ ⵓⵥⵕⵉⴼ ⵏⵏⴰⵏ ⵢⵥⴹⴰⵕⵏ ⴰⴷ ⵉⵃⴱⵓ 6 ⵉⵢⵢⵉⵔⵏ, ⴷ ⵉⵣⵣⴰⵢ ⵉⵎⵉⴽⴽⵯ ⵜⵜⴰⴹⴰⵅⵅⵓⵎ ⵍⵍⵉ ⵢⵍⴽⵎⵏ ⵙ 0,7%.
ⵙ ⵓⵣⵎⵣⵣⵓ ⴷⵖ, ⵉⵖⵕⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ, ⵎⴰⵙⵙ ⵄⴱⴷⵍⵍⵟⵉⴼ ⵊⵊⵡⴰⵀⵔⵉ ⵉ ⵜⵎⵔⵙⴰⵍ ⴷ ⵓⴳⴷⵓⴷ ⵏ ⵍⵎⵖⵔⵉⴱ, ⴽⵓⵢⴰⵏ ⴳ ⵎⴰⵢⴳⴰⵜ ⴰⴹⵖⴰⵕ ⵏⵏⵙ, ⴰⴷ ⵙⴽⵔⵏ ⵜⵓⴳⴳⵯⴰⵣ ⵏⵏⵙⵏ ⵃⵎⴰ ⴷ ⵙⴷⵓⵙⵏ ⵜⵉⵢⴰⴼⵓⵜⵉⵏ ⵏ ⵜⴷⵎⵙⴰ ⵜⴰⵏⴰⵎⵓⵔⵜ, ⵙⵍⴰⵡⵏ ⴰⴽⴽⵯ, ⴳ ⵢⴰⵏ ⵓⵙⴰⵜⵉ ⴰⵎⴰⴹⵍⴰⵏ ⵉⵥⵍⵉⵏ ⵙ ⵓⵎⵃⵉⵣⵡⵕ.
ⴳ ⵜⵉⴳⴳⵯⵓⵔⵉ ⵏ ⵜⵏⴰⴹⵜ ⴰⴷ, ⵉⴼⴽⴰ ⵍⵡⴰⵍⵉ ⵏ ⴱⴰⵏⴽ ⵍⵎⵖⵔⵉⴱ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⵏⴰⴹⵜ ⵜⴰⵙⴳⴳⵯⵙⴰⵏⵜ ⵏ ⵍⴱⴰⵏⴽ ⴰⵏⴰⵎⵎⴰⵙ ⵅⴼ ⴰⴷⴷⴰⴷ ⵜⴰⴷⵎⵙⴰⵏⵜ ⴷ ⵜⴰⵥⵕⴼⴰⵏⵜ ⵜⴰⵏⴰⵎⵓⵔⵜ ⵏ ⵓⵙⴳⴳⵯⴰⵙ ⵏ 2017.