ⵉⵏⵏⴰ ⵡⵙⵉⵡⴹ ⵉⵙ ⵉⵙⵇⵇⵙⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵍⴱⴷⵓ ⵏ ⵜⵉⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵉⵙⵙⴼⵔⵓⵏ ⵉ ⵢⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⵍⴰⵏⵜ ⴷ ⵜⵉⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵜ, ⵅⴼ ⴰⵙⵓⵔⵙ ⵏ ⵜⵏⴼⵍⴰⵃⵜ ⴳ ⵜⴳⵍⴷⵉⵜ. ⵉⵏⵏⴰ ⵡⵎⴰⵡⵙⴰⵙ ⵉⵙ ⴼⵓⵍⴽⵉⵏ ⵜⵉⵎⵙⵓⵜⴰⵍ ⵏ ⵓⵙⴳⴳⵯⴰⵙ ⴰⵏⴼⵍⴰⵃ ⴰⴷ, ⵙⵍⴰⵡⴰⵏ ⴰⴽⴽⵯ ⵜⵓⵙⵓⵔⵉⵏ ⵏ ⵓⵏⵥⴰⵕ ⴷ ⵜⵜⵍⵊ ⵅⴼ ⵓⴳⴳⵓⴳⵏ ⴷ ⵡⴰⴽⴰⵍ.
ⵉⵏⵏⴰ ⵙⵓⵍ ⵓⵎⴰⵡⵙⴰⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⴰⵔ ⵉⵙⵎⴰⵏ ⵜⵉⵎⵓⵛⴰ ⵅⴼ ⵎⴰⴷ ⵉⵙⵎⴰⵏ ⵓⵙⴳⴳⵯⴰⵙ ⴰⵏⴼⵍⴰⵃ ⴰⴷ ⴷ ⵜⵓⵙⵓⵔⵜ ⵏⵏⵙ ⵅⴼ ⵉⵏⴼⵍⴰⵃⵏ, ⵉⵔⵏⵓ ⵢⵏⵏⴰ ⵉⵙ ⵔⴰⴷ ⵉⴼⴽ ⵜⵉⵎⵓⵛⴰ ⵢⴰⴷ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵡⵙⵙⴰⵏ ⴰⴷ ⵢⵓⵛⴽⴰⵏ.
ⴷⴼⴼⵉⵔ ⵏ ⵖⵉⴽⴰⵏⵏ, ⵉⵖⵕⴰ ⴷ ⵉⴹⴼⴰⵕ ⵓⵙⵇⵇⵉⵎ ⴰⵙⵏⵜⵉ ⵏ ⴹⴹⴰⵀⵉⵕ ⵉⴳⴳⵔⵏ ⵉ ⵡⵙⵓⵔⵙ ⵏ ⵉⵎⵙⵖⴰⵏⵏ ⵏ ⵓⵔⴰⵢ ⵓⵖⵔⵉⵎ ⴷ ⵉⴹⴱⵉⴱⵏ ⵉⵡⵡⵓⵔⵉⵏ ⴳ ⵜⴰⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵔⴰⵢ ⵓⵖⵔⵉⵎ ⴷ ⵜⵉⵏⴰⴼⵓⵜⵉⵏ ⵜⵉⴱⵕⵕⴰⵏⵉⵢⵏ ⵏⵏⵙ.
ⵉⵜⵜⵓⵙⴽⴰⵔ ⴰⵙⵓⵔⵙ ⴰⴷ ⵙ ⵓⵣⵣⴳⵉⵔ ⵏ ⵉⵏⴹⵏ ⵉⴳⵍⴷⴰⵏ ⵢⴰⵜⵜⵓⵢⵏ, ⴷ ⵉⵔⴰ ⴰⴷ ⵉⵙⵔⵙ ⵜⵉⵙⵏⵙⵉ ⵏ ⵍⵎⵕⵙⵓⵎ ⴰⵙⴰⵜⵉ ⵍⵍⵉ ⵢⴹⴼⵕ ⵍⴱⵕⵍⴰⵎⴰⵏ ⴷ ⵎⴰⵢⴰⴷ ⵉⵔⴰⵏ ⴰⴷ ⴷⴼⴰⵕⵏ ⵉⵎⵙⵖⴰⵏ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵔⴰⵢ ⵓⵖⵔⵉⵎ ⴷ ⵉⴹⴱⵉⴱⵏ ⵏⵏⵙ ⵉ ⵢⵍⵓⴳⵏ ⵏ ⵉⵥⵍⵉ ⴰⵄⵚⴽⵕⵉ.
ⴳ ⵓⵙⴰⵜⵉ ⵢⴰⵜ, ⵜⵜⵓⴹⴼⴰⵕⵏ ⵙⵉⵏ ⵏ ⵉⵙⵏⵜⵉⵏ ⵏ ⵍⵎⴰⵕⴰⵚⵉⵎ, ⵎⴰⵢⴰⴷ ⵉⴳⴰⵏ ⴰⵙⵏⵜⵉ ⵏ ⵍⵎⴰⵕⵚⵓⵎ ⵉⵔⴰⵏ ⴰⴷ ⵉⵥⵍ ⵜⵉⵎⴰⵎⴽⵏ ⵏ ⵜⵉⵙⵏⵙⵉ ⵏ ⴰⵙⵓⵔⵙ ⵏ ⵉⵎⵙⵖⴰⵏ ⵏ ⵜⵎⵀⵍⴰ ⵢⴰⴷ, ⵓⵍⴰ ⴰⵙⵓⴷⵙ ⵢⴰⴹⵏⵉⵏ ⵏ ⵜⵉⵏⵎⵍ ⵏ ⵓⵔⴰⵢ ⵓⵖⵔⵉⵎ, ⵎⴰⵔⴰⴷ ⵉⴳ ⵉⵙⵎ ⵏⵏⵙ ⴰⵎⴰⵢⵏⵓ "ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵓⵔⴰⵢ ⵓⵖⵔⵉⵎ".
ⴷⴼⴼⵉⵔ ⵏ ⵖⵉⴽⴰⵏⵏ, ⵉⴹⴼⴰⵕ ⵓⵙⵇⵇⵉⵎ ⴰⵙⵏⵜⵉ ⵏ ⵓⵙⵍⴳⵏ ⴰⵎⵙⵓⴷⵙ ⵉⵙⵏⴼⵍⵏ ⴷ ⵉⵜⵎⵎⴰⵏ ⴰⵙⵍⴳⵏ ⴰⵎⵙⵓⴷⵙ ⵏ ⵓⵙⵎⴰⵡⴰⵏ ⵏ ⵜⵉⵙⵖⵏⵏ ⵢⴰⵜⵜⵓⵢⵏ, ⵖⵉⴽ ⵍⵍⵉ ⵏⵏⴰⵏ ⵉⵎⵉⵔⵉⵏ ⵡⵉⵙⵙ 42 ⴷ 92 ⵏ ⵓⴷⵓⵙⵜⵓⵕ.
ⴷⴼⴼⵉⵔ ⵏ ⵖⵉⴽⴰⵏⵏ, ⵉⴹⴼⴰⵕ ⵓⵙⵇⵇⵉⵎ ⴰⵙⵏⵜⵉ ⵏ ⵓⵙⵍⴳⵏ ⴰⵎⵙⵓⴷⵙ ⵉⵙⵏⴼⵍⵏ ⴷ ⵉⵜⵎⵎⴰⵏ ⴰⵙⵍⴳⵏ ⴰⵎⵙⵓⴷⵙ ⵏ ⵓⵙⵎⴰⵡⴰⵏ ⵏ ⵜⵉⵙⵖⵏⵏ ⵢⴰⵜⵜⵓⵢⵏ, ⵖⵉⴽ ⵍⵍⵉ ⵏⵏⴰⵏ ⵉⵎⵉⵔⵉⵏ ⵡⵉⵙⵙ 42 ⴷ 92 ⵏ ⵓⴷⵓⵙⵜⵓⵕ. ⵉⵔⴰ ⵡⵙⵏⵜⵉ ⵢⴰⴷ ⴰⴷ ⵉⵙⵙⴽⵛⵎ "ⵜⴰⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵜⴳⵎⵉ ⵏ ⵉⵙⵙⴰⵔⵓⵏ ⴷ ⵏ ⵉⵙⵉⴼⴰⴹ" ⴷ "ⵜⴰⵙⵏⵓⵔⴰⵢⵜ ⵏ ⵜⴳⵎⵉ ⵜⴰⵎⵓⵟⵟⵓⵏⵜ" ⴷ "ⵜⴰⴼⵏⵉⵇⵜ ⵏ ⵜⴱⴷⴰⴷⵜ ⴷⴰⵜ ⵏ ⵜⵉⵎⵙⴰⵔⵉⵏ ⵜⵉⵡⴰⵖⵉⵏ", ⴷ "ⵜⴰⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵓⵙⴱⴷⴷⵉ ⵏ ⵍⵉⴷⵎⴰⵏ" ⴷ "ⵜⴰⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵜⵏⴼⵔⵓⵜ ⵜⴰⴱⵔⴷⴰⵏⵜ".
ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⴰⵙⵇⵇⵏⵉⵏ ⵏ ⵜⴳⵍⴷⵉⵜ ⴷ ⵎⵏⵏⴰⵡ ⵏ ⵜⵎⵉⵣⴰⵔ ⵓⵍⵙⵎⴰⵜⵉⵏ ⴷ ⵜⵉⵎⴷⴷⵓⴽⴽⴰⵍⵉⵏ, ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵜⴰⵎ (8) ⵏ ⵜⵉⵎⵢⴰⵇⵇⴰⵏ ⵜⵉⴳⵔⴰⵖⵍⴰⵏ, ⵎⴰⵢⴰⴷ ⵉⴳⴳⵔⵏ ⵉ ⴰⵡⵏⴰⴹ ⴷ ⴰⵎⵢⴰⵡⴰⵙ ⴰⵣⵔⴼⴰⵏ ⴳ ⵉⴳⵔⵏ ⵓⵖⵔⵉⵎ ⴷ ⴰⵏⵙⴱⴰⴱ ⴷ ⴰⵎⵙⵙⵓⴳⵓⵔ, ⴰⵙⴱⴷⴷⵉ ⵏ ⵜⴰⴽⵏⵏⴹⵜ ⵜⴰⵔⴳⴰⵢⵜ, ⴷ ⵜⴰⵎⴰⵍⵍⴰⵢⵜ ⴷ ⵜⵉⵏⴰⴼⵓⵜⵉⵏ ⵜⴰⵎⴰⴹⵓⵏ, ⴷ ⵜⴰⵙⵢⴰⴼⵓⵜ ⵉⵛⵔⴽⵏ ⴳ ⵙⵙⵉⵏⵉⵎⴰ, ⴷ ⵉⵙⵉⵏ ⵉⵛⵔⴽⵏ ⵙ ⵜⵓⵔⴰⴳⵉⵏ ⵏ ⵓⵏⴷⴰⵀ.
ⵖⵉⴽⴽ ⵍⵍⵉ ⵢⵏⵏⴰ ⵢⵎⵉⵔⵉ ⵡⵉⵙⵙ 49 ⵏ ⵓⴷⵓⵙⵜⵓⵕ, ⴷ ⵙ ⵜⵙⵓⵎⵔⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ:
- ⴷ ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⴳⵏⵙⵓ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵙⴰⵄⵉⴷ ⵣⴰⵕⵕⵓ, ⴰⴷ ⵉⴳ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵏ ⵓⵙⵎⵙⴰⵙⴰ ⵏ ⵡⴰⵙⵉⴼ ⵏ ⴱⵓⵔⴳⵔⴰⴳ.
- ⴷ ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵥⵓⵍⴰⵏ ⴷ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵉⴳⴳⵍ ⴰⵎⴰⵙⵙⴰⵏ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵢⵓⵙⴼ ⵍⴱⵇⵇⴰⵍⵉ ⴰⴷ ⵉⴳ ⴰⵏⵙⵙⵉⵅⴼ ⵏ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵏⴽⵔⴰ ⵙ ⵜⵉⴳⴰⵡⵉⵏ ⵜⵉⵏⴰⵎⵓⵏⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ.
- ⴷ ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⴽⵜ ⴷ ⵡⴰⵎⴰⵏ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵎⵓⵃⵎⵎⴷ ⵢⵓⵙⴼⵉ ⴰⴷ ⵉⴳ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵜⴳⵎⵉ ⵏ ⵜⴰⵍⵓⵊⵉⵙⵜⵉⵜ.
- ⴷ ⵙ ⵜⵙⵏⵜⴰⵢⵜ ⵏ ⵓⵎⴰⵡⵙⴰⵙ ⵏ ⵜⵣⴹⴰⵔⵜ ⴷ ⵓⵣⴰⵖⵓⵣ ⴷ ⵜⵉⴳⵎⵉ ⵜⴰⵙⵓⵍⴰⵏⵜ, ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⵄⴱⴷⵕⵕⴰⵃⵉⵎ ⵍⵃⴰⴼⵉⴹⵉ ⴰⴷ ⵉⴳ ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⴰⵥⴰⵕⵓⵕ ⴷ ⵡⴰⵎⴰⵏ ⵉⵜⵜⵙⵡⴰⵏⵏ.