ⵢⵓⵛⴽⴰⴷ ⵜⵖⵉⵎⵉⵜ ⴷⵖ ⴳ ⵓⵙⴰⵜⵉ ⵏ ⵜⵉⴹⴼⵕⵉ ⵉⵣⴷⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵎⴰⵢⴳⴰⵜ ⵜⵉⴽⵍⵉⵡⵉⵏ ⵏ ⵓⵙⵔⵔⵓⵙ ⵏ ⵜⵙⵜⵔⴰⵜⵉⵊⵉⵢⵜ ⵏ ⵜⵉⵥⵥⵓⴹⵕ ⵜⴰⵏⴰⵎⵓⵔⵜ, ⵙⵍⴰⵡⵏ ⴰⴽⴽⵯ, ⵜⵙⵜⵔⴰⵜⵉⵊⵉⵢⵜ ⵉⵥⵍⵉⵏ ⵙ ⵜⵥⵉⴹⵕⴰ ⵉⵜⵜⵓⵙⵎⴰⵢⵏⵓⵏ.
ⵙ ⵓⵣⵎⵣⵣⵓ ⵏ ⵜⵖⵉⵎⵉⵜ ⵏ ⵜⵡⵓⵔⵉ ⴷⵖ, ⵉⴼⴽⴰ ⵓⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵢⵜ ⵏ ⵜⴰⵥⴹⴰⵕⵜ ⵜⵉⵙⵓⵍⴰⵏⵉⵏ ⵎⴰⵙⵙ ⵎⵚⵟⴰⴼⴰ ⵍⴱⴰⴽⵓⵔⵉ, ⵜⴰⵎⴰⵖⵓⵏⵜ ⵏ ⵜⵢⴰⴼⵓⵜⵉⵏ ⴰⵔ ⵜⵉⵢⵉⵔⴰ ⵏ 2017, ⴷ ⵎⴰⵢⴳⴰⵜ ⵉⵖⴰⵡⴰⵙⵏ ⵏⵏⴰ ⵉⵜⵜⵓⵖⴰⵡⵙⵏ ⴳⵔ ⵓⵣⵎⵣ ⵏ 2018- 2020, ⴷ ⵏⵏⴰ ⵉⵣⴹⴰⵕⵏ ⴰⴷ ⵜⵙⴽⵔ ⴰⵡⵜⵜⴰⵙ ⵏ ⵜⵏⴽⵔⴰ ⵙ ⵜⵥⵥⵉⴹⵕⴰ ⵏ ⵓⵙⵢⴰⴼⵓ ⵉⵜⵜⵓⵙⵎⴰⵢⵏⵓⵏ ⴰⵔ 42% ⴳ ⵓⵙⴳⴳⵯⴰⵙ ⵏ 2020, ⵉⴳⴰⵏ ⵜⵉⴽⵍⵉ ⵏ ⵓⵎⵓⵜⵢ ⵏⵏⴰ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷⵜ ⵉⵏⵚⵕ ⵕⴱⴱⵉ, ⴳ 52% ⴳ ⵓⵙⴳⴳⵯⴰⵙ ⵏ 2030.
ⴷ ⵉⵍⵍⴰ ⴳ ⵜⵏⴽⴷⴰ ⴷⵖ ⴰⵡⴷ ⴰⵙⵡⵓⴷⴷⵓ ⵏ ⵓⵙⴷⵔⴼ ⵏ ⵓⵣⵣⴳⵉⵔ ⵏ ⵜⵙⵏⵜⴰⵢⵜ ⵏ ⵓⵣⴷⴷⵓⵢ ⴳⵔ ⵉⵎⵙⴽⴰⵔⵏ ⵉⵙⵔⵜⴰⵏ ⵏ ⵜⵥⵥⵉⴹⵕⴰ ⵜⴰⵏⴰⵎⵓⵔⵜ ⴷⴼⴼⵉⵔ ⴰⴼⵓⴽⴽⵓ ⵏ ⵓⵙⴳⴳⴷ ⵏ ⵓⵙⴰⵜⵉ ⵓⵣⵔⵉⴼ ⴷ ⵓⵙⴷⵙⴰⵏ.
ⵙ ⵓⵣⵎⵣⵣⵓ ⴷⵖ, ⵉⵣⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴹⵉⵚ ⴰⵏⴰⵎⵓⵏ ⴷ ⵓⴷⵎⵙⴰⵏ ⵉⴼⵓⵍⴽⵉⵏ ⵏ ⵢⵉⴳⵔⴷⵖ, ⵍⵓⵎⵎⵏ ⴳ ⵢⵉⴳⵔ ⵏ ⵉⵙⵙⴰⵔⵓⵜⵏ, ⴷ ⵜⵉⴽⴽⵉ ⵏ ⵉⵙⵎⵓⵜⵜⴳⵏ ⵉⵖⵓⴷⴰⵏ , ⴷ ⵜⵓⴳⵉ ⵏ ⵓⵣⵎⵣ ⵏ ⵜⵡⵓⵔⵉ ⴷ ⵡⴰⵙⵙⴰⵢ ⵏ ⵜⴰⵜⵉⴽⵏⵓⵍⵓⵊⵉⵜ ⴷ ⵜⵉⴳⵎⵉ ⵏ ⵜⵎⵏⴰⵟⵉⵏ ⵏⵉⴳ ⵍⵍⴰⵏ ⵉⵙⴰⵜⵉⵜⵏ ⵏ ⵜⵉⵥⴹⴰⵕⵜ ⵉⵜⵜⵓⵙⵎⴰⵢⵏⵓⵏ.
ⴷ ⵉⵍⵍⴰ ⴳ ⵓⵖⴰⵡⴰⵙ ⵏ ⵜⵖⵉⵎⵉⵜ ⴷⵖ ⵜⴰⵏⵇⵇⵉⴹⵜ ⵉⵥⵍⵉⵏ ⵙ ⵜⵎⵔⵏⵉⵡⵜ ⵏ ⵜⵙⵜⵔⴰⵜⵉⵊⵉⵢⵜ ⵜⴰⵎⴰⴹⵍⴰⵏⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵢⵜ ⵏ ⵜⵥⵥⵉⴹⵕⴰ ⵜⴰⵙⵓⵍⴰⵏⵜ (ⵎⴰⵣⵉⵏ), ⵙⵍⴰⵡⵏ ⴰⴽⴽⵯ, ⵜⴰⵎⵔⵏⵉⵡⵜ ⵏⵏⵙ ⴳ ⵉⴼⵔⵉⵇⵢⴰ.
ⴳ ⵜⵢⵉⵔⴰ ⵏ ⵜⵖⵉⵎⵉⵜ ⵏ ⵜⵡⵓⵔⵉ ⴷⵖ, ⵉⴼⴽⴰ ⴱⴰⴱ ⵏⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⵉⴷ ⵡⵉⵙⵙ ⵙⴹⵉⵚ, ⵜⵉⵔⴰⵜⵉⵏ ⵏⵏⵙ ⵢⴰⵜⵜⵓⵢⵏ ⵉ ⵜⵎⵔⵙⴰⵍ ⵏ ⵓⵏⵎⴰⵍⴰ ⴰⵡⵏⴹⴰⵏ ⵏ ⵜⵥⵥⵉⴹⵕⵜ ⵉⵜⵜⵓⵙⵎⴰⵢⵏⵓⵏ ⴰⴼⴰ ⴰⴷ ⵙⴷⵔⴼⴰⵏ ⵏ ⵓⵙⵔⵔⵓⵙ ⵏ ⵜⵙⵜⵔⴰⵜⵉⵊⵉⵢⵜ ⵜⴰⵏⴰⵎⵓⵔⵜ ⴳ ⵢⵉⴳⵔ ⴷⵖ, ⵃⵎⴰ ⴰⴷ ⵜⵙⴷⵓⵙ ⴰⴷⵖⴰⵔ ⵏ ⵜⴰⴳⵍⴷⵉⵜ ⴳ ⵢⵉⴳⵔ ⴷⵖ, ⴳ ⵓⵙⵡⵉⵔ ⵏ ⵓⵎⵏⵥⴰⵡ ⴳ ⵜⵙⴳⴰ ⴷ ⵜⴳⴰ ⵜⵉⵥⴹⴰⵕⵜⵏ ⵉⵜⵜⵓⵙⵎⴰⵢⵏⵓⵏ ⵜⴰⵔⵙⵍⵜ ⵜⵉⴷⴷⵜ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴷ ⵜⵉⴳⵎⵉ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵉⴼⴼⵓⵙ ⵚⵚⵃⵔⴰ ⵏⵏⴰ ⵖⵓⵔⵙ ⵎⵏⵏⴰⵡ ⵏ ⵜⵢⴰⴼⵓⵜⵉⵏ ⵏ ⵜⵥⵥⵉⴹⵕⴰ ⵉⵜⵜⵓⵙⵎⴰⵢⵏⵓⵏ.
ⵉⵍⵍⴰ ⴳ ⵜⵖⵉⵎⵉⵜ ⴷⵖ, ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⴰⵄⴷ ⴷⴷⵉⵏ ⵍⵄⵜⵎⴰⵏⵉ, ⴷ ⵓⵎⵛⵉⵡⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵎⴰⵙⵙ ⵢⴰⵙⵉⵔ ⵣⵏⴰⴳⵉ, ⴷ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ, ⵎⴰⵙⵙ ⵎⵓⵃⵎⵎⴷ ⴱⵓⵙⵄⵉⴷ, ⴷ ⵓⵎⴰⵡⵙⴰⵙ ⵏ ⵜⵣⴹⴰⵔⵜ ⴷ ⵓⵣⴰⵖⵓⵣ ⴷ ⵜⵉⴳⵎⵉ ⵜⴰⵙⵓⵍⴰⵏⵜ, ⵎⴰⵙⵙ ⵄⴰⵣⵉⵣ ⵕⴱⴱⴰⵃ, ⴷ ⵢⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵍⵀⵉⴷⵔⵓⴽⴰⵔⴱⵓⵕⴰⵜ ⴷ ⵓⵖⴰⵣⵓⵣ, ⵎⴰⵙⵙⴰ ⴰⵎⵉⵏⴰ ⴱⵏⵏ ⵅⴹⵕⴰ, ⴷ ⵓⵏⵙⵙⵉⵅⴼ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵀⴰⵍⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵢⵜ ⵏ ⵜⵥⵥⵉⴹⵕⴰ ⵜⴰⵙⵓⵍⴰⵏⵜ, ⵎⴰⵙⵙ ⵎⵚⵟⴰⴼⴰ ⵍⴱⴰⴽⵓⵔⵉ, ⴷ ⵓⵏⵎⵀⴰⵍ ⴰⵎⴰⵜⴰⵢ ⴰⵎⴰⵔⵉ ⴰⵏⴰⵎⵓⵔ ⵏ ⵡⴰⵙⵙⵉⴷ ⴷ ⵡⴰⵎⴰⵏ ⵏ ⵜⵉⵙⵙⵉ, ⵎⴰⵙⵙ ⵄⴱⴷ ⵕⵕⴰⵃⵉⵎ ⵍⵃⴰⴼⵉⴹⵉ.