ⴷⴼⴼⵉⵔ ⴰⴳⵔⴰⵡ ⴰⵅⴰⵜⴰⵔ ⵏⵉⴳ ⴷⵔⵓⵏ ⵎⵏⵏⴰⵡ ⵏ ⵉⵡⵔⵉⴽⵏ ⵉⵎⵖⵔⴰⴱⵉⵢⵏ ⴷ ⵉⵇⴰⵟⴰⵕⵉⵢⵏ, ⵉⵎⴹⴰⴽⴰⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵡⴰⴹⵓⵏⵙ ⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵜⴰⵎⵉⵎ ⴱⵏⵏ ⵃⴰⵎⴰⴷ ⴰⵍ ⵜⴰⵏⵉ.
ⵙⴰⵡⵍⵏ ⵉⵎⴹⴰⴽⴰⵕⵏ ⴰⴷ ⵅⴼ ⵜⵓⵇⵇⵏⴰ ⵉⵣⴷⴷⵉⴳⵏ ⵉⵙⵎⵓⵏ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵡⴰⵏⴽ ⵏ ⵇⴰⵟⴰⵕ, ⴷ ⵜⵉⵔⴰⵜ ⵏ ⵉⵏⵎⵖⵓⵕⵏ ⵏ ⵙⵏⴰⵜ ⵜⵎⵉⵣⴰⵔ ⴷⵖ ⵃⵎⴰ ⴷ ⵏⴽⵔⵏ ⵙ ⵓⵙⵡⵉⵔ ⵏ ⵓⵣⴷⴰⵢ ⴳⵔ ⵜⵎⵉⵣⴰⵔ ⴷⵖ.
ⴷ ⵉⵙⴰⵡⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵜⴰⵎⵉⵎ ⴱⵏⵏ ⵃⴰⵎⴰⴷ ⴰⵍ ⵜⴰⵏⵉ ⴳ ⵜⵖⵉⵎⵉⵜ ⴷⵖ ⵅⴼ ⵜⵖⴰⵡⵙⵉⵡⵉⵏ ⵉⵥⵍⵉⵏ ⵙ ⵓⵎⴰⴹⴰⵍ.
ⵉⴷⵔⵓ ⴳ ⵓⵎⴹⵉⴽⵉⵕⵏ ⴷⵖ ⴳ ⵜⵙⴳⴰ ⵏ ⵇⴰⵟⴰⵕ, ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵜⴰⵎⵉⵎ ⴱⵏⵏ ⵃⴰⵎⴰⴷ ⴰⵍ ⵜⴰⵏⵉ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵛⵛⵉⵅ ⵎⵓⵃⵎⵎⴷ ⴱⵏⵏ ⵄⴱⴷ ⵕⵕⵃⵎⴰⵏ ⴰⵍ ⵜⴰⵏⵉ.
ⵉⴷ ⴳ ⵜⵙⴳⴰ ⵏ ⵍⵎⵖⵔⵉⴱ, ⵉⴷⵔⵓ ⴷⵉⴽⵙⵏⵜ ⵓⵎⵛⵉⵡⵔ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵖⵓⵔⵉⵡⵉⵏ ⴷ ⵉⵙⴼⴽⴰ, ⵎⴰⵙⵙ ⵎⵓⵃⵎⵎⴷ ⵢⴰⵙⵉⵏ ⵍⵎⵏⵚⵓⵔⵉ.