ⵍⵍⵉⵖ ⵉⵍⴽⵎ ⴱⴰⴱ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵓⴳⵍⴷⵓⵏ ⵏ ⵓⵡⴰⵏⴽ ⵏ ⵇⴰⵟⴰⵕ, ⴳ ⵓⴱⵔⵙⵉⵔⴰ ⴰⴳⵍⴷⵓⵏ ⵏ ⴷⴷⴰⵡⵃⴰ, ⵣⵣⵓⵍⵏ ⵉⵛⵏⵢⴰⵍⵏ ⵉⵏⴰⵎⵓⵔⵏ ⵙ ⵉⵣⵍⴰⵏ ⵉⵏⴰⵎⵓⵔⵏ ⵏ ⵍⵎⵖⵔⵉⴱ ⴷ ⵡⵉⵏ ⵇⴰⵟⴰⵕ.
ⴷⴼⴼⵉⵔ ⵎⴰⵢⴰⴷ ⵉⵣⵣⵓⵍ ⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵓⵎⴰⵔⵉ ⵏ ⵓⴳⵍⴷⵓⵏ ⵏ ⵇⴰⵟⴰⵕ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵄⴰⴱⴷ ⵍⵍⴰⵀ ⴱⵏⵏ ⵃⴰⵎⴰⴷ ⴰⵍ ⵜⴰⵏⵉ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵛⵛⵉⵅ ⵎⵓⵃⵎⵎⴷ ⴱⵏⵏ ⵄⴱⴷ ⵕⵕⵃⵎⴰⵏ ⴰⵍ ⵜⴰⵏⵉ, ⴷ ⵛⵛⵉⵅ ⵊⵓⵄⴰⵏ ⴱⵏⵏ ⵃⴰⵎⴰⴷ ⴰⵍ ⵜⴰⵏⵉ, ⴷ ⵓⵏⵙⵙⵉⵅⴼ ⵏ ⵓⴱⵔⵙⵉⵔⴰ ⴰⴳⵍⴷⵓⵏ ⵏ ⵛⵛⵉⵅ ⵅⴰⵍⵉⴷ ⴱⵏⵏ ⵅⴰⵍⵉⴼⴰ ⴰⵍ ⵜⴰⵏⵉ, ⴷ ⵓⵎⵙⵇⴰⴷ ⵏ ⵓⵡⴰⵏⴽ ⵏ ⵇⴰⵟⴰⵕ ⴳ ⵍⵎⵖⵔⵉⴱ, ⵎⴰⵙⵙ ⵄⴰⴱⴷ ⵍⵍⴰⵀ ⴱⵏⵏ ⴼⴰⵍⴰⵃ ⴱⵏⵏ ⵄⴰⴱⴷ ⵍⵍⴰⵀ ⴷⴷⵓⵙⴰⵔⵉ.
ⴳ ⵜⵙⴳⴰ ⵢⴰⴹⵏⵉⵏ, ⵉⵣⵣⵓⵍ ⵅⴼ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵜⴰⵎⵉⵎ ⴱⵏⵏ ⵃⴰⵎⴰⴷ ⴰⵍ ⵜⴰⵏⵉ, ⴰⴳⵍⴷⵓⵏ ⵏ ⵓⵡⴰⵏⴽ ⵏ ⵇⴰⵟⴰⵕ, ⵓⴽⴰⴱⴰⵔ ⴰⵎⴰⴷⴷⵓⴷ ⵏⵏⴰ ⵉⵎⵓⵏⵏ ⴳ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵏⵉⴳ ⵉⵍⵍⴰ, ⵙⵍⴰⵡⵏ ⴰⴽⴽⵯ, ⵉⵎⵛⵉⵡⵔⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⴼⵓⴰⴷ ⵄⴰⵍⵉ ⵍⵀⵉⵎⵎⴰ, ⴷ ⵎⴰⵙⵙ ⵢⴰⵙⵙⵉⵔ ⵣⵏⴰⴳⵉ, ⴷ ⵎⴰⵙⵙ ⵄⴰⴱⴷ ⵍⵟⵉⴼ ⵍⵎⴰⵏⵓⵏⵉ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ.
ⴰⴷ ⵏⵙⴽⵜⵉ ⵎⴰⵙ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵎⵓⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴷⴷⴰⵡⵃⴰ ⴷⴼⴼⵔⵉ ⵎⴰⴷ ⵢⵓⵛⴽⴰ ⵙⴳ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ, ⴳ ⵍⴱⴷⴰ ⵏ ⵢⴰⵏ ⵓⵔⵣⴰⴼ ⵉ ⵇⴰⵟⴰⵕ.
ⵍⵍⵉ ⴳ ⵉⵏⵍⴽⵎⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵣⴰⴳⵯⵣ ⵏ ⵃⴰⵎⴰⴷ ⴰⵎⴰⴹⵍⴰⵏ, ⵢⵓⴼⴰⵏ ⴳ ⵓⵙⵏⵓⴱⴳ ⵏⵏⵙ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵜⴰⵎⵉⵎ ⴱⵏⵏ ⵃⴰⵎⴰⴷ ⴰⵍ ⵜⴰⵏⵉ, ⴰⴳⵍⴷⵓⵏ ⵏ ⵓⵡⴰⵏⴽ ⵏ ⵇⴰⵟⴰⵕ.