ⵍⵍⵉⵖ ⵉⵔⴰ ⴰⴷ ⵉⴼⵍ ⴰⵣⴰⴳⵯⵣ ⵏ ⴰⴱⵓ ⴹⴰⴱⵉ, ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵃⴰⵎⵎⴷⴰⵏ ⴱⵏⵏ ⵣⴰⵢⴷ ⴰⵍ ⵏⴰⵀⵢⴰⵏ, ⴰⵙⵎⴷⵢⴰ ⵏ ⵓⵏⴱⴱⴰⴹ ⵏ ⴰⴱⵓ ⴹⴰⴱⵉ ⴳ ⵜⵙⴳⴰ ⵏ ⴹⴹⵓⴼⵕⴰ.
ⴷ ⵉⵣⵣⵓⵍ ⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⵏⵏⴰⵡ ⵏ ⵉⵡⵔⵉⴽⵏ ⴷ ⵉⵎⵙⵜⴳⴳⵯⴰⵔⵏ ⵏ ⵍⵉⵎⴰⵕⴰⵜ ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⴰⴱⵓ ⴹⴰⴱⵉ ⵎⴰⵙⵙ ⵎⵓⵃⵎⵎⴷ ⴰⵢⵜ ⵡⵄⵍⵉ, ⴷ ⵉⴳⵎⴰⵎⵏ ⵏ ⵜⵎⵙⵇⴰⴷⵜ ⵏ ⵍⵎⵖⵔⵉⴱ.
ⴳ ⵓⵔⵣⴰⴼ ⴷⵖ ⵏ ⵜⵉⴷⴷⵓⴽⵍ ⴷ ⵜⵡⵓⵔⵉ, ⵉⴷⵔⵓ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⵉⴳⵣⵉⵔⵜ ⵏ "ⵙⴰⵄⴷⵢⴰⵜ" ⴳ ⵜⴰⵖⴰⵔⵜ ⵏ ⴰⴱⵓ ⴹⴰⴱⵉ, ⴳ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵙⵏⵏⵉⵖⵜ ⵏ "ⵍⵍⵓⴼⵔ ⴰⴱⵓ ⴹⴰⴱⵉ", ⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴷ ⴱⵏ ⵣⴰⵢⴷ ⴰⵍ ⵏⴰⵀⵢⴰⵏ, ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵏ ⴰⴱⵓ ⴹⴰⴱⵉ, ⴰⵏⴱⴰⴹ ⴰⵏⴰⴼⵍⵍⴰ ⴰⴹⴼⴰⵚ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴷ ⴱⵏ ⵕⴰⵛⵉⴷ ⴰⵍ ⵎⴰⴽⵜⵓⵎ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵡⴰⵏⴽ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ, ⴰⵏⴱⴱⴰⴹ ⵏ ⴷⵓⴱⴰⵢ.
ⵃⴰⴹⵕⵏ ⵙⵓⵍ ⵉ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⴰⴷ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵃⴰⵎⴰⴷ ⴱⵏ ⵄⵉⵙⴰ ⴰⵍ ⵅⴰⵍⵉⴼⴰ, ⴰⴳⵍⵍⵉⴷ ⵏ ⵍⴱⴰⵃⵕⴰⵢⵏ, ⴷ ⵎⴰⵙⵙ ⵉⵎⴰⵏⵓⵢⵉⵍ ⵎⴰⴽⵕⵓⵏ, ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵚⴰ, ⴷ ⵜⴰⵎⵖⴰⵕⵜ ⵏⵏⵙ, ⵎⴰⵙⵙⴰ ⴱⵔⵉⵊⵉⵜ ⵎⴰⴽⵕⵓⵏ, ⴷ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⵓⵙⵍⵉⵎⵜ ⵏ ⴰⴼⵖⴰⵏⵉⵙⵜⴰⵏ, ⵎⴰⵙⵙ ⵎⵓⵃⵎⵎⴷ ⴰⵛⵕⴰⴼ ⵖⴰⵏⵉ, ⵓⵍⴰ ⵉⵙⵎⴷⵢⴰⵏ ⵉⵎⵇⵕⴰⵏ ⵏ ⵎⵏⵏⴰⵡ ⵏ ⵜⵎⵉⵣⴰⵔ ⵏ ⵍⵅⴰⵍⵉⵊ.
ⴳ ⵓⵣⵎⵣⵣⵓ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵔⵣⵣⵉⴼⵏ ⵉ ⵜⴰⵙⵏⵏⵉⵖⵜ ⵏ "ⵍⵍⵓⴼⵔ ⴰⴱⵓ ⴹⴰⴱⵉ", ⵎⴰⵢⴰⴷ ⵉⴳⴰⵏ ⵉⴳⵉⵏ ⵏ ⵜⵥⵓⵕⵉ ⵉⵎⵣⵔⴰⵢⵏ ⵏ ⵜⴰⵙⵓⵜ ⵜⵉⵙⵙ 19, ⵙⵍⴰⵡⴰⵏ ⴰⴽⴽⵯ ⵢⴰⵏ ⴰⵔⵔⴰ ⵏ ⵍⵇⵓⵕⴰⵏ ⵍⵄⴰⴹⵉⵎ, ⵢⴰⵜ ⵜⴰⵎⵓⴽⵃⵍⵉⵜ, ⵢⴰⵏ ⵙⵙⵉⴼ, ⴷ ⵢⴰⵜ ⵜⴰⴳⴳⵓⵔⵜ ⵏ ⵓⴽⵛⵛⵓⴹ ⵏ ⵉⴷⴳⵍ ⵢⵓⵛⴽⴰⵏ ⵙⴳ ⴼⴰⵙ.
ⴳ ⵓⵣⵎⵣⵣⵓ ⵏ ⵜⴼⵓⴳⵍⴰ ⵢⴰⴷ, ⵍⵍⵉⵖ ⵜⵜⵓⵙⴽⴰⵔⵏ ⵜⵉⵏⴽⴷⴰⵏ ⵉⵏⴰⵥⵓⵕⵏ ⴷ ⵏ ⵓⵥⴰⵡⴰⵏ, ⵉⵏⵏⴰ ⴱⴰⴱ ⵏ ⵜⴰⵜⵜⵓⵢⵜ ⵛⵛⵉⵅ ⵎⵓⵃⵎⵎⴷ ⴱⵏ ⵕⴰⵛⵉⴷ ⴰⵍ ⵎⴰⴽⵜⵓⵎ, ⴳ ⵢⴰⵏ ⵉⵏⴰⵡ, ⵉⵙ ⵜⵙⵎⴰⵏ ⵜⵙⵏⵏⵉⵖⵜ ⵏ "ⵍⵍⵓⴼⵔ ⴰⴱⵓ ⴹⴰⴱⵉ" ⵍⵇⴱⵍⵜ ⴷ ⵜⴰⴳⵓⵜ, ⴷ ⵜⴳⴰ ⵢⴰⵜ ⵜⵉⵍⴳⴳⵯⵉⵜ ⴳⵔ ⵜⵉⵖⵔⵎⵉⵏ.
ⴷⴼⴼⵉⵔ ⵏⵏⵙ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴼⵕⴰⵏⵚⴰ, ⵉⵎⴰⵏⵓⵢⵉⵍ ⵎⴰⴽⵕⵓⵏ, ⵉⵏⵏⴰ ⵉⵙ ⵉⴳⴰ "ⵍⵍⵓⴼⵔ ⴰⴱⵓ ⴹⴰⴱⵉ" ⵢⴰⵜ ⵜⵢⴰⴼⵓⵜ ⵏ ⵜⵎⵢⴰⵇⵇⴰⵏⵜ ⵉⵙⴳⵎⴹⵏ ⴳ 2007, ⵎⴰⵢⴰⴷ ⵉⵥⴹⴰⵕⵏ ⴰⴷ ⵉⵙⵎⵓⵏ ⵜⵉⴷⵍⵙⴰⵏ, ⵓⵍⴰ ⵍⵇⴱⵍⵜ ⴷ ⵜⴰⴳⵓⵜ.
ⵜⴰⴷⵔⴰⵡⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴰⴼⵓⴳⵍⴰ ⵢⴰⴷ ⵜⵎⵍⴰ ⴰⵜⵉⴳ ⵍⵍⵉ ⵢⴼⴽⴰ ⵉ ⵜⵏⴽⵔⴰ ⵙ ⵜⵉⵥⵓⵕⵉⵡⵉⵏ ⴷ ⵜⴰⴷⵍⵙⴰ. ⴼ ⵖⵉⴽⴰⵏ ⴰⴼⴷ ⵢⵉⵡⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵏⴰⵍ ⵏⵏⵙ ⵉ ⵜⵣⵓⵏⵉ ⵏ ⵜⵉⵥⵓⵕⵉⵡⵉⵏ ⵏ ⵍⵉⵙⵍⴰⵎ ⵏ ⵜⵙⵏⵏⵉⵖⵜ ⵏ "ⵍⵍⵓⴼⵔ" ⴳ ⴱⴰⵔⵉⵣ, ⵙⵍⴰⵡⴰⵏ ⴰⴽⴽⵯ ⵙ ⵓⵙⵙⵓⴼⵖ ⵏ ⵓⴳⵎⵎⴰⴹ ⵏ ⵜⵉⵥⵓⵕⵉⵡⵉⵏ ⵏ ⵍⵉⵙⵍⴰⵎ.
ⵉⵥⵍⵉ ⵓⵔⵣⴰⴼ ⴷⵖ ⵓⵍⴰ ⵙ ⵓⵔⵣⴰⴼ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⴰⵎⴰⵙ ⴳ ⴰⴱⵓ ⴹⴰⴱⵉ “ⵜⴰⵖⵍⴰ ⵏ ⵜⵉⵣⵉ”, ⵏⵉⴳ ⵜⵜⵓⵙⵎⵖⵕⵏ ⵉⵙⵎⴰⵡⵏ ⵏ ⵉⵄⵙⴽⵔⵉⵢⵏ ⵏ ⵍⵉⵎⴰⵕⴰⵜ ⵜⵉⵄⵕⴰⴱⵉⵏ ⵉⵎⵓⵏⵏ, ⵏⵏⴰ ⵉⵎⵎⵓⵜⵏ ⴳ ⵓⵙⵢⵔⴰⵔ ⵏ ⵓⵎⵣⴰⵖ ⵅⴼ ⵡⴰⴽⴰⵍ ⵏ ⵜⵎⴰⵣⵉⵔⵜ ⵏⵏⵙⵏ.