ⵉⵖⵕⴰ ⵜⴰⴱⵔⴰⵜ ⴰⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵏⵏⴰ ⵉⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵜⵡⵓⵔⵉⵡⵉⵏ ⵏ ⵜⵇⵉⵛⵛⵉⵜ ⴰⴷ.
ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴳ ⵉⵏⵏⴰⵡ ⴰⴷ ⵎⴰⵙ ⵜⴰⵡⴰⵍⴰ ⵜⴰⵎⵣⵡⴰⵔⵓⵜ ⵍⵍⵉ ⴳ ⵉⴷⵔⵓ ⵍⵎⵖⵔⵉⴱ ⴳ ⵜⵇⵉⵛⵛⵉⵜ ⵏ ⵡⴰⵎⵓⵏ ⵏ ⵉⴼⵔⵉⵇⵢⴰ ⵣⵓⵏⴷ ⴰⴳⵎⴰⵎ ⴳ ⵜⵏⵎⴰⵍⵍⴰⵢⵜ ⴰⴷ ⴷⴼⴼⵉⵔ ⴰⴷⵡⴰⵍ ⵏⵏⵙ ⴳ ⵡⴰⵢⵢⵓⵔ ⵏ ⵉⵏⵏⴰⵢⵔ ⵏⵏⴰ ⵉⵣⵔⵉⵏ, ⴷ ⴰⵔ ⵉⵙⴷⵓⵙ ⵎⴰⵢⴰⴷ ⵜⴰⵡⵓⵔⵉ ⵏⵏⵙ ⴰⵎⵎⴰⵙ ⵏ ⵉⴼⵔⵉⵇⵢⴰ ⴷ ⴳⵔ ⵜⵎⵉⵣⴰⵔ ⵜⵉⵎⴷⴷⵓⴽⴰⵍ ⵏ ⵉⴼⵔⵉⵇⵢⴰ.
ⴷ ⵉⵔⵏⴰ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⵎⴰⵙ ⴷⴼⴼⵉⵔ ⵜⴰⵖⴰⵟⴰⵙⵜ ⵏ ⵍⵎⵖⵔⵉⴱ ⵜⴰⵅⴰⵜⴰⵔⵜ ⵉⴽⵛⵎⴰⵏ ⴰⵎⵣⵔⵓⵢ, ⵉⴱⴷⴰ ⵍⵎⵖⵔⵉⴱ ⴰⴽⵛⵛⵓⵎ ⵏⵏⵙ ⵙⵔ ⵜⵎⵔⵙⴰⵍ ⵏ ⵡⴰⵎⵓⵏ ⵏ ⵉⴼⵔⵉⵇⵢⴰ, ⴷ ⵢⴰⵡⵙ ⴳ ⵜⵡⵓⵔⵉⵡⵉⵏ ⵏⵏⴰ ⵡⴰⵎⵓⵏ.
ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵉⵏⴰⵡ ⵏⵏⵙ ⵓⵍⴰ ⵎⴰⵙ ⴷ ⵉⵇⵇⴰⵏ ⵓⵙⴷⵓⵙ ⵏ ⵏ ⵉⵙⵙⵓⵔⴰ ⴳ ⵉⵎⵍⴰⵍ ⴷ ⵜⴱⴷⴰⴷⵜ ⴷ ⴳ ⵎⴰⵢⴳⴰⵜ ⵉⴳⵔ ⴳ ⵉⴼⵔⵉⵇⵢⴰ ⵙⵓⵎⴰⵜⴰ.
ⴷ ⵉⴼⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵍⵎⵖⵔⵉⴱ ⵉⴷⵔⵓ ⴳ ⴽⵓⵍ ⵉⴳⵔⴰⵡⵏ ⴷ ⵜⵙⵎⵓⵏⵉ ⵏⵏⴰ ⵉⵙⵏⵎⴰⵍⴰ ⵡⴰⵎⵓⵏ ⵉⴼⵔⵉⵇⵢⴰ, ⴰⵢⵏⵏⴰ ⵉⵎⵎⴰⵍⵏ ⵜⵉⵔⴰⵜ ⵏ ⵍⵎⵖⵔⵉⴱ ⴰⴷ ⵢⴰⵡⵙ ⴳ ⵜⵎⵔⵏⵉⵡⵜ ⵏ ⵡⴰⵎⵓⵏ ⴰⴷ.
ⴰⴷ ⵏⵙⴽⵜⵉ ⵎⴰⵙ ⵜⴱⴷⴰ ⵜⵡⵓⵔⵓⵡⵉⵏ ⵏ ⵜⵇⵉⵛⵛⵉⵜ ⵜⵉⵙⵙ 29 ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵡⵉⵏ ⵜⵏⴱⴰⴹⵜ ⵏ ⵡⴰⵎⵓⵏ ⵏ ⵉⴼⵔⵉⵇⵢⴰ, ⴰⵙⵙ ⵏ ⵓⵢⵏⴰⵙ ⴳ ⴰⴷⵉⵙ ⴰⴱⴰⴱⴰ ⵙ ⵜⵎⴷⵔⴰⵡⵜ ⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵉⵙⵎⴷⵢⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.
ⴷ ⵔⴰⴷ ⵙⵡⵓⵔⵏ ⵉⵏⵎⵖⵓⵕⵏ ⴳ ⵜⵇⵉⵛⵛⵉⵜ ⴷⵖ ⵉⵜⵜⵓⵙⵏⵎⴰⵍⴰⵏ ⴷⴷⵓ ⵜⵎⴰⵜⴰⵔⵜ ⵉⴳⴰⵏ ⵣⵓⵏⴷ ⵜⵉⵏ ⵉⵏⵏⴰⵢⵔ ⵉⵣⵔⵉⵏ « ⴰⵙⴱⵖⴰⵔ ⴳ ⵜⴷⵉⵎⵓⵖⵔⴰⴼⵉⵢⵜ ⵙ ⵓⵙⵙⴰⵔⵓ ⴳ ⵜⵄⵓⵔⵎⴰ », ⵅⴼ ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⴷ ⵜⵎⵙⴰⵔⵉⵏ ⵜⵉⵙⵜⴰⵔⴰⵜⵉⵊⵉⵢⵉⵏ ⵉⵍⵍⴰⵏ ⴳ ⵓⵖⴰⵡⴰⵙ ⵏ ⵜⵇⵉⵛⵛⵉⵜ ⴷⵖ, ⵙⵍⴰⵡⵏ ⴰⴽⴽⵯ, ⵜⵉⵎⵙⴰⵔⵉⵏ ⵏ ⵙⵍⴰⵎⵜ ⴷ ⵍⴰⵎⵏ ⴷ ⵜⵏⴼⵔⵓⵜ ⴳ ⵉⴼⵔⵉⵇⵢⴰ ⴷ ⵜⴰⵎⵙⴰⵙⵜⵍⵜ ⵏ ⵜⵏⵎⴰⵍⵍⴰⵢⵜ ⴳ ⵓⵙⴳⴳⵯⴰⵙ ⵏ 2018, ⴷ ⵓⵙⵖⵣⵏ ⵏ ⵜⵎⴽⵜⴰⵢⵜ ⵏ 2063 ⴷ ⵓⵙⴳⴷ ⴰⵙⵔⵜⴰⵏ ⵏ ⵡⴰⵎⵓⵏ ⵏ ⵉⴼⵔⵉⵇⵢⴰ.
ⴷ ⵉⵍⴽⵎⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴳ ⵢⵉⴹ ⵏ ⵓⵙⴰⵎⴰⵙ ⴰⴷⵉⵙ ⴰⴱⴰⴱⴰ ⵃⵎⴰ ⴷ ⵉⵙⵎⴷⵢⴰ ⴱⴰⴱ ⵏ ⵡⴰⴷⴷⵓⵔ ⴳ ⵜⵇⵉⵛⵛⵉⵜ ⵜⵉⵙⵙ 29 ⵏ ⵡⴰⵎⵓⵏ ⵏ ⵉⴼⵔⵉⵇⵢⴰ ⵍⵍⵉ ⵜⵙⵏⵓⴱⴳ ⵜⵎⴰⵥⵓⵏⵜ ⵏ ⵉⵜⵢⵓⴱⵢⴰ ⴳ 3 ⴷ 4 ⵏ ⵢⵓⵍⵢⵓⵣ ⴰⴷ.