- Accueil
- ⵉⵎⵓⵙⵙⵓⵜⵏ ⵉⴳⵍⴷⵓⵏⵏ
ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⴰⵙⵓⵜⵍⵜ ⵜⵉⵙⵙ 6 ⵏ ⵜⴱⵔⵣⴰ ⵜⴰⵎⴰⴹⵍⴰⵏⵜ ⵏ ⵎⵓⵍⴰⵢ ⵍⵃⴰⵙⴰⵏ ⵏ ⵜⵛⴰⵎⵎⴰ ⵏ ⵜⵙⴽⵏⵉⵜ
ⵕⵕⴱⴰⴹ - ⵉⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴰⵙⵙ ⵏ ⵓⵙⴰⵎⴰⵙ, ⵜⴰⵙⵓⵜⵍⵜ ⵜⵉⵙⵙ 6 ⵏ ⵜⴱⵔⵣⴰ ⵜⴰⵎⴰⴹⵍⴰⵏⵜ ⵏ ⵎⵓⵍⴰⵢ ⵍⵃⴰⵙⴰⵏ ⵏ ⵜⵛⴰⵎⵎⴰ ⵏ ⵜⵙⴽⵏⵉⵜ ⵏ ⵡⴰⵔⵔⵓ ⵉⵎⵥⵥⴰⵏ (ⵉⵣⴷⴰⵔ ⵏ 13 ⵏ ⵓⵙⴳⴳⵯⴰⵙ), ⵉⵜⵜⵓⵙⵏⵎⴰⵍⴰⵏ ⴳ 8 ⴰⵔ 10 ⵎⴰⵢⵢⵓ ⵍⵍⵉ ⵜⵙⴽⵔ ⵜⴰⵎⵓⵏⵜ ⵏ ⵜⵓⵏⵏⵓⵏⵜ ⵏ ⵜⵡⴰⵔⴳⴰ, ⵙ ⵢⵡⵉⵡⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.
ⴳ ⵓⵣⵎⵣⵣⵓ ⴳ ⵉⵍⴽⵎ ⵜⴰⵣⵇⵇⴰ ⵏ ⴱⵏ ⵢⴰⵙⵙⵉⵏ, ⵉⴼⴽⴰ ⵓⵎⵔⵔⴰⵙ ⴰⴳⵍⴷⴰⵏ ⴰⵣⵓⵍ ⵉ ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ, ⴹⴼⴼⵉⵔ ⵉⵙⵙⵍⴰⵎ ⵖⵉⴼ ⵎⵓⵃⵏⴷ ⵓⵍⵄⵏⵚⵕ, ⴰⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⵓⵏⵏⵓⵏⵜ, ⴷ ⵓⵎⴰⵜⴰⵢ ⴷⵓⴽⵓⵕ ⴷⴰⵔⵎⵉ ⵃⵓⵙⵏⵉ ⴱⵏ ⵙⵍⵉⵎⴰⵏ, ⴷ ⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵜⴰⵏⴰⵎⵓⵔⵜ ⵏ ⵓⵍⴰⵎⴱⵉ ⴰⵎⵖⵕⴰⴱⵉⵢ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⴹ ⵙⵍⴰ ⵣⵎⵎⵓⵔ ⵣⵄⵉⵔ, ⴷ ⵓⵏⴱⴱⴰⴹ ⵏ ⵜⴰⵎⵏⴱⴰⴹⵜ ⵏ ⵕⵕⴱⴰⴹ, ⵄⴱⴷⵍⴰⵡⴼⵉ ⵍⴼⵜⵉⵜ.
ⴷ ⵉⵣⵣⵓⵍ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵎⴰⵙⵙ ⵄⴱⴷ ⵍⴽⴱⵉⵔ ⴱⵓⵔⴽⵉⵢⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⵕⵕⴱⴰⴹ ⵙⵍⴰ ⵣⵎⵎⵓⵔ ⵣⵄⵉⵔ, ⴷ ⴼⵜⵃⵍⵍⴰⵀ ⵓⵍⵄⵍⵓ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⴳⵔⴰⵡⵜ ⵏ ⵜⵖⵔⵎⵜ ⵏ ⵕⵕⴱⴰⴹ, ⴷ ⵄⴱⴷ ⵍⵇⴰⴷⵔ ⵜⴰⵜⵓ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵕⵕⴱⴰⴹ, ⴷ ⵄⴱⴷⵍⵍⴰⵀ ⴰⵍ ⵃⴰⵙⵙⵓⵏⵉ ⴰⵏⵙⵙⵅⵉⴼ ⵏ ⵓⵎⵓⵍⵍⵉ ⴰⵏⴰⵎⵎⴰⵙ ⵏ ⵜⵛⴰⵎⵎⴰ ⵏ ⵜⵙⴽⵏⵉⵜ, ⴷ ⵄⵓⵎⴰⵔ ⵉⴷⵔⵉⵙⵉ ⴰⵏⵙⵙⵉⵅⴼ ⵏ ⴰⵢⵢⴰⵡ ⵏ ⵜⵛⴰⵎⵎⴰ ⵏ ⵜⵙⴽⵏⵉⵜ, ⴷ ⵄⴱⴷ ⵍⵍⴰⵜⵉⴼ ⵎⵓⵍⵜⴰⵣⵉⵎ ⴰⵏⵎⵀⴰⵍ ⵏ ⵜⵣⵇⵇⴰ ⴱⵏ ⵢⴰⵙⵉⵏ.
ⴷ ⵣⵣⵓⵍⵏ ⵉⴳⵎⴰⵎⵏ ⵏ ⵙⵏⴰⵜ ⵜⵔⴰⴱⴱⴰ ⴷ ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ
ⴷ ⵙⴽⴰⵔ ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⴰⵡⵍⵍⴰⴼⵜ ⵏ ⵓⵙⴽⵜⵉ ⴷ ⵙⵏⴰⵜ ⵜⵔⵓⴱⴱⴰ.
ⵖ ⵜⴳⴰⵔⴰ ⵏ ⵓⵎⵓⵙⵙⵓ ⴰⴷ ⵏ ⵜⵓⵏⵏⵓⵏⵜ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⴷ ⵜⴰⴼⵉⴷⵉⵕⴰⵍⵉⵢⵜ ⵜⴰⴳⵍⴷⴰⵏⵜ ⵜⴰⵎⵖⵕⴰⴱⵉⵢⵜ ⵏ ⵜⴰⵛⴰⵎⵎⴰ ⵏ ⵜⵙⴽⵏⵉⵜ, ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⴰⵎⴽⵓⵙⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⴰⴽⵓⵙⵜ ⵏ ⵜⵙⵓⵜⵍⵜ ⴳ ⵢⴰⵔⴰ ⵢⵉⵙⵎ ⵏⵏⵙ ⵉ ⵜⵔⴰⴱⴱⵓⵜ ⵏ ⴱⵡⴰⵙⵙⵉ, ⵢⵉⵡⵉⵏ ⵜⴰⵙⵎⵖⵓⵔⵜ ⵜⴰⵎⵣⵡⴰⵔⵓⵜ, ⴷ ⵜⴰⴽⵓⵙⵜ ⵜⵉⵙⵙ ⵙⵏⴰⵜ ⵉ ⵜⵔⴰⴱⴱⵓⵜ ⵏ ⵜⵓⵏⵏⵙ.
Dernière modification : 11 ⵎⴰⵢⵢⵓ 2015