- Accueil
- ⵉⵎⵓⵙⵙⵓⵜⵏ ⵉⴳⵍⴷⵓⵏⵏ
ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴼⵓⴳⵍⴰ ⵏ ⵜⵓⴽⴽⵉ ⵏ ⵜⵙⵎⵖⵓⵔⵜ ⵏ ⵓⵡⵔⵉⴽ ⵏ ⵓⵙⴳⴳⵯⴰⵙ ⵏ 2015 ⴷ ⵜⵎⵢⴰⵎⴰⵥⵜ ⵜⴰⵡⵊⴰⵡⴰⵏⵜ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ
ⵛⵛⴰⵕⵉⵇⴰ - ⵉⵙⵎⴷⵢⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⴽⵕⴰⵙ ⴳ ⵛⵛⴰⵕⵉⵇⴰ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷⵜ ⵉⵏⵚⵕ ⵕⴱⴱⵉ, ⴳ ⵜⴼⵓⴳⵍⴰ ⵏ ⵜⵓⴽⴽⵉ ⵏ ⵜⵙⵎⵖⵓⵔⵜ ⵉ ⵡⵔⵉⴽ ⵏ ⵓⵙⴳⴳⵯⴰⵙ ⵏ 2015 ⴷ ⵜⵎⵢⴰⵎⴰⵥⵜ ⵜⴰⵡⵊⴰⵡⴰⵏⵜ ⴷ ⵓⵎⵢⴰⵡⴰⵙ ⴰⵏⴰⵎⵓⵏ, ⵍⵍⵉ ⵜⴼⴽⴰ ⵜⵏⵎⴰⵍⴰⵢⵜ ⵜⴰⵄⵕⴰⴱⵜ ⵏ ⵜⴰⵡⵊⴰ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵙⵓⵜⵍⵜ ⵏⵏⵙ ⵜⵉⵙⵙ ⴽⵕⴰⴹ ⵏ ⵜⵙⵎⵖⵓⵔⵜ ⵏ ⵜⴰⵡⵊⴰ ⵜⴰⵄⵕⴰⴱⵜ.
ⵉⴼⴽⴰ ⵛⵛⵉⵅ ⵚⵓⵍⵟⴰⵏ ⴱⵏ ⵎⵓⵃⵎⵎⴷ ⴰⵍⵇⴰⵙⵉⵎⵉ, ⴰⴳⵎⴰⵎ ⴳ ⵓⵙⵇⵇⵉⵎ ⴰⴼⵉⴷⵉⵕⴰⵍⵉ ⴰⵅⴰⵜⴰⵔ ⵏ ⵍⵉⵎⴰⵕⴰⵜ, ⴷ ⵓⵏⴱⴱⴰⴹ ⵏ ⵛⵛⴰⵕⵉⵇⴰ, ⵜⴰⵙⵎⵖⵓⵕⵜ ⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ.
ⵙ ⵓⵣⵎⵣⵣⵓ ⴰⴷ, ⵉⵏⵏⴰ ⵎⴰⵙⵙ ⵊⴰⵎⴰⵍ ⴱⵏ ⵄⵓⴱⴰⵢⴷ ⴰⵍⴱⴰⵃ, ⴰⵏⵙⵙⵉⵅⴼ ⵏ ⵜⵏⵎⴰⵍⴰⵢⵜ ⵜⴰⵄⵕⴰⴱⵜ ⵏ ⵜⴰⵡⵊⴰ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵉⵎⵃⴹⵉ ⵏ ⵜⵙⵎⵖⵓⵔⵉⵏ, ⵎⴰⵙⴷ ⵜⴰⵙⵎⵖⵓⵔⵜ ⴰⴷ ⵜⵙⴷⵓⵙ ⵜⴰⵎⵢⴰⵎⴰⵥⵜ ⵏ ⵜⴰⵡⵊⴰ ⵜⴰⵄⵕⴰⴱⵜ, ⵉⴼⴽⴰ ⵢⴰⵏ ⵡⴰⵡⴰⵍ ⵉⵎⵎⴰⵍⵏ ⴰⴷⵖⴰⵕ ⵉⵙⵡⵓⵔⵉⵏ ⴳ ⵜⵎⵔⵙⵍⵜ ⴳ ⵡⴰⵎⵓⵏ ⴰⵄⵕⴰⴱ.
ⵉⵍⵍⴰ ⴳ ⵜⴼⵓⴳⵍⴰ ⴰⴷ ⵛⴰⵢⴳⴰⵏ ⵏ ⵛⵛⵢⵓⵅ, ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵍⵉⵎⴰⵕⴰⵜ ⵜⴰⵄⵕⴰⴱⵜ, ⵎⴰⵙⵙ ⵎⵓⵃⵎⵎ ⴰⵢⵜ ⵓⵄⵍⵉ, ⴷ ⵛⴰⵢⴳⴰⵏ ⵏ ⵉⵡⵔⵉⴽⵏ ⵉⵄⵕⴰⴱⵏ ⵏ ⵓⵎⴰⴹⴰⵍ ⵉⴷⵉⴱⵍⵓⵎⴰⵙⵉⵜⵏ, ⵉⵙⵔⵜⴰⵏ, ⴷ ⵉⴷⵍⵙⴰⵏ, ⴷ ⵉⵏⴰⵎⵓⵏ.
Dernière modification : 06 ⵎⴰⵢⵢⵓ 2015