ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⴳ ⵚⵚⵅⵉⵕⴰⵜ ⵙⵉⵏ ⵉⵙⵏⵜⵉⵏ ⵉⵎⴰⵢⵏⵓⵏ ⵏ ⵜⴱⴷⴰⴷⵜ ⵉⵜⵜⵓⵙⴽⴰⵔⵏ ⵅⴼ ⵜⵎⵖⴰⵔⵉⵏ ⴷ ⵉⵄⵔⵔⵉⵎⵏ

08 ⵢⵓⵍⵢⵓⵣ 2014 Version Imprimable

ⵚⵚⵅⵉⵕⴰⵜ - ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⵏⴰⵙ ⴳ ⵜⵓⴷⴷⵓⵔⵜ ⵏ ⵍⴼⴰⵜⵃ ⴳ ⵚⵚⵅⵉⵕⴰⵜ, ⵢⴰⵏ ⴰⵎⵎⴰⵙ ⵏ ⴰⵙⵎⵓⵜⵜⴳ ⴷ ⵏ ⴰⵙⵖⵔⵜ ⵏ ⵜⵎⵖⴰⵔⵉⵏ ⴷ ⵢⴰⵏ ⵢⴰⴹⵏⵉⵏ ⵏ ⴰⵙⵎⵓⵜⵜⴳ ⴷ ⵏ ⴰⵙⵎⵓⵙⵙⵓ ⴰⵏⴰⵥⵓⵕ ⴷ ⴰⴷⵍⵙⴰⵏ, ⵎⴰⵢⴰⴷ ⵜⵙⴽⵔ ⵜⵉⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵙ ⵢⴰⵏ ⴰⵙⵙⴰⵔⵓ ⴰⵖⵣⵓⵔⴰⵏ ⵏ 8 ⵏ ⵓⵎⵍⵢⵓⵏ ⵏ ⴷⴷⵔⵀⵎ.

ⴰⵎⵎⴰⵙ ⵏ ⴰⵙⵎⵓⵜⵜⴳ ⴷ ⵏ ⴰⵙⵖⵔⵜ ⵏ ⵜⵎⵖⴰⵔⵉⵏ ⵔⴰⴷ ⵉⴼⴽ ⵉⵣⵔⵔⵓⵢⵏ ⵏ ⵉⵙⵉⴷⵍⴼⵏ ⴷ ⵏ ⵓⵍⵎⵎⵓⴷ ⵏ ⵜⵉⵣⵣⵓⵍⵉⵏ ⵉⵙⵙⴽⵛⴰⵎⵏ ⵉⵇⵇⴰⵕⵉⴹⵏ ⴷ ⵉⵙⵡⵓⵔⵉⵏ, ⴷ ⵜⵉⴳⵎⵉ ⵏ ⵜⵉⵙⵓⴳⵔⵉⵏ ⵏ ⵜⵎⵖⴰⵔⵉⵏ ⴰⴼⴰⴷ ⴰⴷ ⴷⵔⵓⵏⵜ ⴳ ⵜⵉⴳⵎⵉ ⵜⴰⵏⴰⵎⵓⵏⵜ.

ⵢⵓⵎⵥ ⵓⵎⵎⴰⵙ ⵢⴰⵏ ⴰⴱⴰⵔⴰⵣ ⵏ 400 ⴰⵎⵉⵜⵔⵓ ⴰⵎⴽⴽⵓⵥ (700 ⵉⵃⴱⴰⵏ), ⵉⵟⵟⴰⴼ ⵎⵏⵏⴰⵡ ⵏ ⵜⵉⵙⴰⵡⵔⵉⵏ, ⵣⵓⵏⴷ ⵡⵉⵏ ⵏ ⵜⵉⴳⵏⵉ ⵜⴰⵇⴱⵓⵔⵜ, ⴷ ⵏ ⵜⵃⴼⴼⴰⴼⵜ/ⵜⵉⵥⵉⵍⵜ, ⴷ ⵜⵉⴷⴰⵍⴰⵏ ⵏ ⴰⵙⵉⴷⵍⴼ ⴷ ⵏ ⴰⵏⵏⴰⵍ ⴰⵏⵎⵍⴰⵏ ⴷ ⵏ ⵜⵙⵏⵎⴰⵍⴰⵢⵜ, ⴷ ⵢⴰⵏ ⴰⵙⴰⵢⵔⴰⵔ ⵏ ⵓⵙⴼⵍⴷ ⴷ ⵎⵏⵏⴰⵡ ⵏ ⵜⵉⵏⴰⴼⵓⵜⵉⵏ ⵢⴰⴹⵏⵉⵏ. ⵉⵜⵜⵓⴼⴽⴰ ⴰⵙⵡⵓⴷⴷⵓ ⵏ ⵓⵎⵎⴰⵙ ⴰⴷ ⵉ ⵢⴰⵜ ⵜⵎⵙⵎⵓⵏⵜ ⵜⴰⴷⵖⵔⴰⵏⵜ.

ⴰⵎⵎⴰ ⵡⵎⵎⴰⵙ ⵏ ⴰⵙⵎⵓⵜⵜⴳ ⴷ ⵏ ⴰⵙⵎⵓⵙⵙⵓ ⴰⵏⴰⵥⵓⵕ ⴷ ⴰⴷⵍⵙⴰⵏ, ⵢⵓⵎⵥ ⵢⴰⵏ ⴰⴱⴰⵔⴰⵣ ⵏ 618 ⴰⵎⵉⵜⵔⵓ ⴰⵎⴽⴽⵓⵥ, ⵉⵟⵟⴰⴼ ⵎⵏⵏⴰⵡ ⵏ ⵜⵉⵙⴰⵡⵔⵉⵏ (ⴰⵎⵣⴳⵓⵏ, ⵜⵉⵖⵎⵉ, ⴰⵥⴰⵡⴰⵏ), ⴷ ⵏ ⵜⵉⴷⴰⵍⴰⵏ ⴰⵏⵏⴰⵍ ⴰⵏⵎⵍⴰⵏ ⴷ ⵏ ⵜⵓⵜⵍⴰⵢⵉⵏ ⵜⵉⴱⵕⵕⴰⵏⵉⵏ ⴷ ⵎⵏⵏⴰⵡ ⵏ ⵜⵉⵏⴰⴼⵓⵜⵉⵏ ⵢⴰⴹⵏⵉⵏ. ⵉⵜⵜⵓⴼⴽⴰ ⴰⵙⵡⵓⴷⴷⵓ ⵏ ⵓⵎⵎⴰⵙ ⴰⴷ ⵉ ⵡⵙⵉⵔⴰ ⵏ ⴰⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵏ ⵜⵏⴽⵔⴰ ⵙ ⵜⵡⵓⵔⵉ ⴷ ⵢⴰⵜ ⵜⵎⵙⵎⵓⵏⵜ ⵜⴰⴷⵖⵔⴰⵏⵜ.

Dernière modification : 08 ⵢⵓⵍⵢⵓⵣ 2014

Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%93%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%9A%E2%B5%9A%E2%B5%85%E2%B5%89%E2%B5%95%E2%B4%B0%E2%B5%9C-%E2%B5%99%E2%B5%89%E2%B5%8F-%E2%B5%89%E2%B5%99%E2%B5%8F%E2%B5%9C%E2%B5%89%E2%B5%8F-%E2%B5%89%E2%B5%8E%E2%B4%B0%E2%B5%A2%E2%B5%8F%E2%B5%93%E2%B5%8F-%E2%B5%8F-%E2%B5%9C%E2%B4%B1%E2%B4%B7%E2%B4%B0%E2%B4%B7%E2%B5%9C-%E2%B5%89%E2%B5%9C%E2%B5%9C%E2%B5%93%E2%B5%99%E2%B4%BD%E2%B4%B0%E2%B5%94%E2%B5%8F-%E2%B5%85%E2%B4%BC#comment-0