ⵜⴰⴼⵓⴳⵍⴰ ⵢⴰⴷ ⵏ ⵓⵕⵥⵥⵓⵎ ⵏ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴰⴱⵉⴷⵊⴰ ⵜⵣⵔⵉ ⵙ ⵜⵉⵍⵉⵜ ⵙⵍⴰⵡⴰⵏ ⴰⴽⴽⵯ ⵏ ⵓⵎⵛⵉⵡⴰⵕ ⵉⵥⵍⵉⵏ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⴽⵓⵜ ⴷⵉⴼⵡⴰⵔ ⵉⵜⵜⵓⵙⵎⴳⴰⵍⵏ ⵙ ⵜⵉⵖⴰⵡⵙⵉⵡⵉⵏ ⵏ ⴷⴷⵉⵏ ⴷ ⵡⴰⵎⵓⵏ ⵉⴷⵔⵉⵙⴰ ⴽⵓⵏⵉ ⴷ ⵓⵎⵛⵉⵡⴰⵕ ⴰⵎⵇⵔⴰⵏ ⵏ ⵜⴳⴷⵓⴷⴰⵏⵜ ⵄⴰⵍⵉ ⴽⵓⵍⵉⴱⴰⵍⵉ ⴷ ⵎⵏⵏⴰⵡ ⵉⵎⴰⵡⵙⴰⵙⵏ ⵣⵓⵏ ⵡⵉⵏ ⵓⴳⵯⵏⵙ ⴷ ⵜⵏⴼⵔⵓⵜ ⴼⴰⴳⵓⵏⴷⵉ ⴷⵢⵓⵎⴰⵏⴷⵉ ⴷ ⵜⴰⵎⴰⵡⵙⴰⵙⵜ ⵏⵓⵙⵍⵎⴷ ⴰⵏⵎⵓⵔ ⴷ ⵓⵙⴱⴷⴷ ⵏ ⵍⵓⵎⵉⵢⵢⴰ ⵎⴰⵔⵢⴰⵜⵓ ⴽⵓⵏⵉ ⴷ ⵓⵎⴰⵡⵙⴰⵙⵏ ⵏ ⵜⵙⴱⴱⴰⴱⵜ ⵙⵓⵍⴰⵢⵎⴰⵏ ⴷⵢⴰⵔⴰ ⴰⵙⵓⴱⴰ ⴷ ⵓⵎⴰⵡⵙⴰⵙⵏ ⵓⵢⴷⴰ ⴷ ⵜⵉⵎⵔⵙⵍⵉⵏ ⵜⵉⵎⴰⵜⴰⵢⵏ ⵎⵓⵙⴰ ⵙⴰⵏⴳⵓ
ⵉⵃⴰⴹⵕ ⵜⴰⴼⵓⴳⵍⴰ ⵢⴰⴷ ⵓⵍⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴽⴰⵏⴷⵢⴰ ⴽⴰⵎⴰⵔⴰ ⴷ ⵛⵛⵉⵅ ⵍ ⵉⴷⵍⵉⵎⴰⵎ ⵄⵓⵜⵎⴰⵏ ⵊⴰⴽⵉⵜⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⴷ ⵍⵉⵎⴰⵎ ⴷ ⵜⵉⵎⵣⴳⵉⴷⵉⵡⵉⵏ ⴷ ⵜⵉⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴳ ⴽⵓⵜ ⴷⵉⴼⵡⴰⵔ.
ⵜⵣⵔⵉ ⵜⴼⵓⴳⵍⴰ ⵏ ⵓⵕⵥⵥⵓⵎ ⵏ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴰⴱⵉⴷⵊⴰⵏ ⵙ ⵜⵉⵍⵜ ⵏ ⵓⴽⴰⴱⴰⵔ ⵏ ⵜⵎⵔⵙⵍⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵄⵓⵍⴰⵎⴰ ⵏ ⵉⴼⵔⵉⵇⵢⴰ ⵍⵍⵉ ⵎⵉ ⵉⵣⵡⴰⵔ ⴰⵏⴼⵍⵓⵙ ⵏ ⵜⵎⵔⵙⵍⵜ ⴰⵎⴰⵜⴰⵢ ⵎⵓⵃⵎⵎⴷ ⵔⵉⴼⵇⵉ ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⴽⵓⵜ ⴷⵉⴼⵡⴰⵔ ⵄⴱⴷ ⵍⵎⴰⵍⴽ ⴽⴰⵜⵜⴰⵏⵉ ⴷ ⵓⵏⵙⵙⵉⵅⴼ ⵓⴳⵣⵣⵓⵎ ⵏⵏⵙ ⴳ ⴽⵓⵜ ⴷⵉⴼⵡⴰⵔ ⵎⵓⵚⵟⴰⴼⴰ ⵙⵓⵏⵟⴰ ⴷ ⵎⵏⵏⴰⵡ ⵉⵏⵎⵖⵓⵔⵏ ⵉⵎⵖⵔⵉⴱⵉⵢⵏ ⴷ ⵡⵉⵏ ⴽⵓⵜ ⴷⵉⴼⵡⴰⵔ.
ⵉⵏⵏⴰ ⵜⵉⵏⵡⴰⵜ ⵏ ⵜⵥⴰⵍⵍⵉⵜ ⵏ ⵓⵙⵉⵎⵡⴰⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵙⵙⴰⵏ ⵏ ⵜⵙⴳⴰ ⵏ ⵙⵓⵙ ⵎⴰⵙⵙⴰ ⵍⵢⴰⵡⵉⴷ ⵕⴰⴹⵉ ⵍⵍⵉ ⵉⵙⴰⵡⵍⵏ ⵅⴼ ⴰⵜⵉⴳ ⵏ ⵜⴳⵎⴰⵜ ⴳ ⵍⵉⵙⵍⴰⵎ ⴷ ⵉⵎⵢⴰⵙⵙⴰⵏ ⵉⴷⵓⵙⵏ ⵍⵍⵉ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⴽⵓⵜ ⴷⵉⴼⴰⵡⴰⵔ ⴳ ⵎⵏⵏⴰⵡ ⵉⴳⵔⴰⵏ.
ⵜⵜⵓⵙⴽⴰ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴰⴱⵉⴷⵊⴰⵏ ⴳ ⵢⴰⵏ ⵓⵙⴰⵢⵔⴰⵔⵏ 25000 ⵏ ⵎⵉⵜⵔ 2 ⴰⵔ ⵜⵜⴰⵙⵉ ⵄⵍⴰⵢⵏ 7000 ⵏ ⵓⴼⴳⴰⵏ ⴳⵉⵙ ⵜⴰⴷⴰⵍⴰ ⵜⴰⵎⵇⵔⴰⵏⵜ ⵏ ⵜⵥⴰⵍⵍⵉⵜ ⴷ ⵜⴰⴷⴰⵍⴰ ⵏ ⵉⵏⴰⵡⵏ ⴷ ⵜⴰⵙⴷⵍⵉⵙⵜ ⴷ ⵢⴰⵏ ⵓⵙⴰⵢⵔⴰⵔⵏ ⵜⵙⴱⴱⴰⴱⵜ ⴷ ⵉⵙⴰⵢⵔⴰⵔⵏ ⵉⵣⴳⵣⴰⵡⵏ.
ⵉⴽⴽⴰⵜⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⵉⵎⵓ, ⴷ ⵓⵏⵙⵙⵉⵅⴼ ⵏ ⴽⵓⴷ ⴷⵉⴼⵡⴰⵔ ⵎⴰⵙⵙ ⵃⴰⵙⴰⵏ ⵡⴰⵜⴰⵔⴰ ⵍⴱⴷⵓ ⵏ ⵍⴱⵏⵉ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴰⴱⵉⴷⵊⴰⵏ ⴳ 3 ⵎⴰⵕⵙ 2017 .
ⵜⵓⵙⴽⴰ ⵏ ⵜⵉⵎⵣⴳⵉⴷⴰ ⵢⴰⴷ ⴳ ⴰⴱⵉⴷⵊⴰⵏ ⴰⵔ ⵜⵎⵎⴰⵍ ⵜⴰⵏⵏⴰⵢⵜ ⵉⴼⵓⵍⴽⵉⵏ ⵏ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵜ ⵉⵏⵚⵕ ⵕⴱⴱⵉ ⴷ ⵍⵉⵍⵜⵣⵇⵎ ⵏⵏⵙ ⵙ ⵓⵃⵟⵟⵓ ⵏ ⵜⴰⵡⴰⴱⵉⵜ ⵏ ⴷⴷⵉⵏ ⵔⴰⴷ ⵢⵉⵍⵉ ⴳ ⵜⵉⵎⵣⴳⵉⴷⴰ ⵢⴰⴷ ⵜⴰⵥⴰⵍⵍⵉⵜ ⴷ ⵓⵙⵍⵎⴷ ⵏ ⵍⵇⵔⴰⵏ ⵍⴽⴰⵔⵉⵎ ⴷ ⵄⵣⵓⵣⵣⵔ ⵏ ⴰⵜⵉⴳⵏ ⵙⵙⵍⴰⵎⵜ ⴷ ⵓⵎⵢⴰⵡⴰⴹ ⵍⵍⵉ ⵉⵍⵍⴰⵏ ⴳ ⵍⵉⵙⵍⴰⵎ. ⴰⵔ ⵜⵎⵎⴰⵍ ⵓⵍⴰ ⵉⵎⵢⴰⵙⵙⴰⵏ ⵉⵖⵓⴷⴰⵏ ⵉⵍⵍⴰⵏ ⴳⵔ ⵍⵎⵖⵔⵉⴱ ⴷ ⴽⵓⵜ ⴷⵉⴼⵡⴰⵔ.
ⵙ ⵓⵣⵎⵣⵣⵓ ⵢⴰⴷ ⵔⴰⴷ ⵜⵉⵍⵉ ⴰⵙⵙⴰ ⵜⴰⴼⵓⴳⵍⴰ ⵏ ⵢⵉⴹ ⵏ ⵍⵇⴰⴷⵔ ⴳ ⵜⵉⵎⵣⴳⵉⴷⴰ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⴰⴱⵉⴷⵊⴰⵏ ⵙ ⵜⴰⴷⵔⴰⵡⴰⵜ ⵏ ⵎⵏⵏⴰⵡ ⵍⵄⵓⵍⴰⵎⴰ ⴷ ⵛⵛⵢⵓⵅ ⵏ ⵟⴰⵔⵉⵇⴰ ⵚⵓⴼⵉⵢⵢⴰ ⴷ ⵉⵏⵎⵏⴰⴷⵏ ⵏ ⴷⴷⵉⵏ ⵉⵏⵍⵎⵖⵔⵉⴱ ⴷ ⴽⵓⵜ ⴷⵉⴼⵡⴰⵔ .