ⵜⵜⵓⵙⵏⵎⴰⵍⴰⵏⵜ ⴽⵉⴳⴰⵏ ⵏ ⵜⵉⵏⴰⵡⵉⵏ ⵏ ⵓⵙⴱⵓⵖⵍⵓ ⴷ ⵓⵙⵙⵔⵏⵓ ⴳ ⵜⴳⵉⵔⵉⵡⵉⵏ ⴰⴷ ⴳ ⵍⵎⵖⵔⵉⴱ ⵣⵓⵏⴷ ⴰⴼⵙⴰⵔ ⴰⵎⴰⴹⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ ⴳ ⵕⵕⴱⴰⵟⴷ ⵓⵏⵎⵓⴳⴳⴰⵔ ⴰⵎⴰⴹⵍⴰⵏ ⵏ ⵓⵙⴰⵔⵓ ⴳ ⵡⴰⵎⵓⵔ ⵏ ⵡⴰⴽⵓⵛ ⵏⵏⴰ ⵙ ⴷ ⴷⴷⴰⵏ ⴽⵉⴳⴰⵏ ⵏ ⵉⴷⵍⵙⴰⵏⵏ ⵉⵎⴰⴹⵍⴰⵏⵏ ⵙ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵏⵏⴰ ⵢⵉⵡⵙⵏ ⴳ ⵓⴱⵓⵖⵍⵓ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ .
ⵜⴰⵖⴰⵡⵙⴰ ⵢⴰⴹⵏ ⵍⵍⵉⵖ ⵉⵙⴽⵔ ⴱⴰⴱ ⵏ ⵡⴰⴷⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴳ ⵢⵉⵅⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⵜⴰⵏⵓⵕⵥⵎⵜ ⴷ ⵜⴼⵓⴳⵍⴰ ⵜⴰⵏⴰⵎⵓⵔⵜ ⵜⴰⴷⵙⵍⴰⵏⵜ ⵣⵓⵏⴷ ⴰⴽⴽⵯ ⵜⵉⴼⵓⴳⵍⵉⵡⵉⵏ ⵢⴰⴹⵏⵉⵏ ⴰⵢⵏⵏⴰ ⵉⵎⵎⴰⵍⴰⵏ ⵜⴰⵖⴹⴼⵜ ⵏ ⴱⴰⴱ ⵏ ⵡⴰⴷⴷⵓⵔ ⵙ ⵜⴷⵍⵙⴰ ⴷ ⵜⵎⴰⴳⵉⵜ ⵜⴰⵎⵖⵔⵉⴱⵉⵜ ⴷ ⵉⵙⵓⴳⴰⵎ ⵏⵏⵙ ⴰⴽⴽⵯ .
ⴰⵢⴰⴷ ⴰⴷ ⵉⵎⵎⴰⵍⴰⵏ ⵜⴰⵡⵡⵓⵔⵉ ⵉⴷⵓⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⵉ ⴽⵓ ⵎⴰⴷ ⵉⴳⴰⵏ ⵜⴰⴷⵍⵙⴰ ⴷ ⵜⵎⴰⴳⵉⵜ ⴳ ⵡⴰⵎⵓⵔ ⵏⵏⵖ ⵍⵍⵉⵖ ⵉⵔⴰⵔ ⵜⴰⵖⴹⴼⵜ ⵏⵏⵙ ⵙ ⵜⵎⴰⵣⵉⵖⵜ ⴰⴼⴰⴷ ⴰⴷ ⵜⵉⵍⵉ ⵢⴰⵜ ⵜⵏⴼⵍⵉⵜ ⵉⴷⵓⵙⵏ .
ⴰⵡⴷ ⵜⴰⵖⴰⵡⵙⴰ ⵢⴰⴹⵏ ⵏⵏⴰ ⵉⵙⵙⵏ ⵓⵙⴳⴳⴰⵙ ⴰⴷ ⵏ 2023 ⵍⵍⵉⵖ ⵉⴱⵓⵖⵍⴰ ⵍⵎⵖⵔⵉⴱ ⴳ ⵓⵙⵡⵉⵔ ⵏ ⵍⵢⵓⵏⵉⵙⴽⵓ ⵙ ⵓⵜⵓⵢ ⵏ ⵍⵎⵍⵃⵓⵏ ⵍⵍⵉ ⵜⵙⴷⴷⵉⴷ ⵜⵎⴰⴳⵔⴰⵡⵜ ⵏ ⵜⵎⵜⵜⴰ ⵉⵎⵓⵏⵏ ⴰⴼⴷ ⴰⴷ ⵉⴳ ⵜⴰⴷⵍⵙⴰ ⵜⴰⵎⴰⴹⵍⴰⵏⵜ ⴷ ⵜⴰⵢⵙⵉ ⵉⵜⵜⵓⵙⵖⵥⵏⵏ .
ⵙ ⵜⵣⵎⵎⴰⵔ ⴰⴷ ⴰⴼⴰⴷ ⴰⴷ ⵜⴻⵜⵜⵓⴼⵔⴰⴳ ⵜⴰⵢⵙⵉ ⵜⴰⵎⵖⵔⵉⴱⵉⵜ ⴷ ⵜⵎⴰⵣⵉⵖⵜ ⵏⵏⴰ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⵍⵍⵉⵖ ⵉⴱⵓⵖⵍⴰ ⵓⵙⵡⵉⵔ ⵏ ⵜⵎⴰⴳⵉⵜ ⴷ ⵜⴷⵍⵙⴰ ⵜⴰⵎⵖⵔⵉⴱⵉⵜ ⵙ ⵓⵎⴰⵜⴰ ⴰⴼ ⵉⵍⵍⴰ ⵍⵎⵖⵔⵉⴱ ⴳ ⵜⵙⴽⴼⴰⵍ ⵜⵉⵎⵣⵡⵓⵔⴰ ⴳ ⵓⵎⴰⴹⴰⵍ ⴳ ⵎⴰⴷ ⵉⵥⵍⵉⵏ ⵙ ⵜⴷⵍⵙⴰ ⴷ ⵜⴰⵢⵙⵉ .
ⴰⵙⵖⵥⵏ ⴰⴷ ⴰⴳⵍⴷⴰⵏ ⴷ ⵡⵉⵏ ⵍⵢⵓⵏⵉⵙⴽⵓ ⴰⵡⴷ ⵏⵏⴰ ⵉⵏⵏⴰⵏ ⵎⴰⵙⴷⴷ ⴳ ⵜⵡⴰⵖⵉⵜ ⵏ ⵓⵎⴷⵓⴷⵉ ⵉⵖⵉ ⵍⵎⵖⵔⵉⴱ ⴰⴷ ⴷ ⵉⵔⴰⵔ ⵜⵓⵙⴽⵉⵡⵜ ⵏⵏⴰ ⵢⵓⵜ ⵓⵎⴷⵓⴷⵉ ⴰⴷ ⵙ ⵜⵣⵎⵎⴰⵔ ⵏ ⵜⵎⴰⵣⵉⵔⵜ ⵏⵏⵖ ⴳ ⵉⴳⵔ ⵏ ⵓⴼⵔⴰⴳ ⵏ ⵜⴰⵢⵙⵉ ⵜⴰⵎⵖⵔⵉⴱⵉⵜ ⴷ ⵜⵓⵙⴽⵉⵡⵜ ⵓⵍⴰ ⵜⴰⵎⵙⴷⴰⴳⵜ .
ⴳ ⵜⵉⵏⴰⵡⵉⵏ ⵢⴰⴷⵏ ⵍⵍⵉⵖ ⵜⴳⴰ ⵜⵖⵔⵎⵜ ⵏ ⵕⵕⴱⴰⵟ ⵜⴰⵎⴰⵥⵓⵏⵜ ⵏ ⵜⴷⵍⵙⴰ ⵜⴰⴼⵔⵉⵇⵉⵜ, ⴷⴼⴼⵉⵔ ⵏ ⵓⵙⴳⴳⴰⵙ ⵏ ⵜⵉⵏⴰⵡⵉⵏ ⴷ ⵉⵎⵓⵙⵙⵓⵜⵏ ⵉⴷⵍⵙⴰⵏⵏ ⴷ ⵙⵙⵉⵏⵉⵎⴰ , ⴰⵎⵣⴳⵓⵏ ⴷ ⵔⵔⴽⵣ ⴷ ⴽⵉⴳⴰⵏ ⵏ ⵡⴰⵏⴰⵡⵏ ⵢⴰⴷⵏ ⵏ ⵜⵥⵓⵕⵉ ⴷ ⵓⵙⵡⵍⵍⴼ ⵍⵍⵉⵖ ⵜⴳⴰ ⵜⵎⴰⵥⵓⵏⵜ ⵏ ⵕⵕⴱⴰⵟ ⵢⴰⵜ ⵜⵍⴳⴳⵯⵉⵜ ⵏ ⵜⴷⵍⵙⴰ ⵜⴰⴼⵔⵉⵇⵉⵜ .
ⴰⵡⴷ ⴰⵙⴼⵙⵔ ⴰⵎⴰⴹⵍⴰⵏ ⵏ ⵙⵙⵉⵔⴰ ⵏⴰⴱⴰⵡⵉⵢⴰ ⵉⴽⵛⵎ ⴳ ⵉⵎⵓⵙⵙⵓⵜⵏ ⵉⴷⵍⵙⴰⵏⵏ ⵏ ⵓⵙⴳⴳⵯⴰⵙ ⵏ 2023ⵏⵏⴰ ⵉⵍⵍⴰⵏ ⴳ ⵡⴰⵏⵙⴰ ⵏ ⵍⵢⵓⵏⵉⵙⴽⵓ ⴳ ⵕⵕⴱⴰⵟ ⴷⴷⵓ ⵜⵏⴰⵍⵉⵜ ⵏ ⴱⴱⴰ ⵏ ⵡⴰⴷⴷⵓⵔ, ⵍⵍⵉⵖ ⴷ ⵙⵉⵙ ⵓⵛⴽⴰⵏ ⵓⴳⴳⴰⵔ ⵏ ⴽⵕⴰⴹ ⵉⴷ ⵎⵍⵢⵓⵏ ⵏ ⵉⵡⴷⴰⵏ ⵙⴳ ⵓⵏⵏⵓⵕⵥⵎ ⵏⵏⵙ ⴳ 2022 ⵙⴳ ⴳⵉⵙⵏ ⵉⵎⴰⵡⵙⴰⵙⵏ ⴷ ⵉⴷⵉⴱⵍⵓⵎⴰⵙⵉⵏ ⵏ ⵓⵎⴰⴹⴰⵍ ⴰⴽⴽⵯ .
ⵙⴳ ⵉⵎⵓⵙⵙⵓⵜⵏ ⴰⵏⵏ ⵡⵉⵏⵏⴰ ⵉⵙⴽⵔ ⴱⴱⴰ ⵏ ⵡⴰⴷⴷⵓⵔ ⴰⴽⴽⵯ ⴳ ⵜⵉⵣⵉ ⵏ ⵓⵙⵏⴱⴹ ⵏⵏⵙ ⵅⴼ ⵓⴷⴰⴱⵓ ⵙ ⵜⴰⵏⵏⴰⵢⵉⵏ ⵏⵏⵙ ⵉⴷⵓⵙⵏ ⴷ ⵓⵜⵓⵢ ⵏⵏⵙ ⵉⵙⴱⵓⵖⵍⵓⵏ ⴰⵎ ⵜⵉⵏⴰⵡⵉⵏ ⴰⴷ ⵜⵉⴷⵍⵙⴰⵏⵉⵏ .
ⴽⵉⴳⴰⵏ ⵏ ⵜⵍⴳⴳⵯⵉⵜⵉⵏ ⴷ ⵜⵉⵏⴰⵡⵉⵏ ⵜⵉⴷⵍⵙⴰⵏⵉⵏ ⵏⵏⴰ ⵉⵜⵜⵓⴳⴰⵏ ⴳ ⵓⵙⴳⴳⵯⴰⵙ ⴰⴷ ⴷ ⵜⵙⵏⵜⴰⵢⵉⵏ ⵜⵉⴳⵍⴷⴰⵏⵉⵏ ⴷ ⴽⵉⴳⴰⵏ ⵏ ⵉⵏⴰⵡⵏ ⵉⴳⵍⴷⴰⵏⵏ ⵓⵍⴰ ⵜⵉⴱⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵉⴳⵔ ⴰⴷ ⵉ ⵡⵉⵏⵏⴰ ⵉⵜⵜⴰⵡⵙⵏ ⴳ ⵉⵎⵓⵙⵙⵓⵜⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⴰⴽⴽⵯ ⴽⵔⴰ ⴳⴰⵏ .
ⵙⴳ ⵜⴱⵔⴰⵜⵉⵏ ⵏ ⴱⴱⴰ ⵏ ⵡⴰⴷⴷⵓⵔ ⵜⴰⵍⵍⵉ ⵢⵓⵣⵏ ⵉ ⵢⵉⴳⵎⴰⵎⵏ ⵏ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵎⵍⴷⴰ ⵏ ⵓⵏⵏⵓⵕⵥⵎ ⵏ ⵜⵙⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵜⴽⴰⴷⵉⵎⵉⵜ ⴳ ⵓⵏⵎⴰⵍⵍⵓ ⵏⵏⵙ ⴰⵎⴰⵢⵏⵓ ⵍⵍⵉⵖ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⵎⴰⵙⴷ ⴰⴱⵓⵖⵍⵓ ⵏ ⵡⴰⵎⵓⵏ ⵉⵣⴷⵉ ⴷ ⵜⴷⵍⵙⴰ ⴷ ⵓⵙⵡⵉⵏⴳⵎ ⴰⵎⴰⵢⵏⵓ ⵙ ⵓⴼⴰⵔⵙ ⵏ ⵜⵓⵙⵙⵏⴰ ⴷ ⵜⵡⵉⵙⵉ ⵏ ⵡⴰⵎⵓⵏ ⴳ ⵓⴱⵓⵖⵍⵓ ⵓⵖⵔⵉⵎ .