Published on MAPNews (https://www.mapnews.ma/am)

Accueil > ⴰⵙⵓⴳⵉ ⵉⵍⵍⴰⵏ ⵅⴼ ⵜⵖⵔⵎⵜ ⵏ ⵚⵎⴰⵕⴰ "ⵓⵔ ⵔⴰⴷ ⴰⵖ ⵉⵙⵎⴷ ⴰⵎⵔ ⴰⵟⵟⴼ ⴳ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ ⴷ ⵓⵙⵎⴰⴷ ⵅⴼ ⵓⴱⵔⵉⴷ ⵏ ⵜⵏⴼⴰⵍⵉⵜ ⴳⵉⵙ" (ⵉⵎⵙⵜⴰⵢⵏ)

ⴰⵙⵓⴳⵉ ⵉⵍⵍⴰⵏ ⵅⴼ ⵜⵖⵔⵎⵜ ⵏ ⵚⵎⴰⵕⴰ "ⵓⵔ ⵔⴰⴷ ⴰⵖ ⵉⵙⵎⴷ ⴰⵎⵔ ⴰⵟⵟⴼ ⴳ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ ⴷ ⵓⵙⵎⴰⴷ ⵅⴼ ⵓⴱⵔⵉⴷ ⵏ ⵜⵏⴼⴰⵍⵉⵜ ⴳⵉⵙ" (ⵉⵎⵙⵜⴰⵢⵏ)

06 ⵏⵓⵡⴰⵏⴱⵉⵔ 2023 Version Imprimable
ⵚⵎⴰⵕⴰ - ⵏⵏⴰⵏ ⵜⵓⴳⵜⵜ ⵏ ⵉⵎⵙⵜⴰⵢⵏ ⵏ ⵚⵎⴰⵕⴰ ⵎⴰⵙⴷ ⴰⵙⵓⴳⵉ ⵉⵀⵔⵛⵏ, ⵍⵍⵉ ⵉⵍⵍⴰⵏ ⵅⴼ ⵜⵖⵔⵎⵜ ⴰⴷ ⵉⵎⴰⵍ ⴰⵙⵙ ⵉⵣⵔⵉⵏ, ⵓⵔ ⵔⴰⴷ ⴰⵙⵏ ⵉⵙⵎⴷ ⴰⵎⵔ ⴰⴷ ⵛⴱⴱⵔⵏ ⴳ ⵜⵎⵖⵔⴰⴱⵉⵜ ⵏ ⵜⴳⵯⵣⵔⵓⴼⵜ, ⴷ ⵔⴰⴷ ⴰⵡⵙⵏ ⴳ ⵓⴱⵔⵉⴷ ⵏ ⵜⵏⴼⴰⵍⵉⵜ ⵍⵍⵉ ⵓⵎⵥⵏⵜ ⵜⵎⵏⴰⴹⵉⵏ ⵏ ⵉⴼⴼⵓⵙ.

ⵙⵙⵀⵔⵛⵏ, ⴳ ⵜⴳⵓⵔⵉⵡⵉⵏ ⵏⵏⵙⵏ ⵍⵍⵉ ⴼⴽⴰⵏ ⵉ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵉ ⵉⵏⵖⵎⵉⵙⵏ, ⴳ ⵢⴰⵏ ⵓⴱⴷⴷⴰⵔ ⵉⵜⵜⵉⵢⵙⴽⴰⵔⵏ ⴰⵙⵙ ⵓⵙⴰⵎⴰⵙ, ⴰⵙⵓⴳⵉ ⴰⴷ ⵢⵓⵜⵏ ⵎⴷⴷⵏ, ⵉⵏⵉⵏ ⵎⴰⵙ ⵔⴰⴷ ⵎⵎⴰⵖⵏ ⵅⴼ ⵜⵎⵢⵉⵡⵏⵜ ⵏ ⵡⴰⴽⴰⵍ ⴰⵎⵖⵔⴰⴱⵉ ⵎⴳⴰⵍ ⵉⵛⵏⴳⴰ ⵏⵏⵙ.

ⴳ ⵓⵎⵏⵉⴷ ⴰⴷ ⵏⵉⵜ, ⵉⵙⵙⵀⵔⵛ ⵓⵙⵍⵡⴰⵢ ⵏ ⵜⵎⵏⴰⴹⵜ ⵏ ⵚⵎⴰⵕⴰ ⵎⵓⵍⴰⵢ ⴱⵕⴰⵍⵉⵎ ⵛⵛⵔⵉⴼ, ⵜⵉⵡⵓⵔⵉⵡⵉⵏ ⵍⵍⵉ ⵉⵙⴰⵔⵏ ⴳ ⵜⵖⵔⵎⵜ ⵏ ⵚⵎⴰⵕⴰ, ⵢⵉⵏⵉ ⵎⴰⵙ ⵜⴳⴰ ⵜⴰⵡⵓⵔⵉ ⵏ ⵉⴷ ⴳⴰⵔ, ⵍⵍⵉⵖ ⵜⵓⵜ ⵉⵏⴰⵎⵓⵔⵏ.

ⵢⵉⵏⵉ ⵎⴰⵙⴷ ⵎⴰⵢⴰ "ⵓⵔ ⵔⴰⴷ ⵉⵙⴱⴷⴷ ⵜⵓⴳⴳⴰⵙ ⵍⵍⵉ ⵏⵏ ⵏⴳⴰ" ⴼⴰⴷ ⴰⴷ ⵜⵉⵍⵉ ⵜⵏⴼⴰⵍⵉⵜ ⴳ ⵜⵎⵏⴰⴹⵉⵏ ⵏ ⵉⴼⴼⵓⵙ, ⵉⵙⵙⵓⵎⴰⵏ ⵎⴰⵙ ⴷ ⴰⴷⵖⴰⵔ ⵏ ⵜⵏⵣⵔⵓⴼⵜ ⴰⵔ ⵉⵜⵜⴱⵓⵖⵍⵓ ⴷⴷⵓ ⵓⵎⴰⵍⵓ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ.

ⵉⵙⵙⵓⵎⴰⵏ ⵎⴰⵙⴷ "ⵜⵉⵡⵡⵓⵔⵉⵡⵉⵏ ⴰⴷ ⵉⵀⵔⵛⵏ ⵓⵔ ⵔⴰⴷ ⴰⴽⵙⵏⵜ ⴼⴰⵔ ⴰⴷ ⵏⴰⴼ ⴰⴼⵙⵙⴰⵢ ⵉ ⵜⵏⵣⵔⵓⴼⵜ", ⵉⵙⵎⴷ ⵎⴰⵙⴷ ⵜⴰⵙⵏⵜⴰⵢⵜ ⵏ ⵓⵏⵙⵙⵉⵅⴼ ⴰⵙⵉⵎⴰⵜ ⵍⵍⵉ ⵜⴼⴽⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⵉⴳⴰⵏ ⴰⴼⵙⵙⴰⵢ ⵉ ⵓⵎⵓⴽⵔⵉⵙ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ.

ⵉⵖⵔ ⵉ ⴰⵢⵜ ⵓⵎⴰⴹⴰⵍ ⴼⴰⴷ ⴰⴷ ⴰⵡⵙⵏ ⴳ ⵜⵙⵏⵜⴰⵢⵜ ⴰⴷ "ⵍⵍⵉ ⵅⴼ ⴷ ⵉⵎⵛⵓⵛⴽⴰ ⴽⵉⴳⴰⵏ", ⵢⴰⵣⵏ ⴰⵖⵓⵔⵉ "ⵉ ⵡⵉⴷ ⴳ ⴰⵔ ⵜⵜⵏⴰⵥⵏ ⴳ ⵉⴳⵉⵟⴰⵏ ⵏ ⵜⵉⵏⴹⵓⴼ ⴼⴰⴷ ⴰⴷ ⵉⵡⵔⵔⵉⵏ ⵙ ⵜⵎⵓⵔⵜ ⵏⵏⵙⵏ ⵍⵍⵉ ⴳ ⵔⴰⴷ ⴰⴼⵉⵏ ⵜⵓⴷⵔⵜ ⵜⴰⴷⵔⴼⵉⵜ".

ⴳ ⵜⵙⴳⴰ ⵏⵏⵙ, ⵉⵏⵏⴰ ⵓⵙⵍⵡⴰⵢ ⵏ ⵓⵙⵇⵇⵉⵎ ⴰⴷⵖⵔⴰⵏ ⵏ ⵚⵎⴰⵕⴰ ⵎⵓⵃⵎⵎⴰⴷ ⵙⴰⵍⵎ ⵍⴱⵉⵀⵉ, ⵎⴰⵙⴷ ⴰⴱⴷⴷⴰⴷ ⵉⵜⵜⵉⵢⵙⴽⴰⵔⵏ ⵖⴰⵙⵙⴰ ⴳ ⵚⵎⴰⵕⴰ, ⵉⴳⴰ ⵢⴰⵜ ⵜⵖⴰⵔⴰⵙⵜ ⵍⵍⵉ ⵙ ⵏⵏⴰⵏ ⵓⵀⵓ ⵉ ⵜⵡⵓⵔⵉⵡⵉⵏ ⴰⴷ ⵉⵀⵔⵛⵏ ⵏⵏⴰ ⵢⵓⵜⵏ ⵜⵉⵖⵔⵎⵜ ⵏⵏⵙⵏ.

ⵉⵙⵙⵓⵎⴰⵏ ⵎⴰⵙⴷ ⵜⵉⵡⵓⵔⵉⵡⵉⵏ ⴰⴷ "ⵓⵔ ⵔⴰⴷ ⴰⵖ ⵜⵙⵎⴷ ⴰⵎ ⴰⵛⴱⴱⵔ ⴳ ⵜⵎⵢⵉⵡⵏⵜ ⵏ ⵡⴰⴽⴰⵍ ⵏ ⵜⴳⵍⴷⵉⵜ", ⵢⵉⵏⵉ ⵎⴰⵙⴷ ⴰⴱⴷⴷⴰⴷ ⴰⴷ ⵉⴳ ⴰⵜⴰⵎⴰⵜⴰⵔⵜ ⵎⴰⵙ "ⴳⴰⵏ ⵉⵎⵖⵔⴰⴱⵉⵢⵏ ⴰⴽⴽ ⵢⴰⵜ ⵜⵖⵙⵙⴰ ⴹⴰⵕⵜ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ.

ⴳ ⵜⵙⴳⴰ ⵏⵏⵙ, ⵉⵏⵏⴰ ⵎⴰⵙⵙ ⵚⴰⵍⵃ ⵍⵉⴷⵔⵉⵙⵉ ⴰⴱⵕⵍⵎⴰⵏ ⵏ ⵚⵎⴰⵕⴰ ⵎⴰⵙ ⵉⴳⴰ ⵓⴱⴷⴷⴰⴷ ⴰⴷ ⵡⵉⵏ ⵓⵙⵀⵔⵛ ⵙ "ⵜⵡⵓⵔⵉⵡⵉⵏ ⵏ ⵜⵖⵡⵡⴰⵖⵜ" ⵍⵍⵉ ⵉⵙⴰⵔⵏ ⴳ ⵜⵖⵔⵎⵜ ⵏ ⵚⵎⴰⵕⴰ ⵜⵓⵜ ⵉⵏⴰⵎⵓⵔⵏ.

ⵢⵉⵏⵉ ⵎⴰⵙⴷ "ⵉⵇⵇⴰⵏ ⴰⴷ ⵏⵙⴼⴰⵍⴽⵉ ⴰⴷⵡⵡⴰⵙ ⵏⵏⴰ ⵜⵙⴽⴰⵔ ⵜⵏⴱⴰⴹⵜ ⵜⴰⵎⴰⴷⴰⵏⵉⵜ ⴷ ⵜⵙⵔⴷⴰⵙⵜ ⵙ ⵓⵏⵙⵙⵉⵅⴼ ⵉⵎⵉⵖⵉⵙ ⵏ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ", ⵉⵖⵔ ⵉ ⵡⵉⵍⵍⵉ ⵉⵜⵜⵢⴰⵎⴰⵥⵏ ⴳ ⵉⴳⵉⵟⴰⵏ ⵏ ⵜⵉⵏⴹⵓⴼ ⴰⴷ ⴷ ⵓⵔⵔⵉⵏ ⵙ ⵡⴰⴽⴰⵍ ⵏ ⵜⵎⴰⵣⵉⵔⵜ.

Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B4%B0%E2%B5%99%E2%B5%93%E2%B4%B3%E2%B5%89-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B5%85%E2%B4%BC-%E2%B5%9C%E2%B5%96%E2%B5%94%E2%B5%8E%E2%B5%9C-%E2%B5%8F-%E2%B5%9A%E2%B5%8E%E2%B4%B0%E2%B5%95%E2%B4%B0-%E2%B5%93%E2%B5%94-%E2%B5%94%E2%B4%B0%E2%B4%B7-%E2%B4%B0%E2%B5%96-%E2%B5%89%E2%B5%99%E2%B5%8E%E2%B4%B7-%E2%B4%B0%E2%B5%8E%E2%B5%94-%E2%B4%B0%E2%B5%9F%E2%B5%9F%E2%B4%BC-%E2%B4%B3-%E2%B5%9C%E2%B5%8E%E2%B5%96%E2%B5%94%E2%B4%B0%E2%B4%B1%E2%B5%89%E2%B5%9C-%E2%B5%8F-%E2%B5%9C%E2%B5%8F%E2%B5%A3%E2%B5%94%E2%B5%93%E2%B4%BC%E2%B5%9C-%E2%B4%B7-%E2%B5%93%E2%B5%99%E2%B5%8E%E2%B4%B0%E2%B4%B7