ⵉⵎⵍⴰ ⵓⵙⵉⵡⴹ ⵏ ⵓⵏⵎⵓⴳⴳⴰⵔ ⵎⴰⵙⴷ ⵜⵉⵙⴰⵡⵔⵉⵏ ⵏ ⵡⴰⵟⵍⴰⵚ ⵔⴰⴷ ⵜⵙⵙⵎⵏⵉⴷ ⴳ ⵜⵙⵓⵜⵍⵜ ⵏⵏⵙ ⵜⵉⵉⵙ ⵚⴹⵉⵚⵜ, 16 ⵏ ⵓⵙⵏⴼⴰⵕ ⵏ ⵓⵙⴰⵔⵓ ⵉⵍⵍⴰⵏ ⴳ ⵜⵉⵣⵉ ⵏ ⵓⵙⴱⵓⵖⵍⵓ, ⴷ 9 ⵏ ⵉⵙⵓⵔⴰ ⴳ ⵜⵉⵔⵉ ⵏ ⴹⴰⵕⵜ ⵏ ⵓⴼⴰⵔⵙ ⴷ ⵉⴽⴽⴰⵏ 11 ⵏ ⵜⵎⴰⵣⵉⵔⵜ, ⴷ ⵍⵍⵉ ⵉⵜⵜⵉⵢⵙⵜⴰⵢⵏ ⵏⴳⵔ 320 ⵏ ⵓⵙⵓⵜⵔ ⵏ ⵜⴷⵔⴰⵡⵜ ⵍⵍⵉ ⵜⵏ ⴷ ⵉⵍⴽⵎⵏ ⵣⴳ ⵜⴼⵔⵉⵇⵜ ⴷ ⵉⵎⵉⵏⴳ ⴰⵏⴰⵎⵎⴰⵙ.
ⵢⵉⵏⵉ ⵓⵙⴰⵖⵓⵍ ⴰⴷ ⵏⵉⵜ, ⵎⴰⵙⴷ ⵉⵙⵓⵜⵔⵏ ⴰⴷ, ⵍⵍⵉ ⴷ ⵉⵜⵜⵉⴳⵓⵜⵏ, ⴰⵔ ⵉⵎⵎⴰⵍ ⴰⴱⵓⵖⵍⵓ ⵏ ⵓⵙⵏⴼⵍⵓⵍ ⵉⵍⵍⴰⵏ ⴳ ⵜⵎⵏⴰⴹⵜ ⴰⴷ, ⴷ ⵡⴰⵜⵉⴳ ⵎⵇⵇⵓⵕⵏ ⵍⵍⵉ ⵍⴰⵏⵜ ⵜⵙⴰⵡⵔⵉⵏ ⵏ ⵡⴰⵟⵍⴰⵚ.
ⴰⵔ ⵉⵜⵜⴰⵡⵙ ⵓⵖⴰⵡⴰⵙ ⵏ ⵜⵎⴳⵓⵔⵉ ⵜⴰⵙⵉⵏⵉⵎⴰⵢⵜ ⵏ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴳ ⵎⵕⵕⴰⴽⵛ, ⵍⵍⵉ ⴷⴰⵔ ⵜⴰⴷⵔⴰⵡⵜ ⵎⵇⵇⵓⵔⵏ ⴳ ⵜⵎⵏⴰⴹⵜ ⴰⴷ, ⵉ ⵜⵙⵓⵜⴰ ⵜⴰⵎⴰⵢⵏⵓⵜ ⵏ ⵉⵎⵙⵙⵓⴼⵖⵏ ⵉⵙⵉⵏⵉⵎⴰⵜⵉⵏ ⵉⵎⵖⵔⴰⴱⵉⵏ ⴷ ⵡⴰⵄⵕⴰⴱⵏ ⵓⵍⴰ ⵉⴼⵔⵉⵇⵏ ⵙ ⵓⴼⵙⴰⵔ ⵏ ⵉⵖⴰⵡⴰⵙⵏ ⵏⵏⵙ.
ⵉⵙⵙⵓⵎⴰⵏ ⵓⵙⵉⵡⴹ ⵎⴰⵙⴷ ⴰⵙⵜⴰⵢ ⵏ ⵉⵖⴰⵡⴰⵙⵏ ⴷ ⵉⵙⵓⵔⴰ ⵍⵍⵉ ⵔⴰⴷ ⵉⴷⵔⵓ ⴰⵙⴳⴳⵯⴰⵙ ⴰⴷ, ⵉⵍⵍⴰ ⴳⵉⵙ ⵓⵎⵢⴰⵏⴰⵡ ⵏ ⵉⵏⴰⵡⵏ ⵏ ⵉⵙⵓⵔⴰ ⵍⵍⵉ ⵉⵎⵎⴰⵍⵏ ⴰⵙⵏⴼⵍⵓⵍ ⵏ ⵉⵎⵙⵙⵓⴼⵖⵏ ⴷ ⵜⵎⵙⵙⵓⴼⵖⵉⵏ ⵏ ⵓⴷⵖⴰⵔ, ⵣⴳ ⵓⵙⴰⵔⵓ ⵏ ⵓⵀⴱⴰⴹ ⵍⵍⵉ ⵉⵖⵣⵣⵉⴼⵏ, ⵡⵉⵏ ⵙⴰⵏⴷⵔⴰ ⵜⴰⴱⵜ (ⴽⴰⵍⴱ-ⵍⵓⴱⵏⴰⵏ), ⴰⵔ ⴰⵙⴰⵔⵓ ⵓⵏⵜⵉⵎ ⴰⵏⴰⴼⴳⴰⵏ ⵏ ⵀⵉⵏⴷ ⴱⵏⵚⴰⵕⵉ (out of school-ⵍⵎⵖⵔⵉⴱ) ⵏⵖⴷ ⴰⵏⵉⵍⴰⵡ ⴰⵎⵕⵥⵉⴳ ⴷ ⵓⴷⵢⴰⵣ ⵙ ⵢⴰⵜ ⵜⴽⴽⵍⵜ ⵍⵍⵉ ⵏⵓⴼⴰ ⴳ ⵓⵙⵏⴼⴰⵕ ⴰⵎⴰⵢⵏⵓ ⵏ ⵄⴷⵏⴰⵏ ⴱⴰⵕⴰⴽⴰ(لا ننسى-ⵍⵎⵖⵔⵉⴱ)
ⴷ ⴰⵔ ⵏⵥⵕⵕⴰ ⴰⵙⴳⴳⵯⴰⵙ ⴰⴷ ⵜⵓⴳⵜⵜ ⵏ ⵜⵓⵜⵎⵉⵏ, 11 ⵏ ⵜⵎⵙⵙⵓⴼⵖⵜ ⴳⵉⵙⵏⵜ 4 ⵜⵉⵎⵖⵔⴰⴱⵉⵏ, 12 ⵏ ⵜⵎⵙⵢⴰⴼⵓⵜ.
ⴰⵔ ⵜⵙⴱⵔⵔⴰⴽ ⵜⵙⵓⵜⵍⵜ ⴰⴷ-ⵉⵙⵎⴷ ⵓⵙⵉⵡⴹ-, ⵜⵉⵏⴼⴽⵉⵜⵉⵏ ⵜⵉⵎⴰⵢⵏⵓⵜⵉⵏ ⵍⵍⵉ ⴷⴰⵔ ⵜⴰⵏⵏⴰⵢⵉⵏ ⴼⵓⵍⴽⵉⵏ, ⴰⵎ ⵍⴰⵢⵍⴰ ⴱⴰⵙⵎⴰ (ⵍⵓⴱⵏⴰⵏ) ⵍⵍⵉ ⵎⵎⵉ ⵉⵜⵜⵉⵢⴼⵙⴰⵔ ⵓⵙⴰⵔⵓ ⵏⵏⵙ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴳ ⵍⴱⵓⵏⴷⵓⵇⵢⴰ, ⴷ ⵓⵎⵙⵏⴼⵍⵓⵍ ⵉⵟⵟⴼⵏ ⵜⵓⴳⵜⵜ ⵏ ⵜⵏⴼⴽⵉⵜⵉⵏ ⵙⴰⵎⵉ ⴱⴰⵍⵓⵊⵉ (ⵜⴰⴳⴷⵓⴷⴰ ⵏ ⵍⴽⵓⵏⴳⵓ ⵜⴰⴷⵉⵎⵓⴽⵔⴰⵙⵉⵜ) ⵍⵍⵉ ⴷ ⵢⵓⵙⵉⵏ ⴳ ⵓⵙⵏⴼⴰⵕ ⵏⵏⵙ ⵣⴳ ⵓⵙⵉⵏⴰⵔⵢⵓ ⴰⵎⴳⴳⴰⵔⵓ ⵏ ⴱⴰⵡⵍⵓ ⴱⴰⵣⵓⵍⵉⵏⵉ.
ⵢⵉⵏ ⵓⵙⴰⵖⵓⵍ ⴰⴷ ⵏⵉⵜ, ⵎⴰⵙⴷ ⵜⴰⵙⵓⵜⵍⵜ ⴰⴷ ⵏ ⵜⵙⴰⵔⵡⵉⵏ ⵏ ⵡⴰⵟⵍⴰⵚ, ⵔⴰⴷ ⵜⴼⵙⵔ ⵓⵍⴰ, ⵉⵙⵏⴼⴰⵕⵏ ⵉⵎⴰⵢⵏⵓⵜⵏ ⵏ ⴽⵔⴰ ⵉⵎⵙⵙⵓⴼⵖⵏ ⵉⵜⵜⵉⵢⵙⵙⴰⵏ ⴳ ⵓⵎⴰⴹⴰⵍ, ⵣⵓⵏⴷ ⴰⵜⵓⵏⵙⵉ ⵢⵓⵏⵙ ⵛⵛⴰⴱⵉ ⴷ ⴰⵔⵉⵊ ⵙⵙⵉⵃⵉ, ⵍⵍⵉ ⵢⴰⴷ ⵉⴷⵔⴰⵏ ⴳ "ⵙⵉⵏ ⵉⵎⴰⵍⴰⵙⵙⵏ ⵏ ⵉⵎⵙⵙⵓⴼⵖⵏ" ⴳ ⵓⵏⵎⵓⴳⴳⴰⵔ ⵏ ⴽⴰⵏ, ⵏⵙⵎⴷ ⴰⵙⵏ ⵅⴰⴹⴰⵕ ⵄⵉⴷⵓⵙ ⴰⵃⵎⴰⴷ (ⵚⵚⵓⵎⴰⵍ), ⵍⵍⵉ ⵎⵎⵉ ⵉⵊⵏⵃ ⴽⵉⴳⴰⵏ ⵓⵙⴰⵔⵓ ⵏⵏⵙ (زوجة حفار القبور).
ⵔⴰⴷ ⴷ ⵙⵙⴰⴳⴳⵯⵏⵜ ⵜⵙⴰⵡⵓⵔⵉⵏ ⵏ ⵡⴰⵟⵍⴰⵚ ⵜⵉⴽⵍⵉⵜ ⵜⴰⵎⵣⵡⴰⵔⵓⵜ ⵏ ⵓⴼⵙⴰⵔ ⵏ ⴽⵔⴰ ⵏ ⵉⵙⵓⵔⴰ ⵍⵍⵉⵙ ⴰⵔ ⵜⵜⵇⵇⵍⵏ ⴽⵉⴳⴰⵏ ⵏ ⵎⴷⴷⵏ, ⴳⵉⵙⵏ ⴰⵙⴰⵔⵓ ⵏ ⵄⴰⵍⴰ ⴷⴷⵉⵏ ⵙⴰⵍⵉⵎ "agora" (ⵜⵓⵏⵙ), ⴷ ⵎⵓ ⵀⴰⵔⴰⵡⵉ "the Village Next to Paradise" (ⵚⵚⵓⵎⴰⵍ), ⴷ "Motherhood" ⵏ ⵎⴰⵕⵢⴰⵎ ⵊⴱⵓⵕ (ⵜⵓⵏⵙ), ⴷ ⵓⵙⴰⵔⵓ ⵏ "البحر البعيد", ⵍⵍⵉ ⵉⴳⴰⵏ ⴰⵙⵓⴼⵖ ⴰⵎⵣⵡⴰⵔⵓ ⵏ ⵓⵎⵙⵢⴰⴼⵓ ⴷ ⵓⵎⵙⵙⵓⴼⵖ ⴰⵎⵖⵔⴰⴱⵉ ⵙⴰⵄⵉⴷ ⴱⵏ ⵍⵄⵕⴱⵛ, ⴷ ⵍⵍⵉ ⵉⵜⵜⵉⵢⵙⵜⴰⵢⵏ ⵉ ⵓⵙⴱⵓⵖⵍⵓ ⴳ ⵜⵙⵓⵜⵍⵜ ⵉⵣⵔⵉⵏ.
ⴷ ⵔⴰⴷ ⵢⵉⵍⵉ ⵓⵎⵙⵓⴼⵖ ⴰⵎⵖⵔⴰⴱⵉ ⵀⵉⵛⴰⵎ ⵍⵄⵙⵔⵉ ⵓⵍⴰ ⵏⵜⵜⴰ ⴳ ⵉⴼⵙⴰⵔⵏ ⵏ ⴰⵟⵍⴰⵙ ⵏ ⵉⵙⵓⵔⴰ, ⵍⵍⵉ ⴳ ⵔⴰⴷ ⵉⵎⵍ ⴽⵔⴰ ⵉⴳⵣⵎⴰⵏ ⴳ ⵓⵙⴰⵔⵓ ⵏⵏⵙ ⴰⵎⴰⵢⵏⵓ "ⵉⵎⴰⵔⴰⵢⵏ ⵢⵓⵎⵔⵏ" ⵍⵍⵉ ⵉⵟⵟⴼⵏ ⵢⴰⵜ ⵜⵖⴰⵔⴰⵙⵜ ⵉⴳⴰⵏ ⵡⴰⵥ.
ⵉⵙⵙⴽⵜⵉ ⴷ ⵓⵙⵉⵡⴹ ⵎⴰⵙⴷ 25 ⵏ ⵓⵙⵏⴼⴰⵕ ⴷ ⵓⵙⴰⵔⵓ ⵍⵍⵉ ⵉⵜⵜⵉⵢⵙⵜⴰⵢⵏ, ⵔⴰⴷ ⵜⵜ ⴷⴼⵕⵏ ⵉⵎⵛⵛⵉⵡⵕⵏ ⴳ ⵜⵉⵔⵔⴰ ⵏ ⵓⵙⵉⵏⴰⵔⵢⵓ ⴷ ⵓⵙⵢⴰⴼⵓ ⴷ ⵓⵣⵓⵣⵣⵔ ⴷ ⵓⵎⵓⵏⵜⴰⵊ ⴷ ⵓⵎⴰⵔⴳ, ⵎⴰⵢⴰⴷ ⵓⵔⵜⴰ ⴽⵛⵎⵏ ⵙ ⵓⴳⴰⴷⴰⵣ ⵏ ⵓⵙⵢⴰⴼⵓ ⵉⵙⵎⵓⵏⵏ ⵎⴰⵢⴳⴰⵏ 250 ⵏ ⵓⵎⵉⵀⴰⵏⵉ ⴰⴳⵔⴰⵖⵍⴰⵏ, ⴷ ⵔⴰⴷ ⴼⴽⵉⵏⵜ ⵜⵢⴰⵎⵓⵏⵉⵏ ⵜⵉⵔⵣⵣⴰⴼ ⵉⴳⴰⵏ ⵉⴷⵔⵉⵎⵏ 126 ⵏ ⵢⵉⴼⴹ ⵏ ⵢⵓⵕⵓ, ⴳⵉⵙⵏⵜ ⵜⴰⵔⵣⵣⵉⴼⵜ ⵏ ArteKino.
ⵖⵉⴽⵍⵍⵉ ⵔⴰⴷ ⵙⴽⵔⵏⵜ ⵜⵙⴰⵡⵓⵔⵉⵏ ⵏ ⵡⴰⵟⵍⴰⵚ ⵜⵓⴳⵜ ⵏ ⵉⵏⵎⵓⵇⵇⴰⵔⵏ ⴷ ⵉⵎⵙⴰⵡⴰⵍⵏ, ⴳⵉⵙⵏ ⵢⴰⵏ ⵓⵎⵙⴰⵡⴰⵍ ⴷ ⵜⵎⵙⵙⵓⴼⵖⵜ ⵜⴰⵜⵓⵏⵙⵉⵜ ⵉⵜⵜⵔⵛⵛⵃⵏ ⵙ ⵜⵙⵎⵖⵓⵔⵜ ⵏ ⵓⵙⴽⴰⵕ ⴽⴰⵡⵜⴰⵕ ⴱⵏ ⵀⵏⵢⴰ, ⴷ ⵓⵎⵙⵢⴰⴼ ⵏⵏⵙ ⵏⴰⴷⵉⵎ ⵛⵛⵉⵅ ⵕⵓⵃⴰ, ⵅⴼ ⵓⵙⴰⵔⵓ "بنات ألفة" (ⵜⵓⵏⵙ), ⵍⵍⵉ ⵉⵜⵜⵉⵢⵙⵜⴰⵢⵏ ⴰⵙⴳⴳⵯⴰⵙ ⴰⴷ ⴳ ⵓⵎⵃⵉⵣⵡⴰⵔ ⵏ ⴽⴰⵏ, ⴷ ⵓⵏⵎⵓⵇⵇⴰⵔ ⵅⴼ ⵜⵡⵡⵓⵔⵉ ⵏ ⵓⵃⵟⵟⵓ ⴷ ⵓⵣⵓⵣⵣⵔ ⵏ ⵡⴰⵢⴷⴰ ⴰⵙⵉⵏⵉⵎⴰⵜⵉ ⴳ ⵜⵙⴳⴰ ⴰⴷ.
ⵔⴰⴷ ⵜⴼⵙⵔ ⵚⵓⴼⵢⴰ ⵄⴰⵍⴰⵡⵉ ⴰⵔⵣⵣⵓ ⵏ ⵜⴰⵎⵢⵉⵡⵏⵜ ⴳ ⵓⵙⴰⵔⵓ ⵏⵏⵙ "ⴰⵏⵉⵎⴰⵍⵢⴰ" (ⵍⵎⵖⵔⵉⴱ) ⴰⵔ ⴳⵉⵙ ⵜⵙⴰⵡⴰⵍ ⵅⴼ ⵜⵡⵓⵔⵉ ⵜⴰⵥⵓⵔⴰⵏⵜ ⴳ ⵙⵉⵏⵉⵎⴰ ⵜⴰⵜⵔⴰⵔⵜ ⴳ ⵜⴼⵔⵉⵇⵜ ⴷ ⵉⵎⵉⵏⵉⴳ ⴰⵏⴰⵎⵎⴰⵙ.
ⴳ ⵜⵙⴳⴰ ⴰⴹⵏⵉ ⵔⴰⴷ ⴷⵔⵓⵏ ⵉⵎⴰⵙⵙⴰⵏⵏ ⵜⵉⵔⵎⵉⵡⵉⵏ ⵏⵏⵙⵏ ⴳ ⵢⵉⴳⵔ ⵏ ⵓⵙⴱⵓⵖⵍⵓ ⵏ ⵉⵖⴰⵡⴰⵙⵏ ⵏ ⵉⵙⵓⵔⴰ ⵓⵏⵏⵉⵖⵏ, ⴷ ⴱⴰⵏⵓⵕⴰⵎⴰ ⵜⴰⴳⵔⴰⵖⵍⴰⵏⵜ ⵉ ⵓⵙⴼⵙⵔ ⵏ ⵉⵙⵓⵔⴰ ⵉⴳⵣⵣⵓⵍⵏ ⴳ ⵓⵏⵎⵓⴳⴳⴰ .
ⵢⵉⵏⵉ ⵓⵙⵉⵡⴹ ⵎⴰⵙ ⵉⵍⵍⴰ ⴳ ⵡⴰⵀⵉⵍ ⵏ ⵜⵙⵓⵜⵍⵜ ⵜⵉⵙⵙ ⵙⵉⵎⵔⴰⵡ ⵏ ⵓⵏⵎⵓⴳⴳⴰⵔ ⴰⴳⵔⴰⵖⵍⴰⵏ ⵏ ⵓⵙⴰⵔⵓ ⴳ ⵎⵕⵕⴰⴽⵛ, ⵔⴰⴷ ⵜⵜⵉⵢⴼⵙⴰⵔⵏ 9 ⵏ ⵉⵙⵓⵔⴰ ⴰⵙⴳⴳⵯⴰⵙ ⴰⴷ, ⴳⵉⵙⵏ ⴳ ⴳⴰⵏ ⵉⵎⵖⵔⵉⴱⵉⵏ ⵜⵓⵡⵙ ⴰⵙⵏ ⵜⵙⴰⵡⵓⵔⵉⵏ ⵏ ⵡⴰⵟⵍⴰⵙ ⴳ ⵜⵉⵣⵉ ⵏ ⵓⵙⴱⵓⵖⵍⵓ ⴷ ⵜⵉⵣⵉ ⵏ ⴹⴰⵕⵜ ⵏ ⵓⵙⵢⴰⴼ.ⵉⵙⵓⵔⴰ ⴰⴷ ⴳⴰⵏⵜⵏ "ⴰⵏⵉⵎⴰⵍⵢⴰ" ⵏ ⵚⵓⴼⵢⴰ ⵄⴰⵍⴰⵡⵉ (ⵍⵎⵖⵔⵉⴱ), ⴷ "ⴱⴰⵢ ⴱⴰⵢ ⵟⴱⵕⵢⴰ" ⵏ ⵙⵉⵏⴰ ⵙⵡⴰⵍⵎ (ⴼⴰⵍⴰⵙⵟⵉⵏ), ⴷ "ⵜⵓⵍⵓⵜ ⵍⵅⴰⵍⵉ"ⵏ ⴼⴰⵡⵣⵉ ⴱⵏ ⵙⵄⵉⴷⵉ (ⵍⵎⵖⵔⵉⴱ), ⴷ "ⴷⵉⵙⴽⵓ ⵉⴼⵔⵉⵇⵢⴰ:ⵇⵉⵙⵙⴰ ⵎⵍⵖⴰⵛⵢⴰ" ⵏ ⵍⵓⴽ ⵕⴰⵥⴰⵏⵓⵊⵓⵏⴰ (ⵎⴰⴷⴰⵖⴰⵛⵇⴰⵔ), ⴷ "ⵛⵓⵢⵓⵄ" ⵏ ⵍⴰⵢⵍⴰ ⴽⵉⵍⴰⵏⵉ (ⵍⵎⵖⵔⵉⴱ), ⴷ "ⵍⵄⵉⵚⴰⴱⴰⵜ" ⵏ ⴽⴰⵎⴰⵍ ⵍⴰⵣⵔⴰⵇ (ⵍⵎⵖⵔⵉⴱ), ⴷ "ⴽⴰⴷⵔⴱ ⴰⴱⵢⴰⴹ" ⵏ ⴰⵙⵎⴰ ⵍⵎⵓⴷⵉⵔ (ⵍⵎⵖⵔⵉⴱ), ⴷ "ⵎⵉⴽⴰ" ⵏ ⵙⵎⴰⵄⵉⵍ ⴼⴰⵔⵓⵅ (ⵍⵎⵖⵔⵉⴱ) ⴷ "ⴷⴰⵀⴰⴱ ⵍⵃⴰⵢⴰⵜ" ⵏ ⴰⴱⵓⴱⴰⴽⵔ ⵙⴰⵏⴽⴰⵔⵉ (ⴱⵓⵔⴽⵉⵏⴰ ⴼⴰⵙⵓ).