ⵜⵏⵏⴰ ⵀⴰⵢⴽⵉ ⵀⴰⵔ ⵎⵊⴰⵔⵜ, ⵜⴰⵏⵎⵀⴰⵍⵜ ⵜⴰⵙⴳⴰⵡⴰⵏⵜ ⵏ ⵓⴱⴰⵏⴽ ⴰⵡⵕⵓⴱⴱⵉ ⵏ ⵡⴰⵍⴰⵙ ⵏ ⵓⵙⴽⵓ ⵏ ⵜⴰⴷⴷⵔⵡⵉⵏ ⵏ ⵜⵙⴳⴰ ⵏ ⵓⵙⴰⵎⵎⵔ ⴰⵏⴰⵎⵎⴰⵙ ⵎⴰⵙⴷ ⴰⴱⴰⵏⴽ ⴰⵡⵕⵓⴱⴱⵉ ⵏ ⵡⴰⵍⴰⵙ ⵏ ⵓⵙⴽⵓ ⵏ ⵜⴰⴷⴷⵔⵡⵉⵏ ⵉⵔⴰ ⴰⴷ ⵢⴰⵡⵙ ⴰⵎⵓⵏ ⴷ ⵜⵡⵉⵙⵉ ⴳ ⵡⴰⵍⴰⵙ ⵏ ⵜⵓⵙⴽⵉⵡⵜ ⴰⴼⴰⴷ ⴰⴷ ⵙⵙⵉⴼⵙⵓⵙⵏ ⴳ ⵉⵎⵓⴽⵔⵉⵙⵏ ⵏ ⵜⵡⴰⵖⵉⵜ ⵏ ⵓⵎⴷⵓⴷⵉ ⵏ ⵡⴰⴽⴰⵍ ⵏⵏⴰ ⵢⵓⵜⵏ ⵍⵎⵖⵔⵉⴱ, ⵙⴳ ⵢⴰⵜ ⵜⵖⴰⵔⴰⵙⵜ ⵏⵏⴰ ⴳ ⵉⵍⵍⴰ ⵓⵏⴱⴱⵕ ⵏ ⵜⵡⵉⵙⵉ ⴷ ⵓⵙⴼⵍⵙ .
ⵙⴳ ⵓⵙⵉⵡⴹ ⵏ ⵓⴱⴰⵏⴽ ⴰⴳⵔⴰⵖⵍⴰⵏ, ⵔⴰⴷ ⵉⵍⵉⵏⵜ ⵙⵏⴰⵜ ⵏ ⵜⴼⵔⴽⵉⵏ ⴳ ⵜⵡⵉⵙⵉ ⴰⴷ ⴰⴼⴰⴷ ⴰⴷ ⵜⵉⵍⵉ ⵜⵡⵉⵙⵉ ⴷⵓⵙⵏ ⴳ ⵓⵙⵡⵉⵔ ⴰⵏⵎⵏⴰⴹ .
ⵜⴰⴼⵔⴽⵜ ⵜⴰⵎⵣⵡⴰⵔⵓⵜ ⵔⴰⴷ ⵜⵙⵓⵍ ⵙⴳ 2023 ⴰⵔ 2025 ⴳ ⵔⴰⴷ ⵜⴻⵜⵜⵓⴼⴽⴰ ⵜⵡⵉⵙⵉ ⵉ ⵉⵎⵏⴳⴰⵙⵏ ⵙⴳ ⵜⵡⴰⵖⵉⵜ ⵏ ⵓⵎⴷⵓⴷⵉ ⵏ ⵡⴰⴽⴰⵍ, ⴰⴼⴰⴷ ⴰⴷ ⵉⵜⵜⵓⴼⵔⴰⴳ ⵡⴰⴷⴷⵓⵔ ⴷ ⵓⵙⴰⴷⵓⵔ ⵏⵏⵙⵏ, ⴷ ⵡⴰⵍⴰⵙ ⵏ ⵜⵓⵙⴽⵉⵡⵜ ⵏⵏⵙⵏ, ⴷ ⵜⵉⴽⴽⵉ ⵏ ⵉⵕⵟⵟⴰⵍⵏ ⵉ ⵉⵎⵣⴷⴰⵖ ⴷ ⵜⵎⵔⵙⴰⵍ ⵜⵉⵎⵥⵢⴰⵏⵉⵏ ⵓⵍⴰ ⵜⵉⵏⴰⵎⵎⴰⵙⵉⵏ ⴷ ⵜⵎⵇⵔⴰⵏⵉⵏ, ⴷ ⵜⵎⵔⵙⴰⵍ ⵏ ⵓⵙⴼⵍⵙ, ⴰⴼⴰⴷ ⴰⴷ ⵜⵜⵓⵍⵙⵏⵜ ⵜⴰⴷⴷⵔⵡⵉⵏ ⵏⵏⴰ ⴹⵕⵏⵉⵏ, ⴷ ⵓⵙⴼⵍⵙ ⵏ ⵉⵙⵏⴼⴰⵕⵏ ⵉⵎⵥⵢⴰⵏ ⴷ ⵉⵏⴰⵎⵎⴰⵙⵏ ⵓⵍⴰ ⵉⵎⵇⵔⴰⵏⵏ .
ⵜⴰⴼⴽⵜ ⴷ ⵢⵓⵛⴽⴰⵏ ⵔⴰⴷ ⵉⴹⴼⵕ ⵓⴱⴰⵏⴽ ⴰⵎⴰⴹⵍⴰⵏ ⵜⴰⵖⴰⵔⴰⵙⵜ ⵏ ⵜⵏⴱⴰⴹⵜ ⴳ ⵜⵖⴰⵡⵙⴰ ⵏ ⵡⴰⵍⴰⵙ ⵏ ⵜⵓⵙⴽⴰ ⵏ ⵜⴰⴷⴷⵔⵡⵉⵏ ⵉⴹⵕⵏ ⵙ ⵓⵙⵔⴰⴳ ⵏ ⵓⵎⴷⵓⴷⵉ ⵏ ⵡⴰⴽⴰⵍ, ⴷ ⵜⵏⴼⵍⵉⵜ ⵜⴰⵎⴰⵜⴰⵢⵜ ⴳ ⵓⵙⵡⵉⵔ ⴰⵙⵓⵍⴰⵏ , ⴷ ⵡⴰⵍⴰⵙ ⵏ ⵜⵓⵙⴽⵉⵡⵜ ⴳ ⵜⵙⴳⴳⵉⵡⵉⵏ ⵏⵏⴰ ⵜⵓⵜ ⵜⵡⴰⵖⵉⵜ ⵏ ⵓⵎⴷⵓⴷⵉ ⵏ ⵡⴰⴽⴰⵍ ⴳ ⵜⵎⴰⵣⵉⵔⵜ ⵏⵏⵖ
ⵔⴰⴷ ⵉⴼⴽ ⵓⴱⴰⵏⴽ ⴰⵎⴰⴹⵍⴰⵏ ⴰⵏⵏⴰⵍ ⵉ ⵜⴷⵔⴰⵡⵉⵏ ⵜⵉⵎⵣⵢⴰⵏⵉⵏ ⴷ ⵜⵏⴰⵎⵎⴰⵙⵉⵏ ⴰⴼⴰⴷ ⴰⴷ ⴰⵎⵥⵏⵜ ⵜⴰⴷⵔⵉⵎⵜ ⴷ ⵜⵡⵉⵙⵉ ⴳ ⵓⵙⴱⵓⵖⵍⵓ ⵏ ⵉⴳⵔ ⵏ ⵜⵎⴰⵍⵍⴰⵢⵜ, ⴷ ⵓⵏⵎⴰⵍⵍⵓ ⵏ ⵓⵙⴰⴷⵓⵔⴷ ⵜⵓⵥⵓⵜ ⴷ ⵓⵙⴷⵓⵙ ⵏ ⵜⵓⵙⴽⵉⵡⵜ ⵜⴰⴷⵙⵍⴰⵏⵜ ⴷ ⵓⵎⵢⴰⵏⴰⵡ ⴰⴷⵎⵙⴰⵏ ⵓⵍⴰ ⵜⵉⵣⵎⵎⴰⵔ ⵏ ⵉⵡⴷⴰⵏ ⵉⵎⵙⵡⵡⵓⵔⵉⵏ ⴷ ⵉⵙⵙⵔⵏⵓⵜⵏ ⴷ ⵓⵙⴷⵓⵙ ⵏ ⵜⵏⴰⴼⵓⵜⵉⵏ ⵏ ⵓⵎⵛⵉⵡⴰⵕ ⵏ ⵉⴳⵔ ⵓⵙⵍⵉⴳ .
ⵔⴰⴷ ⵜⵙⴽⵔ ⴰⵣⴷⴰⵢ ⴰⵡⴷ ⴷ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⴷ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⴳ ⵉⴳⵔⴰⵏ ⵉⵎⴰⵜⴰⵢⵏ ⴷ ⵓⵙⵍⵉⴳⵏ ⴷ ⵉⵎⴷⵔⴰⵡⵏ ⵉⵎⴰⴹⵍⴰⵏⵏ ⴷ ⵉⵎⵙⵙⵔⵏⵓⵜⵏ ⵢⴰⴷⵏ .
ⵉⵏⵏⴰ ⵓⵙⵉⵡⴹ ⵎⴰⵙⴷ ⵍⵎⵖⵔⵉⴱ ⵉⴳⴰ ⵙⴳ ⵉⵎⵙⴽⵓⵜⵏ ⵏ ⵓⴱⴰⵏⴽ ⴰⴳⵔⴰⵖⵍⴰⵏ ⴰⵡⵕⵓⴱⴱⵉ ⵏ ⵡⴰⵍⴰⵙ ⵏ ⵜⵓⵙⴽⵉⵡⵜ ⴷ ⵜⵏⴼⵍⵉⵜ, ⵉⵙⴼⴰⵢⴷⴰ ⴳ ⵉⵙⵓⴳⴰⵎ ⵏ ⵓⴱⴰⵏⴽ ⴳ ⵓⵙⴳⴳⵯⴰⵙ ⵏ 2012 .