ⵉⵙⵎⴰⵢⵏⵓ ⵓⵏⵙⵙⵉⵅⴼ ⴰⴷⵉⴱⵍⵓⵎⴰⵙⵉ ⵏ ⵙⵙⵉⵕⴰⵍⵢⵓⵏ ⴳ ⵢⴰⵏ ⵓⵏⵎⵓⴳⴳⴰⵔ ⴰⵏⵖⵎⴰⵙ ⵙⴳ ⵉⵎⵔⴰⵔⴰⵜⵏ ⵏ ⵡⴰⵡⴰⵍ ⵏⵏⴰ ⵉⵙⴽⵔ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉⴷⵓⵙⵏ ⵉ ⵜⴰⵎⵓⵏⵜ ⵜⴰⵔⴰⴽⴰⵍⵜ ⵜⴰⵎⵖⵔⵉⴱⵉⵜ ⴷ ⵜⵎⵖⵔⵉⴱⵉⵜ ⵏ ⵜⵏⵣⵔⵓⴼⵜ ⵏⵏⵙ.
ⵉⵏⵏⴰ ⴳ ⵜⵙⴳⴰ ⵢⴰⴹⵏ ⵎⴰⵙ ⵉⴷⵓⵙⵏ ⵓⵏⵎⴰⵍⵍⵓ ⵏ ⵓⵙⵏⴱⴹ ⴰⵏⵉⵎⴰⵏ ⵉⴳ ⵢⴰⵏ ⵓⴼⵙⵙⴰⵢ ⴰⵙⵔⵜⴰⵏ ⴰⴼⴰⴷ ⴰⴷ ⵉⴳ ⵜⵜⵎⵉ ⵉ ⵓⵏⵅⵉⴱⴱⵍ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵢⵢⵜ ⵉⵣⴰⵢⴷ ⵉⵏⵏⴰ ⵎⴰⵙ ⵜⵙⵎⴰⵢⵏⵓ ⵙⵙⵉⵕⴰⵍⵢⵓⵏ ⵉ ⵜⵉⵍⴰⵍ ⵏⵏⴰ ⵜⴻⵜⵜⴳⴳⴰ ⵜⵎⵜⵜⴰ ⵉⵎⵓⵏⵏ ⴰⴼⴰⴷ ⴰⴷ ⵜⴰⴼⵉ ⴰⴼⵙⵙⴰⵢ ⴰⵙⵔⵜⴰⵏ ⵉ ⵜⵓⵎⴰⵏⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ.
ⵉⵙⵙⵎⵖⵕ ⴰⵡⴷ ⵎⴰⵙⵙ ⵎⵓⵙⴰ ⴽⴰⴱⴰ ⵙ ⵡⴰⵏⵏⴰⵍ ⴰⵎⴰⴹⵍⴰⵏ ⵉ ⵜⴰⵎⵓⵏⵜ ⵜⴰⵔⴰⴽⴰⵍⵜ ⵜⴰⵎⵖⵔⵉⴱⵉⵢⵢⵜ ⵉⵙⵙⴷⵓⵙ ⴰⵍⵜⵜⵓⵖ ⵏ ⵙⵙⵉⵕⴰⵍⵢⵓⵏ ⴳ ⵜⴷⵉⵏⴰⵎⵉⵜ ⴰⴷ ⵙⴳ ⵓⵏⵏⵓⵕⵥⵎ ⵏ ⵜⵎⵙⵇⴰⴷⵜ ⵜⴰⵎⴰⵜⴰⵢⵜ ⴳ ⴷⴷⴰⵅⵍⴰ ⴳ ⵖⵓⵛⵜ 2021.
ⴳ ⵎⴰⴷ ⵉⵥⵍⵉⵏ ⵙ ⵜⵣⴷⴰⵢⵉⵏ ⴳⵔ ⵜⵎⵉⵣⴰⵔ ⵙ ⵙⵏⴰⵜ, ⵉⵏⵏⴰ ⵎⴰⵙⵙ ⴽⴰⴱⴰ ⵎⴰⵙ ⵔⴰⴷ ⵙⴷⴷⵉⴷⵏ ⵜⴰⵎⵢⴰⵇⵇⴰⵏⵜ ⵜⵉⵙⵙ 13 ⵏⵏⴰ ⵉⵜⵜⵓⵙⴳⵎⴹⵏ ⴷ ⵉⵡⵏⵏⵉⵜⵏ ⵏⵏⴰ ⵉⵜⵜⵓⵙⵔⵓⵙⵏ ⴳ ⵜⵙⵙⵓⵜⵍⵜ ⵜⴰⵎⴳⴳⴰⵔⵓⵜ ⵏ ⵜⴰⵢⵎⵓⵏⵜ ⵜⴰⵎⴰⵙⵙⴰⵔⵜ ⵏ ⵓⵎⵢⴰⵡⴰⵙ ⵏⵏⴰ ⵉⵜⵜⵓⵙⴽⴰⵔⵏ ⴳ ⴷⴷⴰⵅⵍⴰ ⴳ 28 ⵉⴱⵔⵉⵔ 2023.
ⵉⵣⵎⵎⵉⵎ ⵓⵎⴰⵡⵙⴰⵙ ⵏ ⵙⵙⵉⵕⴰⵍⵢⵓⵏ ⵍⵎⵖⵔⵉⴱ ⴷⴼⴼⵉⵔ ⵍⵍⵉⵖ ⵉⵙⵙⴷⵓⵙ ⴰⵙⵜⴰⵢ ⵏⵏⵙ ⴰⴼⴰⴷ ⴰⴷ ⵢⴰⵎⵣ ⵢⴰⵏ ⵓⵙⴳⴳⵉⵡⵔ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ ⵉⵣⴰⵢⴷ ⵉⵏⵏⴰ ⵎⴰⵙ ⴱⵓⵖⵍⴰⵏⵜ ⵜⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⵙⵙⵉⵕⴰⵍⵢⵓⵏ ⴳ ⴽⵉⴳⴰⵏ ⵏ ⵉⴳⵔⴰⵏ ⴷⴷⵓ ⵜⵏⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵙⴹⵉⵙ ⴷ ⵎⴰⵙ ⵊⵓⵍⵢⵓⵙ ⵎⴰⴷⴰ ⴱⵢⵓ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵙⵙⵉⵕⴰⵍⵢⵓⵏ.
ⵉⵎⵔⴰⵔⴰⵜⵏ ⵏ ⵡⴰⵡⴰⵍ ⴳⵔ ⴱⵓⵕⵉⵟⴰ ⴷ ⵎⴰⵙⵙ ⴽⴰⴱⴰ ⵉⵡⵙⵏ ⴳⵉⵙ ⵉⴷ ⵎⴰⵙⵙ ⴰⵎⵙⵇⴰⴷ ⵏ ⵙⵙⵉⵕⴰⵍⵢⵓⵏ ⴳ ⵕⵔⴱⴰⵟ ⵎⴰⵙⵙ ⴰⵟⵓⵎⴰⵏⵓ ⴷⵉⵏⴽⵉⵃ ⴷ ⵜⵎⵙⵇⴰⴷⵜ ⵜⴰⵎⴰⵜⴰⵢⵜ ⵏ ⵙⵙⵉⵕⴰⵍⵢⵓⵏ ⴳ ⴷⴷⴰⵅⵍⴰ ⵎⴰⵙⵙⴰ ⵣⴰⵢⵏⴰⴱ ⴽⴰⵏⴷⵉ.