ⵜⵏⵏⴰ ⵎⴰⵙⵙⴰ ⴽⵓⵣⴰⴽ, ⴳ ⵡⴰⵡⴰⵍ ⵏⵏⵙ ⵉ ⵎⴰⵖ, “ⵏⴽⵏⵉ ⵏⵓⵎⵎⵔ ⵎⵉⵏⵣⵉ ⵏⴳⴳⴰ ⵉⴳⵔⴰⵡⵏ ⵏⵏⵖ ⴳ ⵍⵎⵖⵔⵉⴱ ⴳ ⴽⵟⵓⴱⵔ ⴷ ⵢⵓⵙⵉⵏ, ⴷ ⵜⴰ ⴷ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⵛⴰ ⵏ 50 ⵉⵙⴳⴳⵓⵙⴰ ⵣⵉ ⵎⴰⵏⵉ ⵎⴰⵏⵉ ⵖⴰ ⵏⴳⴳ ⴰⴳⵔⴰⵡ ⵏⵏⵖ ⴳ ⵡⴰⴼⵔⵉⴽⴰ, ⵎⴰⵏⵉ ⵜⵏⵏⴰ ⵉⵍⴰ ⵍⵎⵖⵔⵉⴱ ⵏⵜⵜⴰ ⴷ ⴰⵎⵙⴰⴳⴰⵔ ⵊⵔ ⵡⴰⴼⵔⵉⴽⴰ ⴷ ⵓⵔⵓⴱⴱⴰ ⴷ ⵓⵙⴰⵎⵎⵔ ⴰⵏⴰⵎⵎⴰⵙ.
ⵜⵔⵏⵉ ⵜⵏⵏⴰ “ⵓⵔ ⵉⵍⵍⵉ ⵎⴰ ⵢⵓⴼⵏ ⴰⵎⵙⴰⴳⴰⵔ ⴰⴷ ⵃⵎⴰ ⴰⴷ ⵏⵙⵎⵓⵏ ⴰⵎⴰⴹⴰⵍ ⴱⴰⵛ ⴰⴷ ⵏⵎⵙⵍⴰⵢ ⵅⴼ ⵜⵡⵉⵣⴰ ⵉⵙⵜⵡⴰⵀⵎⵎⴰⵏ ⴽⵉⴳⴰⵏ, ⵎⴰⵏⵉ ⵜⵔⵏⴰ ⵜⵏⵏⴰ ⵉⵍⴰ ⴰⵎⴰⴹⴰⵍ ⵓⵔ ⵉⵣⵎⵎⵔ ⴰⴷ ⵉⵎⵓⵏ ⵣⵣⴰⵜ ⵉ ⵉⵎⵓⴽⵔⵉⵙⵏ ⵉⵎⵇⵔⵔⴰⵏⵏ ⴰⵎ ⵓⴱⴷⴷⵍ ⵏ ⵓⴽⵍⵉⵎⴰ ⵎⵖⵉⵔ ⵎⴰⵍⴰ ⵉⵙⵎⵓⵏ ⵜⵉⵣⵎⵎⴰⵔ ⵏⵏⵙ”.
ⵃⵎⴰ ⴰⴷ ⵏⵙⵙⵉⵡⵍ ⵅ ⵓⵙⵓⵊⵓⴷ ⴰⴷ ⵉ ⴷ ⵉⵜⵜⴰⵡⵉⵏ ⵛⴰ ⵏ 14 ⵏ ⵉⴼⴹ ⵙⴳ 190 ⵏ ⵜⵎⴰⵣⵉⵔⵜ ⵜⵉⴳⵎⴰⵎⵉⵏ ⴳ ⵜⵎⵔⵙⴰⵍ ⴰⴷ ⵜⵉⴳⵔⴰⵖⵍⴰⵏⵉⵏ, ⵜⵙⵙⵎⴽⵜⵉ ⵊⵓⵍⵉ ⴽⵓⵣⴰⴽ ⵙ ⵜⵡⴰⵙⵉⵜ ⵏⵏⵙ ⴰⴽⴷ ⵜⵏⵎⵀⴰⵍⵜ ⵜⴰⵎⴰⵜⵓⵜ ⵏ ⵓⴼⵏⵉⵇ ⴰⴳⵔⴰⵖⵍⴰⵏ ⵏ ⵓⵥⵕ, ⴽⵔⵉⵙⵜⵉⵏⴰ ⵊⵓⵔⵊⵉⴼⴰ, ⴳ ⵜⵔⵣⵣⵉⴼⵜ ⵏⵏⴰ ⵜⴳⴳⴰ ⵉ ⵍⵎⵖⵔⵉⴱ ⴳ ⵢⵓⵏⵢⵓ ⵏⵏⴰ ⵉⵣⵔⵉⵏ.
ⵜⵏⵏⴰ “ⴰⵇⵇⴰ ⴰⵙⵓⵊⴷ ⴰⵢⵏⵏⵉ ⵉⵡⵡⴹ ⵉⴳⴳⵓⵔ, ⵏⵙⵙⴰⵔⴰ ⴳ ⵓⵎⴽⴰⵏ ⵏⵏⵉ, ⵏⵥⵕⴰ ⵍⴱⵏⵉ, ⵜⵜⵡⴰⵍⵉⵖ ⵉⵍⴰ ⵉⴳⵔⴰⵡⵏ ⴰⴷ ⵉⵍⵉⵏ ⵎⵍⵉⵀ ⴳ ⵍⵎⵖⵔⵉⴱ ⴷ ⵎⵔⵔⴰⴽⵛ”.
ⵉⴳⵔⴰⵡⵏ ⴰⴷ ⴰⴷ ⵙⵙⵏⵏ ⵜⴰⴷⵔⴰⵡⵜ ⵏ ⵉⵎⴰⵙⴰⵢⵏ ⵙⴳ ⵉⴳⵔ ⴰⵎⴰⵜⴰⵢ (ⵉⴱⴰⵏⴽⵏ ⵉⵏⴰⵎⵎⴰⵙⵏ ⴷ ⵜⵎⵡⴰⵙⵉⵏ ⵏ ⵓⵥⵕⴼ ⴷ ⵜⴳⵎⵉ ⵜⵉⴱⵔⵍⴰⵎⴰⵏⵉⵢⵉⵏ) ⴷ ⵉⴳⵔ ⵓⵥⵍⴰⵢ ⴰⴽⴷ ⵉⵙⵎⴷⴰⵢⵏ ⵙⴳ ⵓⴳⴷⵓⴷ ⴰⵎⴰⴷⴰⵏ ⴷ ⵉⵎⵔⵣⵣⵓⵜⵏ.
ⵎⴰ ⵉⵙⵏⵜⴰⵍ ⵏⵏⴰ ⵉⵣⴷⵉⵏ ⴳ ⵎⵔⵔⴰⵍⵛ, ⵜⵙⵙⵎⴽⵜⵉ ⵊⵓⵍⵉ ⴽⵓⵣⴰⴽ, ⵏⵏⴰ ⵉⵅⴷⵎⵏ ⴳ ⵓⴼⵏⵉⵇ ⵇⴱⵍ ⴰⴷ ⴰⵙ ⴼⴽⵏ ⵜⴰⵇⵓⵍⴰⵔⵉⵜ ⵏ ⵢⵖⵎⵙⴰ, ⵉⵍⴰ ⵉⴳⵔⴰⵡⵏ ⴰⴷ ⴰⴷ ⵢⵉⵍⵉ ⴷ ⴰⵎⴽⴰⵏ ⵎⴰⵏⵉ ⵔⴰⴷ ⵉⵙⵙⵉⵡⵍ ⵓⵎⴰⴹⴰⵍ ⵅⴼ ⴽⵔⴰ ⵏ ⵜⵖⴰⵡⵙⵉⵡⵉⵏ ⵉⵇⵇⵏⵏ ⵙ ⵉⴼⵔⵉⵇⵉⵢⴰ ⴰⵎ ⵓⴷⵔⴰⵡ ⵏ ⵉⵃⵓⴷⵔⵉⵢⵏ ⴷ ⵉⵎⵔⵡⴰⵙⵏ ⵏⵏⴰ ⵉⵍⵍⴰⵏ ⵣⴷⴰⵔ ⴽⵉⴳⴰⵏ ⵏ ⵜⵎⵉⵣⴰⵜ ⴷ ⵓⴱⴷⴷⵍ ⵏ ⵓⴽⵍⵉⵎⴰ ⵎⴰⵛⴰ ⴷ ⵜⵖⴰⵡⵉⵙⵉⵡⵉⵏ ⵏⵏⴰ ⵜⴰⴽⴽⴰ ⵉⴼⵔⵉⵇⵉⵢⴰ.
ⵜⵔⵏⵉ ⵜⵏⵏⴰ “ⵉⴼⵔⵉⵇⵢⴰ ⴷ ⵓⵙⴰⵎⵎⵔ ⴰⵏⴰⵎⵎⴰⵙ, ⵉⵎⵣⴷⴰⵖ ⵏⵏⵙ ⴳⴰⵏ ⵉⵄⵔⵔⵉⵎⵏ, ⵏⵉⵜⵏⵉ ⴷ ⵉⵎⴰⵍ, ⵎⴰⵛⴰ ⵜⴰⵡⵓⵔⵉ ⴰⴷ ⵜⴱⴷⴷ ⵅⴼ ⵎⴰⵎⵏⴽ ⵔⴰⴷ ⵏⵙⵜⴰⴼⴷ ⵙⴳ ⵉⵃⵓⴷⵔⵉⵢⵏ ⵓⵍⴰ ⴽⵟⵕ ⴰⴽⴷ ⵜⴰⵜⵉⴽⵏⵓⵍⵓⵊⵉⵜ ⵏⵏⴰ ⵉⵍⵍⴰⵏ.”
ⵎⴰⵛⴰ ⵎⵉⵏ ⵉⵇⵇⵏⵏ ⵙ ⵜⴷⵔⴰⵡⵜ ⵏⴳⵔ ⵍⵎⵖⵔⵉⴱ ⴷ ⵓⴼⵏⵉⵇ ⴰⴳⵔⴰⵖⵍⴰⵏ ⵏ ⵓⵥⵕⴼ ⵜⵙⵎⴽⵜⵉ ⴽⵓⵣⴰⴽ ⴷ ⵓⵎⵙⵜⴼⴰⵇ ⵉⵜⵜⵔⴰⵃⵏ ⵙ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⵉ ⴷ ⵉⵡⵛⵉⵏ 05 ⵎⵍⵢⴰⵔ ⴷⵓⵍⴰⵔ ⵉ ⵍⵎⵖⵔⵉⴱ ⵃⵎⴰ ⴰⴷ ⴱⴷⴷⵏ ⵣⵣⴰⵜ ⵉ ⵉⴽⵔⵉⵙⵉⵙⵏ.
ⵜⵙⴼⴼⴰⵡ “ⵃⵎⴰ ⵛⴰ ⵏ ⵜⵎⵓⵔⵜ ⴰⴷ ⵢⴰⵡⴹ ⵖⵔ ⵓⵙⵡⵉⵔ ⵉⵅⵚⵚ ⴰⴷ ⵖⵓⵔⵙ ⵢⵉⵍⵉ ⵢⴰⵏ ⵓⴷⵡⴰⵙ ⵉⵎⵇⵇⵓⵔⵏ ⴳ ⵜⵙⵔⵜⴰⵢ ⵏⵏⵙ ⴷ ⵜⵙⵉⵍⴰ ⵉⴷⵓⵙⵏ ⴽⵉⴳⴰⵏ”. ⵎⴰⵏⵉ ⵜⵏⵏⴰ ⵉ ⵍⵎⵖⵔⵉⴱ ⵉⴳⴰ ⵙⴳ ⵡⴰⵏⴰⵡ ⴰⴷ.