ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ, ⴳ ⵢⴰⵏ ⵡⴰⵡⴰⵍ ⵏⵏⵙ ⴳ ⵜⵖⵉⵎⵉⵜ ⵜⴰⵎⴳⴳⴰⵔⵓⵜ, ⵉⵍⴰ ⴰⴳⵎⵓⴹ ⵏ ⵜⵡⴰⵍⴰ ⵜⴰⵣⵔⴼⴰⵏⵜ ⵜⵕⴰⵃ ⴳ ⵓⵙⴰⵜⵉ ⴰⵣⵔⴼⴰⵏ ⵏ ⵉⵄⴷⴷⵓⵍⵏ, ⴷ ⵓⵃⵟⵟⵓ ⵏ ⵜⵡⵓⵔⵉ ⵏ ⵜⵏⴱⴰⴹⵜ ⴷ ⵜⵢⴰⴷⵓⵣⵜ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵙ ⵓⵙⵙⵔⵖ ⵏ ⵜⴼⴰⵡⵜ ⵅⴼ ⵜⵉⵣⵡⵉⵔⵉⵡⵉⵏ ⵏ ⵡⴰⵊⵓⵏⴷⴰⵜ ⵜⵉⵏⴰⵎⵓⵔⵉⵏ.
ⴳ ⵎⵉⵏ ⵉⵣⴷⵉⵏ ⵙ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵜⵖⵓⵏⵉⵡⵉⵏ ⵜⵉⴱⵕⵕⴰⵏⵉⵢⵉⵏ, ⵉⵣⵎⵎⴻⵎ ⵎⴰⵙⵙ ⵟⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⴷ ⴰⵙⵇⵇⵉⵎ ⵏ ⵉⵎⵓⵔⴰ ⵉⵙⵉⵖⴰ ⵜⴰⵡⴰⵙⵉⵜ ⵏⵏⵙ ⴰⵎⵙⴽⴰⵔ ⴷ ⵉⵚⵉⴹ ⴳ ⵉⵣⵓⵔⴰⴳ ⵉⴱⵕⵍⴰⵎⴰⵏⵉⵢⵏ ⵉⴳⵔⵓⵥⵍⴰⵢⵏ ⵉⴳⵔⴰⵖⵍⴰⵏⵏ ⴷ ⵉⵎⵏⵥⴰⵡⵏ ⴷ ⵉⵙⴳⴰⵡⴰⵏⵏ, ⵉⵇⵇⵉⵎ ⵉⵟⵟⴼ "ⴳ ⵓⴱⵔⵉⴷ ⵏⵏⵙ ⴰⵙⵏⵜⴰⵢ ⴰⵎⵙⵏⴼⵍⵓⵍ ⵙ ⵓⵎⵙⵓⵔⵓⴼ ⵏⵏⵙ ⴰⴽⴷ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴰⴽⴷ ⵜⵎⵙⴰⵔⵉⵏ ⴷ ⵜⴰⵙⵙⴰⵙⵉⵏ ⴷ ⵜⵖⴰⵡⵙⵉⵡⵉⵏ ⵉⵎⵎⵔⵙⵏ ⵅⴼ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ."
ⵅⵏⵏⵉ ⵡⴰⵎⵉ ⵉⵙⵙⵔⵖ ⵜⵉⴼⴰⵡⵜ ⵅ ⵉⵎⵙⴽⴰⵔⵏ ⵉⴳⵔⴰⵖⵍⴰⵏⵏ ⵉ ⵉⴳⴳⴰ ⵓⴱⵕⵍⴰⵎⴰⵏ ⴰⵎⵖⵔⴰⴱⵉ, ⵉⴷⵜⵜⴻⵜ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵍⴰ ⵓⵖⵉⵍ ⴰⴷ ⵉⵙⵙⵎⴽⵜⵉ ⵙ ⵛⴰ ⵏ ⵉⵙⴱⴷⴰⴷⵏ ⵉⵙⴳⴳⵓⵔⵏ ⵜⵉⵎⵔⵙⵍⵜ ⵜⴰⵣⵔⴼⴰⵏⵜ ⴳ ⵓⵙⴰⵜⴰⵍ ⴰⴷ ⵏ ⵢⵉⴹⴰ, ⵎⴰⵏⵉ ⵉⵏⵏⴰ ⵉⵍⴰ ⵜⴰⵎⵙⵍⴰⵢⵜ ⵜⵇⵇⵏ ⵙ ⵓⵙⵎⴰⵢⵏⵓ ⵙ ⵜⵡⴰⴳⵉⵜ ⵅ ⵎⵉⵏ ⴷ ⵉⵜⵜⴼⴼⵖⵏ ⵙⴳ ⵛⴰ ⵏ ⵜⵎⵔⵙⴰⵍ ⵜⵉⵡⵔⵓⴱⴱⴰⵡⵉⵏ, ⴰⵎ ⴰⴱⵕⵍⴰⵎⴰⵏ ⴰⵡⵔⵓⴱⴱⵉ, ⵙ ⵓⵛⵏⵏⵄ ⵙ ⵍⵎⵖⵔⵉⴱ.
ⵉⵔⵏⵉ ⵉⵏⵏⴰ ⵉⵍⴰ ⴷⴷⴳⴳ ⴰ ⵏ ⵜⵎⵙⴰⵍⵢⵉⵏ “ⵙⵏⵓⴼⴼⵓⵔⵏⵜ ⵜⵓⵙⵎⵉⵏ ⵜⵉⵙⵔⵜⴰⵢ ⵏ ⵜⵎⵔⵙⴰⵍ ⴰⴷ ⵙ ⵉⵎⵓⵔⵙⵏ ⴷ ⵓⵔⴰⵇⵇ ⵉ ⵖⵔⵙ ⵖⵔ ⵜⵎⴰⵣⵉⵔⵜ ⵏⵏⵛ ⴰⵎⵇⵇⵔⴰⵏ”, ⵎⴰⵏⵉ ⵉⵏⵏⴰ ⵉⵍⴰ ⴰⵎⵙⴰⵡⴰⵍ ⴰⴽⴷ ⵜⵏⴱⴰⴹⵉⵏ ⵜⵉⵙⵔⵜⴰⵢ ⵏ ⵜⵎⵔⵙⵍⵜ ⴰⴷ ⴷ ⵓⵡⵇⵇⵔ ⵙ ⵜⵖⵓⵏⵉⵡⵉⵏ.
ⵉⴷⵜⵜⴻⵜ ⵎⴰⵙⵙ ⵟⵟⴰⵍⴱⵉ ⵍⵄⴰⵍⴰⵎⵉ ⵉⵍⴰ ⴰⵙⵎⴰⵢⵏⵓ ⴳ ⵜⵎⴷⵔⴰⵡⵉⵏ ⵏ ⵍⵎⵖⵔⵉⴱ ⴷ ⵜⵉⵣⵉ ⵏⵏⵙ ⵜⴰⵏⴰⵎⵓⵔⵜ ⴷ ⵓⵙⵜⴰⵢ ⵏⵏⵙ ⴰⵙⵜⵔⴰⵜⵉⵊⵉ, “ⴷ ⵢⴰⵜ ⵜⵙⵖⴰⵔⵜ ⵓⵔ ⵅⴰⴼⵏⵖ ⵉⵜⵜⴽⴽⵙ ⵓⵍⴰ ⴷ ⵢⴰⵏ”, ⵉⵔⵏⵓ “ⴰⵙⵉⴷⴼ ⴳ ⵜⵖⴰⵡⵉⵙⵉⵏ ⵏⵏⵖ ⵏ ⴷⴰⵅⵍ ⵓⵔ ⵏⵣⵎⵎⵔ ⴰⴷ ⵜ ⵏⵇⴱⵍ”.
ⴳ ⵓⵙⴰⵜⴰⵍ ⴰⴷ, ⵉⵣⵎⵎⴻⵎ ⵎⴰⵙⵙ ⵟⵟⴰⵍⴱⵉ ⵍⵄⴰⵍⴰⵎⵉ ⵉⵍⴰ ⵜⴰⵖⴰⵡⵙⴰ ⵏ ⵜⵎⵓⵏⵜ ⵜⴰⴽⴰⵍⴰⵏⵜ ⴰⴷ ⵜⵇⵇⵉⵎ ⵍⴱⴷⴰ ⵉⵅⴷⴷⵎ ⵖⵉⴼⵙ ⵓⵙⵇⵇⵉⵎ ⴳ ⵡⵓⴷⵎ ⵏ ⵜⵖⵓⵏⵉⵡⵉⵏ ⵏⵏⵙ ⵜⵉⴱⵔⵔⴰⵏⵉⵢⵉⵏ ⴷ ⵉⵎⵙⴰⵡⴰⴹⵏ ⵏⵏⵙ, ⵉⵔⵏⵉ “ⴰⴷ ⵏⵇⵇⵉⵎ ⵏⴼⴰⵇⵇ ⵉ ⵓⵎⵣⴰⵖ ⴷ ⵓⴼⴹⴰⵃ ⵏ ⵡⵓⵏⴳⴰⵍⵏ ⵏ ⵉⵄⴷⴰⵡⵏ ⵉⵎⵥⵥⵢⴰⵏⵏ ⵉⴱⵏⴰⵏ ⵅⴼ ⵓⵃⵔⵔⴼ ⵏ ⵓⵎⵣⵔⵓⵢ”.
ⴳ ⵓⵙⴰⵜⴰⵍ ⵢⴰⴹⵏⵉⵏ, ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵍⴰ ⵙⴳ ⵜⵓⵥⵍⴰⵢⵉⵏ ⵏ ⵍⵎⵖⵔⵉⴱ ⴰⴷⵓⵙⵜⵓⵔⵉ ⴷ ⵡⵉⵏ ⵓⵎⵔⵙⴰⴽ ⴷ ⵓⵙⵙⵉⴷⴼ ⴷ ⵓⵎⵛⵉⵡⵉⵕ ⵙ ⵜⴷⵉⵎⵓⴽⵕⴰⵟⵉⵜ ⵜⴰⵎⴷⵔⴰⵡⵜ ⴷ ⵜⵏⴰⵎⵓⵔⵜ ⵙ ⵉⵙⴰⴷⴰⴼⵏ ⵏⵏⵙ, ⵎⴰⵏⵉ ⵉⵙⵉⵖⴰ ⵓⵙⵇⵇⵉⵎ ⵉⵎⵓⵔⴰ ⴰⵏⵓⵕⵥⵎ ⵏⵏⵙ ⵅⴼ ⵜⵎⵙⵎⵓⵏⵉⵏ ⵙ ⵜⵙⵏⵜⴰⵢⵉⵏ ⵏ ⵜⵏⴰⵎⵓⵔⵉⵏ ⴷ ⵉⵏⴰⵎⵓⵔⵏ.