ⵢⵓⵙ ⴷ ⴷⴳ ⵓⵙⵏⴽⴷ ⴰⴷ ⴳ ⵓⵟⵟⵓⵏ ⴰⴷ ⵉⵍⴰ ⴰⵙⵏⵜⵍ “ⵜⵉⵔⵔⴰ ⵅⴼ ⵜⵎⴰⵣⵉⵖⵜ ⴷ ⵎⴰ ⵙⵉⵙ ⵉⵜⵜⵢⵓⵔⴰⵏ” ⵉⴽⵙⵉ ⵜⴰⵢⵏⵉⵜ ⵏⵏⵙ ⴳ ⵓⵙⴰⵜⴰⵍ ⵏⵏⵙ ⴰⵎⵣⵔⵓⵢⴰⵏ ⵃⵎⴰ ⴰⴷ ⴳⴳⵏ ⴰⵙⵎⴰⴷⴷⵓⴷ ⵏ ⵜⵎⴰⵣⵉⵖⵜ ⵙ ⵜⴳⵎⵉ ⴷ ⵓⵙⴱⵓⵖⵍⵓ ⵏ ⵜⵉⵔⵔⴰ ⵏ ⵜⵎⴰⵣⵉⵖⵜ ⴷ ⵓⵣⵎⵎⴻⵎ ⴳⵙ, ⴷ ⵓⵎⵙⴰⴳⴰⵔ ⵏ ⵜⵓⵎⴰⵢⵉⵏ ⴳ ⵓⵙⴷⴰⵡ ⴰⴷ, ⵙ ⵓⵎⵙⴱⴹⵉ ⵏ ⵡⴰⵏⵏⴰⵍⵏ ⵏⵏⵙ ⵉⵎⵣⵔⵓⵢⴰⵏⵏ ⵏ ⵜⵓⵙⵙⵏⴰ ⴷ ⵜⵙⴽⵍⴰⵏⵜ, ⴷ ⵎⵉⵏ ⴳⵙ ⵉⵍⵍⴰⵏ ⴷ ⵜⵖⴰⵡⵙⵉⵡⵉⵏ ⴷ ⵉⵎⵅⵓⵎⴱⴰⵍ ⵏ ⵢⵉⴹ ⴰ ⴷ ⵜⵉⵏⵏⵉ ⵜⵉⵏⵎⵏⴰⴷⵉⵏ.”
ⴰⵙⵏⴽⴷ ⵉⵍⵍⴰ ⴳⵙ “ⵉⵙⵙⵏ ⵓⵙⴽⴽⵉⵔ ⵏ ⵓⵣⵎⵎⴻⵎ ⴷ ⵜⵉⵔⵔⴰ ⵉⵊⵊⵏ ⵜⴳⵎⵉ ⵢⵉⴹ ⴰ, ⵙ ⵓⵏⵓⵕⵥⵎ ⵏ ⵜⵓⴼⵔⵉⵏⵜ ⵜⴰⵎⴰⵣⵉⵖⵜ ⵅⴼ ⵜⵓⵙⵙⵏⵉⵡⵉⵏ ⵜⵉⵎⴰⵢⵏⵓⵜⵉⵏ ⵉⵏⵏⵓⵃⵢⴰⵏ (ⵜⴰⵙⴽⴰ ⴷ ⵜⵥⵓⵕⵉⵡⵉⵏ, ⴷ ⵜⵓⵜⵍⴰⵢⵉⵏ ⴷ ⵜⵙⵏⵉⵍⵙⵜ ⴷ ⵓⵎⵣⵔⵓⵢ ⴷ ⵜⵓⵙⵙⵏⴰ ⵏ ⵓⴳⴷⵓⴷ...) ⵓⵛⴰ ⵓⵔⴰⵏ ⵙ ⵜⵄⵔⴰⴱⵜ ⴷ ⵜⵓⵜⵍⴰⵢⵉⵏ ⵜⵉⵡⵔⵓⴱⴱⴰⵡⵉⵢⵉⵏ, ⵎⵉⵏ ⵉⵙⴱⵓⵖⵍⴰⵏ ⵜⵉⵎⵥⵕⵉⵜ ⵜⴰⵙⴽⵍⴰⵏⵜ ⴷ ⵜⵓⵙⵙⵏⴰⵏⵜ ⴳ ⵢⵉⴳⵔ ⵏ ⵜⵎⴰⵣⵉⵖⵜ.
ⴰⵙⴷⴰⵡ ⴰⴷ ⵉⵍⵍⴰ ⴳⵉⵙ, ⴰⴽⴷ ⵉⵊⵊⵏ ⵙⵉⵏ ⵏ ⵉⵎⵙⴰⵡⴰⵍⵏ ⵉⵊⵊⵏ ⵙ ⵜⵄⵔⴰⴱⵜ ⴷ ⵜⴼⵔⴰⵏⵙⵉⵙⵜ, ⵙⵉⵏ ⴷ ⵎⵔⴰⵡ ⵏ ⵉⵎⴳⵔⴰⴷⵏ, ⵙⵙⴰⵡⴰⵍⵏ ⵅⴼ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⵉⵇⵇⵏⵏ ⵙ ⵓⵙⵏⵜⵍ, ⵙ ⵜⵎⵍⴰⴷⴰⵙⵉⵏ ⵉⵎⵙⴱⴹⴰⵏ ⵅⴼ ⵉⵊⵊⵏ ⵜⴱⵔⵉⴷⵜ ⵜⴰⴽⵔⵓⵏⵓⵍⵓⵊⵉⵜ, ⵃⵎⴰ ⴰⴷ ⵎⵎⵡⵛⵏ ⵉⵊⵊⵏ ⵜⵡⵍⵍⴰⴼⵜ ⵅⴼ ⵓⴱⵔⵉⴷ ⵏ ⵜⵉⵔⵔⴰ ⴷ ⵓⵣⵎⵎⴻⵎ ⵖⵔ ⵉⵎⴰⵣⵉⵖⵏ.”
ⴳ ⵉⵊⵊⵏ ⵡⴰⵡⴰⵍ, ⵉⵏⵏⴰ ⵓⵎⵔⵣⵓ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵍⵅⴰⵟⵉⵔ ⴰⴱⵓ ⵍⵇⴰⵙⵉⵎ, ⵉⵍⴰ ⵓⵟⵟⵓⵏ ⵡⵉⵙ 16 ⵏ ⵜⵙⵖⵓⵏⵜ “ⴰⵙⵉⵏⴰⴳ” ⵉⵙⵙⴰⵡⴰⵍ ⵅ ⵛⴰ ⵏ ⵉⴼⵔⴷⵉⵙⵏ ⵇⵇⵏⵏⵜ ⵖⵔ ⵜⵉⵔⵔⴰ ⵙⴳ ⵜⴰⵙⵓⵜ ⵜⵉⵙⵙ 16 ⴷ ⵉⵄⵔⵏⵉⵜⵏ ⵅⴼ ⵜⵉⵔⵔⴰ ⴰⴷ, ⴷ ⵓⵙⴱⵓⵖⵍⵓ ⵏⵏⵙ ⴰⵎⵣⵔⵓⵢⴰⵏ.
ⵙⴳ ⵓⵖⵣⴷⵉⵙ ⵏⵏⵙ ⵉⵏⵏⴰ ⵓⵎⵔⵣⵓ ⴳ ⵓⵙⵉⵏⴰⴳ ⴷ ⵓⵎⵣⴷⴰⵢ ⵏ “ⴰⵙⵉⵏⴰⴳ” ⵄⴱⴷⵍⵍⴰⵀ ⴱⵓⵎⴰⵍⴽ, ⵉⵍⴰ ⵜⴰⵙⵖⵓⵏⵜ ⵉ ⴷ ⵉⴼⴼⵖⵏ ⵙⴳ ⵓⵙⴳⴳⵯⴰⵙ ⵏ 2008, ⵜⵔⵔⴰ ⵜⴰⵢⵏⵉⵜ ⵉ ⵜⵓⵙⵙⵏⵉⵡⵉⵏ ⵜⵉⵏⴼⴳⴰⵏⵉⵏ ⴷ ⵜⵏⴰⵎⵓⵏⵉⵏ, ⵉⵍⵍⴰⵏ ⴷ ⵜⴰⵎⵣⵡⴰⵔⵓⵜ ⵉⵇⵇⵏⵜ ⵙ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⵉⵏⵏⵓⵕⵥⵎⵏ ⵣⵣⴰⵜ ⵉ ⵉⵎⵔⵣⵓⵜⵏ ⴷ ⵉⵙⴷⴰⵡⴰⵏⵏ ⵎⵉⵏ ⵅⴼ ⵜⴱⴷⴷ ⵉⵊⵊⵏ ⵜⴳⵔⴰⵡⵜ ⵜⴰⵎⴰⴹⵍⴰⵏⵜ.
ⴳ ⵓⵙⵜⴰⵍ ⴰⴷ, ⵉⵃⴰⴹⵕ ⴳⵉⵙ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵃⵎⴰⴷ ⴱⵓⴽⵓⵙ, ⴷ ⵛⴰ ⵏ ⵉⵎⵔⵣⵓⵜⵏ ⵏⵏⵉⴹⵏ ⵉⵜⵜⵔⵔⴰⵏ ⵜⴰⵢⵏⵉⵜ ⵙ ⵜⵖⴰⵡⵉⵙⵉⵡⵏ ⵜⴰⵎⴰⵣⵉⵖⵜ.