ⵜⵏⵏⴰ ⵜⵎⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴷ ⵜⵓⵏⵏⵓⵏⵜ ⴳ ⵢⴰⵏ ⵓⵙⵉⵡⴹ ⵏⵏⵙ ⵏ ⵡⴰⵙⵙ ⵏ ⵓⵢⵏⴰⵙ,ⵎⴰⵙⴷ ⵜⴰⵔⴰⴱⴱⵓⵜ ⵏ ⴷⴷⵣⴰⵢⵔ ⵜⴷⴷⴰⴷ ⴳ ⵜⵙⴽⴼⵍⵜ ⵜⵉⵙⵙ ⵙⵏⴰⵜ ( 118 ⵏ ⵜⵏⵇⵇⵉⴹⵜ) ⵎⴽⵍⵍⵉ ⵜⵍⵍⴰ ⵜⵔⴰⴱⴱⵓⵜ ⵏ ⵉⴼⴼⵓⵙ ⵏ ⵉⴼⵔⵉⵇⵢⴰ ⴳ ⵜⵙⴽⴼⵍⵜ ⵜⵉⵙⵙ ⴽⵕⴰⴹⵜ ( 105 ⵏ ⵜⵏⵇⵇⵉⴹⵜ) ⴳ ⵜⴼⵓⴳⵍⴰ ⵏ ⵍⵓⵍⴰⵎⴱⵉⵢⴰⵜ ⴰⴷ ⴷⴼⴼⵉⵔ ⵏ ⵓⵎⵔⴰⵔⴰ ⴳⵔ ⵜⴰⵢⵎⵓⵏⵜ ⵏ ⵓⵙⵏⵎⵉⵍⵍⵉ .
ⵜⴰⵙⵙⵢⵓⵜⵍⵜ ⴰⴷ ⴷⵔⴰⵏⵜ ⴳⵉⵙ 32 ⵏ ⵜⴰⵎⵓⵔⵜ, ⵓⵟⵟⵓⵏ ⴰⴷ ⵉⴷⵓⵙ ⵛⵉⴳⴰⵏ ⵙⴳ ⵍⵍⵉⵖ ⵜⵜⵓⵙⵏⵎⴰⵍⴰ ⵜⴱⵔⵣⴰ ⴰⴷ, ⴽⵓⵏ ⵜⴰⵎⵓⵔⵜ ⴳⵉⵙ ⵜⴰⵔⴰⴱⴱⵓⵜ ⵏ ⵙⴹⵉⵙ ⵉⴳⵎⴰⵎⵏ ⴽⵕⴰⴹ ⵉⵡⵜⵎⴰⵏ ⴷ ⴽⵕⴰⴹⵜ ⵏ ⵜⵓⵜⵎⵉⵏ , ⴰⵔ ⵣⵣⵔⴰⵢⵏ ⵙⵉⵏ ⵉⵔⵉⵎⵏ ⴳ ⵙⵉⵏ ⵡⵓⵙⵙⴰⵏ ⴽⵓ ⵉⵔⵉⵎ ⴰⵔ ⵉⵜⵜⴽⴽⴰ ⴽⴽⵓⵙⵟ ⵏ ⵜⵙⵔⴰⴳⵉⵏ ⴷ ⵓⵣⴳⵏ .
ⵉⵏⵏⴰ ⵓⵙⵉⵡⴹ ⵎⴰⵙ ⵉⵡⵉⵏ ⵉⵎⵖⵔⵉⴱⵉⵏ ⵙⵏⴰⵜ ⵜⵣⵍⵖⵉⵡⵉⵏ ⵏ ⵡⵓⵔⵖ ⴷ ⴽⵕⴰⴹⵜ ⵏ ⵏⵏⵇⵇⵔⵜ ⴷ ⵢⴰⵜ ⵏ ⵡⴰⵏⴰⵙ,ⵏⵏⴰ ⵉⵜⵜⵓⴱⴹⴰⵏ ⵅⴼ ⵉⴳⵎⴰⵎⵏ ⵏ ⵜⵔⴰⴱⴱⵓⵜ , ⵜⵉⵡⵉ ⵀⵉⴱⴰ ⵍⴼⵔⵛⵉⵡⵉ 35 ⵏ ⵜⵏⵇⵇⵉⴹⵜ, ⴷ ⴰⵢⵎⴰⵏ ⵃⵊⵉⴼⵉ 03 ⵏ ⵜⵏⵇⵇⴰⴹ ⵜⵉⵣⵍⵖⵉⵡⵉⵏ ⵏ ⵡⵓⵔⵖ , ⵎⴽⵍⵍⵉ ⵢⵓⵎⵥ ⵣⴰⴽⴰⵔⵉⵢⴰ ⴷⵔⵔⵓ 29 ⵏ ⵜⵏⵇⵇⵉⴹⵜ ⴷ ⵢⴰⵙⵉⵔ ⴰⴱⵓ ⵢⴰⵙⴰⵔ 29 ⵏ ⵜⵏⵇⵇⵉⴹⵜ ⴷ ⵣⴰⵢⵏⴰ ⵛⵛⵔⵇⵉ 23 ⵏ ⵜⵏⵇⵇⵉⴹⵜ ⵜⵉⵎⵉⴷⴰⵢⵉⵏ ⵏ ⵏⵏⵇⵇⵔⵜ, ⵎⴰⵕⵡⴰ ⵣⵉⴷⵓⵏⵉ 13 ⵏ ⵜⵏⵇⵇⵉⴹⵜ ⵜⵉⵡⵉ ⵜⴰⵣⵍⵖⴰ ⵏ ⵡⴰⵏⴰⵙ .
ⵎⴽⵍⵍⵉ ⵜⵓⵎⵥ ⵀⵉⴱⴰ ⵍⴼⵔⵛⵉⵡⵉ 35 ⵏ ⵜⵏⵇⵇⵉⴹⵜ ⵜⴰⵡⵉ ⴰⵙⵙⴰⵖ ⵏ ⵜⴳⵍⵍⵉⴷⵜ ⵏ ⵜⵉⵟⵟⴰⵏⵜ ⵙⴳ ⴰⵢⵏⵏⴰ ⵙ ⵉⵏⵏⴰ ⵓⵙⵉⵡⴹ ⴷⴼⴼⵉⵔ ⵍⵍⵉⵖ ⵜⵉⵡⵉ ⵜⴰⵙⴽⴼⵍⵜ ⵜⴰⵎⵣⵡⴰⵔⵓⵜ ⴷ ⵣⴰⵢⵏⴰⴱ ⵛⵛⵔⵇⵉ 23 ⵏ ⵜⵏⵇⵇⵉⴹⵜ ⵜⵉⵡⵉ ⴰⵡⴷ ⵜⴰⵣⵍⵖⴰ ⵏ ⵡⵓⵔⵖ ⴳ ⵓⵙⵜⴰⵢ ⵏ ⵜⵓⵜⵎⵉⵏ .
ⵙ ⵜⵎⵍⴷⴰ ⴰⴷ, ⵜⵙⵙⵔⵖⵓⴷ ⵜⵎⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴷ ⵜⵓⵏⵏⵓⵏⵜ ⵜⴰⵣⵣⴰⵏⵉⵏ ⵏⵏⴰ ⵉⴼⴽⴰⵏ ⴰⴷⴷⵓⵔ ⵉ ⵍⵎⵖⵔⵉⴱ ⴳ ⵜⴱⵔⵣⴰ ⴰⴷ ⴷ ⵉⵎⵣⵣⴰⵡⵕⵏ ⵏⵏⵙⵏ ⴰⴽⴽⵯ ⵏⵏⴰ ⵢⵉⵡⵣⵏ ⵅⴼ ⵓⵙⵎⵓⵜⵜⴳ ⵏⵏⵙⵏ ⵜⵙⵙⵓⵜⵔ ⴰⵙⵏ ⴰⵎⵓⵔⵙ ⴳ ⵜⵙⵙⵓⵜⵍⵜ ⴷ ⵉⴷⴷⴰⵏ ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵍⵢⴰⴱⴰⵏ ⴳ ⵢⵓⵍⵢⵓⵣ ⴷ ⵉⴷⴷⴰⵏ .