ⵉⵙⵙⵏⵜⵉ ⵎⴰⵙⵙ ⵄⴰⵔⵉⴼ ⵏⵏⴰ ⵢⴰⴷⵍⵍⵉ ⵉⴳⴰⵏ ⴰⵎⵛⵛⵉⵡⵔ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵏⵏⴰ ⵉⵍⵍⴰⵏ ⴳ ⴱⵕⵕⴰ ⵙⴳ 2019, ⵜⴰⵡⵓⵔⵉ ⵏⵏⵙ ⵜⴰⵣⵣⵓⵍⴰⵏⵜ ⴳ ⵢⵉⴳⵔ ⵏ ⵓⵙⵏⵖⵎⵙ ⴳ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ ⵏⵏⴰ ⴳ ⵉⵍⵍⴰ ⴰⵙⴳⴳⵯⴰⵙ ⵏ 1994, ⴹⴰⵕⵜ ⵏ ⵎⴰⴷ ⵢⵓⵎⵥ ⵜⵉⵡⵓⵔⵉⵡⵉⵏ ⵏⵏⵉⴹⵏ ⴳ ⵜⵙⵏⵓⵔⴰⵢⵜ.
ⵉⴳⴰ ⵎⴰⵙⵙ ⵄⴰⵔⵉⴼ ⴰⵏⵙⵙⵉⵅⴼ ⵏ ⵓⵙⵏⵖⵎⵙ ⴰⴳⵔⴰⵖⵍⴰⵏ , ⴹⴰⵕⵜ ⵏ ⵎⴰⴷ ⵉⴳⴰ ⴰⵏⵙⵙⵉⵅⴼ ⵏ ⵓⵙⵉⵔⴰ ⵏ ⵜⵙⵏⵓⵔⴰⵢⵜ ⴳ ⴱⴰⵔⵉⵣ (2008-2009) ⴷ ⴳ ⵡⴰⵛⵉⵏⵟⵓⵏ ⴰⵙⴳⴳⵯⴰⵙ ⵏ 2009.
ⴰⴽⴷ ⵓⵙⵙⵏⵜⵉ ⵏ ⵜⵙⵏⵓⵔⴰⵢⵜ ⵉ ⵜⵙⵔⵜⵉⵜ ⵏⵏⵙ ⵏⵏⴰ ⵉⵣⴷⵉⵏ ⴷ ⵉⵎⵎⴰⵙⵏ ⵉⴳⵔⴰⵖⵍⴰⵏⵏ, ⵢⵓⵎⵥ ⵎⴰⵙⵙ ⵄⴰⵔⵉⴼ ⴰⴷ ⵉⴳ ⴰⵏⵎⵀⴰⵍ ⴰⵎⵣⵡⴰⵔⵓ ⵉ ⵡⴰⵎⵎⴰⵙ ⵏ ⴰⵎⵉⵔⵉⴽⴰ ⵏ ⵉⵥⵥⵍⵎⴹ (2013-2018) , ⵏⵏⴰ ⴳ ⵉⵍⵍⴰ ⵡⴰⵏⵙⴰ ⵏⵏⵙ ⴳ ⵡⴰⵛⵉⵏⵟⵓⵏ, ⴷ ⴳⵉⵙ ⵜⵓⴳⵜⵜ ⵏ ⵉⵏⵖⵎⴰⵙⵏ ⴳ ⵏⵢⵓⵢⵓⵔⴽ ⴷ ⴽⴰⵏⴰⴷⴰ ⴷ ⵍⵎⵉⴽⵙⵔⴽ ⴷ ⵙⴰⵏⵜⵓ ⴷⵓⵎⵉⵏⴳⵓ ⴷ ⴱⴰⵏⵎⴰ ⵙⵉⵜⵉ.
ⵉⵙⴽⵔ ⵎⴰⵙⵙ ⵄⴰⵔⵉⴼ ⵏⵏⴰ ⵉⵜⵜⴰⵡⵙⵜⴰⵢⵏ ⴰⵙⴳⴳⵯⴰⵙ ⵏ 2018, ⴰⵎⴰⵔⴰ ⴰⵎⴰⵜⵓ ⵏ ⵓⵙⴰⴳⵔⴰⵡ ⴰⵏⴰⵎⵓⵔ ⵏ ⵓⵙⵏⵖⵎⵙ ⴳ ⵡⴰⵛⵉⵏⵟⵓⵏ, ⵢⴰⵜ ⵙⴳ ⵜⵎⵔⵙⴰⵍ ⵜⵉⵏⵖⵎⴰⵙ ⴳ ⵓⵎⴰⴹⴰⵍ, ⵏⵏⴰ ⵉⵜⵜⵓⵙⴽⴰⵏ ⴰⵙ ⴰⵙ ⵏ 1908, ⵉⵎⵙⴰⵡⴰⵍⵏ ⴰⴽⴷ ⵜⵓⴳⵜⵜ ⵏ ⵓⴷⵎⴰⵡⵏ ⵉⵙⵔⵜⴰⵏⵏ ⵉⵎⵉⵔⵉⴽⴰⵏⵉⵢⵏ ⴰⵎ ⵎⴰⵙⵙⴰ ⵀⵉⵍⴰⵔⵉ ⴽⵍⵉⵏⵜⵓⵏ, ⴷ ⵎⴰⵙⵙ ⴽⵓⵍⵏ ⴱⴰⵡⵍ.