Published on MAPNews (https://www.mapnews.ma/am)

Accueil > ⵍⵎⵖⵔⵉⴱ ⴷ ⵜⵎⵜⵜⴰ ⵉⵎⵓⵏⵏ ⵙⴼⵓⴳⵍⴰⵏ ⴳ ⵏⵢⵓⵕⴽ ⵙ ⵜⴰⴷⴷⴰⴳⵜ ⵏ ⵡⴰⵔⴳⴰⵏ ⵏⵏⴰ ⵉⵍⵍⴰⵏ ⴳ ⵜⴳⵍⴷⵉⵜ ⵏⵏⵖ

ⵍⵎⵖⵔⵉⴱ ⴷ ⵜⵎⵜⵜⴰ ⵉⵎⵓⵏⵏ ⵙⴼⵓⴳⵍⴰⵏ ⴳ ⵏⵢⵓⵕⴽ ⵙ ⵜⴰⴷⴷⴰⴳⵜ ⵏ ⵡⴰⵔⴳⴰⵏ ⵏⵏⴰ ⵉⵍⵍⴰⵏ ⴳ ⵜⴳⵍⴷⵉⵜ ⵏⵏⵖ

11 ⵎⴰⵢⵢⵓ 2023 Version Imprimable
ⵏⵢⵓⵢⵓⵕⴽ - ⵉⵙⴼⵓⴳⵍⴰ ⵍⵎⵖⵔⵉⴱ ⴷ ⵜⵎⵜⵜⴰ ⵉⵎⵓⵏⵏ ⴰⵙⵙ ⵏ ⵓⴽⵕⴰⵙ ⴳ ⵏⵢⵓⵕⴽ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⴰⴷⴷⴰⴳⵜ ⵏ ⵡⴰⵔⴳⴰⵏ ⵅⴼ ⵓⵙⵏⵜⵍ ⵏ ⵜⵏⴼⵍⵉⵜ ⵜⴰⵏⴰⵎⵓⵏⵜ ⴷⵎⵙⴰⵏⵜ ⵜⴰⵙⴳⴰⵡⴰⵏⵜ ⴷ ⵜⴰⵙⵓⵍⵜ ⵏ ⵓⵏⵎⴰⵍⵍⵓ ⵏ ⵡⴰⵔⴳⴰⵏ ⴰⴳⴰⵎⴰⵏ.


ⵉⵜⵜⵓⵙⴽⴰⵏ ⵢⴰⵏ ⵓⴳⵔⴰⵡ ⴰⵎⴰⵜⴰⵢ ⵙ ⵜⵏⵙⵙⵉⵅⴼⵜ ⵏ ⵓⵎⵙⵇⴰⴷ ⴰⵙⵓⵍⴰⵏ ⵏ ⵍⵎⵖⵔⵉⴱ ⴷⴰⵔ ⵜⵎⵜⵜⴰ ⵉⵎⵓⵏⵏ ⵎⴰⵙⵙ ⵄⵓⵎⴰⴹ ⵀⵉⵍⴰⵍ, ⵙ ⵜⴷⵔⴰⵡⵜ ⵏ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵏ ⵢⵉⵍⵍ ⴷ ⵜⵏⴼⵍⵉⵜ ⵏ ⵓⴳⴰⵎⴰ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⵎⴰⵙⵙ ⵎⵓⵃⵎⵎⴰⴷ ⵚⴰⴷⵉⵇⵉ, ⵙⴳ ⵢⴰⵏ ⵓⴼⵉⴷⵢⵓ ⵉⵜⵜⵓⵣⵎⵎⴰⵎⵏ ⴷ ⵜⵎⴰⵡⴰⵙⵜ ⵏ ⵜⵏⴼⵍⵓⵙ ⵜⴰⵎⴰⵜⴰⵢ ⵏ ⵜⵎⵜⵜⴰ ⵉⵎⵓⵏⵏ ⵎⴰⵙⵙⴰⴰⵎⵉⵏⴰ ⵎⵓⵃⵎⵎⴰⴷ ,ⴷ ⵓⵏⵎⵀⴰⵍ ⵏ ⵓⵙⵉⵔⴰ ⵏ ⵍⵢⵓⵏⵉⵙⴽⵓ ⴳ ⵏⵢⵓⵕⴽ , ⴷ ⵓⵏⵎⵀⴰⵍ ⵏ ⵜⵏⴰⴼⵓⵜ ⵏ ⵓⵙⵏⵎⴰⵍⴰ ⴷ ⵜⵎⵙⵙⵓⴳⵓⵔⵜ ⴳ ⵓⵏⵎⴰⵍⵍⵓ ⵏ ⵜⵎⵜⵜⴰ ⵉⵎⵓⵏⵏ ⵉⵙⵜⴳⴳⵔⵏ ⵙ ⵜⵎⵖⴰⵔⵜ.

ⵎⴽⵍⵍⵉ ⵢⵉⵡⵙ ⴳ ⵓⴳⵔⴰⵡ ⴰⴷ ⵙ ⵜⴻⵜⵉⵇⵏⵉⵜ ⵏ ⵜⵓⴳⴳⵓⴳⵜ ⴰⵏⵎⵀⴰⵍⴰⵎⴰⵜⴰⵢ ⵏ ⵜⵎⴰⴳⵔⴰⵡⵜ ⵏ ⵉⵙⴰⴷⵓⵔⵏ ⴷ ⵓⵥⵓⵜⵏ ( ⵍⴼⴰⵡ) ⵏ ⵜⵏⵎⵀⴰⵍⵜ ⵏ ⵜⵏⴰⴼⵓⵜ ⵏ ⵓⵙⵖⵉⵡⵙ ⵏ ⵇⴰⵟⴰⵕ ⴳ ⵉⴼⵏⵉⵇⵏ ⵏ ⵓⵏⵣⵡⵉ ⴰⵣⴳⵣⴰⵡ.

ⴳ ⵜⴳⵓⵔⵉ ⵏ ⵓⵏⵏⵓⵕⵥⵎ ⵏ ⵓⴳⵔⴰⵡ ⴰⴷ , ⵉⵏⵏⴰ ⵎⴰⵙⵙ ⵀⵉⵍⴰⵍ ⵎⴰⵙⴷ ⴰⵙⵙ ⴰⴷ ⴰⵎⴰⴹⵍⴰⵏⵉⴳⴰ ⵢⴰⵜ ⵜⵙⵖⵔⵜ ⵏ ⵓⵙⴼⵓⴳⵍⵓ ⵙ ⵜⴰⴷⴷⴰⴳⵜ ⵏ ⵡⴰⵔⴳⴰⵏ ⵏⵏⴰ ⵉⵙⵎⵎⵣⵍⵉⵏ ⵍⵎⵖⵔⵉⴱ , ⵍⵍⵉⵖ ⵜⵉⵡⵙ ⴳ ⵜⵏⴼⵍⵉⵜ ⵏ ⵉⴳⵔ ⴰⵏⴰⵎⵓⵏⴷⵎⵙⴰⵏ, ⵙⵍⴰⵡⴰⵏ ⴰⴽⴽⵯ ⴳ ⵜⵖⵔⵎⵉⵏ ⵏ ⵓⴳⴰⵎⴰ.

ⵉⵏⵏⴰ ⵎⴰⵙⴷ ⵍⵍⵉⵖ ⵜⵙⴽⵔ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵉⵎⵓⵏⵏ ⴰⵙⵙ ⴰⴷ ⴷ ⵓⵎⴰⴹⵍⴰⵏ ⴳ ⵎⴰⵕⵚ 2021 ⵉⴳⴰ ⴰⵙⴷⵓⵙ ⵏ ⵜⵣⵎⵎⴰⵔ ⵜⵉⵎⴰⴹⵍⴰⵏⵉⵏ ⴰⴼⴰⴷ ⴰⴷ ⵜⵜⵓⴼⵔⴰⴳ ⵜⴰⴷⴷⴰⴳⵜ ⵏ ⵡⴰⵔⴳⴰⵏ ⵢⵉⵍⵉ ⵓⵙⴱⵓⵖⵍⵓ ⵏⵏⵙ ⵍⵍⵉⵖ ⵜⴳⴰ ⵢⴰⵜ ⵜⵎⴰⵜⴰⵔⵜ ⵏ ⵓⵎⵢⴰⵏⴰⵡ ⴰⴱⵢⵓⵍⵓⵊⵉ ⵏⵏⴰ ⵉⵍⵍⴰⵏ ⴳ ⵜⵏⴰⴼⵓⵜ ⵏ ⵉⵡⵜⵜⴰⵙⵏ ⵉⴳⵔⴰⵖⵍⴰⵏⵏ ⵉⵙⵓⵍⴰⵏⵏ 2030.

ⴳ ⵜⵙⴳⴰ ⵏⵏⵙ, ⵉⵏⵏⴰ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵏ ⵢⵉⵍⵍ ⴷ ⵜⵏⴼⵍⵉⵜ ⵏ ⵓⴳⴰⵎⴰ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵎⴰⵙⴷⴷ ⴰⵙⴼⵓⴳⵍⵓ ⵙ ⵡⴰⵙⵙ ⴰⴷ ⵏ ⵡⴰⵔⴳⴰⵏ ⵉⴳⴰ ⴰⵙⴷⵓⵙ ⵏ ⵜⵣⵎⵎⴰⵔ ⵏ ⵍⵎⵖⵔⵉⴱ, ⴷⴷⵓ ⵜⵏⴰⵍⵉⵜ ⴷ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ , ⵏⵏⴰ ⵉⵙⴽⴰⵔⵏ ⵜⴰⵏⴼⵍⵉⵜ ⵜⴰⴳⴰⵎⴰⵏⵜ ⵏ ⵡⴰⵢⴷⴰ ⵏⵏⴰⵖ ⵉⵍⵍⴰ ⵡⴰⵔⴳⴰⵏ , ⵜⴳ ⵜⴰⵎⵣⵡⴰⵔⵓⵜ ⴳ ⵍⵎⵖⵔⵉⴱ ⵏⵏⴰ ⵉⵜⵜⵓⵙⵖⵥⵏⵏ ⵙⴳ ⴷⴰⵔ ⵍⵢⵓⵏⵉⵙⴽⵓ.

ⵉⵏⵏⴰ ⵎⴰⵙ ⵜⵜⵓⵙⴽⴰⵔⵏⵜ ⵓⴳⴳⴰⵔ ⵏ 180 ⵀⵉⴽⵜⴰⵕ ⵏ ⵜⴰⴳⴰⵏⵉⵏ ⵏ ⵡⴰⵔⴳⴰⵏ , ⵜⵜⵓⵥⵓⵏ 10 ⵏ ⵉⴼⴹⵉⵡⵏ ⵏ ⵜⵓⵔⵜⵉⵜⵉⵏ ⵏ ⵡⴰⵔⴳⴰⵏ ⵙ ⵜⴷⵔⴰⵡⵜ ⴷ ⵓⴼⵏⵉⵇ ⵏ ⵓⵏⵣⵡⵉ ⴰⵣⴳⵣⴰⵡ, ⵢⵉⵡⵙ ⵎⴰ ⴰⴷ ⵉ ⵜⴳⵍⴷⵉⵜ ⴰⴼⴰⴷ ⴰⴷ ⵜⴰⵡⵙ ⴳ ⵉⴳⵔ ⵏ ⵉⵙⵏⴼⴰⵍ ⵏ ⵓⵏⵣⵡⵉ.

ⵉⵏⵏⴰ ⵓⵎⴰⵡⵙⴰⵙ ⵎⴰⵙⴷ ⴰⴱⵓⵖⵍⵓ ⵏ ⵉⴳⵔ ⵏ ⵡⴰⵔⴳⴰⵏ ⵉⵙⴽⴰ ⵅⴼ ⵜⵙⵜⵕⴰⵜⵉⵊⵉⵜ ⵏ ⵜⴰⵙⵓⵜ ⵜⴰⵣⴳⵣⴰⵡⵜ 2020-2030 ⴷ ⵜⴰⴳⴰⵏⵉⵏ ⵏ ⵍⵎⵖⵔⵉⴱ 2020-2030, ⵙⵏⴰⵜ ⵜⵙⵜⵕⴰⵜⵉⵊⵉⵢⵉⵏ ⴰⴷ ⴰⵡⵜⵜⴰⵙ ⵏⵏⵙⵏⵜ ⴰⴼⴰⴷ ⴰⴷ ⵥⵥⵓⵏⵜ 50 ⵏ ⵉⴼⴹ ⵏ ⵀⵉⴽⵜⴰⵕ ⴳ ⵓⵙⵏⵜⵉ ⵏ ⵓⵙⴳⴳⵯⴰⵙ ⵏ 2030 ⴷ ⵓⵙⴱⵓⵖⵍⵓ ⵏ 400 ⵏ ⵉⴼⴷ ⵏ ⵀⵉⴽⵜⴰⵕ ⵏ ⵜⴰⴳⴰⵏⵉⵏ ⵙⴳ ⵓⵏⵎⴰⵍⵍⵓ ⵏ ⵓⵏⴱⴱⵕ ⴰⵙⵓⵍⴰⵏ ⴰⴼⴰⴷ ⴰⴷ ⵉⵍⵉⵏⵜ ⵜⴷⵔⴰⵡⵉⵏ ⵏⵏⴰ ⵔⴰⴷ ⵉⴼⵔⴳ ⵉⵏⵙⴰⵜⵏ ⵏⵏⴰ ⵖ ⵉⵍⵍⴰ ⵡⴰⵔⴳⴰⵏ , ⴷ ⵓⵙⴷⵓⵙ ⵏ ⵓⴼⴰⵔⵙ ⴷ ⵓⵙⴱⵓⵖⵍⵓ ⵏ ⵜⵖⴰⵡⵙⵉⵡⵉⵏ ⵉⵜⵜⴼⴼⴰⵖⵏ ⴳ ⵣⵣⵉⵜ ⵏ ⵡⴰⵔⴳⴰⵏ ⴷ ⵓⵙⴷⵓⵙ ⴰⵡⴷ ⵏ ⵓⵔⵣⵣⵓ ⴰⵎⴰⵙⵙⴰⵏ.

ⵉⴳⴰ ⵍⵃⴰⵍ ⴰⴼⴰⵔⵙ ⵏ 10 ⵉⴼⴷ ⵏ ⵟⵓⵏ ⵏ ⵣⵣⵉⵜ ⵏ ⵡⴰⵔⴳⴰⵏ ⴷ 50 ⴳ ⵜⵎⵉⴹⵉ ⵏ ⵣⵣⵉⵜ ⵏ ⵡⴰⵔⴳⴰⵏ ⵉⵜⵜⵓⵇⵇⵏⵏ ⴳ ⵓⵙⵏⵜⵉ ⵏ ⵓⵙⴳⴳⵯⴰⵙ ⵏ 2030.

ⴰⵙⴼⵓⴳⵍⵓ ⵏ ⵡⴰⵙⵙ ⴰⴷ ⵏⵏⴰ ⵉⵜⵜⵓⵙⴼⵓⴳⵍⵓⵏ ⴽⵓ 10 ⵎⴰⵉ ⵏ ⴽⵓ ⴰⵙⴳⴳⵯⴰⵙ, ⵉⵜⵜⵓⵙⴽⴰⵔ ⴳⵉⵙ ⵢⴰⵏ ⵓⵙⴼⵙⵔ ⵏ ⵜⵡ<ⵍⴰⴼⵉⵏ ⵏⵏⴰ ⵉⵙⵓⵍⵏ ⵉⵎⴰⵍⴰⵙⵙ ⴰⴼⴰⴷ ⴰⴷ ⵢⵉⵍⵉ ⵓⵙⵓⵙⵙⵏ ⵅⴼ ⵡⴰⵔⴳⴰⵏ ⴳ ⵡⴰⵏⵙⴰ ⵏ ⵜⵎⵜⵜⴰ ⵉⵎⵓⵏⵏ ⴳ ⵏⵢⵓⵕⴽ.

ⵜⵉⵡⵍⴰⴼⵉⵏ ⴰⴷ ⴳⴰⵏⵜ ⵜⵉⵏ ⵉⴷ ⵎⴰⵙⵙ ⵙⴰⵄⵉⴷ ⵓⴱⵕⴰⵀⵉⵎ ⴷ ⴱⵕⴰⵀⵉⵎ ⴼⴰⴹⵉⵍ ⵅⴼ ⵡⴰⴷⴷⴰⴳ ⵏ ⵡⴰⵔⴳⴰⵏ ⵏⵏⴰ ⵉⴳⴰⵏ ⵜⴰⵢⵙⵉ ⵜⴰⴷⵍⵙⴰⵏⵜ ⵜⴰⵔ ⵜⴰⵎⵜⵜⴰ ⵏ ⵜⴼⴳⴰⵏⵉⵜ ,ⵜⴳ ⴰⵖⴱⴰⵍⵓ ⵏ ⵜⵏⴼⵍⵉⵜ ⵜⴰⵙⵓⵍⴰⵏⵜ.

ⵎⴽⵍⵍⵉ ⵉⵜⵜⵓⵙⴽⴰⵔ ⵓⵙⵏⵓⴱⴳ ⵏ ⵉⵎⵙⵇⴰⴷⵏ ⴷ ⵉⵎⵙⵜⴳⴳⴰⵔⵏ ⴰⴼⴰⴷ ⴰⴷ ⵎⴹⵉⵏ ⴰⴼⴰⵔⵙ ⵏ ⵡⴰⵔⴳⴰⵏ ⵙⵏⵓⵏⴼⵍ ⵜⵉⵎⵢⴰⵡⴰⵙⵉⵏ ⵜⵉⵎⵖⵔⵉⴱⵉⵢⵉⵏ, ⵙ ⵓⵙⵙⴼⵍⴷ ⵏ ⵓⵥⴰⵡⴰⵏ ⵏ ⵉⵙⵎⴳⴰⵏ ⵉⵎⵖⵔⵉⴱⵉⵏ. 

Dernière modification : 11 ⵎⴰⵢⵢⵓ 2023
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B4%B7-%E2%B5%9C%E2%B5%8E%E2%B5%9C%E2%B5%9C%E2%B4%B0-%E2%B5%89%E2%B5%8E%E2%B5%93%E2%B5%8F%E2%B5%8F-%E2%B5%99%E2%B4%BC%E2%B5%93%E2%B4%B3%E2%B5%8D%E2%B4%B0%E2%B5%8F-%E2%B4%B3-%E2%B5%8F%E2%B5%A2%E2%B5%93%E2%B5%95%E2%B4%BD-%E2%B5%99-%E2%B5%9C%E2%B4%B0%E2%B4%B7%E2%B4%B7%E2%B4%B0%E2%B4%B3%E2%B5%9C-%E2%B5%8F-%E2%B5%A1%E2%B4%B0%E2%B5%94%E2%B4%B3%E2%B4%B0%E2%B5%8F-%E2%B5%8F%E2%B5%8F%E2%B4%B0-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B4%B3-%E2%B5%9C%E2%B4%B3%E2%B5%8D%E2%B4%B7%E2%B5%89%E2%B5%9C-%E2%B5%8F%E2%B5%8F%E2%B5%96