Published on MAPNews (https://www.mapnews.ma/am)

Accueil > ⵉⵙⵙⴷⵓⵙ ⵍⵎⵖⵔⵉⴱ ⵜⴰⵡⵡⵓⵔⴰⵏⵜ ⵏⵏⵙ ⴳ ⵉⴳⵔ ⵏ ⵜⵉⴽⴽⵉ ⵏ ⵉⵡⵜⵜⴰ ⵏ ⵜⵖⵡⵡⴰⵖⵜ ( ⵜⴰⵎⴰⵡⵙⴰⵙⵜ ⵏ ⵓⴳⵏⵙ ⵏ ⵎⴰⵔⵉⴽⴰⵏ )

ⵉⵙⵙⴷⵓⵙ ⵍⵎⵖⵔⵉⴱ ⵜⴰⵡⵡⵓⵔⴰⵏⵜ ⵏⵏⵙ ⴳ ⵉⴳⵔ ⵏ ⵜⵉⴽⴽⵉ ⵏ ⵉⵡⵜⵜⴰ ⵏ ⵜⵖⵡⵡⴰⵖⵜ ( ⵜⴰⵎⴰⵡⵙⴰⵙⵜ ⵏ ⵓⴳⵏⵙ ⵏ ⵎⴰⵔⵉⴽⴰⵏ )

22 ⵎⴰⵕⵚ 2023 Version Imprimable
ⵡⴰⵛⵉⵏⵟⵓⵏ - ⵜⵙⵙⴷⵓⵙ ⵜⵎⴰⵡⵙⴰⵙⵜ ⵏ ⴱⵕⵕⴰ ⵏ ⵎⴰⵔⵉⴽⴰⵏ ⵙ ⵜⵣⵎⵎⴰⵔ ⵏ ⵜⵎⴰⵣⵉⵔⵜ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵜⵉⴽⴽⵉ ⵏ ⵉⵡⵜⵜⴰ ⵏ ⵉⵜⴳⴰⵔⵏ ⵏ ⵜⵖⵡⵡⴰⵖⵜ, ⵎⴽⵍⵍⵉ ⵜⵙⵙⴷⵓⵙ ⵙ ⵜⵣⴷⴰⵢⵉⵏ ⵏⵏⴰ ⵉⵍⵍⴰⵏ ⴳⵔⴰⵙ ⴷ ⵍⵎⵖⵔⵉⴱ ⵏⵏⴰ ⵉⵙⴽⴰⵏ ⵅⴼ ⵉⴳⵔ ⵏ ⵜⵏⴼⵔⵓⵜ .

ⵉⵏⵏⴰ ⵓⵎⵙⴰⵡⴰⵍ ⵙ ⵉⵙⵎ ⵏ ⵜⵎⴰⵡⵙⴰⵙⵜ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⴳ ⵓⵎⵙⴰⵡⴰⵍ ⵏⵏⵙ ⴷ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ,ⴳ ⵎⴰⴷ ⵉⵥⵍⵉⵏ ⵙ ⵡⴰⵎⵎⴰⵥ ⵏ ⴽⵉⴳⴰⵏ ⵏ ⵉⵖⵡⵡⴰⵖⵏ ⵏⵏⴰ ⵉⵡⴰⵍⴰⵏ ⵉ ⴷⴰⵄⵉⵛ ⴳ ⵍⵎⵖⵔⵉⴱ ⵎⴰⵙ ⵉⵙⴱⴰⵢⵢⵏ ⵍⵎⵖⵔⵉⴱ ⵜⴰⵡⵡⵓⵔⴰⵏⵜ ⵏⵏⵙ ⴳ ⵉⴳⵔ ⴰⴷ ⵏ ⵜⵏⴼⵔⵓⵜ 

ⵉⵣⴰⵢⴷ ⵉⵏⵏⴰ ⵎⴰⵙⴷ ⵍⵎⵖⵔⵉⴱ ⵉⴳⴰ ⴰⵎⴷⵔⴰⵡ ⵏ ⵎⴰⵔⵉⴽⴰⵏ ⴳ ⴽⵉⴳⴰⵏ ⵏ ⵜⵎⵏⵜⵉⵍⵉⵏ ⵏ ⵜⵏⴼⵔⵓⵜ, ⵍⵍⵉⵖ ⵙⵏⵎⴰⵍⴰⵏⵜ ⵙⵏⴰⵜ ⵜⵎⵉⵣⴰⵔ ⴷⴷⵅ ⵢⴰⵏ ⵓⴳⵔⴰⵡ ⴳ ⵡⴰⵎⵓⵔ ⵏ ⵡⴰⴽⵓⵛ ⴰⵙⴳⴳⵯⴰⵙ ⵉⵣⵔⵉⵏ, ⵏⵏⴰ ⵎⵓ ⵉⴳⴰ ⵓⵡⵜⵜⴰⵙ ⵏⵏⵙ ⵜⵉⴽⴽⵉ ⵏ ⵉⵡⵜⵜⴰ ⴷ ⵓⵥⵣⵓ ⵅⴼ ⴷⴰⵄⵉⵛ , ⵙ ⵜⴷⵔⴰⵡⵜ ⵏ ⵉⴷⵡⴰⵍⵏ ⵙⴳ 85 ⵏ ⵜⵎⴰⵣⵉⵔⵜ ⴳ ⵓⵎⴰⴹⴰⵍ ⴰⴽⴽⵯ .

ⵜⵏⵏⴰ ⵜⴷⵉⴱⵍⵓⵎⴰⵙⵉⵜ ⵜⴰⵎⵉⵔⵉⴽⴰⵏⵉⵜ ⵎⴰⵙⴷ ⵜⴰⴽⴽⵍⵉⵜ ⵜⴰⵎⵣⵡⴰⵔⵓⵜ ⴰⴷ ⵜⵙⵏⵎⴰⵍⴰ ⴰⵎ ⵉⴳⵔⴰⵡⵏ ⴷⴷⵅ ⵉⵏⴱⴱⴰⴹⵏ ⵏ ⵜⴰⵎⵓⵏⵜ ⵜⴰⴳⵔⴰⵖⵍⴰⵏⵜ ⵜⴰⴼⵔⵉⵇⵉⵜ,ⵎⴰ ⴰⵏⵏ ⴰⴷ ⵉⵎⵎⴰⵍⴰⵏ ⴰⵡⵜⵜⴰⵙ ⵉⵛⵛⴰⵔⵏ ⴳⵔⴰⵙ ⴷ ⵎⵎⵉⵔⵉⴽⴰⵏ ⴰⴼⴰⴷ ⴰⴷ ⵥⵣⵓⵏ ⴳ ⵓⴼⵙⴰⵔ ⵏ ⵜⵓⵙⵙⵏⴰ ⵏ ⴷⴰⵄⵉⵖ ⵉ ⵜⵖⵡⵡⴰⵖⵜ ⵏⵏⵙⵏ.

ⵉⵏⵏⴰ ⵓⵙⴰⴳⵯⵎ ⴰⴷ ⵏⵉⵜ ⵏ ⵉⵏⵖⵎⵉⵙⵏ ⵎⴰⵙⴷ ⵍⵎⵖⵔⵉⴱ ⵉⴳⴰ ⴰⵎⴷⵔⴰⵡ ⴷ ⵓⵏⵙⵙⵉⵅⴼ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵏ ⵓⵥⵥⵓ ⴳ ⴷⴰⵄⵉⵛ ⴷ ⵓⵏⵙⵙⵉⵅⴼ ⵏⵏⴰ ⵢⵉⵡⵙⵏ ⴳ ⵜⴳⵔⴰⵡⵜ ⵏ ⵜⵏⴰⵎⵎⴰⵙⵜ ⵜⴰⴼⵔⵉⵇⵉⵜ ⵙⴳ ⵜⴰⵎⵓⵏⵜ ⵜⴰⵎⴰⴹⵍⴰⵏⵜ ⵏ ⵓⵥⵥⵓ ⴳ ⴷⴰⵄⵉⵛ,ⵎⴽⵍⵍⵉ ⵉⵏⵣⵣⵖ ⴼ ⵉⵜⴳⴰⵔⵏ ⵏ ⵜⵏⴼⵔⵓⵜ ⵜⴰⵏⵎⵏⴰⴹⵜ ⴷ ⵜⵏⴰⵎⵓⵔⵜ ⵉⵣⵓⵣⵣⵔ ⴰⵡⴷ ⵉⵜⴳⴰⵔⵏ ⵏ ⵓⵎⵙⴰⴷⴷⴰⵔ ⴰⵎⴰⵜⵜⴰⵢ .

ⴳ ⵓⵏⵇⵇⵉⵙ ⵏⵏⵙ ⴰⵎⴳⴳⴰⵔⵓ ⵅⴼ ⵜⵖⵡⵡⴰⵖⵜ, ⵜⵙⵎⴰⵍ ⵜⵎⴰⵡⴰⵙⵜ ⵏ ⴱⵕⵕⴰ ⵏ ⵎⵉⵔⵉⴽⴰⵏ ⴰⵎⵣⵔⵓⵢ ⵏ ⵜⴷⵔⴰⵡⵉⵏ ⴳⵔ ⴰⵙ ⴷ ⵍⵎⵖⵔⵉⴱ, ⴳ ⵉⴳⵔ ⴰⴷ ⵏ ⵜⵖⵡⵡⴰⵖⵜ, ⵎⴽⵍⵍⵉ ⵜⵏⵏⴰ ⵎⴰⵙⴷ ⵜⴰⵏⴱⴰⴹⵜ ⵜⴰⵎⵖⵔⵉⴱⵉⵜ ⵜⵙⵓⵍ ⴳ ⵓⵙⴷⴷⵉⴷ ⵏ ⵜⵙⵜⵕⴰⵜⵉⵊⵉⵜ ⵏⵏⵙ ⴳ ⵉⴳⵔ ⵏ ⵓⵙⴼⵔⴽ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ ⴷ ⵜⵙⵔⵜⵉⵜⵉⵏ ⵏ ⵜⵉⴽⴽⵉ ⵏ ⵜⵜⵎⵉ ⵉ ⵜⵖⵡⵡⴰⵖⵜ .

Dernière modification : 22 ⵎⴰⵕⵚ 2023
Source URL: https://www.mapnews.ma/am/actualites/%E2%B4%B0%E2%B5%8E%E2%B4%B0%E2%B5%9C%E2%B4%B0%E2%B5%A2/%E2%B5%89%E2%B5%99%E2%B5%99%E2%B4%B7%E2%B5%93%E2%B5%99-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1-%E2%B5%9C%E2%B4%B0%E2%B5%A1%E2%B5%A1%E2%B5%93%E2%B5%94%E2%B4%B0%E2%B5%8F%E2%B5%9C-%E2%B5%8F%E2%B5%8F%E2%B5%99-%E2%B4%B3-%E2%B5%89%E2%B4%B3%E2%B5%94-%E2%B5%8F-%E2%B5%9C%E2%B5%89%E2%B4%BD%E2%B4%BD%E2%B5%89-%E2%B5%8F-%E2%B5%89%E2%B5%A1%E2%B5%9C%E2%B5%9C%E2%B4%B0-%E2%B5%8F-%E2%B5%9C%E2%B5%96%E2%B5%A1%E2%B5%A1%E2%B4%B0%E2%B5%96%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99%E2%B5%9C-%E2%B5%8F-%E2%B5%93%E2%B4%B3%E2%B5%8F%E2%B5%99-%E2%B5%8F