ⵜⵙⴱⵖⵙ ⵜⵙⵇⵇⵉⵎⵜ ⴳ ⵓⵏⵎⴰⵍⴰ ⵏ ⵜⵡⵓⵔⵉⵡⵉⵏ ⵏⵏⵙ ⴰⵙⵙ ⴰⴷ ⴰⴽⵕⴰⵙ ⴳ ⵍⵇⴰⵀⵉⵔⴰ ⴳ ⵓⵙⵇⵇⵉⵎ ⵏ ⵜⵙⴷⴰⵡⵉⵜ ⵜⴰⵄⵔⴰⴱⵜ ⴳ ⵓⵙⵡⵉⵔ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⴱⵕⵕⴰ ⵙ ⵉⵚⵏⴼⴰⵕ ⵏⵏⴰ ⵜⵙⴽⵔ ⵜⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵓⵥⵕⴼ ⵏ ⵍⵇⵓⴷⵙ ⵜⴰⴳⵯⵔⵔⴰⵎⵜ, ⵙ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵅⴼ ⵓⵙⴷⵓⵙ ⵏ ⵉⴳⵯⵔⵔⴰⵎⵏ ⴳ ⵡⴰⴽⴰⵍ ⵏⵏⵙⵏ.
ⵉⵍⵍⴰ ⴳ ⵜⵙⵇⵇⵉⵎⵜ ⴰⴷ ⵉⵎⴰⵡⵙⴰⵙⵏ ⵏ ⴱⵕⵕⴰ ⵏ ⵍⵓⴹⵓⵏ, ⴰⵏⵙⵙⵉⵅⴼ, ⴷ ⵜⴳⵎⴰⵎⵜ ⵏ ⵍⵎⵖⵔⵉⴱ ⴷ ⴷⵣⴰⵢⵔ ⴷ ⵙⴰⵄⵓⴷⵉⵢⴰ ⴷ ⴼⵉⵍⵉⵙⵟⵉⵏ ⴷ ⵇⴰⵟⴰⵕ ⴷ ⵎⵉⵚⵕ ⴷ ⵍⵉⵎⴰⵕⴰⵜ ⵜⵓⵎⴰⵏⵜ ⵜⴰⵄⵔⴰⴱⵜ ⵏⵏⴰ ⵉⴳⴰⵏ ⴰⴳⵎⴰⵎ ⴰⵄⵕⴰⴱ ⴳ ⵓⵙⵇⵇⵉⵎ ⵏ ⵓⴼⵔⴰ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵙⴷⴰⵡⵉⵜ ⵏ ⵜⵎⵉⵣⴰⵔ ⵏ ⵡⴰⵄⵔⴰⴱⵏ.
ⵙⴷⴷⵉⴷⵏ ⵉⵎⴰⵡⵙⴰⵙⵏ ⴰⵄⵕⴰⴱⵏ ⵅⴼ ⵜⵙⵓⵜⵍⵜ ⴷ ⵓⵙⴷⵓⵙ ⵏ ⵜⵡⵓⵔⵉ ⵉⵛⵛⴰⵔⵏ ⴰⴼⴰⴷ ⴰⴷ ⵙⴱⴷⵏ ⵉⵎⵙⴽⴰⵔⵏ ⵏ ⵉⵙⵔⴰⵉⵍ ⵏⵏⴰ ⵉⵔⴰⵏ ⴰⴷ ⵜⵙⵏⴼⵍ ⴰⴷⴷⴰⴷ ⴰⵙⵍⴳⴰⵏ ⴷ ⵓⵎⵣⵔⵓⵢ ⵏ ⵍⵇⵓⴷⵙ ⴷ ⵜⵖⴰⵡⵙⵉⵡⵉⵏ ⵏⵏⵙ ⵜⵉⴳⵯⵔⵔⴰⵎⵉⵏ ⵏ ⵍⵉⵙⵍⴰⵎ ⴷ ⵍⵎⴰⵙⵉⵃ, ⴷ ⵜⵣⵎⵎⴰⵔ ⵏ ⵓⵃⵟⵟⵓ ⵅⴼ ⵜⵎⴰⴳⵉⵜ ⵏⵏⵙ ⵜⴰⵄⵕⴰⴱⵜ ⴷ ⵜⵎⵓⵙⵍⵎⵜ ⴷ ⵜⵎⴰⵙⵉⵃⵉⵢⵜ, ⴷ ⵓⵙⴱⴷⴷ ⵏ ⵜⵙⵓⵔⴰⴼ ⵏⵏⴰ ⵉⵙⴱⴷⴷⴰⴷⵏ ⴰⴼⵙⵙⴰⵢ ⵊⴰⵔ ⵜⵎⵉⵣⴰⵔ ⴰⴷ, ⴷ ⵜⵎⵙⴽⴰⵔ ⵏⵏⵙ ⵍⵍⵉ ⵉⵙⴽⴰⵔⵏ ⴰⵣⴰⵡⴰⵔ, ⴷ ⵉⵇⵇⴰⵏ ⴷ ⴰⴷ ⵢⵉⵍⵉ ⵡⴰⵏⵏⴰⵍ ⵏ ⴰⵢⵜ ⵍⵇⵓⴷⵙ ⴷ ⵜⴰⵔⵉⵜ ⵏⵏⵙ ⵙⴳ ⵜⵎⵓⴽⵔⵉⵙⵉⵏ ⵏ ⵜⵙⵔⵜⵉⵜ ⵏ ⵓⵙⴷⵓⵔⵔⵉ ⴷ ⵓⵅⵍⵓ ⵏ ⵜⴳⵯⵎⵎⴰ ⵏⵏⵙ ⴷ ⵓⵣⵡⴰⴳ ⵏ ⵉⴼⵉⵍⵉⵙⵟⵉⵏⵉⵢⵏ ⵙⴳ ⵜⴳⵯⵎⵎⴰ ⵏⵏⵙⵏ.
ⵎⴽ ⵍⵍⵉ ⵙ ⵖⵔⴰⵏ ⴰⴷ ⵜⵉⵍⵉ ⵜⵙⵓⵍⵜ ⵉ ⵓⵎⵓⵙⵙⵓ ⵉⵛⵛⴰⵔⵏ ⵅⴼ ⵓⵙⴱⴷⴷ ⵏ ⵜⵙⵔⵜⴰⵏ ⵏ ⵉⵙⵔⴰⵉⵍ ⵏⵏⴰ ⵉⴳⴰⵏ ⵢⴰⵏ ⴱⴰⵢⵟⵟⴰⵔ ⵉ ⵓⵙⵍⴳⵏ ⴰⴳⵔⴰⵖⵍⴰⵏ ⵏⵏⴰ ⴷ ⵓⵔ ⵢⵓⵛⴽⵉⵏ ⴰⴽⴷ ⵉⵣⵔⴼⴰⵏ ⵏ ⵉⴼⵉⵍⵉⵙⵟⵉⵏⵉⵢⵏ ⴳ ⵜⵓⴷⵔⵜ ⵏⵏⵙⵏ ⵙ ⵜⵍⴻⵍⵍⵉ ⴷ ⵓⴼⵔⴰ ⴷ ⴰⴷ ⵜⴳ ⵢⴰⵜ ⵜⵎⴰⵣⵉⵔⵜ ⵏⵏⴰ ⴷⴰⵔ ⵜⴰⵏⵙⵙⵉⵅⴼⵜ.
ⵎⴽ ⵍⵍⵉ ⵙ ⵓⵍⵙⵏ ⵉⵎⴰⵡⵙⴰⵙⵏ ⵅⴼ ⵓⵙⴷⴷⵉⴷ ⵎⴰⵙ ⴷ ⵍⵇⵓⴷⵙ ⵜⴰⴳⵯⵔⵔⴰⵎⵜ ⵜⴳⴰ ⵜⴰⵎⴰⵥⵓⵏⵜ ⵏ ⴼⵉⵍⵉⵙⵟⵉⵏ, ⴷ ⵓⴳⵉ ⵏ ⵜⵉⵔⵎⵉⵜ ⵏⵏⴰ ⵔⴰⴷ ⵉⴽⴽⵙ ⴰⵣⵔⴼ ⵉ ⴼⵉⵍⵉⵙⵟⵉⵏ, ⴷ ⵜⵎⵙⴽⴰⵔⵉⵏ ⵏⵏⴰ ⵔⴰⴷ ⵉⴳⴳⵔ ⵏ ⵓⴷⵖⴰⵔ ⵏⵏⵙ ⴰⵙⵍⴳⴰⵏ, ⴷ ⵉⵇⵇⴰⵏ ⴷ ⴰⴷ ⵢⵉⵍⵉ ⵓⵙⴽⴰⵔ ⵙ ⵜⵉⵏⴷⵉ ⵏ ⵓⴼⵔⴰ ⴰⴼⴰⴷ ⴰⴷ ⵢⵉⵜⵜⵉ ⵓⵙⴷⵓⵔⵔⵉ, ⴷ ⴰⴷ ⵜⵉⵍⵉ ⵜⵏⵙⵙⵉⵅⴼ ⵖⵓⵔ ⴼⵉⵍⵉⵙⵟⵉⵏ ⴷ ⵜⵎⴰⵥⵓⵏⵜ ⵏⵏⵙ ⵙⴳ 1967 ⴷ ⴰⴷ ⵢⵉⵍⵉ ⵓⴼⵙⵙⴰⵢ ⵊⴰⵔ ⵜⵎⵉⵣⴰⵔ ⴰⴷ ⵙ ⵓⵙⵍⴳⵏ ⴰⴳⵔⴰⵖⵍⴰⵏ ⴷ ⵜⵙⵙⵏⵜⵉⵜ ⵏ ⵓⴼⵔⴰ ⴰⵄⵕⴰⴱ.
ⵉⵙⵎⴷⵢⴰ ⵍⵎⵖⵔⵉⴱ ⴳ ⵓⴳⵔⴰⵡ ⴰⴷ ⵓⵎⵙⵇⴰⴹ ⵏ ⵜⴳⵍⴷⵉⵜ ⴷⴰⵔ ⵎⵉⵚⵕ ⴷ ⵓⵙⵎⵉⵔⵉ ⵏⵏⵙⵏ ⴰⵙⵓⵍⴰⵏ ⵖⵓⵔ ⵜⵙⴷⴰⵡⵉⵜ ⵜⴰⵄⵕⴰⴱⵜ.