ⵜⵣⴰⵢⴷ ⵜⴰⵢⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⴳ ⵢⴰⵏ ⵓⵙⵉⵡⴹⵏⵏⵙ ⵏⵏⴰ ⵉⵜⵜⵓⵙⴽⴰⵔⵏ ⴳ ⵓⴳⵔⴰⵡ ⴰⵎⴰⵙⵙⴰⵔ ⴳⵔ ⵜⴰⵢⵎⵓⵏⵜ ⴷⴷⵅ ⴷ ⵓⵙⵇⵇⵉⵎ ⵏ ⵉⵎⵓⵔⴰⵏ ⵜⴰⵙⵏⵜⴰⵢⵜ ⵜⴰⵎⵖⵔⵉⴱⵉⵢⵜ ⵎⴰⵙ ⵜⴳⴰ ⵜⵉⵣⵎⵎⴰⵔ ⵉⴷⵓⵙⵏ ⵢⵉⵏⵉ ⵎⴰⵙⴷ ⴰⵙⵏⴱⴹ ⴰⵏⵉⵎⴰⵏ ⵏⵏⴰ ⵉⵔⴰ ⵍⵎⵖⵔⵉⴱ ⵉⵎⵙⴰⵙⴰ ⴷ ⵉⵜⴳⴰⵔⵏ ⴰⴽⴽⵯ .
ⵉⵜⵜⴰⵡⴱⴷⴰⵔ ⵎⴰⵙ ⵉⴳⴰ ⵍⵎⵖⵔⵉⴱ ⵣⴳⵎⴰⵎ ⴰⵎⴰⵏⵏⴰⵢ ⴳ ⵡⴰⵎⵓⵏ ⵏ ⵓⴳⴰⵔⵓ ⵍⵀⴰⴷⵉ, ⵏⵏⴰ ⵉⵍⵍⴰⵏ ⴳ ⵓⴳⵎⵎⴰⴹ ⴰⵟⵍⴰⵙⵉ ⵏ ⵜⴼⵔⵉⵇⵜ, ⵏⵏⴰ ⵉⴷⵔⴰⵏ ⵜⵉⵏⴷⵉⵜⵉⵏ ⵏ ⵜⵙⵔⵜⵉⵜ ⴷ ⵜⴷⵎⵙⴰ ⵏⵏⴰ ⵉⵙⵏⴰⵍ ⵡⴰⵎⵓⵏ ⵏ ⵓⴳⴰⵔⵓ ⵍⵀⴰⴷⵉ, ⵙ ⵜⵣⴷⴰⵢⵜ ⵏ ⵢⴰⵜ ⵜⵔⴰⵜⵙⴰ ⵏ ⵉⵎⵏⴰⴷⵏ ⵙ ⵓⵙⵎⴽⵍ ⵏ ⵍⵓⵎⴰⵎ ⵍⵎⵓⵜⵜⴰⵃⵉⴷⴰ ⵉ ⵓⴼⵙⵙⴰⵢ ⵏ ⵜⵏⵣⵔⵓⴼⵜ, ⵜⵙⵏⴰⵍ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵢⵜ ⵏ ⵡⴰⵎⵓⵏ ⵏ ⵓⴳⴰⵔⵓ ⵍⵀⴰⴷⵉ ⵜⴰⵔⴰⵜⵙⴰ ⴰⴷ ⵏ ⵉⵎⵏⴰⴷⵏ ⵎⴽ ⵍⵍⵉ ⵙ ⴷ ⵢⵓⵛⴽⴰ ⴳ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⵏ ⵓⴼⵔⴰ ⵏⵏⴰ ⵉⴹⴼⵕⵏ ⵍⵓⵎⴰⵎ ⵍⵎⵓⵜⵜⴰⵃⵉⴷⴰ.
ⵜⵣⵎⴻⵎⵎ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵢⵜ ⵎⴰⵙ ⴷ ⴰⵚⵏⴼⴰⵕ ⵏ ⵓⵏⴱⴰⴹ ⴰⵏⵉⵎⴰⵏ ⵏ ⵜⵏⵣⵔⵓⴼⵜ ⵙⴳ ⵎⴰⴷ ⵜⵜ ⵙⵙⵏⴽⴷⵏ ⵉ ⵍⵓⵎⴰⵎ ⵍⵎⵓⵜⵜⴰⵃⵉⴷⴰ ⴳ 10 ⵉⴱⵔⵉⵔ 2007 ⴰⴷ ⵢⵓⵎⵥ ⴰⵏⵏⴰⵍ ⵏ ⵓⵙⵇⵇⵉⵎ ⵏ ⵓⴼⵔⴰ ⵍⵍⵉ ⵅⴼ ⵎⵎⵕⴹⴰⵏ ⵙⴳ ⵜⵖⵜⴰⵙⵜ 1754 ⵍⵍⵉ ⴷ ⵉⴼⴼⵖⵏ ⴳ 30 ⵉⴱⵔⵉⵔ 2007, ⵎⴽ ⵍⵍⵉ ⵙ ⵉⵍⵍⴰ ⵓⵙⵙⵖⵥⵏ ⴷⴰⵔ ⵜⵙⵏⵜⴰⵢⵜ ⴰⴷ, ⴰⵡⴷ ⴰⵙⵙⵖⵥⵏ ⴷ ⵓⴽⵛⵛⵓⵎ ⵏ ⵜⵓⴳⵜⵜ ⵏ ⵜⵎⵉⵣⴰⵔ ⵏⵏⴰ ⵉⵥⵕⴰⵏ ⵎⴰⵙ ⴷ ⵜⴰⵙⵏⵜⴰⵢⵜ ⴰⴷ ⵜⴳⴰ ⵢⴰⵏ ⵓⵣⵎⵣ ⵏ ⵜⵡⴰⴼⵓⵜ ⵏ ⵓⴼⵙⵙⴰⵢ ⴰⵙⵔⵜⴰⵏ ⵏ ⵓⵎⵓⴽⵔⵉⵙ ⵏⵏⴰ ⵅⴼ ⵜⵣⵔⵉ 30 ⵏ ⵓⵙⴳⴳⵯⴰⵙ.
ⵜⵙⴷⴷⵉⴷ ⵎⴰⵙ ⴷ ⴰⵏⴱⴰⴹ ⴰⵏⵉⵎⴰⵏ ⵏⵏⴰ ⵙ ⵉⵏⵏⴰ ⵍⵎⵖⵔⵉⴱ ⵉ ⵓⴼⵙⵙⴰⵢ ⵏ ⵜⵏⵣⵔⵓⴼⵜ ⵉⵎⵔⴰⵔⴰ ⵏ ⵡⵇⵇⴰⵍⵏ ⵏ ⵉⴳⵍⵎⴰⵎⵏ ⴰⴽⴽⵯ, ⴰⵡⴷ ⵜⴰⵙⵔⵜⵉⵜ ⵏ ⵜⵏⴼⵍⵉⵜ ⵏⵏⴰ ⵉⵙⴽⵔ ⵍⵎⵖⵔⵉⴱ ⴰⴽⴷ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵢⵜ ⴷ ⵎⴰⵙ ⵉⵍⵍⴰ ⵖⵓⵔ ⵜⵎⵏⴰⴹⵜ ⴰⴷ ⵢⴰⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⵓⴱⵓⵖⵍⵓ ⴰⵏⴰⵎⵓⵏ ⴷ ⵓⴷⵎⵙⴰⵏ ⴰⵎ ⵜⵉⵎⵏⴰⴹⵉⵏ ⵏ ⵍⵎⵖⵔⵉⴱ ⴰⴽⴽⵯ.
ⵜⵏⵏⴰ ⵜⴰⵢⵎⵓⵏⵜ ⴰⴷ ⴳ ⵓⵙⵎⴰⵍ ⴰⵎⴳⴳⴰⵔⵓ ⵏⵏⵙ ⵎⴰⵙⴷ ⵍⵎⵖⵔⵉⴱ ⵉⴳⴰ ⵜⴰⵎⴰⵣⵉⵔⵜ ⵏ ⵜⵏⴼⵔⵓⵜ ⴳⵉⵙ ⴽⵉⴳⴰⵏ ⵏ ⵜⵎⵔⵙⴰⵍ ⵏ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏⵏⴰ ⴳⴰⵏⵉⵏ ⵜⵉⵏⵙⵉⵎⴰⵏⵉⵏ .
ⵜⵣⴰⵢⴷ ⵜⵏⵏⴰ ⵜⴰⵢⵎⵓⵏⵜ ⴷⴷⵖ ⵎⴰⵙ ⵜⵙⵏⵉⵍ ⴰⵙⵏⴱⴹ ⴰⵏⵉⵎⴰⵏ ⵙ ⵓⵙⵎⵙⴰⵙⴰ ⴷ ⵉⵜⴳⴰⵔⵏ ⵏ ⵓⵙⵇⵇⵉⵎ ⵏⵏⴰ ⵉⵡⴰⵍⴰⵏ ⵉ ⵜⵎⵜⵜⴰ ⵉⵎⵓⵏⵏ .
ⴳ ⵜⵙⴳⴰ ⵢⴰⴹⵏ, ⵉⵙⴷⵓⵙ ⵓⵙⵉⵔⴰ ⵏ ⵜⴰⵢⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵙ ⵜⵣⵎⵎⴰⵔ ⵏ ⵓⵜⴳⴰⵔ ⵏ ⵉⴼⴼⵓⵙ-ⵉⴼⴼⵓⵙ ⴰⵢⴰⵏⵏ ⴰⴷ ⵉⵜⵜⴰⵊⵊⴰⵏ ⵜⴰⴳⵍⴷⵉⵜ ⴰⴷ ⵜⵉⵍⵉ ⴰⴷⴷⵓⵔ ⴰⴽⵙⵡⴰⵜ ⴰⴼⴰⴷ ⴰⴷ ⵜⵏⵣⵖ ⴽⵉⴳⴰⵏ ⵏ ⵉⴱⴽⴽⵉⴹⵏ ⵣⵓⵏⴷ ⴰⴼⵔⴰⴳ ⵏ ⵓⴼⵔⴰ ⴰⵎⴰⴹⵍⴰⵏ ⴷ ⵓⵙⴰⴷⵓⵔ ⴷ ⵜⵏⴼⵍⵉⵜ ⵜⴰⵏⴰⵎⵓⵏⵜ ⵓⵍⴰ ⴰⴼⵔⴰⴳ ⵏ ⵜⵡⵏⵏⴰⴹⵜ .
ⵜⴰⵢⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⴹⴼⵓⵕ ⵏ ⵜⴰⵎⵓⵏⵜ ⵏ ⵓⴳⴰⵔⵓ ⵉⵣⵣⴳⴰⵏ ⵜⵙⴽⵔ ⵢⴰⵏ ⵓⵙⵉⵡⴹ ⵅⴼ ⵓⵙⴰⴽⴰ ⵏ ⵍⴳⴰⵔⴳⴰⵔⴰⵜ ⴳ 10 ⴷⵓⵊⴰⵏⴱⵉⵔ 2020, ⵜⵙⵎⴰⵢⵏⵓ ⴳⵉⵙ ⴰⵙⴷⵓⵙ ⵏ ⵓⵙⵏⴱⴹ ⴰⵏⵉⵎⴰⵏ ⵎⴰⵙⵏ ⵉⴳⴰ ⴰⴼⵙⵙⴰⵢ ⵉⵕⵡⴰⵏ ⴰⴼⴰⴷ ⴰⴷ ⵉⵜⵜⵓⴼⵔⴰⴳ ⵓⴼⵔⴰ ⴷ ⵓⵣⵣⵔⴰⵢ ⵏ ⵜⵖⴰⵡⵙⵉⵡⵉⵏ ⵙ ⵜⵏⴼⵔⵓⵜ ⴷ ⵉⵡⴷⴰⵏ ⴷ ⵜⵏⴰⴼⵓⵜⵉⵏ ⴳ ⵜⵙⴳⴰ ⴷⴷⵅ ⵏ ⵍⴳⴰⵔⴳⴰⵔⴰⵜ .
ⵜⴰⵎⵓⵏⵜ ⴰⴷ ⴳⵉⵙ ⴽⴽⵓⵣ ⵉⵡⴰⵏⴽⵏ , ⵛⵛⵉⵍⵉ, ⴽⵓⵍⵓⵎⴱⵢⴰ,ⵍⵎⵉⴽⵙⵉⴽ, ⵍⴱⴱⵉⵔⵓ, ⴳⵉⵙ ⵓⴳⴳⴰⵔ ⵏ 60 ⵏ ⵜⵎⴰⵣⵉⵔⵜ , ⵜⴰⵙⵏⵜⴰⵢⵜ ⵏ ⵓⵙⵙⵉⴷⴼ ⵜⴳⴰ ⴰⵜⵜⴰⵢ ⵏ 40 ⴳ ⵜⵎⵉⴹⵉ ⴳ ⵓⵢⴰⴼⵓ ⴰⵎⴰⵜⴰⵢ ⴰⴳⵯⵏⵙⴰⵏ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ .