ⴰⴹⵕⵉⵙ ⵏ ⵜⴱⵔⴰⵜⵜ ⴰⴷ ⵏⵏⴰ ⵉⵖⵔⴰ ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ ⵉⴷⴷⴰⴷ ⴳⵉⵙ
ⵉⴳⴰ ⴰⵖ ⴰⴷⴷⵓⵔ ⴰⴷ ⵙⵉⵜⵓⵏ ⵏⵙⴱⵔⵔⴽ ⴳ ⵜⵎⴰⵣⵉⵔⵜ ⵏⵏⵓⵏ ⵜⵉⵙⵙ ⵙⵏⴰⵜ, ⴳ ⵓⴳⵔⴰⵡ ⵏⵏⵓⵏ ⴰⵙⵙ ⴰⴷ ⴳ ⵡⴰⵎⵓⵔ ⵏ ⵡⴰⴽⵓⵛ, ⵙ ⵜⵎⵍⴷⴰ ⵏ ⵓⵙⵏⵎⴰⵍⴰ ⵏ ⵓⴱⵔⴰⴳⵔⴰⵡ ⴰⴷ ⴰⴼⵔⵉⵇⵉ ⴰⵎⵣⵡⴰⵔⵓ ⵉ ⵜⵏⴰⴼⵓⵜ ⵏ ⵜⵉⴽⴽⵉ ⵏ ⵜⵜⵎⵉ ⵏ ⵉⵎⵓⴽⵔⵉⵙⵏ ⵉⴷⵓⵙⴰⵏⵏ ⵍⵍⵉⵖ ⵏⵉⵡⵙ ⵎⵏⵉⴷ ⵏ ⴽⵉⴳⴰⵏ ⵏ ⵓⵥⵍⴰⵢⵏ ⵉⴼⵔⵉⵇⵉⵏ ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ .
ⴳ ⵜⵉⵣⵡⵉⵔⵉ ⵉⴳⴰ ⴰⵖ ⴰⴷⴷⵓⵔ ⴰⴷ ⴽⵯⵏ ⵏⵙⵏⵉⵎⵎⵔ ⴽⵉⴳⴰⵏ ⴼ ⵜⴷⵔⴰⵡⵜ ⵏⵏⵓⵏ ⴳ ⵓⴳⵔⴰⵡ ⴰⴷ ⴰⴼⵔⵉⵇⵉ ,ⵏⵏⴰ ⵅⴼ ⵉⵍⵍⴰ ⵓⵜⵓⵢ ⵏⵏⵖ , ⵏⵏⴰ ⵔⴰⴷ ⵢⴰⵡⵙ ⴳ ⵡⴰⵏⵏⴰⵍ ⴷ ⵓⵙⴷⵓⵙ ⵏ ⵓⵎⵢⴰⴷⴰⵙ ⴷ ⵓⵎⵙⴰⴷⴷⴰⵔ ⴰⴼⵔⵉⵇⵉ.ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ .
ⵉⵜⵜⴰⵡⵙⴽⴰⵔ ⵓⴱⵔⴰⴳⵔⴰⵡ ⴰⵎⵣⵡⴰⵔⵓ ⴰⴼⵔⵉⵇⵉⵢ ⴳ ⵜⵉⵣⵉⵉ ⵍⵍⵉ ⴳ ⵍⵍⴰⵏⵜ ⵜⵓⴳⵜⵜ ⵏ ⵜⵎⵓⴽⵔⵉⵙⵉⵏ ⵏ ⵜⴷⵎⵙⴰ ⴷ ⵜⵏⴼⵔⵓⵜ ⴷ ⵜⵡⵏⵏⴰⴹⵜ , ⴷ ⵎⴰⴷ ⴼⵍⵍⵏⵜ ⵏ ⵉⵎⴳⴰⵍⵏ ⵉⵏⴰⵎⵓⵏ ⴷ ⵉⵏⴼⴳⴰⵏ ⴰⵡⴷ ⵡⵉⵏ ⵜⴷⵓⵙⵉ.ⵉⴼⵔⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ
ⴰⵔ ⵏⵜⵜⵇⵇⵍ ⴰⴷ ⵜⴻⵜⵜⴰⵡⵙⴽⴰⵔ ⵢⴰⵔ ⵜⵎⵍⴷⴰ ⴰⴼⴰⴷ ⴰⴷ ⵏⴰⴼ ⵜⵉⵎⵔⴰⵔⵓⵜⵉⵏ ⵜⵉⵎⴳⵔⴰⵡ ⵏ ⵡⴰⴱⴱⴰⵢ ⵏ ⵉⵎⵉⵣⵉⵢⵏ ⵏⵏⴰ ⵉⵍⵍⴰⵏ ⴳ ⵓⵎⴰⴹⴰⵍ ⴰⵙⵙ ⴰⴷ, ⵙ ⵜⵎⵏⵜⵉⵍⵜ ⵏ ⵜⵎⵓⴹⴰⵏ ⴷ ⵜⵎⵓⴽⵔⵉⵙⵉⵏ ⵏ ⵓⵜⵜⵛⵉ, ⴷ ⵎⴰⴷ ⵙⴽⴰⵔⵏ ⵙⴳ ⵉⵎⵉⵣⵉⵢⵏ ⴳ ⵜⴷⵓⵙⵉ ⵏ ⵉⵎⵣⴷⴰⵖⵏ, ⵙ ⵜⵎⵏⵜⵉⵍⵜ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ, ⴰⵡⴷ ⴷⵔⵓⵙⵏ ⵉⵙⵓⴳⴰⵎ ⵏ ⵡⴰⵎⴰⵏ ⴳ ⵜⵓⴳⵜⵜ ⵏ ⵜⵎⵏⴰⴹⵉⵏ ⴳ ⴰⴼⵔⵉⵇⵢⴰ.ⵉⵔⵏⴰ ⵢⵉⵏⵏⴰ ⴱⴰⴱ ⵏ ⵡⴰⴷⴷⵓⵔ
"ⵎⴽⵍⵍⵉ ⵏⴻⵏⵏⵓⵔⵣ ⴰⴼⴰⴷ ⴰⴷ ⵏⵙⴰⵜⵜⵓⵢ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳ ⵓⵙⴰⵜⵉ ⵏ ⵓⵏⵣⴰⵖ ⵅⴼ ⴽⵉⴳⴰⵏ ⵏ ⵉⴱⴰⵢⵟⵟⴰⵕⵏ ⵏⵏⴰ ⵔⴰⵏ ⵉⵜⵙⵏ ⵏ ⵉⵡⴰⵏⴽⵏ, ⵏⵏⴰ ⴼⵍⵍⴰⵖ ⵉⵙⵖⴰⵡⵙⴰⵏ ⵜⴰⵎⵓⵏⵜ ⴷ ⵜⵡⵡⵓⵔⵉ ⵉⴷⵓⵙⵏ ⴰⴼⴰⴷ ⴰⴷ ⵏⴼⵔⴽ ⴰⴷⴷⵓⵔ ⵏ ⵓⵏⵎⵓⵔⵉ ⴰⴼⵔⵉⵇⵉ ".ⵎⴰⵢⴰⴷ ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ
ⴰⴼⵔⴰⴽ ⵏ ⵜⴳⵍⴷⵉⵜ ⵙ ⵜⵏⴼⵔⵓⵜ ⵜⴰⴷⵓⵙⴰⵏⵜ ⵉ ⵉⵎⵖⵔⵉⴱⵉⵏ ⴰⴽⴽⵯ,ⵢⵓⵊⵊⴰ ⴰⵖ ⴰⴷ ⵏⵙⵡⵡⵓⵔⵉ ⴼ ⵡⴰⵔⴰⵢ ⴰⵏⴰⵎⵓⵏ, ⵙ ⵓⵙⵏⵜⵉ ⵏ ⵓⵣⵓⵣⵣⵔ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵡⴰⵔⴰⵢ ⵏⵏⵙ ⴰⴷⵓⵙⴰⵏ , ⴰⴼⴰⴷ ⴰⴷ ⵜⴰⵎⵓ ⵉⵏⵎⵓⵔⵉⵏ ⴰⴽⴽⵯ ⴷ ⵓⵍⵜⵜⵓⵖ ⵏ ⵓⵙⴼⵍⵙ ⴷ ⵓⵙⴷⵔⵉⵎ ⵏ ⵉⵙⵙⴰⵔⵏ,ⴷ ⵡⴰⵏⵏⴰⵍ ⵏ ⵜⴰⵡⵊⵉⵡⵉⵏ ⴷ ⵡⴰⵏⵏⴰⵍ ⵏ ⵡⴰⵏⵏⴰ ⵎⵓ ⵜⴼⵜⴰ ⵜⵡⵡⵓⵔⵉ ⵏⵏⵙ .ⵉⵙⵓⵍ ⵉⵏⵏⴰ ⴱⴱⴰ ⵏⵡ ⴰⴷⴷⵓⵔ ⴰⴳⵍⵍⵉⴷ
ⴰⵙⵏⴼⴰⵕ ⴰⴷ ⴰⵏⴰⵎⵓⵏ ⵉⴳⴰ ⵢⴰⵜ ⵜⴰⵔⵏⴰ ⵜⴰⵏⴰⵎⵓⵏⵜ ⵏ ⵜⵉⴷⵜ, ⵏⵏⴰ ⵔⴰⴷ ⵉⵙⴽⵔ ⴽⵔⴰ ⵏ ⵜⵡⵡⵓⵔⵉⵡⵉⵏ ⴱⵓⵖⵍⴰⵏⵉⵏ, ⴰⴼⴰⴷ ⴰⴷ ⵜⵙⴱⵓⵖⵍⵓ ⴰⵙⵡⵉⵔ ⵏ ⵜⵓⴷⵔⵜ , ⴷ ⵓⴼⵔⴰⴽ ⵏ ⵡⴰⴷⴷⵓⵔ ⵏ ⵉⵏⵎⵓⵔⵉⵏ ⴰⴽⴽⵯ, ⴰⴼⴰⴷ ⴰⴷ ⴷⴷⵔⵏ ⴳ ⵜⴷⵉⵎⵓⵇⵔⴰⵟⵉⵜ ⵉⵖ ⵓⴷⴼⵏ ⵙ ⵜⵏⴰⴼⵓⵜⵉⵏ ⵏ ⵜⴷⵓⵙⵉ, ⴳ ⵓⵙⴰⵜⵉ ⵏ ⵜⵙⵔⵜⵉⵜ ⵏ ⵡⴰⴷⴰⵙ , ⴷ ⵓⵙⴷⴷⵉⴷ ⵏ ⵜⵏⴼⵍⵉⵜ ⴷ ⵜⵖⴹⵎⵜ ⵜⴰⵏⴰⵎⵓⵏⵜ ⴷ ⵜⴷⵖⵔⴰⵏⵜ ⵎⴰⵢⴰⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ
ⵍⵎⵖⵔⵉⴱ ⵔⴰⴷ ⵉⴱⴹⵓ ⵜⵉⵔⵎⵉⵜⵉⵏ ⵏⵏⵙ ⴳ ⵉⴳⵔ ⴰⴷ , ⴷ ⴽⵉⴳⴰⵏ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⵢⴰⵙ ⵢⴰⵣⴹⵏ ⴽⵉⴳⴰⵏ ⵉⵙⵙⴽⵜⵉ ⴱⴰⴱ ⵏ ⵡⴰⴷⴷⵓⵔ
ⵙⴳ ⵍⵍⵉⵖ ⵏⵍⵍⴰ ⵅⴼ ⵓⴷⴰⴱⵓ,ⴰⴷ ⵏⵙⵙⵎⵔⵙ ⵜⴰⵎⵢⴰⴷⴰⵙⵜ ⵜⴰⵊⵢⵓⵙⵜⵕⴰⵜⵉⵊⵉⵢⵢⵜ ⵜⴰⵎⴰⵢⵏⵓⵜ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵉⴼⴼⵓⵙ ⵉⴼⴼⵓⵙ ⵏⵏⴰ ⵉⵙⴽⴰⵏ ⴼ ⵓⵎⵢⴰⵡⴰⵙ ⴷ ⵓⵙⵡⵓⵔⵉ ⴰⵎⴰⵙⵙⴰⵔ, ⴳ ⵎⴰⴷ ⵔⴰⴷ ⴷ ⵢⴰⵡⵉ ⵍⴼⴰⵢⵜⵜ ⵉ ⵓⵏⵎⵓⵔⵉ ⴰⴼⵔⵉⵇⵉ ⵙ ⵓⵎⴰⵜⴰ ⵉⵙⵓⵍ ⵉⵏⵏⴰ ⴱⴱⴰ ⵏ ⵡⴰⴷⴷⵓⵔ ⴰⴳⵍⵍⵉⴷ
ⵜⴰⴷⵓⵙⵉ ⴰⴷ ⵉⴳⴰⵏ ⵢⴰⵏ ⵓⵏⴰⵣⴰⵕ ⴰⵎⵇⵔⴰⵏ ⴳ ⵉⴼⵔⵉⵇⵢⴰ ⵏⵏⵖ, ⵜⵎⵍⴰ ⴰⵖ ⵜⵎⴰⴹⵓⵏⵜ ⵏ ⴽⵓⵕⵓⵏⴰ ⵎⴰⵙⴷ ⵜⵇⵇⴰⵏ ⵜⵡⵡⵓⵔⵉ ⵜⴰⵎⴰⵙⵙⴰⵔⵜ ⴷ ⵓⵎⵢⴰⵡⴰⵙ , ⵙⴳ ⵓⵙⴰⵜⵜⵓⵢ ⵏ ⵉⵙⵏⴼⴰⵕⵏⴷ ⵓⵙⴽⴽⵉⵔ ⵏ ⵜⵓⵚⴽⵉⵡⵉⵏ ⴷⵓⵙⵏⵉⵏ ⴳ ⵉⴳⵔ ⴰⴷ , ⴰⴼⴰⴷ ⴰⴷ ⵖⵉⵏ ⵉⴼⵔⵉⵇⵉⵏ ⴰⴷ ⵙⴽⴰⵔⵏ ⵉⵊⵉⵊⵊⵉⵜⵏ ⵙⴳ ⵉⴱⴰⵢⵢⵓⵕⵏ, ⴰⴼⴰⴷ ⴰⴷ ⵥⵥⵓⵏ ⴳ ⴽⵉⴳⴰⵏ ⵏ ⵜⵎⵓⴹⴰⵏ ⴷ ⵉⴱⴰⵢⵢⵓⵕⵏ .