ⴰⵀⵉⵍ ⵏ ⵓⵏⵎⵓⴳⴳⴰⵔ ⴰⴷ , ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙⴳ ⴷⴰⵔ ⵓⵙⵉⵔⴰ ⵏ ⵓⵙⴰⵢⵔⵓⵔ ⵏ ⵉⵎⵓⵣⵣⴰⵔ ⵏ ⵙⵙⵉⵏⵉⵎⴰ, ⵔⴰⴷ ⴳⵉⵙ ⵜⵉⵍⵉ ⵢⴰⵜ ⵜⵎⵣⵉⵣⵣⵍⵜ ⵏ ⵉⵙⵓⵔⴰ ⵉⴳⵣⵣⴰⵍⵏ ⵏⵏⴰ ⵉⴳⴰⵏ ⵡⵉⵏ ⵜⴷⵍⵙⴰ ⵏⵏⴰ ⵔⴰⴷ ⵉⴽⴽ 20 ⵏ ⵜⵓⵙⴷⵉⴷⵜ ⵅⴼ ⵓⵙⵏⵜⵍ ⵏ ⵓⵎⵙⴰⴷⴷⴰⵔ ⴳⵔ ⵜⵖⵔⵎⵉⵡⵉⵏ ⴷ ⵉⵖⵔⴼⴰⵏ .
ⵉⵏⵏⴰ ⵓⵙⵉⵡⴹ ⵏ ⵉⵎⵙⵜⴳⴳⴰⵔⵏ ⵏ ⵓⵎⵓⵙⵙⵓ ⴰⴷ ⵎⴰⵙ ⵔⴰⴷ ⵉⴼⴽ ⵓⵏⵎⵓⴳⴳⴰⵔ ⴷⴷⵅ ⵙⵎⵎⵓⵙⵜ ⵏ ⵜⵙⵎⵖⵓⵔⵉⵏ , ⵙ ⵓⵎⴷⵢⴰ ⵜⴰⵙⵎⵖⵓⵔⵜ ⵜⴰⵎⵇⵔⴰⵏⵜ ⵏ ⵙⵙⵉⵏⵉⵎⴰ ⵏ ⵉⵖⵔⴼⴰⵏ, ⴷ ⵜⵙⵎⵖⵓⵔⵜ ⵏ ⵜⴰⵢⵎⵓⵏⵜ, ⴷ ⵜⵙⵎⵖⵓⵔⵜ ⵏ ⵓⵙⵡⵍⵍⴼ ⵉⵖⵓⴷⴰⵏ, ⴷ ⵜⵙⵎⵖⵓⵔⵜ ⵢⵓⴼⵏ ⵏ ⵉⵖⵔⴼⴰⵏ ⴷ ⵜⴷⵍⵙⵉⵡⵉⵏ ⵏⵏⵙⵏ, ⵜⵉⵍⵉ ⵓⵍⴰ ⵜⵙⵎⵖⵓⵔⵜ ⵏ ⵓⴳⴷⵓⴷ .
ⵉⵍⵉⵏ ⴰⵡⴷ ⴽⵉⴳⴰⵏ ⵏ ⵉⵎⵓⵙⵙⵓⵜⵏ ⵉⴷⵍⵙⴰⵏⵏ ⴳ ⵡⴰⵀⵉⵍ ⵏ ⵓⵏⵎⵓⵇⵇⴰⵔ ⴰⴷ ⵣⵓⵏⴷ ⵜⵉⵏⴰⵡⵜ ⵏⵏⴰ ⵔⴰⴷ ⵉⵎⵔⴰⵔⴰ ⴰⵡⴰⵍ ⴼ ⵙⵙⵉⵏⵉⵎⴰ ⴷ ⵜⴼⵍⵙⴰⴼⵜ ⵏⵏⵙ ⴷ ⵉⵎⴷⵢⴰⵜⵏ ⵙⴳ ⵙⵙⵉⵏⵉⵎⴰ ⵜⴰⵎⵖⵔⵉⴱⵉⵜ ⵙ ⵜⵡⵉⵙⵉ ⵏ ⵉⵎⵔⵣⵓⵜⵏ ⵓⵥⵍⴰⵢⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⴷ ⵜⴼⵍⵙⴰⴼⵜ
ⴰⵡⵜⵜⴰⵙ ⵏ ⵓⵎⵓⵙⵙⵓ ⴰⴷ ⵏ ⵙⵙⵉⵏⵉⵎⴰ ⴰⴼⴰⴷ ⴰⴷ ⵜⵙⴰⵥⵥⴹ ⵜⵓⵙⵙⵏⴰ ⵏ ⵙⵙⵉⵏⵉⵎⴰ ⵙ ⵉⵎⵙⵍⵉ ⴷ ⵜⵓⵍⴰⴼⵉⴱⵏ ⵉ ⵓⴳⴷⵓⴷ ⴰⵎⵖⵔⵉⴱⵉ ⴷ ⵡⵉⵏ ⴱⵕⵕⴰ , ⴷ ⵓⵎⵢⴰⴷⴰⵙ ⵏ ⵉⵎⴷⵔⴰⵡⵏ ⵏ ⴱⵕⵕⴰ ⴷ ⵉⵏ ⵜⵎⴰⵣⵉⵔⵜ ⵏⵏⵖ ⴳ ⵜⵙⴰⵡⵓⵔⵉⵏ ⴷ ⵉⵏⵎⵓⵇⵇⴰⵔⵏ ⵓⵙⵔⵉⴷⵏ .
ⵜⴰⵙⵙⵓⵜⵍⵜ ⵜⵉⵙⵙ 17 ⵏ ⵓⵏⵎⵓⴳⴳⴰⵔ ⴰⴷ ⵜⵙⵙⵎⵖⵕ ⵙ ⵓⵎⵙⵙⵓⴼⵖ ⴰⵎⵖⵔⵉⴱⵉ ⵎⵓⵃⵎⵎⴰⴷ ⴱⵓⵣⴳⵓ ⵉⵜⵜⵓⵙⵎⵖⵕ ⵅⴼ ⵜⵡⵡⵓⵔⵉⵡⵉⵏ ⵏⵏⵙ ⴷⵓⵙⵏⵉⵏ ⴳ ⵉⴳⵔ ⴰⵥⵓⵕⴰⵏ ⵓⵍⴰ ⵉⴼⴰⵔⵙⵏ ⵏⵏⵙ ⴰⴽⴽⵯ .