"ⵉⵙⴱⵔⵔⴽ ⴱⴰⴱ ⵏ ⵡⴰⴷⴷⵓⵔ ⴰⵎⵇⵇⵔⴰⵏ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⵙⵙ ⴰⴷ ⴰⵢⵏⴰⵙ 14 ⵏⵓⵡⴰⵏⴱⵉⵔ ⴳ ⵢⵉⵖⵔⵎ ⵏⵏⵙ ⴰⴳⵍⴷⴰⵏ ⴳ ⵕⵕⴱⴰⵟ ⵎⴰⵙⵙ ⵍⵃⴰⴱⵉⴱ ⵍⵎⴰⵍⵉⴽⵉ , ⵉⵙⴽⵔ ⴳⵉⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵙⵏⵓⴱⴱⵛ ⴰⵎⴰⵙⵙⴰⵏ."
ⴳ ⵓⵙⵏⵓⴱⴳ ⴰⴷ , ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵉ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⵓⵙⵇⵇⵉⵎ , ⵉⵙⵡⴰⵍⴰⵜⵏ ⵉⵎⴰⵜⵜⴰⵢⵏ, ⴰⴼⴰⴷ ⴰⴷ ⵜⴻⵜⵜⵓⵙⴽⴰⵔ ⵜⵡⵓⵔⵉ ⵏⵏⴰ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ ⵜⵎⵔⵙⵍⵜ ⴰⴷ, ⴳ ⵜⵏⴽⵔⴰ ⵙ ⵜⵉⵏⵎⵍ ⵜⴰⵎⵖⵔⴰⴱⵉⵢⵜ, ⴰⵡⴷ ⵉⵎⵏⵉⴷⵏ ⵅⴼ ⵜⵙⵔⵜⴰⵏ ⵜⵉⴳⴷⵓⴷⴰⵏⵉⵏ ⴷ ⵜⵎⵏⵜⴰⵍ ⵜⵉⵏⴰⵎⵓⵔⵉⵏ ⵏⵏⴰ ⴷⴰⵔ ⵜⴰⵣⴷⴰⵢⵜ ⵙ ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵙⵏⵓⴱⴱⵛ ⴰⵎⴰⵙⵙⴰⵏ, ⴰⵡⴷ ⴰⵎⵢⴰⵡⴰⵙ ⴷ ⵓⵙⵜⴰⵍ ⵏ ⵜⵙⵔⵜⴰⵏ ⴷ ⵉⵖⴰⵡⴰⵙⵏ ⵉⴳⴷⵓⴷⴰⵏ ⴳ ⵢⵉⴳⵔ ⴰⴷ ⵏⵏⴰ ⵉⴳⴰⵏ ⵉⵎⴰⵍ ⵏ ⵍⵎⵖⵔⵉⴱ.
ⵎⴽ ⵍⵍⵉ ⵙ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⵅⴼ ⵓⵟⴼⵓⵔ ⵏ ⵓⵙⵇⵇⵉⵎ , ⵎⴰⵙ ⵉⴳⴰ ⵢⴰⵜ ⵜⵎⵔⵙⵍⵜ ⵏ ⵍⵎⵛⴰⵡⵔⵜ, ⵏ ⵓⵙⵏⴳⵉⴷⴷⵉ ⵏ ⵜⵙⵏⴰⵍⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⵙ ⵓⵣⴷⴷⴰⵢ ⴰⴽⴷ ⵉⴳⵔⴰⵏ ⵉⵏⴱⴰⴷⵏ ⴷ ⵜⵎⵔⵙⴰⵍ ⴰⴷ, ⴰⴼⴰⴷ ⴰⴷ ⵉⵡⴹⵏ ⵉⵡⵜⵜⴰⵙⵏ ⵉⵙⵓⵍⴰⵏ ⴳ ⵎⴰⴷ ⵉⵥⵍⵉⵏ ⵙ ⵓⵙⴱⵓⵖⵍⵓ ⵏ ⵓⵙⵙⵍⵎⴷ ⴳ ⵎⴰⵕⵕ ⵉⵙⵡⵉⵔⵏ , ⴰⵡⴷ ⴰⴷ ⵢⵉⵍⵉ ⵓⵙⵏⴳⴰⴷⴷⴰ ⴷ ⴰⴷ ⵜⵓⴼⴽⴰⵏ ⵉⵣⵎⴰⵣ ⴳ ⵢⵉⴳⵔ ⴰⴷ, ⴰⵡⴷ ⵜⵓⵙⵏⵏⴰ ⵏ ⵜⵓⵜⵍⴰⵢⵉⵏ ⵏ ⴱⵕⵕⴰ, ⴷ ⵓⵙⴱⵖⵙ ⵏ ⵓⵙⵏⵓⴱⴱⵛ ⴰⵎⴰⵙⵙⴰⵏ, ⵙ ⵎⴰⴷ ⵢⵉⵡⵙⵏ ⴳ ⵜⵀⵉⵍ ⵏ ⵔⴰⵙⵎⴰⵍ ⴰⵏⴼⴳⴰⵏ ⴰⵏⴰⵎⵓⵔ, ⴷ ⵓⵙⵔⵅⵓ ⵏ ⵓⵙⵉⴷⴼ ⵏ ⵜⵙⵓⵜⵉⵏ ⴰⴷ ⴷ ⵜⵉⵍⵍⵉ ⴷ ⵉⴽⴽⴰⵏ ⴷⴰⵜ ⴳ ⵜⴷⵉⵏⴰⵎⵉⵢⵜ ⵏ ⵓⴱⵓⵖⵍⵓ ⵏⵏⴰ ⵉⵍⵍⴰⵏ ⴳ ⵜⵎⴰⵣⵉⵔⵜ ⵏⵏⵖ"