ⵉⵏⵏⴰ ⵓⵙⵉⵡⴹ ⵏ ⵓⵙⵉⵔⴰ ⴰⵏⴰⵎⵎⴰⵙ ⵎⴰⵙⴷ ⴰⵙⴱⵉⴷⴷ ⴰⴷ ⵜⵍⵍⴰ ⴼⵍⵍⴰⵙ ⵜⵔⴰⴱⴱⵓⵜ ⵏ ⵜⵏⴼⵔⵓⵜ ⵏⵏⴰ ⵉⵡⴰⵍⴰⵏ ⵉ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⴳⴳⵉⵡⵙ ⵏ ⵡⴰⴽⴰⵍ ⴰⵏⴰⵎⵓⵔ, ⵏⵏⴰ ⵉⵖⵉⵏ ⴰⴷ ⵜⴰⵎⵥ ⴰⵖⵡⵡⴰⵖ ⴰⴷ ⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ ⵍⵍⵉⵖ ⵏⵏ ⴷⴰⵔⵙ ⵜⵓⴼⴰ ⵉⵎⴰⵙⵙⵏ ⵏ ⵜⵖⵡⵡⴰⵖⵜ ⴰⴼⴰⴷ ⴰⴷⴰⵙⵏ ⵙⴽⵔⵏ ⵉⴳⴳⵉⵡⵙⵏ ⵓⵟⵟⵓⵏⴰⵏⵏ .
ⵉⵣⴰⵢⴷ ⵓⵙⵉⵡⴹ ⴰⴷ ⵉⵏⵏⴰ ⵎⴰⵙⴷ ⴰⵎⵎⴰⵥ ⵏ ⵓⵖⵡⵡⴰⵖ ⴰⴷ ⵉⴷⴷⴰⴷ ⵍⵍⵉⵖ ⵉⵍⵍⴰ ⵓⵎⵢⴰⵡⴰⵙ ⴳⵔ ⵜⵏⴼⵔⵓⵜ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⴳⴳⵉⵡⵙ ⵏ ⵡⴰⴽⴰⵍ ⴰⵏⵎⵓⵔ ⴷ ⵉⵏⴼⵔⵓⵜⵏ ⵏ ⵎⵉⵔⵉⴽⴰⵏ, ⵍⵍⵉⵖ ⵉⵜⵜⵢⴰⴼⴰ ⵓⵖⵡⵡⴰⵖ ⴰⴷ ⵙ ⵢⴰⵜ ⵜⵖⴰⵔⴰⵙⵜ ⵉⵣⴷⴷⵉⴳⵏ ⴳ ⵉⵍⵍⴰ ⵓⵎⵙⴰⵙⴰ ⴷ ⵓⵎⵢⴰⵡⴰⵙ .
ⵙⴳ ⵜⵓⵎⵍⴰⵢⵉⵏ ⵜⵉⵎⵣⵡⵓⵔⴰ ⵏ ⵓⴳⴳⵉⵡⵙ ⵉⵏⵏⴰ ⵓⵙⵉⵡⴹ ⵎⴰⵙⴷ ⴰⵖⵡⵡⴰⵖ ⵉⵡⴰⵍⴰ ⵉ ⵓⵏⵎⴰⵍⵍⵓ ⵏ ⴷⴰⵃⵉⵛ, ⵉⵔⴰ ⴰⴷ ⵉⴷⴷⵓ ⴷⴰⵔ ⴷⴰⵄⵉⵛ ⴷ ⵉⵖⵡⵡⴰⵖⵏ ⵏ ⵉⴼⵔⵉⵇⵢⴰ ⵉⴼⴼⵓⵙ ⵏ ⵜⵏⵣⵔⵓⴼⵜ ⴷ ⵙⵓⵔⵢⴰ ⴷ ⵍⵄⵉⵔⴰⵇ ⵎⴽⵍⵍⵉ ⵉⵥⵕⴰ ⴽⵉⴳⴰⵏ ⵏ ⵜⵏⵇⵇⴰⴹ ⵏ ⵜⵏⴼⵔⵓⵜ ⵏⵏⴰ ⵉⵍⵍⴰⵏ ⴰⴼⴰⴷ ⴰⴷ ⵉⵙⴽⵔ ⵜⴰⵖⵡⵡⴰⵖⵜ ⵏⵏⵙ ⵙ ⵡⵓⵍⵓⴼ .
ⵉⵜⵜⵓⵙⵔⵙ ⵓⵖⵡⵡⴰⵖ ⴷⴷⵓ ⵏ ⵉⵜⴳⴰⵔⵏ ⵏ ⵓⴳⴳⵉⵡⵙ ⵙⴳ ⴷⴰⵔ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⵏⵏⴰ ⵉⵙⵜⴳⴳⵔⵏ ⵅⴼ ⵜⵓⵎⴰⵏⵉⵏ ⵏ ⵜⵖⵡⵡⴰⵖⵜ ⴳ ⵓⴳⵏⵙ ⵏ ⵍⵎⵖⵔⵉⴱ ⵏⵖⴷ ⴱⵕⵕⴰ ⵏⵙⵏ .
ⵎⴽⵏⵏⴰ ⵉⵎⵍⴰ ⵡⴰⵎⵎⴰⵥ ⵏ ⵉⵖⵡⵡⴰⵖⵏ ⴰⵎ ⵡⴰⴷ ⵎⴰⵙ ⵉⵍⵍⴰ ⵓⵎⵢⴰⵡⴰⵙ ⵉⴷⵓⵙⵏ ⴳⵔ ⵜⵎⵀⵍⴰ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵉⵙⵃⴹⴰⵡⵏ ⵏ ⵓⴳⴳⵉⵡⵙ ⵏ ⵎⵉⵔⵉⴽⴰⵏ ⴳ ⵉⴳⵔ ⵏ ⵓⵥⵥⵓ ⵅⴼ ⵜⵖⵡⵡⴰⵖⵜ ⴳ ⵓⵙⵡⵉⵔ ⴰⵎⴰⴹⵍⴰⵏ