ⵉⵏⵏⴰ ⵓⵙⵉⵡⴹ ⵉⵛⵛⴰⵔⵏ ⵅⴼ ⵓⵏⵎⵓⵇⵇⴰⵔ ⴳⵔ ⵓⵏⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ ⴷ ⵡⵉⵏ ⴳⵡⴰⵜⵉⵎⴰⵍⴰ ⵎⴰⵙⵙ ⵎⴰⵕⵢⵓ ⴱⵓⴽⴰⵕⵓ ⴼⵍⵓⵕⵉⵙ, ⵎⴰⵙⴷ ⴳⵡⴰⵜⵉⵎⴰⵍⴰ ⵜⵙⵎⴰⵢⵏⵓ ⵜⴰⵏⵏⴰⵢⵜ ⵏⵏⵙ ⵅⴼ ⵡⴰⵏⵏⴰⵍ ⵏ ⵓⵙⵏⴱⴷ ⴰⵏⵉⵎⴰⵏ ⵅⴼ ⵜⵎⵙⴰⵔⵜ ⵏ ⵓⵏⵅⵉⴱⴱⵍ ⴰⵏⵎⵏⴰⴹ ⵏⵏⴰ ⵉⵍⵍⴰⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ , ⵜⵉⵏⵉ ⵎⴰⵙⴷ ⴰⵙⵏⴱⴷ ⴰⵏⵉⵎⴰⵏ ⴷⴷⵓ ⵏ ⵓⵜⵓⵢ ⵏ ⵜⵏⴱⴰⴷⵜ ⵜⴰⵎⵖⵔⵉⴱⵉⵜ ⵜⵉⵔⵉ ⴰⴷ ⵜⵏⵏⵓⵕⵥⵎ ⵜⴰⵎⵙⵇⴰⴷⵜ ⵏⵏⵙ ⴳ ⵜⵖⵔⵎⵜ ⵏ ⴷⴷⴰⵅⵍⴰ, ⴰⴼⴰⴷ ⴰⴷ ⵜⴰⵡⵉ ⵍⴼⴰⵢⵜⵜ ⴳ ⵜⵣⵎⵎⴰⵔ ⵜⵉⴷⵎⵙⴰⵏⵉⵏ ⴷ ⵓⵏⵏⵓⵕⵥⵎ ⵅⴼ ⴷⴷⴰⵅⵍⴰ ⴷ ⵜⵉⵎⵓⵔⴰ ⴰⴽⴽⵯ ⵏ ⵉⴼⵔⵉⵇⵢⴰ .
ⴳ ⵜⵙⴳⴰ ⵏⵏⵙ , ⵉⵏⵏⴰ ⵓⵏⵙⵙⵉⵅⴼ ⴰⴷⵉⴱⵍⵓⵎⴰⵙⵉ ⵏ ⵜⵎⴰⵣⵉⵔⵜ ⵏ ⴳⵡⴰⵜⵉⵎⴰⵍⴰ ⴳ ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵓⵙⵏⵖⵎⵙ ⴳ ⵓⵙⴰⵜⵉ ⵏ ⵜⵡⵡⵓⵔⵉⵡⵉⵏ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵉⵎⵓⵏⵏ, ⵎⴰⵙ ⴷⴰⵔⵙⵏ ⵉⵍⴰ ⵡⴰⵜⵉⴳ ⵎⴰⴷ ⵉⵥⵍⵉⵏ ⵙ ⵜⵏⴼⵔⵓⵜ ⴷ ⵓⴼⵔⴰ ⴰⵏⵎⵏⴰⴹ, ⵢⵉⵏⵉ ⵎⴰⵙ ⵉⵙⵏⵉⵍ ⴰⵙⵏⴱⴹ ⴰⵏⵉⵎⴰⵏ ⵉ ⵜⵎⴰⵣⵉⵔⵜ ⵏ ⵍⵎⵖⵔⵉⴱ ⵅⴼ ⵜⵏⵣⵔⵓⴼⵜ ⵏⵏⵙ .
ⵉⵙⵙⴷⵓⵙ ⵎⴰⵙ ⴱⵓⴽⴰⵕⵓ ⵉⵙⵏⴼⴰⵕⵏ ⵏⵏⴰ ⵜⵜⵓⵙⴽⴰⵔⵏⵉⵏ ⴷⴷⵓ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴷ ⵜⵣⵎⵎⴰⵔ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵓⵙⵎⵙⴰⵙⴰ ⵏ ⵉⵎⵓⴽⵔⵉⵙⵏ ⵉⴼⵔⵉⵇⵉⵏ ⵙⴳ ⵜⵖⴰⵔⴰⵙⵉⵏ ⵏ ⵜⵏⴼⵔⵓⵜ ⴷ ⵓⵎⵢⴰⴷⴰⵙ ⴷ ⵓⴼⵔⴰ .
ⵎⴽⵍⵍⵉ ⵉⵙⵙⴷⵓⵙ ⵜⵉⵣⴷⴰⵢⵉⵏ ⵏⵏⴰ ⵉⵍⵍⴰⵏ ⴳⵔ ⵜⵎⴰⵣⵉⵔⵜ ⵏⵏⵙ ⴷ ⵜⵎⴰⵣⵉⵔⵜ ⵏ ⵍⵎⵖⵔⵉⴱ .
ⴳ ⵜⵙⴳⴰ ⵏⵏⵙ ⵉⵙⵙⵉⵎⵖⵓⵔ ⵎⴰⵙⵙ ⴱⵓⵕⵉⵟⴰ ⵙ ⵜⵣⵎⵎⴰⵔ ⵏ ⵜⵎⴰⵣⵉⵔⵜ ⵏ ⴳⵡⴰⵜⵉⵎⴰⵍⴰ ⴷⴷⵓ ⵏ ⵓⵜⵓⵢ ⵏ ⵓⵏⵙⵙⵉⵅⴼ ⵏⵏⵙ ⴰⵍⵉⵅⴰⵏⴹⵕⵓ ⴳ ⵉⴳⵔ ⵏ ⵉⵙⴳⴳⴷⵏ, ⴷ ⵜⵉⵍⴰⵍ ⵏⵏⵙ ⴳ ⵓⵙⵡⵉⵔ ⴰⵏⵎⵏⴰⴹ ⴳ ⵎⴰⴷ ⵉⵥⵍⵉⵏ ⵙ ⵓⴼⵔⴰ .
ⵎⵔⴰⵔⴰⵏ ⵉⵎⴰⵡⵙⴰⵙⵏ ⵙ ⵙⵉⵏ ⵙ ⵜⵎⵍⴷⴰ ⴰⴷ, ⵉⵜⴳⴰⵔⵏ ⵏ ⵓⵎⵢⴰⵡⴰⵙ ⴷ ⵡⴰⵏⵏⴰⵍ ⴳ ⵎⴰⴷ ⵉⵥⵍⵉⵏ ⵙ ⵜⵓⵎⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵎⴽⵍⵍⵉ ⵎⵙⴰⵙⴰⵏ ⵅⴼ ⵉⵙⵏⵜⴰⵍ ⵏⵏⴰ ⴰⴽⴽⵯ ⵜⵜⵓⵙⵎⵔⴰⵔⴰⵏⵉⵏ .
ⵉⴷⴷⴰⴷ ⴳ ⵓⵙⵉⵡⴹ ⵉⵜⵜⵓⵛⵛⴰⵔⵏ ⴳⵔ ⵍⵎⵖⵔⵉⴱ ⴷ ⴳⵡⴰⵜⵉⵎⴰⵍⴰ ⴰⴼⴰⴷ ⴰⴷ ⵉⴼⴽ ⵜⵉⵣⵎⵎⴰⵔ ⴷⵓⵙⵏⵉⵏ ⴳ ⵉⴳⵔ ⵏ ⵜⵎⴰⵍⵍⴰⵢⵜ ⴷ ⵓⵙⵎⵓⵜⵜⴳ ⵏ ⵜⴰⵔⵏⴰ,ⴷ ⵓⵙⴷⵓⵙ ⵏ ⵉⴳⵔ ⵏ ⵜⴽⵔⵣⴰ ⴷ ⵓⵎⴰⵣⵉⵔ, ⴳ ⵜⵉⵣⵉ ⵏⵏⴰ ⴳ ⵜⵍⵍⴰ ⵜⴰⵙⵙⴰⵙⵜ ⵜⴰⴷⵓⵙⴰⵏⵜ ⴷ ⵜⵉⵏ ⵓⵙⴰⴷⵓⵔ ⴳ ⵓⵎⴰⴹⴰⵍ ⴰⴽⴽⵯ .