ⵏⵏⴰⵏ ⵉⵎⴷⵔⴰⵡⵏ ⴳ ⵓⴳⵔⴰⵡ ⴰⵎⵣⵡⴰⵔⵓ ⵏ ⵓⵏⵎⴰⵍⵍⵓ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⴰⵎⵓⵏⵜ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵎⴰⵙ ⵜⵍⴰ ⵜⵉⵏⴰⵡⵜ ⴰⴷ ⴰⵜⵉⴳ ⴰⵅⴰⵜⴰⵔ ⵏⵏⴰ ⵔⴰⴷ ⵜⵙⵏⵓⴱⴳ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ .
ⵉⵜⵜⵓⵙⴽⴰⵔ ⵓⴳⵔⴰⵡ ⴰⴷ ⴳ ⵓⵙⴰⵜⵉ ⵏ ⵜⵙⵙⵓⵜⵍⵜ ⵜⵉⵙⵙ 97 ⵏ ⵜⴰⵢⵎⵓⵏⵜ ⵜⴰⵙⵓⵍⴰⵏⵜ ⵏ ⵓⵙⵏⵖⵎⵙ ⴰⵄⵕⴰⴱ ⵏⵏⴰ ⵉⴳⴰⵏ ⴰⵃⵢⵢⵍ ⵏ ⵜⵙⵙⵓⵜⵍⵜ ⵜⵉⵙⵙ 52 ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵏ ⵓⵙⵏⵖⵎⵙ ⴰⵄⵕⴰⴱ. ⴳ ⵓⵏⵇⵇⵉⵙ ⵏⵏⴰ ⵉⵜⵜⵓⴼⴽⴰⵏ ⵉ ⵓⵏⵎⴰⵍⴰ ⴰⴷ ⵅⴼ ⵜⵙⵙⵓⵜⵍⵜ ⵜⵉⵙⵙ ⴽⴽⵓⵙⵟ ⵏ ⵜⵉⵏⴰⵡⵜ ⵏ ⵜⵏⴰⵖⵎⴰⵙⵉⵏ ⵜⵉⵄⵕⴰⴱⵉⵏ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ ⴷ ⵢⵓⵛⴽⴰⵏ ⵙ ⵓⵙⵏⵓⴱⴳ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵔⴰⴷ ⵉⵏⵣⵖ ⵅⴼ ⵉⵣⵔⴼⴰⵏ ⵏ ⵜⵏⴰⵖⵎⴰⵙⵉⵏ ⵏⵏⴰ ⵉⵙⵡⵡⵓⵔⵉⵏ ⴳ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ .
ⵙ ⵜⵎⵍⴷⴰ ⴰⴷ, ⵉⵏⵏⴰ ⵓⵏⵎⴰⵍⵍⵓ ⴳ ⵓⵏⵇⵇⵉⵙ ⵏⵏⵙ ⵎⴰⵙ ⵉⵙⵏⵉⵎⵎⵔ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵎⴰⵙⵙ ⵅⴰⵍⵉⵍ ⵀⴰⵛⵉⵎⵉ ⵉⴷⵔⵉⵙⵉ, ⵍⵍⵉⵖ ⵉⵔⴰ ⴰⴷ ⵜⵜⵓⵙⴽⴰⵔ ⵜⵙⵙⵓⵜⵍⵜ ⴰⴷ ⵜⵉⵙⵙ ⴽⴽⵓⵙⵟ ⴳ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ 2022 ⴰⴼⴰⴷ ⴰⴷ ⵔⵣⵓⵏ ⴽⵉⴳⴰⵏ ⵏ ⵉⵜⴳⴰⵔⵏ ⵏⵏⴰ ⵉⵣⴷⵉⵏ ⴷ ⵓⵙⵡⵡⵓⵔⵉ ⵏ ⵜⵏⴰⵖⵎⴰⵙⵉⵏ ⵏⵏⴰ ⵉⵙⵡⵡⵓⵔⵉⵏ ⴳ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⵙ ⵓⵎⴰⵜⴰ .
ⵜⵏⵏⴰ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⴰⵎⵓⵏⵜ, ⴳ ⵉⴳⵔ ⴰⴷ ⵎⴰⵙ ⵔⴰⴷ ⵉⵜⵜⵓⵙⴽⴰⵔ ⵢⴰⵏ ⵓⵏⵎⴰⵍⴰ ⵉⵥⵍⵉⵏ ⵙ ⵜⵏⴰⵖⵎⴰⵙⵉⵏ ⴳ ⵡⴰⵏⵙⴰ ⵏ ⵜⴰⵎⵓⵏⵜ ⴷ ⵜⵙⵏⵓⵔⴰⵢⵜ ⵏ ⵉⵏⵖⵎⵉⵙⵏ ⵏⵏⴰ ⵎⵓ ⵜⵜⵓⵙⵎⴰⵢⵏⵓⵏⵜ ⵜⵉⵏⴰⴼⵓⵜⵉⵏ ⵏⵏⵙ , ⴷ ⵓⵙⵔⵓⵙ ⵏ ⵢⴰⵏ ⵡⴰⵀⵉⵍ ⵉⵣⵍⵉⵏ ⵙ ⵜⵏⴰⵖⵎⴰⵙⵉⵏ ⵙⴳ ⵉⵎⵓⵙⵙⵓⵜⵏ ⵏ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⵏ ⵜⴰⵎⵓⵏⵜ ⵏ ⵉⵏⵖⵎⵉⵙⵏ ⴰⴼⴰⴷ ⴰⴷ ⴰⵎⵥⵏⵜ ⵜⵉⵣⵎⵎⴰⵔ ⵍⵍⵉ ⵔⴰⴷ ⵜⵏⵜ ⵉⵙⴳⵓⵍⵓ ⵉ ⵉⵏⵙⵜⵏ ⴷ ⵉⵙⵡⵉⵔⵏ ⵉⵀⵉⵢⵢⴰⵏ
ⵔⴰⴷ ⵜⵜⵓⵙⴽⴰⵔ ⵢⴰⵜ ⵜⴰⵢⵎⵓⵏⵜ ⵏ ⵜⵏⴰⵖⵎⴰⵙⵉⵏ ⴳ ⵜⵉⵏⴰⵡⵜ ⴰⴷ ⴳ ⵕⵕⴱⴰⵟ ⴳⵔⴰⵜⵙⵏⵜ ⴷ ⵓⴷⵡⴰⵍ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⴰⴼⴰⴷ ⴰⴷ ⵙⴽⴰⵔⵏⵜ ⵉⵙⵡⵉⵏⴳⵉⵎⵏ ⴷ ⵉⵙⵏⴼⴰⵕⵏ ⴷ ⵉⵙⵏⵜⴰⵍ ⴰⴼⴰⴷ ⴰⴷ ⵃⵢⵢⵍⵏⵜ ⵏ ⵜⵙⵙⵓⵜⵍⵜ ⵜⵉⵙⵙ ⵙⵎⵎⵓⵙⵜ ⴳ ⵓⵙⴳⴳⵯⴰⵙ ⵏ 2023 .
ⴳ ⵜⵙⴳⴰ ⵢⴰⴹⵏ, ⵉⵎⵔⴰⵔⴰ ⵓⴳⵔⴰⵡ ⴽⵉⴳⴰⵏ ⵏ ⵉⵙⵏⵜⴰⵍ ⵙⴳ ⴳⵉⵙⵏ ⴰⴷⴷⴰⴷ ⵏ ⵓⵙⴼⵍⵙ ⵏ ⵜⴰⵎⵓⵏⵜ, ⴷ ⵜⵡⵉⵙⵉ ⵏ ⵉⴳⵎⴰⵎⵏ ⴳ ⵓⵎⵢⴰⵡⴰⵙ ⵉ ⵓⵃⵢⵢⵍ ⵏ ⵜⵡⵡⵓⵔⵉⵡⵉⵏ ⵏ ⵓⴱⵔⴰⴳⵔⴰⵡ ⵡⵉⵙⵙ 49 ⵏ ⵜⵎⵙⵎⵓⵏⵜ ⵜⴰⵎⵓⵏⴰⵏⵜ ⵏ ⵜⴰⵎⵓⵏⵜ ⴳ ⴰⴱⵓⴹⴰⴱⵉ ⴳⵔ 15 ⴰⵔ 17 ⵏⵓⵡⴰⵏⴱⵉⵔ, ⴷ ⵜⵙⵎⵖⵓⵔⵜ ⵏ ⵜⵙⵏⵓⵔⴰⵢⵉⵏ ⵏ ⵉⵏⵖⵎⵉⵙⵏ ⴰⴼⴰⴷ ⴰⴷ ⵉⴱⵓⵖⵍⵓ ⵉⴳⵔ ⵏ ⵓⵙⵡⵓⵔⵉ ⴳ ⵜⵙⵏⵓⵔⴰⵢⵉⵏ .
ⵉⵙⵙⴰⵏⴻⵏ ⵉⵎⴷⵔⴰⵡⵏ ⵙ ⵜⵎⵍⴷⴰ ⴰⴷ ⵜⵉⵢⴰⴼⵓⵜⵉⵏ ⵏ ⵜⵙⴰⵡⵓⵔⵜ ⵏ ⵓⵙⵙⴰⵏⵓⵏ ⴷ ⵓⵙⵎⵓⵜⵜⴳ ⵅⴼ ⵓⵏⴱⴱⵕ ⵏ ⵜⵉⵣⵉ ⴷ ⵓⵙⵏⵖⵎⵙ ⴰⵎⵖⵓⴷⵓ ⴳ ⵜⴰⵙⵙⴰⵙⵉⵏ .