ⵉⵎⵙⴰⵔ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵉⵏ, ⵏⵏⴰ ⵢⵉⵡⴹ ⵡⴰⵜⵉⴳ ⵏⵏⵙⵏⵜ 400 ⵏ ⵢⵉⴼⴹ ⵏ ⵓⴹⵓⵍⴰⵕ, ⵔⴰⴷ ⵉⵙⵙⵏⵜⵉ ⵓⵣⵣⵉⴳⵣ ⵏⵏⵙ ⴳ ⵓⵙⴳⴳⵯⵙ ⴰⵥⵕⴼⴰⵏ 2023, ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⵎⵎⴰⴷ ⵙⴰⵍⵎ ⵛⵛⵕⵇⵇⴰⵡⵉ, ⴰⵏⵎⵀⴰⵍ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵡⵓⴷⴷⵓ ⵏ ⵜⵙⵏⵓⵔⴰⵢⵜ ⵜⵉⴳⵎⵎⵉ ⵏ ⵜⵥⵕⴼⵜ ⵏ ⵍⵇⵓⴷⵙ, ⴷ ⵎⴰⵙⵙ ⵙⴰⵎⵉⵔ ⵊⵉⴱⵔⵉⵍ ⴰⵏⵎⵀⴰⵍ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵜⵖⵔⵎⵜ ⵜⴰⴼⵓⵥⴰⵕⵜ.
ⵙⵜⴰⵡⵀⵎⵎⴰⵏⵜ ⵜⵎⵢⴰⵇⵇⴰⵏⵉⵏ ⴰⴽⵛⵛⵓⵎ ⴳ ⴽⵔⴰ ⵏ ⵜⵡⵓⵔⵉⵡⵉⵏ ⵏ ⵜⵏⵟⵟⵓⴼⵜ, ⴷ ⵓⵙⵎⵙⴰⵙⴰ ⵏ ⵉⵙⴰⵔⴰⴳⵏ ⴷ ⵓⵙⴷⴷⴰⴳ ⴷ ⵓⵙⵖⵓⴷⵓ ⵏ ⵜⵏⵓⴼⴰ ⴷ ⵓⵙⴱⵓⵖⵍⵓ ⵏ ⵉⵙⴰⵢⵔⴰⵔⵏ ⵏ ⵓⵡⵔⴰⵔ ⴷ ⵉⵙⵓⵔⴰⵎ.
ⵔⴰⴷ ⵉⵜⵜⵓⵙⴽⴰⵔ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵉⵏ ⴰⴷ ⴳ ⵙⵏⴰⵜ ⵜⴼⵔⴽⵉⵡⵉⵏ, ⵜⴰⵎⵣⵡⴰⵔⵓⵜ ⵜⵙⵜⴰⵡⵀⵎⵎⴰ ⵜⵎⵣⵡⴰⵔⵓⵜ ⵙ ⵙⵎⵎⵓⵙⵜ ⵏ ⵜⵉⵏⵎⴰⵍ, ⵏⵏⴰ ⵉⴳⴰⵏ ⵍⵃⴰⵙⴰⵏ ⵡⵉⵙ ⵙⵉⵏ, ⴷ ⵚⴰⵍⴰⵃ ⴷⴷⵉⵏ, ⴷ ⵍⵎⴰⵙⵉⵔⴰ, ⴷ ⵄⵓⵎⴰⵕ ⴱⵏ ⵍⵅⵟⵟⴰⴱ, ⴷ ⵜⵏⴽⵔⴰ ⵜⴰⵍⵉⵙⵍⴰⵎⵉⵜ.
ⵜⵙⵙⵓⵜⵍ ⵜⴼⵔⴽⴰ ⵜⵉⵙ ⵙⵏⴰⵜ,ⵙⵎⵎⵓⵙⵜ ⵜⵉⵏⵎⴰⵍ ⵢⴰⴹⵏ, ⵏⵏⴰ ⵉⴳⴰⵏ, ⵍⴼⴰⵜⴰⵜ ⵛⵛⴰⵎⵉⵍⴰ (ⵜⴰⵔⴱⴰⵜ ⵜⴰⵖⵣⵓⵔⴰⵏⵜ) ⴷ ⴹⵉⵢⴰⴰ ⵍⵇⵓⴷⵙ, ⴷ ⵜⵄⵔⵔⵉⵎⵉⵏ ⵜⵉⵎⵓⵙⵍⵎⵉⵏ, ⴷ ⵜⴰⵙⵓⵜ ⵜⴰⵎⴰⵢⵏⵓⵜ, ⴷ ⵛⴰⵔⴰⴼⴰⵜ ⵜⵉⵏⵔⵙⴰⵍⵉⵏ.
ⵙ ⵜⵎⵍⴷⴰ ⴰⴷ ⵏⵉⵜ, ⵉⵜⵜⵓⵙⴽⴰⵔ ⵓⵔⵣⴰⴼ ⵉ «ⵜⵉⵏⵎⵍ ⵍⵃⴰⵙⴰⵏ ⵡⵉⵙ ⵙⵉⵏ» ⵖ ⵉⵜⵜⵓⵙⴽⴰⵔ ⵓⵙⵡⴰⵔ ⵏ ⵜⴼⵉⵍⵜ ⵏ ⵓⴽⵜⵜⵓⵢ ⴷ ⵉⵙⵙⴽⵜⵉⵏ ⵙ ⵓⵏⵏⵓⵕⵥⵎ ⵏ ⵢⵉⵙⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ, ⵙ ⵜⵙⵏⵜⴰⵢⵜ ⵏ ⵜⵎⵀⵍⴰ ⵏ ⵓⵙⴳⵎⵉ ⴷ ⵓⵙⵍⵎⴷ ⴳ ⵍⵇⵓⴷⵙ, ⵉⴳ ⴰⵙⵎⵖⵔ ⵉ ⵓⴽⵜⵜⵓⵢ ⵏ ⵓⴳⵍⵍⵉⴷ ⵢⴰⴼⵓⴹⵏ. ⴷ ⵜⵎⴰⵜⴰⵔⵜ ⵏ ⵓⵙⵉⵜⴳ ⵉ ⵉⴼⴰⵙⵙⵏ ⵉⵎⵍⵍⴰⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⴷ ⵢⵉⵡⵉⵣ ⵏⵏⵙ ⵅⴼ ⵉⵙⵏⴼⴰⵔ ⴷ ⵉⵖⴰⵡⴰⵙⵏ ⵏ ⵜⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵜⵥⵕⴼⵜ ⵏ ⵍⵇⵓⴷⵙ ⴰⵎⴰⵖⵓⴷ.
ⵜⴻⵜⵜⵓⵙⴷⵖⴰⵔ ⵜⵉⵏⵎⵍ ⵍⵃⴰⵙⴰⵏ ⵡⵉⵙ ⵙⵉⵏ ⴳ ⵜⵓⵥⵥⵓⵎⵜ ⵏ ⵜⵓⴷⴷⵓⵔⵜ ⵡⴰⴷ ⵍⵊⴰⵡⵣ, ⵉⵣⴷⵉⵏ ⴷ ⵜⵖⵔⵎⵜ ⵜⴰⵣⴰⵢⴽⵓⵜ ⵏⵏⴰ ⵢⴰⵥⵏ ⵉ ⵜⵎⵣⴳⵉⴷⴰ ⵏ ⵍⴰⵇⵚⴰ ⴰⵎⴱⴰⵕⴽⵉ, ⵜⴰⵎⵓ 200 ⵏ ⵓⵏⵍⵎⴰⴷ ⴷ ⵜⵏⵍⵎⴰⴷⵜ, ⵏⵎⴰⵍⴰⵏ ⴳ ⵉⵙⵡⵉⵔⵏ ⵉⵏⵎⵍⴰⵏⵏ ⵙⴳ ⵓⵙⵡⵉⵔ ⵡⵉⵙ ⵙⵎⵎⵓⵙ ⴰⵔ ⵡⵉⵙ ⵜⵥⴰ, ⴱⴹⴰⵏ ⵅⴼ 12 ⵏ ⵜⴷⴰⵍⴰ ⵜⴰⵏⵎⵍⴰⵏⵜ ⵏⵏⴰ ⵉⵜⵜⵓⵚⴽⴰⵏ ⵙ ⵓⵙⵎⵉⴷ ⵙⴳ ⴷⴰⵔ ⵜⵙⵏⵓⵔⴰⵢⵜ, ⵜⵉⵍⴰ ⴰⵡⴷ ⵢⴰⵜ ⵜⴷⴰⵍⴰ ⵏ ⵓⵎⵙⵙⵓⴷⵙ ⴷ ⵜⴰⵢⵢⴰⴹ ⵏ ⵓⵙⴰⵔⵎ ⵏ ⵜⵎⴰⵙⵙⴰⵏⵉⵏ.
ⵉⵙⴷⴷⵉⴷ ⵎⴰⵙⵙ ⵛⵛⵕⵇⵇⴰⵡⵉ ⴳ ⵢⴰⵜ ⵜⴳⵓⵔⵉ ⵙ ⵜⵎⵍⴷⴰ ⴰⴷ, ⵎⴰⵙ ⴷⵜⴰⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵜⵥⵕⴼⵜ ⵏ ⵍⵇⵓⴷⵙ ⴰⵎⴰⵖⵓⴷ, ⵔⴰⴷ ⵜⴹⴼⵕ ⵙ ⵓⵎⵙⴰⵙⴰ ⵏ ⵜⵎⵍⵎⴰⴷⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⴳ ⵓⵙⴽⴰⵔ ⵏ ⵓⵣⵓⵛⵛⵍ ⵏ ⵡⴰⵏⵏⴰⵍ ⵏ ⵍⵇⵓⴷⵙ, ⴷ ⵜⵎⵔⵙⴰⵍ ⵏⵏⵙ ⵜⵉⵎⵏⵏⴰⵡⵉⵏ ⵖ ⵉⵍⵍⴰ ⵢⵉⴳⵔ ⵏ ⵓⵙⵍⵎⴷ, ⵉⴷⴷⵣ ⵢⴰⵎⵥ ⵅⴼ ⵎⴰⵙ ⴷ ⵜⴰⵙⵏⵓⵔⴰⵢⵜ ⵔⴰⴷ ⵜⴹⴼⵕ ⴰⵙⵖⵓⴷⵓ ⵏ ⵜⵎⵍⴰⵍⵜ ⵏ ⵓⴼⵔⴰⴳ ⵏ ⵜⵎⴰⴳⵉⵜ ⵏ ⵍⵇⵓⴷⵙ ⴷ ⵡⴰⵏⵏⴰⵍ ⵏ ⵜⵥⵥⵉⴹⵕⴰ ⵏ ⵉⵇⵓⴷⵙⵉⵢⵏ.
ⴳ ⵜⵙⴳⴰ ⵏⵏⵙ, ⵉⵙⵙⵉⵡⵍ ⵓⵏⵎⵀⴰⵍ ⵏ ⵓⵙⴳⵎⵉ ⴷ ⵓⵙⵍⵎⴷ ⴳ ⵍⵇⵓⴷⵙ, ⵙⴰⵎⵉⵔ ⵊⵉⴱⵔⵉⵍ, ⵅⴼ ⵓⵙⵏⵉⵎⵎⵔ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴷ ⵉ ⵜⵙⵏⵓⵔⴰⵢⵜ ⴷ ⵓⴱⴷⴷⴰⴷ ⵏⵏⵙ ⴰⴽⴷ ⵜⵉⵏⵎⴰⵍ ⵏ ⵍⵇⵓⴷⵙ ⴳ ⵉⵣⵎⴰⵣ ⵉⵏⵎⵎⵓⵔⴰ (ⵛⵇⵇⴰⵏⵉⵏ).
ⵉⵙⵎⴰⵜⵙ ⵙ ⵎⴰⵙ ⴷ ⵜⴰⵙⵏⵓⵔⴰⵢⵜ ⵜⵣⵎⵔ ⴰⴷ ⵜⵙⵖ ⵜⵓⴳⵜⵜ ⵏ ⵜⵉⵏⵎⴰⵍ ⴳ ⵍⵇⵓⴷⵙ ⴷ ⵜⵓⵚⴽⴰ ⵏ ⵜⵉⵏⵎⵍ ⵏ ⵍⵃⴰⵙⴰⵏ ⵡⵉⵙ ⵙⵉⵏ, ⴷ ⵓⵔ ⴰⴷ ⵏⵜⵜⵓ ⵉⴱⴷⴷⴰⴷⵏ ⵏ ⵍⵎⵖⵔⵉⴱ ⵉⵙⵉⵎⵎⵉ ⴳ ⵡⴰⵏⵏⴰⵍ ⵏ ⵢⵉⴳⵔ ⵏ ⵓⵙⵍⵎⴷ ⴳ ⵍⵇⵓⴷⵙ.
ⴳ ⵜⵡⴰⵍⴰ ⵏⵏⵙ, ⵉⵙⵙⵉⵎⵖⵓⵔ ⵄⴰⵍⴰⴰ ⴰⴱⵓ ⵛⵅⵉⴷⵎ ⴰⵏⵎⵀⴰⵍ ⵏ ⵜⵉⵏⵎⵍ ⵍⵃⴰⵙⴰⵏ ⵡⵉⵙ ⵙⵉⵏ, ⵙ ⵓⴱⴷⴷⴰⴷ ⵏ ⵜⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵜⵥⵕⴼⵜ ⵏ ⵍⵇⵓⴷⵙ ⴳ ⵜⴰⵎⴰ ⵏ ⵜⵉⵏⵎⴰⵍ ⵏ ⵍⵇⵓⴷⵙ ⴷ ⵡⴰⵏⵏⴰⵍ ⵏⵏⵙ ⴷ ⵜⵓⵚⴽⴰ ⵏ ⵜⵉⵏⵎⵍ ⵍⵃⴰⵙⴰⵏ ⵡⵉⵙ ⵙⵉⵏ ⵏⵏⴰ ⵉⴳⴰⵏ ⵜⴰⴷⴰⴱⵓⵜ ⵏ ⵜⵎⴰⵙⵙⴰⵏⵜ ⴳ ⵍⵇⵓⴷⵙ ⴷⴷⵓ ⵜⵉⴼⴰⵡⵜ ⵏ ⴰⵍⵍⵉ ⵎⵉ ⵉⵜⵜⵎⵙⴰⵔⵏ ⵉ ⵜⵉⵏⵎⴰⵍ ⵏ ⵉⵎⵓⴽⵔⵉⵙⵏ ⴷ ⵉⴱⴱⴰⵢⴹⴰⵕⵏ ⵙ ⵓⵙⵔⴰⴳ ⵏ ⵜⵎⵙⴽⴰⵔ ⵏ ⵓⵣⴷⴷⵓⵖ.