ⵉⵏⵏⴰ ⵓⵙⵉⵡⴹ ⵏ ⵜⵎⵙⵎⵓⵏⵜ ⵎⴰⵙ ⴰⵏⵎⵓⵇⵇⴰⵔ ⴰⴷ ⵔⴰⴷ ⵉⵜⵜⵓⵙⵏⵎⴰⵍⴰ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴷ ⵜⴷⵔⴰⵡⵜ ⴷ ⵜⵎⴰⴳⵔⴰⵡⵜ ⵏ ⵜⵖⵔⵎⵉⵏ ⴷ ⵉⵡⴰⵏⴽⵏ ⵉⵙⴳⴰⵡⴰⵏⵏ ⵉⵎⵓⵏⵏ ⵏ ⵉⴼⵔⵉⵇⵢⴰ, ⴷ ⵓⵙⵇⵇⵉⵎ ⵏ ⵜⵙⴳⴰ ⵏ ⵓⵏⵇⵇⵔ ⵙ ⵡⴰⵏⵏⴰⵍ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ ⵏⵏⴰ ⵉⵡⴰⵍⴰⵏ ⵉ ⵜⵎⴰⵡⵙⴰⵙⵜ ⵏ ⵓⴳⵏⵙ
ⵉⴷⴷⴰⴷ ⵓⴳⵔⴰⵡ ⴷⴷⵅ ⴳ ⵓⵙⴰⵜⵉ ⵏ ⵓⵣⵣⵓⴳⵯⵣ ⵏ ⵜⵖⴰⵡⵙⵉⵡⵉⵏ ⵏⵏⴰ ⵙ ⵉⴼⴼⴰⵖ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⴰⴳⵔⴰⵡⵜ ⵏ ⵜⵖⵔⵎⴰⵜⵉⵏ ⴷ ⵉⵡⴰⵏⴽⵏ ⵉⵙⴳⴰⵡⴰⵏⵏ ⵉⵎⵓⵏⵏ ⴳ ⵉⴼⵔⵉⵇⵢⴰ ⴳ ⵜⵙⵓⵜⵍⵜ ⵜⵉⵙⵙ ⵜⵜⴰⵎⵜ ⵏ ⵡⴰⴼⴰ ⵏ ⵜⵖⵔⵎⴰⵜⵉⵏ ⵜⵉⴼⵔⵉⵇⵉⵢⵉⵏ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⵓⵙⴳⴳⵯⴰⵙ ⵏ 2018 ⴳ ⵡⴰⵎⵓⵔ ⵏ ⵡⴰⴽⵓⵛ
ⵙⴳ ⵓⵙⴰⴳⵯⵎ ⴰⴷ ⵏⵉⵜ ⵏ ⵉⵏⵖⵎⵉⵙⵏ,ⴰⴱⵔⴰⴳⵔⴰⵡ ⴰⴷ ⵏⵏⴰ ⴳ ⵔⴰⴷ ⴰⵎⵓⵏ ⴽⵉⴳⴰⵏ ⵏ ⵉⵏⵙⵙⵉⵅⴼⵏ ⵏ ⵜⵙⴳⴳⵉⵡⵉⵏ ⴷ ⵉⵡⴰⵏⴽⵏ ⵉⴼⵉⴷⵉⵕⴰⵍⵉⵏ ⴷ ⵉⵎⵥⵍⴰⵢⵏ ⴷ ⵓⴳⴳⴰⵔ ⵏ 20 ⵏ ⵓⵡⴰⵏⴽ ⴰⴼⵔⵉⵇⵉ, ⵏⵏⴰ ⵖ ⵔⴰⴷ ⵢⴰⵡⵙ ⵓⴳⴳⴰⵔ ⵏ 400 ⵏ ⵓⵎⴷⵔⴰⵡ, ⴰⴼⴰⴷ ⴰⴷ ⵎⵔⴰⵔⴰⵏ ⴽⵉⴳⴰⵏ ⵏ ⵉⵙⵏⵜⴰⵍ,ⵙⴳ ⴳⵉⵙⵏ ⵜⵉⴷⵔⴰⵡⵉⵏ ⵏ ⵉⴼⴼⵓⵙ-ⵉⴼⴼⵓⵙ ⴷ ⵜⵏⴼⵍⵉⵜ ⵜⴰⵙⵓⵍⴰⵏⵜ ⴷ ⵓⵏⴰⵣⴰⵕ ⴰⵔⴰⴽⴰⵍ ⴷ ⵉⵙⵏⴼⴰⵍ ⵏ ⵓⵏⵣⵡⵉ ⴷ ⵜⵎⵀⵍⴰ ⴷ ⵓⵏⴱⴱⵔ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵓⵙⴼⵍⵙ
ⵔⴰⴷ ⵉⴳ ⵓⴳⵔⴰⵡ ⴰⴷ ⴰⵡⴷ ⵢⴰⵜ ⵜⵎⵍⴷⴰ ⵏ ⵓⴱⵟⵟⵓ ⵏ ⵜⵉⵔⵎⵉⵜⵉⵏ ⵏ ⵉⵡⴰⵏⴽⵏ ⴰⴼⴰⴷ ⴰⴷ ⴼⴼⴰⵖⵏ ⵙ ⵢⴰⵏ ⵓⵏⵎⴰⵍⴰ ⵏ ⵉⵎⴰⵍ 2030/2063 ⴰⴼⴰⴷ ⴰⴷ ⴰⵡⵙⵏ ⵉⵡⴰⵏⴽⵏ ⴳ ⵜⵏⴼⵍⵉⵜ ⵜⴰⵙⵓⵍⴰⵏⵜ ⴳ ⵓⵙⵡⵉⵔ ⴰⴼⵔⵉⵇⵉ
ⴰⵏⵎⵓⴳⴳⴰⵔ ⴰⴷ ⴰⵎⵣⵡⴰⵔⵓ ⵔⴰⴷ ⵉⴳ ⴰⵡⴷ ⵢⴰⵜ ⵜⵎⵍⴷⴰ ⵏ ⵓⴱⵟⵟⵓ ⵏ ⵜⵉⵔⵎⵉⵜⵉⵏ ⵏ ⵉⵡⴰⵏⴽⵏ ⵉⵙⴳⴰⵡⴰⵏⵏ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵎⵢⴰⵡⴰⵙ ⵡⴰⵔ ⴰⵏⴰⵎⵎⴰⵙ ⴳ ⵓⵙⵡⵉⵔ ⴰⴼⵔⵉⵇⵉ, ⵔⴰⴷ ⴳⵉⵙ ⴰⵡⵙⵏ ⴰⵡⴷ ⴽⵉⴳⴰⵏ ⵏ ⵉⴷⵉⴱⵍⵓⵎⴰⵙⵉⵏ ⵉⴼⵔⵉⵇⵉⵏ ⵏⵏⴰ ⵍⵍⴰⵏⵉⵏ ⴳ ⵍⵎⵖⵔⵉⴱ , ⴷ ⴽⵉⴳⴰⵏ ⵏ ⵉⵏⵎⵎⴰⵙⵙⵓⵜⵏ ⴷ ⵉⵎⵙⵜⴳⴳⴰⵔⵏ ⵏ ⵜⵎⵙⵎⵓⵏⵉⵏ ⴷ ⵜⵎⴰⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ
ⵔⴰⴷ ⵉⵜⵜⵓⵙⴽⴰⵔ ⵓⴳⵔⴰⵡ ⴰⵎⴰⵜⴰⵢ ⵏ ⵓⵎⵙⴰⴳⴰⵔ ⴰⴷ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵏⵎⴰⵍⵍⵓ ⵏ ⵉⵡⴰⵏⴽⵏ ⴳ ⵓⴳⵏⵙⵓ ⵏ ⵜⵎⴰⴳⵔⴰⵡⵜ ⵏ ⵖⵔⵎⴰⵜⵉⵏ ⴷⵉⵡⴰⵏⴽⵏ ⵉⵙⴳⴰⵡⴰⵏⵏ ⵉⵎⵓⵏⵏ ⵉⴼⵔⵉⵇⵉⵏ ⴰⴼⴰⴷ ⴰⴷ ⵎⵢⴰⴷⴰⵙⵏ ⵉⴳⵎⴰⵎⵏ ⵉ ⵜⵏⴰⴼⵓⵜⵉⵏ ⵏ ⵜⵏⴼⵍⵉⵜ ⴷ ⵓⵎⵢⴰⴷⴰⵙ ⴰⴼⵔⵉⵇⵉ