ⵉⵏⵏⴰ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙⴷ ⴰⴳⵔⴰⵡ ⴰⴷ ⵉⴷⴷⴰⴷ ⴳ ⵓⵙⴰⵜⵉ ⵏ ⵡⴰⵏⵏⴰⵍ ⴰⴳⵍⴷⴰⵏ ⵏⵏⴰ ⵉⴼⴽⴰ ⵉ ⵜⵖⴰⵡⵙⵉⵡⵉⵏ ⵏ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⴷ ⵓⵙⴱⵓⵖⵍⵓ ⵏ ⵡⴰⴷⴷⴰⴷ ⵏⵏⵙⵏ .
ⴳ ⵓⵙⵏⵜⵉ ⵏ ⵓⴳⵔⴰⵡ ⴰⴷ ⵉⵙⵙⴽⵯⵜⵉ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵙ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⴳ ⴽⵉⴳⴰⵏ ⵏ ⵉⵏⴰⵡⵏ ⵉⴳⵍⴷⴰⵏⵏ , ⴰⵎⴳⴳⴰⵔⵓ ⴳⵉⵙⵏ ⵙ ⵜⵎⵍⴷⴰ ⵡⵉⵙⵙ 69 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵓⵖⵔⴼ, ⵏⵏⴰ ⵉⵙⴽⴰⵏ ⴼ ⵜⵙⵔⵜⵉⵜⵉⵏ ⵏⵏⴰ ⵔⴰⴷ ⵉⵜⵜⵓⵙⵎⵔⵙ ⵉ ⵓⵏⴱⴱⵕ ⵏ ⵜⵖⴰⵡⵙⵉⵡⵉⵏ ⵏ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⴰⴼⴰⴷ ⴰⴷ ⵎⵢⴰⵎⴰⵥⵏ ⴷ ⵜⵎⴰⴳⵉⵜ ⵏⵏⵙⵏ , ⴷ ⵜⵉⵍⴰⵍ ⵏⵏⵙⵏⵏ ⴳ ⵜⵏⴼⵍⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ .
ⵎⴽⵍⵍⵉ ⵉⵙⵙⵖⵥⵏ ⵎⴰⵙⴷ ⵙⴳ ⵜⵖⴰⵡⵙⵉⵡⵉⵏ ⵍⵍⵉⴷ ⵉⵣⵡⴰⵔⵏ, ⴰⵣⴷⴰⵢ ⴰⴷⵍⵙⴰⵏ ⴷ ⵓⵏⵉⵎⴰⵏ ⵉ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⴷ ⵓⵙⴽⴽⵉⵔ ⵏ ⵜⵎⴰⵎⴽⵉⵏ ⵏ ⵓⴹⴼⵓⵕ ⵏ ⵜⵣⵎⵎⴰⵔ ⵏ ⵜⴰⵔⵡⴰ ⵏ ⵉⵎⵖⵔⵉⴱⵉⵏ ⴰⴷ ⵉⵎⵣⵡⴰⴳⵏ, ⴷ ⵡⴰⵏⵏⴰⵍ ⵏ ⵜⵙⵏⵜⴰⵢⵉⵏ ⴷ ⵉⵙⵏⴼⴰⵕⵏ, ⴷ ⵓⵙⵉⵎⵖⵓⵔ ⴳ ⵉⴳⵔ ⵏ ⵓⵙⵙⵔⵏⵓ ⴰⵎⴰⵢⵏⵓ .
ⵎⴽⵍⵍⵉ ⵍⵍⴰⵏⵜ ⵜⵓⵎⵍⴰⵢⵉⵏ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉ ⵉⵎⵙⵜⴳⴳⴰⵔⵏ ⵏ ⵜⵙⵏⵓⵔⴰⵢⵉⵏ ⴷ ⵉⵏⵎⴰⵍⵍⵓⵜⵏ ⴰⴼⴰⴷ ⴰⴷ ⵙⵔⴱⵉⵏ ⵉⵙⵏⴼⴰⵕⵏ ⵏ ⵡⴰⵏⵏⴰⵍ ⵏ ⵉⵏⵎⵖⵔⵉⴱⵉⵏ ⵏ ⴱⵕⵕⴰ, ⴳ ⵓⴳⵯⵏⵙ ⴷ ⴱⵕⵕⴰ ⵏ ⵜⴰⵎⵓⵔⵜ, ⴰⴼⴰⴷ ⴰⴷ ⵜⵜⵓⵙⵎⴰⵔⵏⵜ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ , ⴰⴼⴰⴷ ⴰⴷ ⵉⵍⵉⵏⵜ ⵜⵙⵏⵓⵔⴰⵢⵉⵏ ⴷ ⵉⵙⵏⴼⴰⵕⵏ ⴳ ⵓⵙⵙⵓⵜⵔ ⵏ ⵉⵎⵖⵔⵉⴱⵉⵏ ⵏ ⴱⵕⵕⴰ .
ⴳ ⵜⵙⴳⴰ ⵢⴰⴹⵏ, ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵎⴰⵙ ⵉⵙⵙⵎⵖⵔ ⵙ ⴱⵔⵔⴽ ⴰⵜ 2022 ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵜⵣⵎⵎⴰⵔ ⵏ ⵡⴰⵏⵏⴰⵍ ⴰⴳⵍⴷⴰⵏ ⵏ ⴱⴰⴱ ⵏ ⵡⴰⴷⴷⵓⵔ, ⵏⵏⴰ ⵉⵙⵙⵏⵏ ⴰⴽⵛⵛⵓⵎ ⵏ 2.8 ⵎⵍⵢⵓⵏ ⵏ ⵉⵏⵎⵎⵓⴷⴷⴰ ⴰⵙⴳⴳⵯⴰⵙ ⴰⴷ, ⵓⵟⵟⵓⵏ ⴰⴷ ⵢⵓⵜⵉ ⵡⴰⵍⵍⵉ ⵜⵜ ⵉⵏⵏ ⵉⴽⴽⴰⵏ ⴹⴰⵕⵜ ⵏ ⵜⵎⴰⴹⵓⵏⵜ ⵏ ⴽⵓⵕⵓⵏⴰ .
ⵢⵉⵏⵉ ⵓⵎⴰⵡⵙⴰⵙ ⵎⴰⵙⵙ ⴱⵓⵕⵉⵟⴰ ⵎⴰⵙⴷ ⵉⵏⴰⵡ ⴰⴳⵍⴷⴰⵏ ⵏ 20 ⵖⵓⵛⵜ 2022 ⵉⴷⴰⴷⴷ ⵙ ⵜⵎⵢⴰⴷⴰⵙⵜ ⵜⴰⵎⴰⵢⵏⵓⵜ ⵏⵏⴰ ⵉⴽⴰⵏ ⵢⴰⵜ ⵜⴽⴰⵕⴹⴰ ⵏ ⵓⴱⵔⵉⴷ ⵏⵏⴰ ⵉⵙⵖⴰⵡⵙⴰⵏ ⵙ ⵉⵏⵎⵎⵓⴷⴷⴰ ⵉⵎⵖⵔⵉⴱⵉⵏ ⴳ ⴱⵕⵕⴰ ⵏⵏⴰ ⵉⵙⵓⵍⵏ ⴰⵙⴳⴳⵯⴰⵙ ⴽⵓⵍⵍ ⵎⴰⵛⵉ ⵖⴰⵙ ⴳ ⵜⵉⵣⵉ ⵏ ⵓⵙⵏⵓⴱⴳ ⴳ ⵓⵏⴱⴷⵓ .
ⵎⴽⵍⵍⵉ ⵉⵏⵏⴰ ⵎⴰⵙ ⵍⵍⴰⵏⵜ ⵜⵣⵎⵎⴰⵔ ⵢⴰⵜⵜⵓⵢⵏ ⴰⴼⴰⴷ ⴰⴷ ⵉⴱⵓⵖⵍⵓ ⵡⴰⴷⴷⴰⴷ ⵏ ⵉⵏⵎⵎⵓⴷⴷⴰ ⴰⴷ , ⴷ ⵓⵙⵔⴱⵉ ⵏ ⵓⵣⵣⵓⴳⵣ ⵏ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⵏⵏⴰ ⵉⵙⵖⴰⵡⵙⴰⵏ ⵙ ⵜⵡⵡⵓⵔⵉ ⵉⴷⵓⵙⵏ ⵙⴳ ⴷⴰⵔ ⵜⵎⵔⵙⴰⵍ ⵜⵓⵏⴱⵉⴹⵉⵏ ⴰⴽⴽⵯ .
ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ, ⴷ ⵓⵎⴰⵡⵙⴰⵙ ⵏ ⵓⵙⵙⵍⵎⴷ ⴰⵎⴰⵜⴰⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⴷ ⵜⵎⴰⵡⵙⴰⵙⵜ ⵏ ⵡⴰⵙⵙⴰⵢ ⴷ ⵍⵍⵉⵊⵉⵙⵜⵉⴽ, ⴷ ⵓⵎⴰⵡⵙⴰⵙ ⵏ ⵜⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴷ ⵓⵎⴰⵡⵙⴰⵙ ⴰⵎⴰⵡⴰⵙ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏⵏⴰ ⵉⴳⴰⵏ ⴰⵎⵙⵜⴳⴳⴰⵔ ⵙ ⵓⵙⵙⵔⵏⵓ ⴷ ⵓⵙⵙⴰⵜⵉⴳ ⵏ ⵜⵙⵔⵜⵉⵜⵉⵏ ⵜⵉⵎⵓⵏⴰⵏⵉⵏ .
ⵎⴽⵍⵍⵉ ⴳⵉⵙ ⵉⵍⵍⴰ ⵓⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵙⵏⵜⵉⵜⵏ ⵏ ⵍⵎⵖⵔⵉⴱ, ⴷ ⵓⵏⵙⵙⵉⵅⴼ ⵏ ⵉⵎⵖⵔⵉⴱⵉⵏ ⵏ ⴱⵕⵕⴰ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵏ ⵜⴰⵏⴰⵎⵓⵔⵜ ⵏ ⵜⵙⵃⴹⴰⵡⵜ ⵏ ⵜⵓⵙⴽⵉⵡⵉⵏ ⴷ ⵜⴽⴰⵕⴹⵉⵡⵉⵏ, ⴷ ⵓⵙⵏⴰⵎⵎⴰⵙ ⵏ ⵜⴳⵍⴷⵉⵜ , ⴷ ⵜⵏⵙⵙⵉⵅⴼⵜ ⵏ ⵓⵏⵎⴰⵍⵍⵓ ⴰⵎⵖⵔⵉⴱⵉ ⵏ ⵓⴳⴰⴷⴰⵣ ⵏ ⵉⵙⴼⵍⵙⵏ,ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ , ⴷ ⵓⴳⵎⴰⵎ ⵏ ⵓⵏⵎⴰⵍⵍⵓ ⵏ ⵓⵏⴰⴱⴽ ⵏ ⵍⵎⵖⵔⵉⴱ, ⴷ ⵜⵙⵎⵉⵔⵉⵜ ⵜⵓⵏⴱⵉⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ,ⴷ ⵓⴳⵎⴰⵎ ⴳ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵓⵏⴱⴱⵕ .