ⵉⵎⴷⵔⴰⵡⵏ ⵏ ⵜⵉⵏⴰⵡⵜ ⴷⴷⵅ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵜⴰⵜⵉⵇⵏⵉⵜ ⵏ ⵓⵙⵍⵍⵉⵥⵕ ⵙ ⵜⴷⵔⴰⵡⵜ ⴷ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵜⵉⵇⵏⵉⴼ ⵓⵙⵏⵜⵍ ⵏ ⵓⵙⴷⵓⵙ ⵏ ⵓⵡⵏⵏⵉ ⵏ ⵙⴱⴱⴰⵏⵢⴰ ⴳ ⵎⴰⴷ ⵉⵥⵍⵉⵏ ⵙ ⵓⵙⵏⴱⴹ ⴰⵏⵉⵎⴰⵏ ⵏ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵏ ⵜⵎⴰⵣⵉⵔⵜ ⵏⵏⵖ , ⵉⴳ ⵎⴰⵢⴰⵏ ⵢⴰⵏ ⵓⵏⴼⴰⵍ ⴷ ⵓⴱⵔⵉⴷ ⵢⴰⴷⵏ ⴰⵎⵣⵔⵓⵢⴰⵏ ⴳ ⵜⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⴷ ⵉⵜⴳⴰⵔⵏ ⴰⴽⴽⵯ ⵉⴷⵉⴱⵍⵓⵎⴰⵙⵉⵏ ⵏⵏⴰ ⵉⵜⵜⵓⴹⴼⵕⵏ ⴳ ⵉⴳⵔ ⴰⴷ .
ⴳ ⵜⵙⴳⴰ ⵏⵏⵙ, ⵉⵏⵏⴰ ⵓⵎⵣⵔⵓⵢⴰⵏ ⴷ ⵓⵎⵔⵣⵓ ⴳ ⵜⵣⴷⴰⵢⵉⵏ ⵜⵉⵎⵖⵔⵉⴱⵉⵢⵢⵉⵏ ⵜⵉⵙⴱⴱⴰⵏⵉⵢⵢⵉⵏ ⵎⴰⵙⵙ ⵄⵍⵉ ⵔⵔⵉⵙⵓⵏⵉ ⵍⵉⴷⵔⵉⵙⵉ ⵍⵃⴰⵙⴰⵏⵉ ,ⵎⴰⵙⴷ ⴰⵙⵏⴱⴹ ⴰⵏⵉⵎⴰⵏ ⵏⵏⴰ ⵉⵙⵙⵓⵜⵔ ⵍⵎⵖⵔⵉⴱ ⴰⴼⴰⴷ ⴰⴷ ⵉⴼⵓⴽⴽⵓ ⴰⵎⵓⴽⵔⵉⵙ ⵏⵏⴰ ⵉⵜⵜⵓⵙⴽⴰⵔⵏ ⴳ ⵎⴰⴷ ⵉⵥⵍⵉⵏ ⵙ ⵜⵏⵣⴷⵔⵓⴼⵜ ⵜⴰⵎⵖⵔⵉⴱⵉⵜ ⵜⴳⴰ ⵢⴰⵏ ⵓⴼⵙⵙⴰⵢ ⵏ ⵜⵉⴷⵜ ⵎⴽⵍⵍⵉ ⵉⵏⵏⴰ ⵎⴰⵙⴷ ⵍⵎⵖⵔⵉⴱ ⵉⵎⵓⵔⵙ ⴳ ⵉⴳⵔ ⴰⴷ ⵙⴳ ⵓⵙⵖⵥⵏ ⵏ ⵜⵎⵜⵜⴰ ⵉⵎⵓⵏⵏ ⴳ ⵓⵙⴰⵜⵉ ⵏ ⵓⵙⵜⴳⴳⵔ ⵏⵏⵙ ⵅⴼ ⵉⴽⴰⵍⵉⵡⵏ ⵏ ⵜⵏⵣⵔⵓⴼⵜ ⵏⵏⵙ
ⵉⵙⵎⵖⵕ ⴰⵡⴷ ⵙ ⵡⴰⵏⵏⴰⵍ ⵏ ⵙⴱⴱⴰⵏⵢⴰ ⵉ ⵓⵙⵏⵜⵍ ⴰⴷ ⵏ ⵓⵙⵏⴱⴹ ⴰⵏⵉⵎⴰⵏ, ⵉ ⵜⵎⵓⵔⴰ ⵏ ⵉⴼⴼⵓⵙ ⵏ ⵍⵎⵖⵔⵉⴱ, ⵎⴰⵙ ⵉⴳⴰ ⵢⴰⵏ ⵓⴼⵙⵙⵙⴰⵢ ⴷ ⵢⵓⵙⴰⵏ ⵎⴽⵍⵍⵉ ⵉⵏⵏⴰ ⴰⵡⴷ ⵉⵎⵓⵔⵙⵏ ⵏⵏⴰ ⵉⵙⴽⵔ ⵍⵎⵖⵔⵉⴱ ⴳ ⵉⴳⵔ ⴰⴷ .
ⵎⴽⵍⵍⵉ ⵉⵏⵏⴰ ⵓⵎⵔⵣⵓ ⴷ ⵓⵙⵍⵎⴰⴷ ⴳ ⵓⵎⵣⵔⵓⵢ ⴳ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⵏ ⵕⵕⴱⴰⵟ ⵏⵓⵕⴷⴷⵉⵏ ⴱⵍⵍⵃⴷⴷⴰⴷ, ⵎⴰⵙ ⵙⴽⵔⵏ ⵉⴳⵍⴷⵓⵏⵏ ⵜⴰⵖⵏⵙⴰ ⵉⴷⵓⵙⵏ ⴼ ⵜⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴷ ⵓⵎⵙⴰⴷⴷⴰⵔ ⴳⵔ ⵓⴷⴰⴱⵓ ⴷ ⵓⵖⵔⴼ .
ⵉⵣⴰⵢⴷ ⵎⴰⵙⵙ ⴱⵍⵍⵃⴷⴰⴷⴷ, ⵉⵏⴰⵏ ⵎⴰⵙⴷ ⵜⴰⵖⵏⵙⴰ ⴰⴷ ⵜⵙⵓⵍ ⵓⴽⴰⵏ ⵙⵓⵍ ⴳ ⵓⵣⵎⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵙⴳ ⵉⵏⵇⵇⵉⵙⵏ ⵉⵎⴰⴹⵍⴰⵏⵏ ⵏ ⵜⵎⴰⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⵏⵏⴰ ⵉⵙⵏⵉⵍⵏ ⵜⴰⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵉ ⵍⵎⵖⵔⵉⴱ,ⵙⴳ ⴳⵉⵙⵏⵜ ⵜⴰⵎⵜⵜⴰ ⵉⵎⵓⵏⵏ .
ⴳ ⵜⵙⴳⴰ ⵏⵏⵙ,ⵉⵏⵏⴰ ⵓⵎⵔⵣⵓ ⴳ ⵜⵎⴰⵙⵙⴰⵏⵉⵏ ⵏ ⵜⵙⵔⵜⵉⵜ ⴳ ⵡⴰⵎⵎⴰⵙ ⴰⵎⵖⵔⵉⴱⵉⵏ ⵜⵣⵔⴰⵡⵉⵏ ⴷ ⵉⵔⵣⵣⵓⵜⵏ, ⵎⴰⵙⵙ ⵄⴱⴷⵍⴼⵜⵜⴰⵃ ⵏⴰⵄⵓⵎ, ⵎⴰⵙⴷ ⴰⵏⵏⴰⵍ ⵏ ⵙⴱⴱⴰⵏⵢⴰ ⵉ ⵓⵙⵏⴱⴹ ⴰⵏⵉⵎⴰⵏ ⵏ ⵜⵖⵔⵎⵉⵏ ⵏ ⵉⴼⴼⵓⵙ ⵜⴳⴰ ⵢⴰⵏ ⵓⵜⴳⴰⵔ ⴰⵎⴰⵢⵏⵓ ⴳ ⵎⴰⴷ ⵉⵥⵍⵉⵏ ⵙ ⵓⵎⵓⴽⵔⵉⵙ ⵏ ⵜⵏⵣⵔⵓⴼⵜ ⵉⴳ ⵢⴰⵏ ⵓⴷⵎ ⵏ ⵜⴳⵍⴷⵉⵜ ⵎⵏⵉⴷ ⵏ ⵉⵎⵙⵜⴳⴳⴰⵔⵏ ⵉⵎⴰⴹⵍⴰⵏⵏ .
ⵓⵔ ⵜⵙⵏⵉⵍ ⵙⴱⴱⴰⵏⵢⴰ ⵖⴰⵙ ⴰⵙⵏⴱⴹ ⴰⵏⵓⵉⵎⴰⵏ ⵎⴰⵛⴰⵏ ⵜⵏⵣⵖ ⴰⵡⴷ ⴼ ⵜⵏⴼⵔⵓⵜ ⴷ ⵓⴼⵔⴰ ⴳ ⵜⵖⵔⵎⵉⵏ ⵏ ⵉⴼⴼⵓⵙ .