ⴰⵙⵇⵉⴹⵓⵏ ⴰⴷ ⵉ ⵜⵜⵓⵖⴰ ⵜⵜⵇⵇⵍⵏ ⴽⵔⴰ ⵏ ⵙⵉⵏ ⵉⵙⴳⴳⵓⵙⴰ ⵙ ⵓⵙⵔⴰⴳ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ, ⵜⵜⴰⵙⵏ ⴷ ⵖⵔⵙ 50 ⵏ ⵓⵔⴱⴰ, ⵣⵣⴰⴳⵙ 14 ⵏ ⵜⵃⵏⵊⵉⵔⵜ, ⴰⵇⵇⴰ ⵜⵏ ⵏⴳⵔ 07 ⴷ 14 ⵏ ⵓⵙⴳⴳⵯⴰⵙ.
13 ⵏ ⵓⵎⵙⵙⴰⵜⵉ ⴰⵢ ⵉⵜⵜⴱⴷⴷⴰⵏ ⵅⴼ ⵓⵙⵙⴰⵜⵉ ⴷ ⵓⵙⵎⵓⵙⵙⵓ ⵏ ⵓⵎⵙⴰⴳⴰⵔ ⴰⴷ ⴰⵙⵙⴳⵎⴰⵏ ⴷ ⵓⵙⵓⵔⴰⵔ, ⴳⴰⵏ ⵉⵣⵣⵓⵍⴰⵏⵏ ⴳ ⵓⵙⵎⵓⵙⵙⵓ ⴰⵙⴳⵎⴰⵏ, ⵣⵣⴰⴳⵙⵏ 10 ⵏ ⵉⵙⵎⵓⵏⵏ, ⵖⵔⵙⵏ ⵉⵙⵍⴽⵉⵏⵏ ⴷ ⵜⵉⵔⵎⵉⵜ, ⵙ ⵓⵔⴰⵇⵇ ⵏ ⵓⵙⵎⵓ/ⵜⵙⵎⵓⵏⵜ, ⴰⴽⴷ 03 ⵏ ⵉⵙⵍⵎⴰⴷⵏ ⵉⵎⵙⵙⴰⵜⵢⵏ ⵥⵍⵉⵏ ⴳ ⵓⵥⴰⵡⴰⵏ, ⴰⵎⵣⴳⵓⵏ ⴷ ⵜⵓⵏⵏⵓⵏⵜ.
ⴰⵎ ⵉⵙⴳⴳⵓⵙⴰ ⵉ ⵉⵣⵔⵉⵏ, ⵉⵜⵜⵡⴰⴳⴳ ⵉⵊⵊⵏ ⵓⵖⴰⵡⴰⵙ ⵉⴱⵖⵔ, ⵉⵜⵜⵏⵊⴱⴰⴷ ⴼ ⵓⵙⵙⴰⵏ ⵏ ⵓⵙⵇⵉⴹⵓⵏ ⴰⴷ ⵏ ⵓⵏⴱⴷⵓ, ⵎⴰⵏⵉ ⵔⴰⴷ ⵉⵍⵉⵏ ⵜⴰⵔⵡⴰ ⵏ ⴰⵢⵜ ⵉⵎⵙⵡⵓⵔⵉⵢⵏ ⴳ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵏ ⵉⵏⵖⵎⵉⵙⵏ ⴷ ⴽⵉⴳⴰⵏ ⵏ ⵉⵎⵓⵙⵙⵓⵜⵏ ⵉⵙⵎⵓⵏⴰⵏ ⵏⴳⵔ ⵜⵓⵔⴰⵔⵉⵏ ⴷ ⵓⵣⴳⵏⴼⵉ, ⴷ ⵓⵎⵃⵉⵣⵡⴰⵔ ⴷ ⵓⵙⴱⵖⵉ ⵅⴼ ⵓⵙⵏⴼⵍⵓⵍ, ⴷ ⵓⵙⵙⵎⵖⵔ ⵙⴳ ⵢⵉⵎⴰⵏ ⵏ ⵜⴳⵔⴰⵡⵜ, ⵜⴰⵡⵉⵣⴰ ⴷ ⵜⴰⴳⵎⴰⵜ.
ⴰⵎⵎⵓ, ⴰⵖⴰⵡⴰⵙ ⵏ ⵓⴳⴰⵍⵓⴼ ⴰⵙⴳⵎⴰⵏ ⵏ ⵓⵙⵇⵉⴹⵓⵏ ⴰⴷ ⵔⴰⴷ ⴼⵍⵍⴰⵙ ⵜⴱⵉⴷⴷ ⵢⴰⵜ ⵜⵔⴰⴱⴱⵓⵜ ⴷ ⵜⴰⵣⵣⵓⵍⴰⵏⵜ ⵙⴳ ⵜⵎⵔⵙⵍⵜ ⵏ ⵜⵙⵏⵓⵔⴰⵢⵜ ⵏ ⵍⵎⵖⵔⵉⴱ ⵏ ⵉⵏⵖⵎⵉⵙⵏ, ⴰⴷ ⴳⴳⵏ ⵛⴰ ⵏ ⵜⵙⴰⵡⵓⵔⵉⵏ, ⴰⴷ ⴽⵙⵉⵏⵜ ⵙ ⵜⴰⵢⵏⵉⵜ ⵜⵉⵏⴼⴽⴰⵢⵉⵏ ⵏ ⵉⴼⵔⵓⵅⵏ ⴰⴷ (ⴽⵓⵔⴰⵍ, ⴰⵥⴰⵡⴰⵏ, ⴰⵎⵣⴳⵓⵏ…) ⴷ ⵉⵎⵓⵙⵙⵓⵜⵏ ⵏ ⵜⵓⵏⵏⵓⵏⵜ ⵏⵏⵉⴹⵏ, ⴷ ⵜⵎⵙⵙⵉⵔⵉⴷⵉⵏ ⴳ ⵓⵛⵓⵛⴼ, ⴷ ⵓⴼⵓⵖⵏ ⵙ ⵡⵓⴷⴷⵉⵙ ⴰⵙⵓⵔⴰⵔ « ⴱⴰⵍⵓⵣⴰ ⵍⴰⵏⴷ » ⴷ ⵜⵔⵣⵣⵉⴼⵉⵏ ⵙ ⵜⵖⵔⵎⵜ ⵏ ⵎⵕⵕⴰⴽⵛ ⴷ ⵜⵙⴳⴰ ⵏⵏⵙ, ⴷ ⵉⵙⴰⵢⵔⴰⵔⵏ ⵉⵣⴳⵣⴰⵡⵏ ⴷ ⵉⴷⵔⵉⵣⵏ ⵉⵎⵣⵔⵓⵢⴰⵏⵏ ⴷ ⵓⴳⴰⵎⴰ ⴳ ⵜⵎⴷⵣⵉⵏⵜ ⵜⴰⵣⴳⴳⵯⵖⵜ.
ⴷⵉ ⵜⵎⴷⴷⵉⵜ ⵜⴰⵎⴳⴳⴰⵔⵓⵜ, ⴰⴷ ⵜⵜ ⴳⴳⵏ ⵜⴰⵔⵡⴰ ⵏ ⴰⵢⵜ ⵉⵎⵙⵡⵓⵔⵉⵢⵏ ⴳ ⵜⵙⵏⵓⵔⴰⵢⵜ ⵏ ⵍⵎⵖⵔⵉⵏ ⵉ ⵉⵏⵖⵎⵉⵙⵏ ⵏⵏⴰ ⵉⵙⵜⴰⴼⴷⵏ ⵙⴳ ⵉⵙⵇⵉⴹⵓⵏ ⴰⴷ ⵏ ⵓⵏⴱⴷⵓ
ⵏⵣⵎⵎⵔ ⴰⴷ ⵏⵉⵏⵉ ⵎⴰⵙ ⴷ ⵉⵙⵇⵉⴹⵓⵏⵏ ⵏ ⵓⵏⴱⴷⵓ ⵏⵏⴰ ⵜⵙⴽⴰⵔ ⴽⵓ ⴰⵙⴳⴳⵯⴰⵙ ⵜⴰⵙⵏⵓⵔⴰⵢⵜ ⵏ ⵍⵎⵖⵔⵉⵏ ⵉ ⵉⵏⵖⵎⵉⵙⵏ, ⵢⴰⵏ ⵓⵙⴰⵢⵔⴰⵔ ⵏ ⵓⵏⵏⵓⵕⵥⵎ ⴷ ⵓⵙⴳⵎⵉ ⵅⴼ ⵡⴰⵜⵉⴳⵏ ⵏ ⵜⵏⴰⵎⵓⵔⵜ, ⴰⵙⵙⵎⵖⵔ ⵙⴳ ⵢⵉⵎⴰⵏ ⵏ ⵓⵙⵏⴼⵍⵓⵍ, ⴷ ⵢⵉⵎⴰⵏ ⵏ ⵜⵡⵉⵣⴰ ⴷⴰⵔ ⵡⴰⵣⵣⴰⵏⵏ.