ⵉⵏⴰⵏ ⵓⵙⵉⵡⴹ ⵏ ⵓⵙⵉⵔⴰ ⴰⵏⴰⵎⵎⴰⵙ ⵏ ⵉⵔⵣⵣⵓⵜⵏ ⵏ ⵓⵙⵏⵏⴱⴹⵉ ⵎⴰⵙ ⵉⵙⴱⵉⴷⴷ ⴰⵖⵡⵡⴰⵖ ⴷⴷⵅ ⴳ ⵜⵖⵔⵎⵜ ⵏ ⵜⵉⵟⵟⴰⵡⵉⵏ ⵙ ⵜⵣⵎⵎⴰⵔ ⵏ ⴰⵢⵜ ⵜⵏⴼⵔⵓⵜ ⴷ ⵓⴼⵔⴰ ⴰⵏⴰⵎⵓⵔ ⵏⵏⴰ ⵉⵙⵡⵓⵔⵉⵏ ⴳ ⵓⵙⵉⵔⴰ .
ⵙⴳ ⵜⵓⵎⵍⴰⵢⵉⵏ ⵜⵉⵎⵣⵡⵓⵔⴰ ⵏ ⵓⴳⴳⵉⵡⵙ, ⵉⵣⴰⵢⴷ ⵓⵙⵉⵡⴹ ⵉⵏⵏⴰ ⵎⴰⵙⴷ ⴰⴳⵎⴰⵎ ⴷⴷⵅ ⵏⵏⴰ ⵉⵡⴰⵍⴰⵏ ⵉ ⵓⵏⵎⴰⵍⵍⵓ ⵏ ⴷⴰⵄⵉⵛ ⴰⵔ ⵉⵓⵣⵣⵓⵔ ⵉⵜⵙⵏ ⵏ ⵉⵙⵡⵉⵏⴳⵉⵎⵏ ⵏ ⵜⵖⵡⵡⴰⵖⵜ ⴳ ⵡⴰⵎⵎⴰⵙ ⵏ ⵡⴰⵎⵓⵏ ⴰⵎⵖⵔⵉⴱⵉ ⴷ ⵍⵍⵉⵖ ⴰⵔ ⵉⵜⵜⵎⵓⵙⵙⵓ ⴰⵡⴷ ⴳ ⵉⵏⵙⴰⵜⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⴰⴼⴰⴷ ⴰⴷ ⵉⵙⴽⵔ ⵢⴰⵏ ⵓⵏⵎⴰⵍⴰ ⵏ ⵜⵖⵡⵡⴰⵖⵜ ⴳ ⵜⵎⴰⵣⵉⵔⵜ ⵏⵏⵖ .
ⵉⵏⵏⴰ ⵓⵙⵉⵡⴹ ⵎⴰⵙ ⵉⵜⵜⵢⴰⵎⴰⵥ ⵓⴳⵎⴰⵎⴰ ⴷⴷⵅ ⴷⴼⴼⵉⵔ ⵏ ⴽⵉⴳⴰⵏ ⵏ ⵉⵔⵣⵣⵓⵜⵏ ⵏⵏⴰ ⵖⵉⴼⵙ ⵉⵜⵜⴰⵡⵙⴽⴰⵔⵏ,ⵉⵔⵣⵣⵓⵜⵏ ⴷ ⵓⴳⴳⵉⵡⵙ ⴷⴷⵅ ⴷⴷⵓ ⵜⵓⵎⵍⴰⵢⵉⵏ ⵏ ⵓⵎⴰⵔⵉⵙ ⴰⵏⴰⵎⵎⴰⵙ ⵏ ⵉⵔⵣⵣⵓⵜⵏ ⵏ ⵓⵙⵏⵏⴱⴹⵉ ⴰⴼⴰⴷ ⴰⴷ ⵙⵙⵏⵏ ⵓⴳⴳⴰⵔ ⵅⴼ ⵜⵖⵡⵡⴰⵖⵜ ⵏⵏⴰ ⵉⵔⴰ ⵓⴳⵎⴰⵎ ⴰⴷ ⴰⴷ ⵙⵜⵜ ⵉⵙⴽⵔ ⵍⵍⵉⵖ ⵉⵡⴰⵍⴰ ⵉ ⴽⵔⴰ ⵏ ⵉⵏⵎⴰⵍⵍⵓⵜⵏ ⵏ ⵜⵖⵡⵡⴰⵖⵜ ⴳ ⵓⴳⵏⵙ ⵏ ⵍⵎⵖⵔⵉⴱ ⴷ ⴱⵕⵕⴰ ⵏⵏⵙ .
ⵉⴳⴳⵯⵔⴰ ⵓⵙⵉⵡⴹ ⵉⵏⵏⴰ ⵎⴰⵙⴷ ⵙ ⵜⵣⵎⵎⴰⵔ ⵏ ⴰⵢⵜ ⵜⵏⴼⵔⵓⵜ ⵏ ⵓⵃⵟⵟⵓ ⴰⵏⴰⵎⵓⵔ ⴰⵙ ⵉⵜⵜⵓⵙⴱⴷⴷ ⵓⴳⵎⴰⵎ ⴰⴷ ⵉⴳⴰⵏ ⴰⵖⵡⵡⴰⵖ , ⵍⵍⵉⵖ ⴰⵔ ⵙⴽⴰⵔⵏ ⴽⵉⴳⴰⵏ ⵏ ⵜⵣⵎⵎⴰⵔ ⴰⴼⴰⴷ ⴰⴷ ⵃⴹⵓⵏ ⵜⴰⵏⴼⵔⵓⵜ ⵏⵣⵖⵏ ⵅⴼ ⴽⵓ ⵎⴰⴷ ⵉⵔⴰⵏ ⴰⴷ ⵉⵙⴽⵔ ⵜⴰⵖⵡⵡⴰⵖⵜ ⴳ ⵜⵎⴰⵣⵉⵔⵜ ⵏⵏⵖ ⵏ ⵍⵎⵖⵔⵉⴱ .